ဥပဒေ လိုတိုရှင်း

02/03/2026

✅၅၀(ည) သမားများအတွက် မင်္ဂလာသတင်း

- ကိုယ့်အမှုသည်နှစ်ယောက် ကံကောင်းပါစေ။
- ယနေ့ (၂ - ၃ -၂၀၂၆) ရက်နေ့
- အကြမ်းဖက်မှုတိုက်ဖျက်ရေးဥပဒေပုဒ်မ ၅ဝ(ည)နှင့် ပုဒ်မ ၅၂(က)၊ ယင်းပြစ်မှုများဖြင့် ထွက်ပြေးတိမ်းရှောင်နေသဖြင့် ရာဇဝတ်ကျင့်ထုံးဥပဒေပုဒ်မ ၅၁၂ ဖြင့် တရားစွဲဆိုခံထားရသူ(၁၂,၄၈၇)ဦး၏ တရားရုံးကြားနာစစ်ဆေးဆဲအမှုပေါင်း(၉,၅၃၂)မှုကိုပိတ်သိမ်း၍ တရားခံများအား အမှုမှလွှတ်ရန် ထုတ်ပြန်ခဲ့သည်။

- ဒါ့အပြင် အကြမ်းဖက်မှုတိုက်ဖျက်ရေးဥပဒေပုဒ်မ ၅ဝ(ည)နှင့် ပုဒ်မ ၅၂(က)အရ ပြစ်မှုကျူးလွန်၍ အကျဉ်းထောင်/အချုပ်ထောင်/စခန်းအ သီးသီးတွင် ပြစ်ဒ-ဏ်ကျခံလျက်ရှိသော အကျဉ်းသား/အကျဉ်းသူ(၇,၃၃၇)ဦးကို ပြစ်ဒဏ်များမှ လွတ်ငြိမ်းခွင့်ပြုခဲ့သည်။

