29/11/2025
https://www.facebook.com/share/17Yumo3GLC/
သမ္မတ ဉီးဝင်းမြင့်နဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ကို ခြွင်းချက်မရှိ လွှတ်ပေးဖို့ ဥရောပပါလီမန် တောင်းဆို
(ဥရောပပါလီမန်က မြန်မာစစ်ကော်မရှင်ရဲ့ အတုအယောင်ရွေးကောက်ပွဲကို ပြတ်ပြတ်သားသား ပယ်ချ)
ဧရာဝတီတိုင်းမ်
နိုဝင်ဘာ ၂၉ ရက်
ဒီဇင်ဘာလနဲ့ ၂၀၂၆ ခုနှစ်၊ ဇန်နဝါရီလအတွင်းပြုလုပ်မယ့် မြန်မာစစ်ကော်မရှင်ရဲ့ တရားမဝင် ရွေး ကောက်ပွဲကို ပယ်ချကြောင်း ဥရောပပါလီမန်က နိုဝင်ဘာလ ၂၇ ရက်မှာ ထုတ်ပြန်ချက်တစ်ခုအတွင်း ပြောပါတယ်။
အဓမ္မ တပ်သားသစ်စုဆောင်းမှု၊ နှိပ်စက်မှု၊ တရားလက်လွှတ်သတ်ဖြတ်မှု၊ အကြောင်းမဲ့ ဖမ်းဆီးမှု၊ လိင်အခြေခံအကြမ်းဖက်မှုနဲ့ စနစ်တကျ ပြစ်ဒဏ်မှသက်ညှာခွင့်ရနေမှု အပါအဝင် မြန်မာစစ်ကော်မရှင်ရဲ့ ဖိနှိပ်မှုနည်းလမ်းတွေကို ဥရောပပါလီမန်က သတိပေးလိုက်ပါတယ်။
မြန်မာပြည်သူတွေအတွက် တာရှည်ခံသော ငြိမ်းချမ်းရေးရရှိရေး ချက်ချင်း အပစ်အခတ်ရပ်စဲဖို့နဲ့ အကြမ်းဖက်မှုတွေ အဆုံးသတ်ဖို့ ထုတ်ပြန်ချက်က တောင်းဆိုပါတယ်။
မြန်မာမှာ အကြမ်းဖက်မှုတွေရှိနေပြီး လက်ရှိအခြေအနေမှာ ပွင့်လင်းမြင်သာမှုနဲ့ အားလုံးပါဝင်မှုမ ရှိတဲ့ ရွေးကောက်ပွဲကျင်းပတာဟာ နိုင်ငံတကာစံနှုန်းအားလုံး ချိုးဖောက်ပြီး လွတ်လပ်ပြီး တရားမျှတတဲ့ ရွေးကောက်ပွဲလို့ ယူဆလို့မရဘူးလို့ ထုတ်ပြန်ချက်က ဖော်ပြပါတယ်။
နိုင်ငံရေးပုဒ်မတွေနဲ့ ထိန်းသိမ်းကာ အကျဉ်းချခံထားရတဲ့ သမ္မတ ဉီးဝင်းမြင့်နဲ့ နိုင်ငံတော်အတိုင် ပင်ခံပုဂ္ဂိုလ် ဒေါ်အောင်ဆန်းစုကြည်ကို ခြွင်းချက်မရှိ ချက်ချင်း လွှတ်ပေးဖို့ ထုတ်ပြန်ချက်က တောင်းဆိုပါ တယ်။
မြန်မာစစ်ကော်မရှင်ကို နိုင်ငံရေး၊ စီးပွားရေးနဲ့ စစ်ရေးအရ ကျောထောက်နောက်ခံပြုနေတဲ့ ရုရှား နဲ့ တရုတ်အပါအဝင် ကမ္ဘာ့နိုင်ငံအချို့ကို ထုတ်ပြန်ချက်က ရှုတ်ချပါတယ်။
နိုင်ငံတကာရဲ့ တရားဝင်မှုရရှိဖို့ မြန်မာစစ်ကော်မရှင်ရဲ့ ကြိုးပမ်းမှုကို ကိုယ်စားပြုတဲ့ တရားမဝင် ရွေးကောက်ပွဲရလဒ်တွေကို ထုတ်ပြန်ချက်က ရှုတ်ချပါတယ်။
လွတ်လပ်မှု၊ ဂုဏ်သိက္ခာနဲ့ ဒီမိုကရေစီအရေး တိုက်ပွဲဝင်နေတဲ့ မြန်မာပြည်သူတွေ၊ တရားဝင် ဒီမို ကရေစီ ကိုယ်စားလှယ်တွေ၊ NUG၊ တိုင်းရင်းသား တော်လှန်ရေးအဖွဲ့တွေနဲ့ အရပ်ဘက်အဖွဲ့အစည်းတွေ နဲ့ မဆုတ်မနစ် အတူရပ်တည်ကြောင်း ထုတ်ပြန်ချက်က ဆိုပါတယ်။
ကိုးကား - European Parliament
Ref; European Parliament resolution on the political situation in Myanmar including the humanitarian crisis of the Rohingya
