Nay Law Firm

02/10/2023

အွန်လိုင်းစနစ်ဖြင့်ရောင်းချခြင်း (Online Sales) လုပ်ငန်းများ မှတ်ပုံတင်နိုင်ရေးအတွက် eComReg System အား ၂၀၂၃ ခုနှစ် အောက်တိုဘာလ (၂) ရက်နေ့တွင် စတင်လျှောက်ထားနိုင်ပြီဖြစ်ပါသည်။

ယင်းတွင် အမျိုးစား (၂) မျိုးလျှောက်ထားနိုင်မည်ဖြစ်ပါသည်။

(၁) ကုမ္ပဏီ (သို့မဟုတ်) စီးပွားရေးအဖွဲ့အစည်းများ
(၂) Individual တစ်ဦးချင်းစီးပွားရေးလုပ်ငန်းများ တို့ဖြစ်ပါသည်။

လျှောက်ထားရမည့် Online ရောင်းချသူများ
----------------------------------

ပြည်တွင်း၌ အခြေပြုသည်ဖြစ်စေ၊ ပြည်ပ၌ အခြေပြုသည်ဖြစ်စေ မြန်မာနိုင်ငံအတွင်းနေထိုင်သူများအား ရောင်းချသည့် online အသုံးပြု၍ ကုန်ပစ္စည်း/ဝန်ဆောင်မှုရောင်းချမှု အားလုံးမှတ်ပုံတင်ရမည်ဖြစ်ပါသည်။

မှတ်ပုံတင်ကြေးများ
--------------
မှတ်ပုံတင်ကြေးနှင့် အခြားပေးဆောင်ရန်များမှာ အောက်ပါအတိုင်းဖြစ်ပါသည်။

-မှတ်ပုံတင်ကြေး၊
-သက်တမ်းတိုးကြေး၊
-ပြင်ဆင်ကြေး၊
-Online Application Form ကြေး။

ငွေပေးချေခြင်း
-----------

ငွေပေးချေခြင်းအား Online Payment များဖြစ်သည့်
MPU (e-Commerce Pay)
AYA Pay,
Master/Visa Card,
JCB Card များနှင့်ပေးချေနိုင်ပါသည်။

လိုအပ်သည့်စာရွက်စာတမ်းများ ပြင်ဆင်ခြင်း
---------------------------------
၁။ ကုမ္ပဏီ (သို့မဟုတ်) စီးပွားရေးအဖွဲ့ အစည်းအတွက် လျှောက်ထားခြင်းအတွက် ပူးတွဲတင်ပြရန် ကုမ္ပဏီမှတ်ပုံတင် လက်မှတ် PDF (သို့) JPEG ပြင်ဆင်ထားခြင်း။

၂။ ကုမ္ပဏီ (သို့မဟုတ်) စီးပွားရေးအဖွဲ့ အစည်းအတွက် လျှောက်ထားခြင်းအတွက် ပူးတွဲတင်ပြရန်SME မှတ်ပုံတင်လက်မှတ် PDF (သို့) JPEG ပြင်ဆင်ထားခြင်း။

၃။ ဆိုင်လိပ်စာမှန်ကန်ကြောင်း ရပ်ကွက်‌ထောက်ခံစာရယူ၍ PDF (သို့) JPEG ပြင်ဆင်ထားခြင်း။

၄။ ရဲစခန်းထောက်ခံစာ ရယူ၍ PDF (သို့) JPEG ပြင်ဆင်ထားခြင်း။

၅။ Passport Photo (JPEG File Format) ပြင်ဆင်ထားခြင်း။

၆။ လျောက်ထားသူ Online Shop Owner ၏ မှတ်ပုံတင် ပူးတွဲတင်ပြရန် မှတ်ပုံတင် ရှေခြမ်းနှင့် နောက်ခြမ်းတို့အား Scan ပြုလုပ် PDF (သို့) JPEG ပြင်ဆင်ထားရန်

၇။ နိုင်ငံခြားသား လျှောက်ထားသူများ Passport ရှေ့ခြမ်း စာမျက်နှာအား PDF (သို့) JPEG ပြင်ဆင်ထားရန်

၈။ လျှောက်ထားသူ Owner ၏ နေထိုင်ကြောင်း လိပ်စာမှန်ကန်ကြောင်း ရပ်ကွက် နှင့် ရဲစခန်းထောက်ခံစာများ ပူးတွဲတင်ပြရန် PDF (သို့) JPEF file format ပြင်ဆင်ထားရန်။

