20/10/2025
Уулзаж мөнгө зээлдэг уламжлалт аргыг сэргээе‼️
Камбож улсаас мөнгө зээлэх, хөрөнгө оруулалт босгох нэрийдлээр залилан хийдэг Солонгосчуудыг энэ сард баривчилсан. Энэ мэт “romance scam”, “pig butchering” залиланд оролцож буй нийт Солонгос хүний тоо 1000 хүн давсан талаар БНСУ-н Үндэсний аюулгүй байдлын зөвлөх мэдэгдсэн. (2025/10/15)
Дээрх хэрэгт Камбожид үйл ажиллагаа явуулж буй Хятадын гэмт хэргийн бүлэглэл байна гэж тогтоосон. Зүүн өмнөд Азид энэ мэт 200,000 хүнийг хамарсан залилангийн сүлжээ ажиллаж байгаа талаар НҮБ тооцоолсон.
“romance scam” гэж хайр сэтгэлийн харилцаа үүсгэж, дотно болсны дараа мөнгө зээлэх.
“pig butchering” гэж хуурамч криптовалют эсхүл бусад хуурамч сан зэрэгт хөрөнгө оруулалт хийхийг санал болгох.
Урьд нь google translate ашиглаж, үг, өгүүлбэрийн алдаатай харьцдаг байсан бол сүүлийн үед тухайн улсын иргэдийг ашиглан үйлдэх болсон ⚠️
Та нар санаж байвал Монголд 2019 онд Хятадын 800 гаруй хүний бүрэлдэхүүнтэй цахим залилангийн бүлэглэл Юнител, Скайтел, Жи-мобайлын 10,000 гаруй гар утасны дугаар, суурин интернетийн холболт хийлгүүлэн тус үүрэн холбоо, интернетийн холболтыг ашиглан “онлайн худалдаагаар халхавчилсан мөнгө угааж байсан”.
Энэ хэрэгт 800 хятад зүгээр алхаж орж ирээд үйлдчихээгүй. Тэдний визийг гаргахад 51 компани тусалсан. Монгол улсад бүртгэлтэй хэд хэдэн компанийн нэрээр Ланд, Лексус маркийн автомашинууд худалдан авсан, Утасны дугаар, интернет холболт тавиулсан, Буудлын захиалгуудыг хийлгэсэн. Энэ бүх үйлдэлд өвөр монгол орчуулагч(бусад) хамтран оролцсон.
Энэ мэтчилэн Монгол хүн гадаадын залилангийн бүлэгтэй хамтран залилан хийж байхыг үгүйсгэхгүй тул дор бүрнээ цахим залилангаас сэргийлнэ үү. ⚠️‼️❌
