Khaymarwadi Law Firm

01/05/2023

မိတ်​ဟောင်းမိတ်သစ်များ
အလုပ်ဆက်လုပ်ကြဖို့
ဆက်သွယ်ကြပါရန်

06/04/2022

IPS ကုန်အမှတ်တံဆိပ် သတိ​ပေး​ကြေညာချက် .

06/04/2022

RPT ကုန်အမှတ်တံဆိပ် သတိ​ပေး ​​ကြေညာချက်

18/02/2022

18/01/2022

ပြန်လည်ရှင်းလင်း​ကြေညာခြင်း

09/12/2021

နာကျင်စေခြင်း (Hurt) နှင့် နစ်နာစေခြင်း (Injury) ကွာခြားချက်

- နစ်နာစေခြင်း (Injury)သည် ကိုယ်ကိုဖြစ်စေ၊ စိတ်ကိုဖြစ်စေ၊ ဂုဏ်သရေကိုဖြစ်စေ၊ ပစ္စည်းကိုဖြစ်စေ၊ ဥပဒေနှင့် မညီသော ထိခိုက်စေခြင်းကို ဆိုပါသည်။

- နာကျင်စေခြင်း (Hurt)သည်ကို ကိုယ်အင်္ဂါကို နာကျင်အောင်၊ အနာရောဂါစွဲကပ်အောင်၊ ချည့်နဲ့အောင်ပြုလုပ်ခြင်းကို ဆိုပါသည်။ (ရာဇသတ်ကြီပုဒ်မ-၄၄)

မှတ်ရန်။ ။ဥပဒေအရ ဆောင်ရွက်နေကြသူများ ကိုယ်တိုင် နာကျင်စေခြင်း (HURT)နှင့် နစ်နာစေခြင်း (INJURY)ကို အမှတ်တမဲ့ မှားယွင်းတတ်သည် ကိုမကြာခဏ တွေ့နေရသည့် အတွက် ဥပဒေဗဟုသုတအဖြစ် မျှဝေပေးခြင်း ဖြစ်ပါသည်။

Credit - ဥပဒေ ဗဟုသုတ Page

06/12/2021

ရာဇဝတ်မှုနှင့်တရားမမှု ကွဲပြားခြားနားမှု။

-ရာဇဝတ်မှုများသည် နိုင်ငံတော်အစိုးရအား ထိခိုက်သည့်အမှု ဖြစ်ပါသည်။ ထို့ကြောင့် "ရာဇဝတ်"ဟုသုံးနှုန်းခေါ်ဆိုကြခြင်း ဖြစ်ပါသည်။
-တရားမှုများသည် တစ်ဦးတစ်ယောက်(ဝါ) ပုဂ္ဂလိကထိခိုက်သောနစ်နာမှု ဖြစ်ပါသည်။

-ရာဇဝတ်မှုတွင် ထိခိုက်နစ်နာသူ၏ကိုယ်စား နိုင်ငံတော်အစိုးရက တရားစွဲဆိုရပါသည်။
-တရားမမှုတွင် နစ်နာသူတစ်ဦးတစ်ယောက်(ဝါ) ပုဂ္ဂလိကထိခိုက်နစ်နာသူ ကိုယ်တိုင်က တရားလိုပြုလုပ်၍ တရားရုံးတွင် တရားစွဲဆိုရပါသည်။

-ရာဇဝတ်မှုများအနက် ရာဇဝတ်ကျင့်ထုံးဥပဒေပြဌာန်းချက်အရ"ရဲအရေးပိုင်သောအမှု"များဖြစ်ပါကတရားရုံးကုန်ကျစရိတ်ကို နိုင်ငံတော်အစိုးရကကျခံပေးရပါသည်။
-တရားမမှုများတွင် နှစ်ဘက်အမှုသည်များကိုယ်တိုင်မှတရားရုံးကုန်ကျစရိတ်များကို မိမိဘာသာကျခံရပါသည်။

-ရာဇဝတ်မှုတွင် အမှုများကျေအေးခြင်း၊အမှုများရုပ်သိမ်းခြင်းတို့ကို ဥပဒေအရလည်းကောင်း၊ နိုင်ငံတော်အစိုးရ၏ခွင့်ပြုချက်ရမှသာလျှင် ကျေအေးခြင်း၊ရုပ်သိမ်းခြင်းများ ပြုနိင်ပါသည်။
-တရားမမှုများတွင် နှစ်ဘက်အမှုသည်များ၏ညှိနှိုင်းသဘောတူညီမှုအရ ဝန်ခံချက်ရယူရုပ်သိမ်းခြင်း၊ ခြွင်းချက်ဖြင့်ရုပ်သိမ်းခြင်း၊ ခြွင်းချက်မရှိရုပ်သိမ်းခြင်းများ ပြုနိုင်ပါသည်။

