27/05/2026
ဥပဒေအရ🎌🎌 အဓိက သတိထားရမယ့်အချက်များ
၁။ နေထိုင်မှုသက်တမ်း သတ်မှတ်ချက် (အရေးကြီးဆုံးအချက်)
မြန်မာနိုင်ငံမှာ ယာဉ်မောင်းလိုင်စင် ရရှိပြီးနောက် (သို့မဟုတ်) လိုင်စင်သက်တမ်းတိုးပြီးနောက် မြန်မာနိုင်ငံအတွင်း အနည်းဆုံး ရက်ပေါင်း ၉၀ (၃ လ) နေထိုင်ခဲ့ကြောင်း ခိုင်လုံတဲ့ အထောက်အထား (နိုင်ငံကူးလက်မှတ်ပါ ဝင်စာ/ထွက်စာ တံဆိပ်တုံးများ) ပြသနိုင်ရပါမယ်။
အကယ်၍ သတ်မှတ်ရက် မပြည့်ပါက ဂျပန်လိုင်စင်ပြောင်းလဲခွင့် လုံးဝ (လုံးဝ) မရရှိနိုင်ပါ။(သို့သော် မြန်မာနိုင်ငံမှာရှိစဥ်က Company တခုခုမှာ ယာဥ်မောင်းနဲ့ အလုပ်လုပ်ကိုင်ခဲ့ပါတယ်ဆိုတယ့် လုပ်သက်ထောက်ခံစာနဲ့ လက်ခံပေးတာမျိူး ရှိပါတယ်)
၂။ ဘာသာပြန်စာရွက်စာတမ်း တရားဝင်မှု
မြန်မာယာဉ်မောင်းလိုင်စင်ကို ဂျပန်ဘာသာသို့ ပြန်ဆိုရာတွင် JAF (Japan Automobile Federation) သို့မဟုတ် ဂျပန်နိုင်ငံရှိ တရားဝင်အသိအမှတ်ပြု မြန်မာသံရုံးက ထုတ်ပေးတဲ့ ဘာသာပြန်ချက် ဖြစ်ရပါမယ်။ မိမိဘာသာ ပြန်ဆိုထားသော အထောက်အထားများကို လက်မခံပါ။
၃။ စာရွက်စာတမ်း အချက်အလက် ကိုက်ညီမှု
မြန်မာလိုင်စင်ပေါ်ရှိ အမည်၊ မွေးသက္ကရာဇ်၊ လိပ်စာ (အထူးသဖြင့် နိုင်ငံကူးလက်မှတ် ပါတ်စပို့ နှင့် ဂျပန်က နေထိုင်ခွင့်ကတ် ဇိုင်းရူးကတ် - Zairyu Card ပါ အချက်အလက်များ) သည် တစ်လုံးတစ်ပါဒမှ မလွဲချော်ဘဲ ၁၀၀% တ nhtချက်တည်း ကိုက်ညီနေရပါမယ်။
၄။ စာမေးပွဲ အဆင့်ဆင့်ကို ပြင်ဆင်ခြင်း
မျက်စိစစ်ဆေးခြင်း (Eye Test): အမြင်အာရုံနှင့် အရောင်ခွဲခြားနိုင်စွမ်း စစ်ဆေးခြင်း။
စည်းကမ်းစာမေးပွဲ (Written Test): မေးခွန်း ၁၀ ခုဖြေဆိုရပြီး ၇ ခု မှန်ရပါမယ်။ (အင်္ဂလိပ်ဘာသာ သို့မဟုတ် ဂျပန်ဘာသာဖြင့် ဖြေဆိုနိုင်ပါတယ်)။
မောင်းနှင်မှုစစ်ဆေးခြင်း (Driving Driving Test): ဂျပန်ယာဉ်မောင်းစင်တာအတွင်း သတ်မှတ်ကွင်းထဲ၌ လက်တွေ့မောင်းနှင်ရခြင်းဖြစ်ပြီး အမှတ်ပေး အလွန်စနစ်ကျ တင်းကျပ်ပါတယ်။
ရှောင်ကြဉ်ရမယ့်အချက်များ
၁။ သက်တမ်းကုန်လွန်နေသော လိုင်စင်များ တင်ပြခြင်းမှ ရှောင်ကြဉ်ပါ
မြန်မာနိုင်ငံက ယာဉ်မောင်းလိုင်စင်သည် ဂျပန်မှာ လျှောက်ထားသည့်နေ့အထိ သက်တမ်းကျန်ရှိနေရပါမယ်။ သက်တမ်းကုန်ဆုံးနေပါက လျှောက်ထားခွင့် မရှိပါ။
