Онч Сэцэн ХХН - O&S LLP

08/09/2024

Замын хөдөлгөөний дүрэмтэй танилцаагүй хүүхдүүд скүүтер суроныг дур дураараа замын голд, машинуудын дунд, Зарим нь урсгал сөрөөд явж байгаад бэртэж гэмтэх амиа алдах зэрэг хэрэг маш их гардаг боллоо. Уг нь дөнгөж суррон унаад цирк үзүүлээд явж эхлэхэд нь л ингэж журамлах байсан. Тэгсэн бол хэчнээн хүүхэд амиа алдахаас урьдчилан сэргийлж чадах байлаа. Хожуу ч болтугай ийм шийдвэр гарчээ. Ашгүй!!!

Хууль зүй, дотоод хэргийн яам цахилгаан скүүтер, суррон дугуй, моторт тээврийн хэрэгслээс үүдэлтэй осол гэмтлийг судалж, эрх зүйн орчныг сайжруулах үүрэг бүхий Ажл...

29/12/2023

Хэвлэл мэдээлэл ба мөрдөн шалгах үйл ажиллагаа
Мөрдөн шалгах ажиллагааны талаар хэвлэл мэдээллийн хэрэгслээр мэдээлэх нь эерэг болон сөрөг үр дагавартай. Авилгын хэргийг шалгаж эхэлсэн талаар мэдээлснээр энэ хэрэг иргэд олон нийтийн хяналтанд орох сайн тал бий. Гэтэл саяхан 12 настай охин алга болсон хэргийн мөрдөн шалгах ажиллагааны үйл явцыг Зариг.мн, сэтгүүлч Өнөрцэцэг нар дэлгэрэнгүй мэдээлсэн. Энэ нь гэмт хэрэгтнүүд хохирогч охиныг амьд үлдээх боломжийг байхгүй болгох магадлалтай гэж хуулийн байгууллага болон иргэд шүүмжлэлтэй хандаж эхэлсэн. Хэвлэл мэдээллээр мөрдөн шалгах ажиллагааны талаар мэдээлэх асуудлыг зөв зохистой зохицуулах шаардлага тулгарч байна.Гэвч улстөрчид үүнийг далимдуулж иргэдийн мэдэх эрхийг хааж боох, хэвлэл мэдээллийн эрх чөлөөг боомилж, өөрсдийн хийсэн хэргийг нуун дарагдуулах арга хэрэгсэл болгон ашиглах явдал цөөнгүй гарч байгаа. Шүгэл үлээгчдийг ямар нэг шалтаг олон шалгуулах зэргээр дарамталдаг. Жишээ нь Зоригийн хэрэгт холбогдсон Содномдаржаа Чимгээ нарын өмгөөлөгч Оюунцэцэгийн хүүд худал хэрэг үүсгэж шалгасан талаар Оюунцэцэг өмгөөлөгч мэдээлж байсан.
2002 оны Эрүүгийн хуульд мөрдөн шалгах ажиллагааны нууцыг задруулах гэмт хэргийг зөвхөн хууль сахиулагч, мөрдөгч, прокурор, шүүгчээр хязгаарлаж байсан. Энэ Эрүүгийн хуулийн 257 дугаар зүйл. Эрүүгийн хэргийн мэдээ баримтыг задруулах 257.1.Хэрэг бүртгэгч, мөрдөн байцаагч, прокурор, шүүгчийн зөвшөөрөлгүйгээр эрүүгийн хэргийн мэдээ баримтыг задруулсан бол ... гэж заасан байдаг. Харин 2015 онд батлагдсан Эрүүгийн хуулийн 21.9 дүгээр зүйл.Мөрдөн шалгах ажиллагааны нууцыг задруулах:
1.Мөрдөн шалгах ажиллагааны талаарх баримт, мэдээллийг олж мэдсэн хүн, мөрдөн шалгах ажиллагааны талаар албаны үүргийн дагуу олж мэдсэн алба хаагч, ажилтан прокурорын зөвшөөрөлгүйгээр мөрдөн шалгах ажиллагааны талаарх баримт, мэдээллийг олон нийтэд задруулсан бол ....
2.Шүүгч, прокурор, хууль сахиулагч, өмгөөлөгч, мөрдөн шалгах ажиллагааны нууцыг албаны үүргийн дагуу олж мэдсэн алба хаагч, ажилтан мөрдөн шалгах ажиллагааны нууцалсан баримт, мэдээллийг зориуд задруулж, нууцалсан гэрчийг илчилж хэрэг шалган шийдвэрлэх ажиллагаанд саад учруулсан бол ... гэж оруулсан байгаа. Энэ хуулиар томьёолохдоо өмгөөлөгчийг нэмж оруулсан байгаа нь сөрөг үр дагаварыг үүсгэж байгаа. Жишээ нь УИХ-ын гишүүн Г.Батхүү төрийн ордонд нас барсан хэргийн талаар ар гэрийнхэн нь өмгөөлөгч Батхуягтай хамт хэвлэлийн бага хурал хийсэн.Гэтэл өмгөөлөгчийг нь мөрдөн шалгах ажиллагааны нууцыг задруулсан гэж шалгаж эхэлсэн байдаг. Шалгасан үндэслэл нь “Шүүх эмнэлгийн дүгнэлт, полиграфын магадалгаа, гар утсанд хийсэн шинжилгээ хуурамч мессеж зэргийг прокурорын зөвшөөрөлгүй олон нийтэд тараасан. Бодит бус мэдээллийг тарааж хэрэг шалгахад саад учруулсан” гэсэн байдаг.
Өмгөөлөгч сэтгүүлч нар мөрдөн шалгах ажиллагааны хууль бус үйл ажиллагааг шүүмжилж илчлэхдээ баримт мэдээллийг хэвлэл мэдээллээр мэдээлсэн тохиолдолд эрүүгийн хэрэг үүсгэх нь өөрөө илтэд хууль бус юм. Харин онц ноцтой гэмт хэргийн мөрдөн шалгах ажиллагааны үйл явц бүрийг хэвлэл мэдээллээр дэлгэрэнгүй мэдээлэх нь сөрөг үр дагаварт хүргэдэг. Иймд мөрдөн шалгах ажиллагааны нууц задруулах гэмт хэрэгт энэ талаар тодорхой тусгаж, хуулийн зохицуулалтыг илүү боловсронгуй болгох шаардлагатай байна. Хуулийн зохицуулалт ерөнхий байх нь эрх мэдэлтнүүдэд хуулийг завхруулах, шүгэл үлээгчдийг эрүүгийн хариуцлагад татах боломж олгож байна.
2023.12.29 Цэнд-Аюушийн Байгалмаа