၉။ မိမိတို့ လျှောက်ထားမည့် Online Shop များ၏ LOGO များ တင်ပြရန် JPEG file format ဖြင့် ပြင်ဆင်ထားရန်။ Individual စီးပွားရေးလုပ်ငန်းများ လျှောက်ထားရန်အတွက် Company မှတ်ပုံတင်လက်မှတ် တင်ပြရန် မလိုအပ်ပါ။

၃၁၊ ၁၂၊ ၂၀၂၃ ရက်နေ့အထိ မှတ်ပုံတင်ကြေးကင်းလွတ်ခွင့်ရပါမည်။ မှတ်ပုံတင်ကြေးကင်းလွတ်ခွင့်ဖြင့် မှတ်ပုံတင် သက်တမ်း (၆) လ ရပါမည်။

25/08/2023

ပုဂ္ဂလိက ကျန်းမာရေးလုပ်ငန်းများတွင် ကျန်းမာရေးစောင့်ရှောက်မှုပေးသူများ၏ အသက်မွေးဝမ်းကျောင်းပညာလုပ်ငန်းမှ ဝင်ငွေခွန် နှင့်စပ်လျဉ်းသည့် အမိန့်ကြော်ငြာစာ။

18/01/2023

အရောင်းအဝယ်စာချုပ် မှတ်ပုံတင်ရန် အဆင့်ဆင့်
==================================

မေး။ ။ဝယ်စဉ်က အရောင်းအဝယ်စာချုပ်ရော SP ရောစာချုပ် ချုပ်ထားပါတယ် အမည်ပေါက်ပြောင်းရင် အခွန်ဆောင်ရပါသလား ဘာတွေလိုအပ်လဲရှင်းပြပေးပါခင်ဗျာ။

ဖြေ။ ။ အိမ်၊ ခြံ၊ မြေ နှင့်ပတ်သက်ပြီး စရံပေးစဉ် အချိန်မှစ၍ ဝယ်သူတို့မှ တန်ဖိုး (၃၀၀) ကျပ်တန် တံဆိပ်ခေါင်းဖြင့် စာချုပ်ရေးသားကာ အရပ်သဘော အရောင်းအဝယ်ပြုလုပ်ကြပါသည်။

အိမ်၊ ခြံ၊ မြေ ဝယ်ယူရာတွင် တန်ဖိုး (၁၀၀) ကျပ်ထက်ပိုပါက မှတ်ပုံတင်မှသာ ဥပဒေအရ ခိုင်မာမည်ဖြစ်၍ ဝယ်ယူသူတို့မှ အရောင်းအဝယ် တိကျ ခိုင်မာမှုရှိရန်အတွက် အရောင်းအဝယ်စာချုပ်ကို မှတ်ပုံတင်ရန် လိုအပ်ပါသည်။

အရောင်းအဝယ်စာချုပ်မှတ်ပုံတင်ရန် အဆင့်ဆင့်

(၁) တန်ဖိုး (၃၀၀) ကျပ်တန် တံဆိပ်ခေါင်းဖြင့် ချုပ်ထားသော စာချုပ်တစ်စောင်၊ ဝယ်သူ၊ ရောင်းသူတို့ မှတ်ပုံတင်မူရင်းများ၊ ဝယ်သူ၏ သန်းခေါင်စာရင်း၊ အရောင်းအဝယ်ပြုထားသော မြေ၏ဂရံ (သို့) ပိုင်ဆိုင်မှု အထောက်အထားများ၊ နောက်ဆုံးအကြိမ်ဆောင်ထားသော မြေခွန် နှင့် အရောင်းမြေပုံ၊ မြေရာဇဝင် ဝယ်ယူထားသော အိမ်၊ ခြံ၊ မြေ အားရိုက်ထားသော ဓါတ်ပုံ(၄)ပုံ၊ ရောင်းသူ / ဝယ်သူ (၂) ဦးလုံးမှ တန်ဖိုးစီစစ်ရေးရုံးသို့ သွားရောက်၍ ဝယ်ယူထားသောမြေကို တန်ဖိုးဖြတ်သတ်မှတ်ပေးရန် လျှောက်ထားရမည်။