#၅၀ည
#ဥပဒေလိုတိုရှင်း
#ရှေ့နေ

30/01/2026

သိထားသင့်တဲ့ ဥပဒေလိုတိုရှင်း
၅၀ (ည) နှင့် Kpay အန္တရာယ်

- တချို့ကြားဖူးကြမဲ့ ၅၀ (ည) သို့မဟုတ် အရပ်ခေါ် P D F ထောက်ပံ့ပုဒ်မဆိုတာ ၂၀၁၄ ခုနှစ်ကတည်းက ပြဌါန်းခဲ့တဲ့ "အကြမ်းဖက်မှုတိုက်ဖျက်ရေးဥပဒေ" ပုဒ်မ ၅၀(ည) ကိုပြောတာပဲ ဖြစ်ပါတယ်....
- ဒီ ဥပဒေအရတော့ အကြမ်းဖက်မှုကို ငွေကြေးနှင့် ပစ္စည်းထောက်ပံ့မှုကိုလည်း အကြမ်းဖက်မှုအဖြစ်ပဲ သတ်မှတ်မှာဖြစ်ပါတယ် [ယင်းပုဒ်မ ၃(ခ)(၉)]
- ပြစ်မှုထင်ရှားစီရင်ခြင်းခံရရင်တော့ ပုဒ်မ ၅၀ (ည) အရ အနည်းဆုံးထောင်ဒဏ် ဆယ်နှစ်ကနေ အများဆုံးထောင်ဒဏ်တစ်သက် ချမှာဆိုတော့ ပြစ်ဒဏ်ပြင်းထန်ပါတယ်....
- ပြည်တွင်းမှာ ဖမ်းဆီးတရားစွဲခံရသူတွေ အနေနဲ့ အများအားဖြင့် Kpay လို AYA pay, Wave pay လို App ကနေ ငွေလွှဲခြင်းကနေ တရားစွဲခံရတာဖြစ်ပါတယ်....
- ဘယ်လိုလဲဆိုတော့ ငွေကြေးဆိုင်ရာ စုံစမ်းထောက်လှမ်းရေးတပ်ဖွဲ့တွေကနေ ဒီမှတ်ပုံတင်နံပါတ်နဲ့ အသုံးပြုနေတဲ့ Kpay account ပိုင်ရှင်ကနေ နိုင်ငံတော်ကအကြမ်းဖက်အဖွဲ့လို့ သတ်မှတ်ထားတဲ့ အဖွဲ့ အသုံးပြုတဲ့ Account ကို ငွေလွှဲထားတာရှိပါတယ်... ဖမ်းဆီးပါလို့ ညွှန်ကြားလိုက်တာပဲ ဖြစ်ပါတယ်...
- အဲဒီအခါမှာ မှတ်ပုံတင်မှာ ပါတဲ့ လိပ်စာမှာ ရှိရင်တခါတည်းဖမ်းသလို မတွေ့ရင်လည်း တရားခံပြေးဖွင့်ထားပြီး PSMS လို့ခေါ်တဲ့ digital surveillance system ထဲထည့်ထားတဲ့အခါ ခရီးသွားတုန်း ဒါမှမဟုတ် ရဲစခန်းမှာ ထောက်ခံစာသွားလုပ်တုန်း ပေါ်ပြီး တခါတည်း ဖမ်းခံထိတော့တာပါပဲ....
- ဒီထဲမှာ ကိုယ်လက်ရှိ ပညာဒါနလုပ်ပေးနေတဲ့ ၅၀ (ည) နှစ်မှုမှာဆိုရင် ကိုယ်တိုင််လွှဲပါတယ်လို့ သံသယဖြစ်စရာရှိတဲ့ Touch ဖုန််းတောင် မကိုင်နိုင်တဲ့ အောက်ခြေလူတန်းစားတွေ ဖြစ်နေတာ ... မှတ်ပုံတင်ပျောက်ထားတာ.... ဖုန်းတောင်မကိုင်တက်တဲ့ လူကြီးဖြစ်နေတာ ... Kpay ဖွင့်ခဲ့မိမှန်းတောင်မသိ... Security သိပ်မမြင့်သေးတဲ့ ခုနှစ်တွေက ငွေလွှဲ transaction တွေနဲ့ အမှုဖွင့် ခံထားရတာတွေ ... တရားခံပြေးဖြစ်နေတာကို မသိတဲ့ အခြေအနေဖြစ်နေတာတွေ .... ဆိုတော့

- အတိုချုပ် သတိပေးရရင်
(1) ဘာပေး၊ ညာပေးတွေရဲ့ transaction တွေဂရုစိုက်ပါ...
(2) ကိုယ့်မှတ်ပုံတင်ကို အလွယ်တကူ မငှားပါနဲ့
(3) သူများ ငွေလွှဲခိုင်းရင် ငြင်းပါ
ဒါလေးပါပဲ...

U Soe Paing (LL.B, LL.M)

#ဥပဒေ
#ရှေ့နေ
#၅၀ည
#ဥပဒေအတိုအထွာ

01/09/2025

19.7.2025
ဆရာဦးသိန်းကျော်စိုး ပညာဒါနသင်ကြားမှု
ရာဇဝတ်မှုဆိုင်ရာ
(၁) FIR
(၂) တိုင်လျှောက်လွှာနှင့် ပက်သက်သောစီရင်ထုံးများ
------------
"မိတ်ဆက်"
- ဆရာဦးသိန်းကျော်စိုးသည် လွယ်ကူမှတ်သား စီရင်ထုံးကဗျာများ ပထမတွဲ၊ ဒုတိယတွဲကို ထုတ်ဝေခဲ့ပြီး ပညာဒါနသင်တန်းများကို တောက်လျှောက်သင်ခဲ့သော ဆရာတစ်ဦးဖြစ်သည်။
- ယခုအခါ T+K+S Legal Services Group ရုံးခန်း၌ ဆရာရေးသားခဲ့သော စာအုပ်နှစ်အုပ်ကိုပေါင်း၍ အစီအစဉ်တကျ ရာဇဝတ်မှု၊ တရားမမှုများကို သင်ကြားနေသည်များကို လာရောက်မတက်ရောက်နိုင်သော ဥပဒေပညာလေ့လာလိုသူများအတွက် You Tube တွင်ပုံမှန်တင်ပေးသွားမည်ဖြစ်သည်။
- You Tube တွင်တင်ထားခြင်းကြောင့် Subscribe လုပ်ထားပြီး အားလပ်သည့်မည်သည့်အချိန်တွင်မဆို ဝင်ရောက်ကြည့်နိုင်မည့်အပြင် သင်တန်းတက်သကဲ့သို့ အကျိုးရစေရန် video file sizes ကြီးသော်လည်း မဖြတ်မတောက် editing မလုပ်ပဲ မူရင်းအတိုင်းတင်ပေးထားပါတယ်။
- ကျွန်တော်၏ You Tube channel တွင် ဆရာဦးသိန်းကျော်စိုးအပြင် ဆရာဦးအောင်ချိုသင်ကြားမှုကိုပါ ပုံမှန်တင်ထားပေးမည်ဖြစ်သည့်အတွက် မိတ်ဆွေများကို sharing လုပ်ပြီး ဆရာတို့ရဲ့ ပညာပါရမီကိုဖြည့်ပေးဖို့ရန်လည်း တိုက်တွန်းပါရစေ.....



