MJL Attorneys LLP

28/04/2026

ИМПОРТООР ОРУУЛЖ БАЙГАА 92 ОКТАНТАЙ АВТОБЕНЗИН БОЛОН ДИЗЕЛИЙН ТҮЛШИЙГ ГААЛИЙН АЛБАН ТАТВАРААС ЧӨЛӨӨЛЛӨӨ.
Монгол улсын засгийн газрын 2026 оны 04 сарын 20 өдрийн 142 дугаар тогтоолоор Импортоор оруулж байгаа 92 октантай автобензин болон дизелийн түлшний гаалийн албан татварын хувь, хэмжээг 2026 оны 04 дүгээр сарын 20-ны өдрөөс 2026 оны 10 дугаар сарын 20-ны өдрийг дуустал 0 (тэг) хувиар тогтоолоо.
Тогтоолтой танилцах: https://legalinfo.mn/mn/detail?lawId=17436435747572

28/04/2026

Өмгөөллийн Эм Жэй Эл Атторнейс ХХН-ийн Удирдах парнер, өмгөөлөгч М.Мөнхжаргал Mongol TV Terminal 1.0 нэвтрүүлэгт орж, гэрээ байгуулахаас өмнө хуулийн шалгалт хийх, гэрээ байгуулах үеийн анхаарах ёстой асуудлуудын талаар ярилцлага өгч байна.

25/04/2026

БОСТОНЫ ХЯДЛАГА

1770 он. Бостон хотод Британи цэрэг Хью Уайт ганцаар харуулд гарч байв. Гэтэл үсчний газрын туслах залуу түүн дээр ирээд хиймэл үс хийлгэсэн мөнгөө өгөхийг хүслээ. Цэрэг шууд л бууны бөгсөөр залууг цохиж унагав. Үүнийг харсан хотын иргэд уурсан цуглав. Америк иргэдэд бүслэгдсэн цэргээ авахаар англи офицер Томас Престон долоон цэрэг дагуулан ирэв. Тэгээд ч нэмэр болсонгүй, америк иргэд хэтэрхий олуулаа байлаа, тэд цэргүүд рүү юу дуртайгаа шидэж, "буудаач, буудалдаа, чадах уу" хэмээн орилолдож байв. Түгшсэн нэгэн цэрэг мөсөн дээр халтирч хөл алдахдаа буу алдаж орхив. Бусад цэргүүд галлах команд өгсөн гэж буруу ойлгоод нижэгнүүлэн буудлаа. Таван иргэн амиа алдаж, зургаан хүн шархадлаа. Америк даяар эсэргүүцлийн оч түймэр мэт тархан тусгаар тогтнолын хөдөлгөөн өрнөлөө. Сонинууд "Бостоны хядлага" хэмээн гарчиглан мэдээг улс даяар тараав. Америкчууд англи цэргүүдийг дээд зэргээр үзэн ядаж бушуухан дүүжилж алахыг шаардав.

Цэргүүд хорионд байв. Тэднийг ямар ч өмгөөлөгч өмгөөлөхөөс татгалзав. Өөрсдийг нь дарлахаар ирсэн, дээр нь иргэдийг нь хядсан хүмүүсийг хэн л өмгөөлөх билээ. Гэтэл Жон Адамс гэх америк өмгөөлөгч "хүн бүрт өмгөөлүүлэх эрх бий" хэмээн хэлээд харийн цэргүүдийг өмгөөлөхөөр боллоо. Улс даяараа Жон Адамсыг үзэн ядаж түүнд хэн ч хандахаа больж, ямар ч үйлчлүүлэгчгүй болж байсан гэдэг. Шүүх хуралдаан дээр Жон Адамс цэргүүдийг өмгөөлөн цагаатгуулж чадсан байдаг. Гэхдээ түүний нэр хүнд шалаар нэг болсон байв. Цаг хугацаа өнгөрөхийн хэрээр Жон Адамс маш зарчимч шударга нэгэн байсныг иргэд ухаарч тэрээр улам илүү нэр хүндтэй нэгэн болсон гэдэг. Хожмоо Жон Адамс АНУ-ын 2 дахь ерөнхийлөгчөөр сонгогдсон болно.