04/01/2023

НЭГ. Анх удаа амьдран суух зориулалтын орон сууцыг “хувь хүн”-ээс худалдан авсан бол эхний жилд дараах материал шаардлагатай:

Цахим тайлан тайлангийн системд автоматаар татагдана.

1. “Иргэний үнэмлэх” ХУР системээс автомат

2. “НД-ийн лавлагаа” ХУР системээс автомат

3. “Үл хөдлөх эд хөрөнгийн лавлагааг” ХУР системээс Ү-дугаараар автомат

4. “Үл хөдлөх эд хөрөнгө борлуулсны 2%-ийн татвар төлсөн баримт” /төлбөрийн даалгаварын дугаар/

Дээрх мэдээлэл нь цахим тайлангийн системд татах үйлдэл хийснээр автоматаар татагдана.

Татвар төлөгчийн бүрдүүлэх материал:

1. “Худалдах худалдан авах гэрээ”

2. “Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна.

3. Цахим тайлан гаргах, илгээх /e-tax.mta.mn/

4. Буцаан олголт авах хүсэлт /цахим тайлангийн хавсралтаар байна.

04/01/2023

Хувь хүний цалин, түүнтэй адилтгах орлого болон шууд бус орлогын албан татвар 2023 оны 01 дүгээр сарын 01-ний өдрөөс эхлэн:

жилийн 0-120 000 000 хүртэлх төгрөгийн орлого олсон тохиолдолд 10 хувиар,

120 000 001-180 000 000 хүртэлх төгрөгийн орлого олсон тохиолдолд 12 000 000 төгрөг дээр 120 000 000 төгрөгөөс дээш давсан орлогод 15 хувиар,

180 000 000 төгрөгөөс дээш орлого олсон тохиолдолд 21 000 000 төгрөг дээр 180 000 000 төгрөгөөс дээш давсан орлогод 20 хувиар нэмж тооцон албан татвар ногдуулна.

13/11/2022

Өглөөний мэнд.
Би цагдаагийн мөрдөн байцаагч байж үзсэн.

Одоо ингээд бодоход хараат бус байдал нь хамгийн их хамгаалагдаагүй субьект бол цагдаагийн мөрдөгч нар байжээ. Ерөөсөө цагдаагийн мөрдөгчийн хараат бус байдлыг хамгаалах ямар ч дэд бүтэц алга байна.
Мөрдөгч нар нийт мөрдөн шалгах ажиллагааны хамгийн их ажиллагааг хийж байна. Мөрдөгчид хэрэг шалгах үеийн хамгийн чухал шийдвэрлэх хэсгийг гүйцэтгэж байгаа. Цагдаа нараас эрүүгийн хэрэг хянан шийдвэрлэх тухай хуульд шүүгч шиг, прокурор шиг эрх үүрэг нь заагдаж орсон ганцхан хүн бол цагдаагийн мөрдөгч юм. Мөрдөгч нь шүүгч, прокурор шиг эн тэнцүү чухал хүн мөртлөө түүний хараат бус байдлыг хэн ч тоохгүй хөсөр хаясан байжээ. Мөрдөгчийг зүгээр л эргүүлд гаргаж, хамгаалалтад зогсоох зэргээр хараат бус байдалд нь гадна хэлбэрийн хувьд шууд халдаж байна.
Ер нь мөрдөгчийн хараат бус байдлыг хамгаалах нь цаагуураа хэргийн хувь заяа болоод хэргийн оролцогч нарын эрх хангагдах гээд давхар олон сайн үр дагавартай.

Тэгэхээр:

Яагаад мөрдөгч шүүгч шиг нөлөөллийн мэдүүлэг хөтөлдөг байж болдоггүй юм бэ.

Яагаад мөрдөгчийн бичсэн нөлөөллийн хуудсыг ЦЕГ шууд хүлээж аваад нөлөөлөх гэсэн этгээдийг шалгадаг байж болохгүй гэж.

Яагаад мөрдөгч рүү хэрэг асууж утсаар ярьдаг хувийн сонирхолтой өөр газар хэлтсийн том хурандаад хариуцлага тооцож болохгүй гэж.

Яагаад мөрдөгчийг шалгаж буй хэрэгтэй нь холбогдуулан өрөөндөө дуудаж уулздаг дарга хөндлөнгийн гэрч байлцуулдаг, юу ярьсан тухай протокол хөтөлдөг байж болохгүй гэж. Үүнийг биелүүлээгүй бол ёс зүйн зөрчил болдог байж яагаад болохгүй гэж.

Мөрдөн байцаагч байхад надад гаднаас гэхээс илүүтэй, дотроос мэргэжил нэгт нөхдөөс маань нөлөөлөл ирдэг байсан шүү.

22/02/2022

1 жил өнгөрөхөөс өмнө өв нээж, өвлөх гэрчилгээ авч өвлөгч нарт хөрөнгийг шилжүүлж болдог байгаа шүү.Гол нь өв залгамжлагч нар хоорондоо тохиролцож, хэнд ямар хөрөнгөө өгөхөө шийдсэн байх хэрэгтэй.Мөнгөний ханш унаж байгаа үед банкны хадгаламжийг 1 жил царцаах нь ашиггүй л дээ.