-ရာဇဝတ်မှုများတွင် ရာဇဝတ်မကင်းသောရည်ရွယ်ချက်၊အကြံအစည်၊ မရိုးမဖြောင့်သောသဘောဖြင့်"ပြုလုပ်မှု" "ပျက်ကွက်မှု"များ ရှိရပါမည်။
-တရားမမှုများတွင် ရာဇဝတ်မှုများကဲ့သို့ ရည်ရွယ်ချက်၊အကြံအစည်၊မရိုးမဖြောင့်သောသဘောပါရှိရန်မလိုအပ်ပါ။ နစ်နာမှုရှိ/မရှိ၊ ပေးရန်/ရရန်တာဝန်ရှိ/မရှိသာ လိုအပ်ပါသည်။

-ရာဇဝတ်မှုများတွင် စွပ်စွဲခံရသူတရားခံသည်ရာဇဝတ်မှုကျူးလွန်ကြောင်းကိုသက်သေပြရန်တာဝန်သည် ယေဘူယျအားဖြင့် စွပ်စွဲသူတရားလိုဘက်တွင် ကျရောက်ပါသည်။
-တရားမမှုများတွင် စွပ်စွဲတိုင်တန်းချက်ပါအကြောင်းအရာ မှန်ကြောင်း/မမှန်ကြောင်း ထင်ရှားစေလိုသောအမှုသည်ဘက်မှ သက်သေထင်ရှားပြရန် တာဝန်ရှိပါသည်။

-ရာဇဝတ်မှုများတွင်ပြစ်မှုထင်ရှားကျူးလွန်သူတရားခံတို့အား သေဒဏ်၊ ကျွန်းဒဏ်၊ ထောင်ဒဏ်၊‌ ငွေဒဏ် စသည့်ပြစ်ဒဏ်များ ချမှတ်စီရင်နိုင်ပါသည်။
-တရားမမှုများတွင် အမှုသွားအမှုလာအရ စွပ်စွဲချက်ခိုင်မာပါက နစ်နာသူတရားလိုဘက်သို့ တောင်းဆိုသည့်သက်သာခွင့်အတိုင်း တရားစရိတ်ဖြင့် ဒီကရီချမှတ်ပေးခြင်း၊ တောင်းသည့်သက်သာခွင့်တစိတ်တစ်ပိုင်း ခွင့်ပြု၍ တရားစရိတ်နှင့်တကွ ဒီကရီချမှတ်ပေးခြင်း၊ စွပ်စွဲတောင်းဆိုချက်မခိုင်မာပါက အမှုအား တရားစရိတ်နှင့်တစ်ကွ ပလပ်ခြင်းများ ပြုရပါသည်။

-ရာဇဝတ်မှုများ၏ စီရင်ချက်အမိန့်တို့သည်"ပိုင်ဆိုင်မှု"အတွက် ချမှတ်ပေးခြင်း မဟုတ်ပါ။ "ပြုလုပ်မှု""ပျက်ကွက်မှု"တို့အတွက် ပြစ်မှုထင်ရှားစီရင်ခြင်းသာဖြစ်ပါသည်။
တရားမမှုများ၏ စီရင်ချက်ဒီကရီအရသာ"ပိုင်ဆိုင်မှု" "မပိုင်ဆိုင်မှု"တို့နှင့်ပတ်သက်၍ သ‌က်ဆိုင်အကြုံးဝင်ပါသည်။

မှတ်ရန်။ ။ ကလေးစရိတ်၊ မယားစရိတ်တို့နှင့်ပတ်သက်၍ ရာဇဝတ်မှု၊ တရားမမှုနှစ်မျိုးစလုံးဖြင့် လျှောက်ထားဆောင်ရွက်နိုင်ပါသည်။

#ဆရာကြီးဦးဘကြိုင်၏ လက်တွေ့ရာဇဝတ်တရားစီရင်ရေးလုပ်ထုံးလုပ်နည်းမှ မှီငြမ်းကိုးကား မျှဝေပါသည်။

#ဥပဒေဟုသုတများတိုးပွါးကြပါစေ။

Credit - ဥပဒေ ဗဟုသုတ page