Жон Адамс өдрийн тэмдэглэлдээ ийн бичсэн гэдэг: Энэ бол миний амьдралдаа хийсэн хамгийн эрэлхэг үйлдэл байсан бөгөөд бас эх орондоо үйлчилсэн шилдэг үйлчилгээ байв гэжээ.

Энэ үйл явдал дэлхий дахинд шинэ тулгар байгуулагдсан Америкийн нэгдсэн улс бол сэтгэл хөдлөлөөр бус харин хууль засагладаг орон шүү гэх маш том сурталчилгаа болсон гэдэг.

24/04/2026

MJL Attorneys хуулийн фирмийн партнер өмгөөлөгч, хуульч Г.Оюунболд "Хуульчийн про боно долоо хоног-2026" аяны талаар ярилцлага өглөө.

22/04/2026

📌 Манай хуулийн фирмийн зүгээс маргааш буюу 4 сарын 23-ны өдрийн 09:00 цагаас 17:00 цаг хүртэл иргэдэд хууль зүйн анхан шатны зөвлөгөө, мэдээлэл өгөх “Нээлттэй хаалганы өдөр”-т нэгдэж байна.
📍 Хаяг: Чингэлтэй дүүргийн ертөнцийн зүгээр зүүн талд, Ашигт малтмал газрын тосны газрын аркаар ороод Глобал бизнес центр, 5 давхар, 503 тоот
📍Утас: 7012-9665
Монголын Хуульчдын холбоо/Mongolian bar association/ #пробоно #хуульзүйнзөвлөгөө #нээлттэйхаалганыөдөр

22/04/2026

"Хуульчийн про боно долоо хоног-2026" үйл ажиллагаанд өмгөөлөгч, өмгөөллийн хуулийн этгээдүүд нэгдэн иргэдэд хууль зүйн анхан шатны зөвлөгөө, мэдээлэл өгөх “Нээлттэй хаалганы өдөр”-ийг өөрсдийн ажлын байранд 2026 оны 04 дүгээр сарын 23-30-ны өдрүүдэд зохион байгуулж байгаа бөгөөд манай өмгөөллийн нөхөрлөл нэгдэж байна.
Манай хаяг: Улаанбаатар хот, Чингэлтэй дүүрэг, 4-р хороо, Самбуугийн гудамж 13/02, Глобал бизнес центр 503 тоот

ӨМГӨӨЛӨГЧ, ӨМГӨӨЛЛИЙН ХУУЛИЙН ЭТГЭЭДҮҮД ХУУЛЬ ЗҮЙН ЗӨВЛӨГӨӨ ҮНЭ ТӨЛБӨРГҮЙ ӨГНӨ

"Хуульчийн про боно долоо хоног-2026" үйл ажиллагаанд өмгөөлөгч, өмгөөллийн хуулийн этгээдүүд нэгдэн иргэдэд хууль зүйн анхан шатны зөвлөгөө, мэдээлэл өгөх “Нээлттэй хаалганы өдөр”-ийг өөрсдийн ажлын байранд 2026 оны 04 дүгээр сарын 23-30-ны өдрүүдэд зохион байгуулах гэж байна.
Иргэд та бүхэн дараах хаяг байршил, цагийн хуваарийн дагуу очиж хуульчдаас зөвлөгөө мэдээлэл үнэ төлбөргүй авах боломжтой.

21/04/2026

📌Гэрлэлт цуцлах, хүүхдийн тэтгэмж тогтоолгох тухай нэхэмжлэлд ямар ямар бичиг баримт бүрдүүлэх вэ?