#ဥပဒေ
#ပညာဒါန

ရာဇဝတ်မှုဆိုင်ရာ(၁) FIR(၂) တိုင်လျှောက်လွှာနှင့်ပက်သက်သော စီရင်ထုံးများ

31/07/2025

၂.၈.၂၀၂၅ စနေနေ့
- ဥပဒေပညာဒါနသင်တန်းလေးရှိပါတယ်...
- ဆရာဦး‌အောင်ချိုနှင့်ဆရာဦးသိန်းကျော်စိုးတို့မှသင်ကြား‌ပေးမည်ဖြစ်ပါသည်....
-*ပညာဒါနသင်တန်းလေးမို့အခမဲ့တက်ရောက်နိုင်ပါသည်။

သင်တန်းအချိန်
နေ့လည်၁၂နာရီမှ၃;၃၀နာရီထိ
သင်တန်းလိပ်စာ
T.K.S legal services group
အမှတ်၁၈၄ပထမထပ်၊ ၃၈လမ်းအလယ်၊ ကျောက်တံတားမြို့နယ်။
ဂရိတ်မိတ္တူဆိုင်အပေါ်ထပ်

31/07/2025

Celebrating my 11th year on Facebook. Thank you for your continuing support. I could never have made it without you. 🙏🤗🎉

10/06/2025

နိုင်ငံခြားမှာကျောင်းတက်နေသူများ စစ်မှုထမ်းတာဝန်များ ရွှေ့ဆိုင်းခွင့်ရှိ၊ မရှိ
#စစ်မှုထမ်းဥပဒေလိုတိုရှင်း

‼️အဖြေကတော့ ရွှေ့ဆိုင်းခွင့်ရှိတယ်လို့ တိုက်ရိုက်မပါပါဘူး။ အစိုးရကျောင်း(သို့) အသိမှတ်ပြုကျောင်းတက်နေတာမဟုတ်ရင် မရပါ။‼️

ပြည့်သူ့စစ်မှုထမ်းဥပဒေပုဒ်မ ၁၅ (က) မှာ

(၁) ယာယီအားဖြင့်စစ်မှုထမ်းနိုင်မည့် ကျန်းမာရေးအဆင့်မမီကြောင်း သက်ဆိုင်ရာတပ်မတော် ဆေးစစ်ရေးဘုတ်အဖွဲ့၏ ထောက်ခံချက်ရရှိထားသူများ၊
(၂) နိုင်ငံ့ဝန်ထမ်းများ၊
(၃) ပညာသင်ကြားနေသူများ၊
(၄) အခြားပြုစုစောင့်ရှောက်မည့်သူ မရှိသော မိအိုဖအိုများကို ပြုစုလုပ်ကျွေးနေသူများ၊
(၅) မူးယစ်ဆေးဝါးဖြတ်ရန် ဆေးကုသမှုခံယူနေသူများ၊
(၆) ထောင်ဒဏ်ကျခံနေသူများ။
အကျုံးဝင်သော ပုဂ္ဂိုလ်များအား ပြည်သူ့စစ်မှုထမ်းဆောင်ရမည့် တာဝန်မှ ယာယီရွှေ့ဆိုင်းနိုင်သည်လို့ပါသော်လည်း....

