13/06/2026
📢 ခရစ်ယာန်ဘာသာသို့ ကူးပြောင်း၍ လက်ထပ်ထိမ်းမြားရန် ပြင်ဆင်နေသူများနှင့် ဓမ္မဆရာများအားလုံး သတိပြုရန် အရေးကြီးအသိပေးချက် 📢
—————
ခရစ်ယာန်ဘာသာသို့ ကူးပြောင်းပြီး လက်ထပ်ထိမ်းမြားရန် ပြင်ဆင်နေသူများအနေဖြင့် ရေရှည်တွင် တရားဝင်မှုဆိုင်ရာ ပြဿနာများ မကြုံတွေ့ရစေရန် ဤအချက်ကို မဖြစ်မနေ သိထားဖို့ လိုအပ်ပါသည်။မိမိတို့အသင်းတော်များအတွင်း အောက်ပါအချက်များကို ကျယ်ကျယ်ပြန့်ပြန့် သိရှိနိုင်အောင် ပြန်လည်မျှဝေ (Share) ပေးကြပါရန် တိုက်တွန်းအပ်ပါသည်။
👇 သတိပြုရမည့် အဓိကအချက်များ 👇
🔹 ဘာသာကူးပြောင်းခြင်းလက်မှတ် ရှိမှသာ တရားဝင်ပါသည်အခြားဘာသာမှ ခရစ်ယာန်ဘာသာသို့ ပြောင်းလဲကိုးကွယ်လိုသူများသည် မိမိတို့ မြို့နယ်ရှိ "ကိုးကွယ်ရာဘာသာကူးပြောင်းခြင်းဆိုင်ရာ စိစစ်မှတ်ပုံတင်ရေးအဖွဲ့" သို့ ဥပဒေနှင့်အညီ အရင် လျှောက်ထားရပါမည်။ ထိုအဖွဲ့မှ သက်သေခံလက်မှတ် ထုတ်ပေးသည့်နေ့ရက်မှစ၍သာ တရားဝင် ဘာသာပြောင်းလဲပြီးဖြစ်ကြောင်း အသိအမှတ်ပြုပါသည်။
🔹 အသင်းတော်ထောက်ခံချက်တစ်ခုတည်းဖြင့် မလုံလောက်ပါမှတ်ပုံတင်နှင့် အိမ်ထောင်စုစာရင်းတွင် အခြားဘာသာ (ဥပမာ-ဗုဒ္ဓဘာသာ) ဟု ဖော်ပြထားသည့် အမျိုးသမီးများအနေဖြင့် ခရစ်ယာန်အသင်းတော်၏ ရေနှစ်ခြင်းမင်္ဂလာလက်မှတ်၊ အသင်းဝင်ထောက်ခံချက် သို့မဟုတ် ဝန်ခံချက်များ ရှိနေစေကာမူ တရားဝင် "ဘာသာကူးပြောင်းခြင်း သက်သေခံလက်မှတ်" မရှိပါက ခရစ်ယာန်ထိမ်းမြားပေးနိုင်ခွင့်လိုင်စင်ရသူများအနေဖြင့် ထိမ်းမြားပေး၍မရပါ။
🔹 ဥပဒေအတိုင်း လုပ်ဆောင်ရန် လိုအပ်ပါသည်မိမိယုံကြည်ရာ ဘာသာတရားကို လွတ်လပ်စွာ ကိုးကွယ်ခွင့်ရှိသော်လည်း၊ လက်ထပ်ထိမ်းမြားမှု အထမြောက်စေရန်အတွက် ၂၀၁၅ ခုနှစ်၊ ကိုးကွယ်ရာဘာသာကူးပြောင်းခြင်းဆိုင်ရာဥပဒေ ပြဋ္ဌာန်းချက်များအတိုင်း တိကျစွာ လိုက်နာဆောင်ရွက်ရမည် ဖြစ်ပါသည်။
⚠️ အချုပ်အားဖြင့်ခရစ်ယာန်ဓမ္မအမှုတော်ဆောင်များ၊ လိုင်စင်ရဆရာများနှင့် အိမ်ထောင်ပြုရန် ပြင်ဆင်နေသည့် စုံတွဲများအားလုံး ရေရှည်ဘဝအဆင်ပြေစေရန်အတွက် ဤဥပဒေလမ်းကြောင်းအတိုင်း စနစ်တကျ
ပြင်ဆင်ဆောင်ရွက်ကြပါရန် နှိုးဆော်အပ်ပါသည်။ #ဘာသာရေး #ဥပဒေဗဟုသုတ #ခရစ်ယာန်ထိမ်းမြားခြင်း #အသိပေးချက်