၂။ လက်တွေ့မောင်းနှင်မှု စစ်ဆေးချိန် (Practical Driving Test) တွင် အောက်ပါအချက်များကို အထူးရှောင်ကြဉ်ရပါမယ်။
ဘယ်/ညာ ကွေ့သည့်အခါ အချက်ပြမီး (Sign) နောက်ကျခြင်း: မကွေ့မီ အနည်းဆုံး ၃ စက္ကန့်အလိုကတည်းက အချက်ပြရပါမယ်။
အမြင်အာရုံဖြင့် ဘေးဘီကို သေချာမစစ်ဆေးခြင်း (Safety Check): ကားမှန်ကိုပဲ ကြည့်ပြီး ကွေ့ခြင်း၊ လမ်းပြောင်းခြင်းမျိုး မလုပ်ရပါ။ ခေါင်းကို သိသိသာသာလှည့်၍ မျက်ကွယ်နေရာများ (Blind Spots) ကို စစ်ဆေးရပါမယ်။
Stop Line ( - ခေတ္တရပ်ရန်လိုင်း) များတွင် မရပ်ခြင်း: လိုင်းရှေ့တွင် ကားကို သုညအထိ လုံးဝငြိမ်သက်သွားအောင် ၃ စက္ကန့်ခန့် ရပ်ရပါမယ်။ ဘီးလိမ့်နေရုံဖြင့် အမှတ်လျှော့ခံရ (သို့မဟုတ်) စာမေးပွဲကျရှုံးပါလိမ့်မယ်။
၄။ ကားမောင်းကွင်းအတွင်း အရှိန်ပြင်းစွာ မောင်းနှင်ခြင်း
စာမေးပွဲကွင်းအတွင်း သတ်မှတ်ကွေ့များ (ဥပမာ- S-curve, Crank curve) တွင် အရှိန်မထိန်းနိုင်ဘဲ လမ်းဘေးဘောင် (Curb) ကို တိုက်မိခြင်း သို့မဟုတ် ဘီးတင်မိခြင်းမျိုး လုံးဝမဖြစ်စေရပါ။ (ဘီးတင်မိပါက စာမေးပွဲ ချက်ချင်းကျရှုံးတတ်ပါတယ်)။
ဂျပန်နိုင်ငံရဲ့ လိုင်စင်ပြောင်းလဲခြင်း စာမေးပွဲ (အထူးသဖြင့် လက်တွေ့မောင်းနှင်မှု) ဟာ မြန်မာပြည်က အတွေ့အကြုံရှိတဲ့ ဝါရင့်ယာဉ်မောင်းတွေတောင် ၃ ကြိမ်ကနေ ၅ ကြိမ်အထိ ကျရှုံးတတ်ကြပါတယ်။
ထို့ကြောင့် စာမေးပွဲမဖြေဆိုမီ ဂျပန်ယာဉ်မောင်းသင်တန်းကျောင်း (Driving School) များတွင် ကွင်းအတွင်း စမ်းသပ်မောင်းနှင်ခြင်း လေ့ကျင့်ခန်း (Paper Driver Course / Gaimen Kirikae Course) ကို အနည်းဆုံး ၁ နာရီ သို့မဟုတ် ၂ နာရီခန့် ဝယ်ယူပြီး စာမေးပွဲစစ်ဆေးမည့် အမှတ်ပေးစည်းကမ်းများကို ကြိုတင်လေ့ကျင့်ထားခြင်းက အခွင့်အရေး အကောင်းဆုံးဖြစ်ပါလိမ့်မယ် ခင်ဗျာ။
😊😊 ကညန ယာဥ်မောင်းထောက်ခံချက် မြန်မာ Certified /Eng Notary +Mofa /Japan Notary
တို့ကို ကျွန်ုပ်တို့ရဲ့ အားမာန် Notary and General Service မှ တာဝန်ယူဆောင်ရွက်ပေးနေပါသည်ခင်ဗျာ
Phone 095404135
Viber +9595404135
Page Cb သို့ ဆက်သွယ်မေးမြန်းဆောင်ရွက်နိုင်ပါသာ်ခင်ဗျာ။
#အားမာန်Notary
#ယာဥ်မောင်း
#လက်ထပ်
