18/06/2026
Avukati Għawdex jiddikjaraw illi filwaqt li jagħtu l-appoġġ sħiħ tagħhom lill-Kamra tal-Avukati (Malta) u li jaderixxu bis-sħiħ u mingħajr riżerva mad-Direttiva Uffiċjali maħruġa minnha fis-17 ta’ Ġunju 2026, li permezz tagħha ġiet ordnata astensjoni mill-għoti ta’ servizzi legali quddiem il-Qorti ta’ Malta nhar it-Tnejn 22 ta’ Ġunju 2026 fid-dawl tal-protest ġudizzjarju ppreżentat fil-15 ta’ Ġunju 2026 dwar is-sorveljanza u r-reġistrazzjoni ta’ konversazzjonijiet privileġġjati bejn l-avukat u l-klijent fil-Faċilità Korrettiva ta’ Kordin.
Għaldaqstant, l-Avukati ta’ Għawdex jidderieġu lill-avukati kollha li jipprattikaw f’Għawdex illi d-Direttiva tal-Kamra tal-Avukati (Malta) għandha testendi wkoll għall-Qorti ta’ Għawdex u għas-seduti kollha previsti nhar it-Tnejn 22 ta’ Ġunju 2026 quddiem kull Qorti, Tribunal u Bord, Arbitragg jew Accessi Peritali fil-gżira ta’ Għawdex.
L-istess eżenzjonijiet għall-każijiet urġenti previsti fid-Direttiva tal-Kamra tal-Avukati bħal arranġamenti kriminali urġenti, talbiet għall-ħelsien mill-arrest (bail), rikorsi ta’ Habeas Corpus, u atti li jiskadu f’dik il-ġurnata, jibqgħu japplikaw.
Avukati Għawdex
17 ta’ Ġunju 2026