ပုဒ်မ ၂ (ဆ)မှာ ပညာသင်ကြားနေသူ ဆိုသည်မှာ အစိုးရကဖွင့်လှစ်ထားသော သို့မဟုတ် အသိအမှတ် ပြုထားသော တက္ကသိုလ်၊ ကောလိပ်၊ သိပ္ပံနှင့်ကျောင်းများတွင် ပညာသင်ကြားနေသူများကို ဆိုသည်ဆိုတော့... အစိုးရကျောင်း(သို့) အသိမှတ်ပြုကျောင်းတက်နေတာမဟုတ်ရင် မရပါ။

ဒါပေမဲ့ နည်းဥပဒေ ၂၇ မှာ
ဗဟိုအဖွဲ့သည် ရွှေ့ဆိုင်ရန်လျှောက်ထားမှုနှင့်ပတ်သက်၍ ပုဒ်မ (၁၅) ပါသတ်မှတ်ချက်များအပြင်တဲ့ ကိစ္စရပ်တစ်ခုချင်းအလိုက် စီစစ်ခွင့်ပြုနိုင်တယ်ဆိုတော့ ပြောရရင် ခွင့်ပြုကောင်းခွင့်ပြုနိုင်တယ်... သို့သော် နိုင်ငံခြားတိုင်းပြည်မှာ ပညာသင်ကြားနေသူကို ‌စစ်မှာထမ်းရန် ရွှေ့ဆိုင်းခွင့်‌ပြုနိုင်သည်ဟု တိုက်ရိုက်မပါကြောင်းပါ။

Ko Soe Paing (LL.B)
#ဥပဒေလိုတိုရှင်း
#စစ်မှုထမ်းဥပဒေ

18/05/2025

စစ်မှုထမ်းဥပဒေလိုတိုရှင်း။
အဆင့် (၃) ဆင့်ရှိ။
(၁) မှတ်ပုံတင်ရန် ဆင့်ခေါ်သည့်အဆင့်
(၂) ဆေးစစ်ရန် ဆင့်ခေါ်သည့်အဆင့်
(၃) ဆေးစစ်အောင်လျှင် စစ်မှုထမ်းရန် ဆင့်ခေါ်သည့်အဆင့်
- မည်သည့်အဆင့်တွင်ပျက်ကွက်သည်ဖြစ်စေ အများဆုံးထောင်ဒဏ် (၃) နှစ်ဖြစ်စေ၊ ငွေဒဏ်ဖြစ်စေ၊ နှစ်ရပ်လုံးဖြစ်စေချနိုင်။

အရေးကြီးမှတ်သားရန်။
(၁) မှတ်ပုံတင်ရန်ဆင့်ခေါ်သည့်အဆင့်တွင် ကာယကံရှင်အဝေးရောက်နေပါက မိသားစုမှ ကိုယ်စားမှတ်ပုံတင်ရမည်။ ပျက်ကွက်လျှင် အထက်ပါပြစ်ဒဏ်သင့်မည်။
(၂) ကင်းလွတ်၊လျှော့ပေါ့၊ရွှေ့ဆိုင်းရန်လျှောက်လိုလျှင် ဆေးစစ်အောင်ပြီးမှ မြို့နယ်အဖွဲ့သို့လျှောက်နိုင်။
(၃) ဤသို့လျှောက်ထားဆဲ နိုင်ငံခြားထွက်လိုလျှင် ဗဟိုအဖွဲ့ ခွင့်ပြုမိန့်လို။
(၄) အရေးပေါ်အခြေအနေတွင် အကျုံးဝင်သူအားလုံးကို စစ်စည်းရုံးခြင်းပြုနိုင်။

Ko Soe Paing (LL.B)
#ဥပဒေလိုတိုရှင်း
#စစ်မှုထမ်းဥပဒေ