19/02/2026
A cikin wani babban birni, an buɗe wani katafaren shago na musamman domin “sayar da mata”, inda mazaje za su iya zuwa su zaɓi matar aure da kansu.
A bakin ƙofar shiga shagon anyi bayanin wasu ƙa’idoji kan yadda ake gudanar da cinikayya a cikin shagon:
Namiji yana da damar shiga wannan shagon sau ɗaya kacal.
Zai iya zaɓar mace daga kowane bene, k**a daga hawa na ɗaya har zuwa na kololuwar karshe.
Amma kuma ba a yarda ya sauko bene na ƙasa ba idan ya wuce shi.
Sai wani mutum ya shiga shagon domin neman matar aure.
A ƙofar bene na farko, sai ya ga an rubuta: “Matan da suke ajiye a nan suna da aikin yi, sannan kuma suna da tsoron Allah.”
Sai ya wuce ya hau bene na biyu, ya ga an rubuta: “Matan nan suna da aikin yi, masu tsoron Allah ne, kuma suna kaunar dangin mijinsu.”
Sai ya wuce zuwa bene na uku, ya ga an rubuta: “Matan nan suna da aikin yi, masu tsoron Allah ne, suna kaunar dangin mijinsu, kuma sun mallaki duk abinda ake bukata game da cikakkiyar siffar mace.”
Ya kusa ya tsaya a nan saboda siffofin sun burge shi sosai, amma sai ya ci gaba da hawa zuwa bene na gaba.
Sai ya isa bene na huɗu, ya ga an rubuta: “Matan nan suna da aikin yi, masu tsoron Allah ne, suna kaunar dangin mijinsu, suna da cikakkiyar siffar da ake bukata a wajen mace, kuma suna taimakawa mazajensu wajen hidindimun kuɗi.”
Sai ya yi mamaki sosai, ya ce a ransa: “Kai! Wannan abun birgewa ne… amma bari na duba zuwa hawa na gaba.”
Sai ya hau bene na biyar, ya ga an rubuta: “Matan nan suna da aikin yi, masu tsoron Allah ne, suna kaunar dangin mijinsu, suna da cikakkiyar siffar da ake bukata a wajen mace, suna taimakawa mazajensu ta bangaren hidindimun kuɗi, sannan kuma sun iya soyayya da tarairayar miji.”
Ya kusa ya tsaya ya zaba a wannan benen, amma sai ruwan ido ya sake tura shi zuwa bene na gaba.
Daga karshe, sai ya isa bene na shida, a can ne ya ga rubuta: “Mun gode da zuwanka… Kai ne baƙo na 4,566,789.
Babu mata a wannan benen.
An ƙirƙiri wannan bene ne domin nuna cewa mutum yana iya