📍Монгол Улсын Дээд шүүхийн зөвлөмжөөс:

✅Гэр бүлийн холбогдолтой хэрэг, маргааныг шийдвэрлүүлэхээр гэрлэгчид шүүхэд нэхэмжлэл гаргахдаа Иргэний хэрэг шүүхэд хянан шийдвэрлэх тухай хуулийн 61, 62 дугаар зүйлүүдэд заасан бүрдүүлбэрээс гадна мөн хуулийн 126 дугаар зүйлийн 126.4.-т заасан шаардлагыг хангана.
✅Нэхэмжлэгч гэрлэлт цуцлуулах тухай нэхэмжлэлийг шүүхэд гаргахдаа нэхэмжлэлийн бүрдүүлбэрийг хангах бөгөөд дараах баримтуудыг нэхэмжлэлд хавсаргах, боломжгүй бол хэрэг хянан шийдвэрлэх ажиллагааны явцад гаргах ёстой. Үүнд:
• Гэрлэлтийн болон хүүхдийн төрсний, түүнчлэн үрчлэлтийн гэрчилгээний хуулбар /хуулбарын үнэн зөвийг нотариатаар гэрчлүүлсэн/
• 18 нас хүрээгүй хүүхдийг эрүүл энх өсөн бойжиж байгааг, эсхүл өвчтэй бол ямар өвчтэй болох талаарх өрхийн эмчийн тодорхойлолт
• 16-18 насны хүүхэд сургуульд сурч байгаа бол сургуулийн тодорхойлолт
• Гэрлэгчид эд хөрөнгийн буюу тэжээн тэтгэх гэрээ байгуулсан бол гэрээний нэг хувь
• Эд хөрөнгийн маргаантай бол гэр бүлийн дундын эд хөрөнгө болон хуваарьт өмчийн жагсаалт гэх мэт хэрэгт ач холбогдол бүхий нотлох баримт орно.

06/04/2026

📌ХҮНИЙ ЭМЗЭГ МЭДЭЭЛЭЛ ГЭЖ ЮУ ВЭ?

📍Хүний хувийн мэдээлэл нь тухайн иргэний нэр төр, халдашгүй байдал, аюулгүй байдлыг хамгаалах чухал ач холбогдолтой байдаг. Түүний дотроос илүү өндөр түвшний хамгаалалт шаарддаг мэдээллийг хүний эмзэг мэдээлэл гэж үздэг.

📍Хүний хувийн мэдээллийг хамгаалах тухай хууль-ийн 4.1.12-т зааснаар “хүний эмзэг мэдээлэл” гэдэгт дараах мэдээллүүд хамаарна. Үүнд:

✅ Хүний үндэс, угсаа
✅ Шашин шүтлэг, итгэл үнэмшил
✅ Эрүүл мэндийн мэдээлэл
✅ Захидал харилцааны нууц
✅ Генетик болон биометрик мэдээлэл
✅ Тоон гарын үсгийн хувийн түлхүүр
✅ Ял эдэлж байгаа болон ял эдэлсэн эсэх талаарх мэдээлэл
✅ Бэлгийн болон хүйсийн чиг баримжааны талаарх мэдээллүүд багтдаг.

📍Эдгээр мэдээлэл нь тухайн хүний хувийн амьдрал, нэр төр, аюулгүй байдалтай шууд холбоотой тул хууль тогтоомжоор тусгайлан хамгаалдаг.

📍Хэрэв эмзэг мэдээлэл задрах, алдагдах, хууль бусаар ашиглагдах тохиолдолд тухайн хүнийг ялгаварлан гадуурхах, нэр хүндэд нь халдах, эсвэл бусад байдлаар хохироох эрсдэлтэй.

📍Иймээс иргэн бүр өөрийн эмзэг мэдээллийг хамгаалах, цахим орчинд болгоомжтой хандах, баталгаагүй эх сурвалжид хувийн мэдээллээ дамжуулахгүй байх нь чухал юм.

📍Хэрэв таны эмзэг мэдээлэл алдагдсан эсвэл зөвшөөрөлгүйгээр ашиглагдсан тохиолдолд холбогдох хууль, журмын дагуу хууль хяналтын байгууллагад хандаж, өөрийн эрхийг хамгаалуулах боломжтой.

📍Тиймээс хувийн мэдээллээ хамгаалах нь таны аюулгүй байдлыг хамгаалах чухал алхам юм.