(၂) လျှောက်ထားပြီး (၂) ပတ်ခန့်အကြာတွင် သက်ဆိုင်ရာမြို့နယ် အခွန်ဦးစီးဌာနတွင် ဝယ်ယူထားသော အိမ်၊ ခြံ၊ မြေ အခွန်မည်မျှ ကျသင့်ကြောင်း သွားရောက်စုံစမ်းရမည်။

(၃) ပြီးနောက်ကျသင့်သော အခွန်ကို သက်ဆိုင်ရာမြို့နယ်ရှိ မြန်မာ့စီးပွားရေးဘဏ်တွင် သွားရောက်ထမ်းဆောင်ပြီး သက်သေခံဘဏ်ချလံအား ပြန်လည်ထုတ်ယူရပါသည်။

(၄) ဘဏ်ချလံရရှိလာပါက မြို့နယ်အခွန်ရုံးသို့သွားရောက်၍ အခွန်ဆောင်ထားသော တန်ဖိုးနှင့်အညီ တံဆိပ်ခေါင်းများ ထုတ်ယူနိုင်ပါသည်။

(၅) ယင်းတံဆိပ်ခေါင်းများပေါ်တွင် စာချုပ်ရိုက်နှိမ်ပြီးနောက် စာချုပ်စာတမ်းများ မှတ်ပုံတွင်ရုံးတွင် အရောင်းအဝယ်စာချုပ်ကို ရောင်းသူ / ဝယ်သူ နှစ်ဦးလုံး လိုက်ပါ၍ မှတ်ပုံတွင်ရပါသည်။

(၆) ရက်ပေါင်း (၄၅) ရက်ကြာပါက မှတ်ပုံတင်ထားသော အရောင်းအဝယ်စာချုပ်ကို မှတ်ပုံတွင်ရုံးတွင် ပြန်လည် ထုတ်ယူနိုင်ပါသည်။

ခြွင်းချက်။ ။ ရောင်းချသူမှ စာချုပ်မှတ်ပုံတင်အဆင့်ဆင့်ကို လိုက်ပါဆောင်ရွက်မပေးနိုင်ပါဟု ဝယ်ယူသူ (သို့) ဝယ်ယူသူညွှန်ပြသောသူအား S.P ပေးရပါမည်။

အရောင်းအဝယ်စာချုပ်အား မှတ်ပုံတင်ပြီးပါက ဝယ်ယူသူအမည်ပေါက်ရေးအတွက် စည်ပင်သာယာရေးကော်မတီ (သို့) မြို့ရွာ အိုးအိမ်နှင့် ဦးစီးဌာနတွင် အမည်ပြောင်းလျှောက်ထားနိုင်ပါသည်။

အမည်ပြောင်းလျှောက်ထားရာတွင် ဌာန သို့အမည်ပြောင်းခ နှင့် သတင်းစာတွင် ကြော်ငြာထည့်သွင်းခသာပေးဆောင်ရမည်ဖြစ်ပြီး အခြားသော အခွန်အခများ ထပ်မံပေးဆောင်စရာမလိုအပ်ပါ။

crd - orginal uploader

07/01/2023

14/11/2022

ကျွန်တော်က မိတ်ဆွေတစ်ဦးထံက ပုံစံ ၇ မရသေးတဲ့ လယ်ယာမြေကို အရပ်စာချုပ်နဲ့ဝယ်ထားပါတယ် ။ ကိုယ့်အမည်နဲ့ ပုံစံ ၇ ရအောင် ဘယ်လိုလျှောက်ထားရမလဲဆိုတာကို သိပါရစေ ။❓
==========================

ပုံစံ ၇ အမည်ပေါက်ရန်အတွက် မြေအခြေအနေကို မူတည်ပြီး နည်းလမ်း အမျိုးအစား ကွဲပြားပါတယ်။ ပုံစံ ၇ ရပြီး လယ်ယာမြေတွင် ဆောင်ရွက်သည့် နည်းလမ်းနှင့် ပုံစံ ၇ မရသေးသည့် လယ်ယာမြေတွင် ဆောင်ရွက် သည့်နည်းလမ်း မတူပါဘူး။ ပုံစံ ၇ ရပြီး လယ်ယာမြေဖြစ်ပါက မိမိ ဝယ်ယူထားသည့် လယ်ယာ မြေကို မိမိ အမည်ဖြင့် ပုံစံ ၇ အမည်ပြောင်းရန် လုပ်ငန်းစဉ် ၆ ဆင့် ရှိပါတယ် ။