02/04/2026

📌Хууль мэдэхгүй байх нь хариуцлагаас чөлөөлөгдөхгүй

Бид өдөр тутмын амьдралдаа жижиг зүйлсийг ихэвчлэн тоохгүй өнгөрөөдөг.Гэтэл таны гарын үсэг зурсан нэг гэрээ, хэлсэн үг, хийсэн үйлдэл ирээдүйд асар том хариуцлага дагуулж болдог.
Тиймээс:
✅Ямар нэг бичиг баримтад гарын үсэг зурахаасаа өмнө сайтар унш
✅Өөрийн эрх, үүргийг мэддэг бай
✅Эргэлзвэл мэргэжлийн хуульчаас зөвлөгөө авах зэрэг дадлыг өөртөө суулгахыг танд зөвлөж байна.

Хууль бол айх зүйл биш- Хамгаалах хэрэгсэл юм.

Танд амжилт хүсье.

25/03/2026

ХБНГУ-д прокурорыг тухайн мужийн хууль зүйн яамнаас томилдог байна.
✅Өнөөдөр манай хуулийн фирм ХБНГУ-ын Пассау дахь Прокурорын газрын Хүүхдийн хэргийн прокурор Юля Шахербауер,
Ханнс-Зайделийн Сан эрх зүйн хөтөлбөрийн зохицуулагч С.Амармэнд нарыг урьж уулзалт зохион байгууллаа.
✅Уулзалтаар ХБНГУ болон Монгол улсын прокурорын эрх зүйн байдал болон өсвөр насны хүүхдийн үйлдсэн гэмт хэрэг, зөрчил, үе тэнгийн дээрэлхэлтийн хуулийн зохицуулалтын талаар санал солилцлоо.
✅ХБНГУ-д прокурорыг тухайн мужийн хууль зүйн яамнаас томилдог бөгөөд хуульчийн эрхийн шалгалтад өндөр оноо авсан хэн бүрд нээлттэй байдаг байна. #хуулийнфирм #эмжэйэлатторнейсххн #хуульзүйнтуслалцааүйлчилгээ

24/03/2026

Алт-3 хөтөлбөрийн хүрээнд ЗГ-аас 2026 оны 66 дугаар тогтоол гаргасан байна.

ЗГ-ын тогтоолын 3-т Олборлолтын үйл ажиллагааг нэн даруй эхлүүлэх боломжтой алтны зарим ордыг ашиглахтай холбоотойгоор гол, мөрний урсац бүрэлдэх эх, усны сан бүхий газрын хамгаалалтын бүс болон ойн сан бүхий газрын хилийн заагийг Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хууль, Усны тухай хуульд нийцүүлэн шинэчлэн тогтоох асуудлыг судалж, Засгийн газрын хуралдаанаар зохих журмын дагуу хэлэлцүүлэхийг Байгаль орчин, уур амьсгалын өөрчлөлтийн сайд Б.Батбаатар, Ашигт малтмал, газрын тосны газарт тус тус даалгасан байна.

Дээрх асуудалтай холбоотой хууль зүйн зөвлөгөө, үйлчилгээг 99028146 дугаарын утсаар холбогдож авна уу.

16/03/2026

Газрын маргааны процесс

Иргэн, ААН нь Нийслэлийн Засаг даргын захирамж, шийдвэртэй маргах гэж байгаа бол "Нийслэлийн газрын эрхийн маргаан таслах зөвлөл"-д гомдол гаргаж шийдвэрлүүлсний дараа шүүхэд хандах боломжтой.

Мөн "Нийслэлийн газрын эрхийн маргаан таслах зөвлөл" нь Нийслэлийн Засаг даргын гаргасан шийдвэрийг:
1. Өөрчлөх,
2. Хүчингүй болгох,
3. Хэвээр үлдээх гэсэн шийдвэрүүдийг аль нэгийг гаргах боломжтой.

Харин "Нийслэлийн газрын эрхийн маргаан таслах зөвлөл" нь НЗД-д дахин шинэ акт шийдвэр гаргахыг даалгах эрх хэмжээгүй болохыг анхаарах хэрэгтэй.

Дэлгэрэнгүй зөвлөгөөг өмгөөлөгчийн 99028146 дугаарын утаснаас авна уу.