(က) လယ်ယာမြေလုပ်ပိုင်ခွင့်ကို ရောင်းချခြင်း၊ ပေါင်နှံခြင်း၊ ငှားရမ်းခြင်း၊ လဲလှယ်ခြင်းနှင့် ပေးကမ်း ခြင်း ကိစ္စရပ်များအတွက် မြေစာရင်းပုံစံ ၁၀၅ ရေးကူး ရရှိရေးအတွက် လျှောက်ထား ဆောင် ရွက်ခြင်း။

(စာချုပ်ချုပ်ဆို ဆောင်ရွက်မည့် ဧရိယာကို မြေတိုင်းတာစိစစ်ပြီး သက်သေခံံ မြေပုံ ထုတ်ယူနိုင်ရန် အတွက် လယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာန၏ (၂၀-၅-၂၀၁၉) ရက် စွဲပါ စာအမှတ် ၆၁၂၄/ မပ(မြေပုံ)- ထွေ-၂ (၁၉) ဖြင့် ညွှန်ကြားချက်များအရ လိုက်နာ ဆောင် ရွက်ရန် ဖြစ်ပါသည်။)

(ခ) လွှဲပြောင်းသော လယ်ယာမြေအား ဆီလျော်သော ဒေသန္တရတန်ဘိုး သတ်မှတ်ပေးရန် လျှောက် ထားခြင်း။

ဗဟိုလယ်စီ၏ ညွှန်ကြားချက် (၂/၂၀၁၉) အရ ကျေးရွာလယ်စီမှ အဆိုပြုတင်ပြ၍ မြို့နယ်လယ်စီမှ တန်ဘိုး အတည်ပြု သတ်မှတ်ရန် ဖြစ်သည်။

(ဂ) မြို့နယ်လယ်စီမှ သတ်မှတ်ပေးလိုက်သော လယ်ယာမြေတန်ဘိုးအရ ထိုက်သင့်တံဆိပ်ခေါင်းများ ကပ်နှိပ်၍ စာချုပ်ချုပ်ဆိုနိုင်ရန် အခွန်ဦးစီးဌာနတွင် စာချုပ်ခေါင်း ဝယ်ယူခြင်း၊ (တန်ဘိုး၏ ၄ %)

(ဃ) ထိုက်သင့်တံဆိပ်ခေါင်း ကပ်နှိပ်ပြီး ဖြစ်သော လယ်ယာမြေလုပ်ပိုင်ခွင့်ကိုရောင်းချခြင်း၊ ပေါင်နှံ ခြင်း၊ ငှားရမ်းခြင်း၊ လဲလှယ်ခြင်း၊ ပေးကမ်းခြင်း စာချုပ်များကို ရပ်ကျေးလယ်စီအဖွဲ့ ရှေ့မှောက်တွင် ချုပ်ဆို လက်မှတ်ထိုးခြင်း။ (ဗဟိုလယ်စီ၏ လယ်ယာမြေလုပ်ပိုင်ခွင့်ကို ရောင်းချခြင်း၊ ပေါင်နှံခြင်း၊ ငှားရမ်းခြင်း၊ လဲလှယ်ခြင်း၊ ပေးကမ်းခြင်း များအတွက် စာချုပ်များ ချုပ်ဆိုရန် တင်ပြဆောင်ရွက်ရာ တွင် လိုက်နာ ဆောင်ရွက်ရမည့် လုပ်ငန်းစဉ်များ (ညွှန်ကြားချက် အမှတ် ၃/၂၀၁၉) အရ ဆောင် ရွက်ရန်ဖြစ်သည်။ )

(င) ချုပ်ဆိုပြီးသော လယ်ယာမြေလုပ်ပိုင်ခွင့်ကို ရောင်းချခြင်း၊ လဲလှယ်ခြင်း၊ ပေးကမ်းခြင်း၊ ပေါင်နှံခြင်း၊ ငှားရမ်းခြင်းတို့နှင့် ပတ်သက်သော စာချုပ်များကို စာချုပ်စာတမ်းမှတ်ပုံတင်ရုံး (မြို့နယ် လယ်ယာ မြေ စီမံခန့်ခွဲရေးနှင့် စာရင်းအင်းဦးစီးဌာန) တွင် မှတ်ပုံတင်ခြင်း ၊

(ယင်းစာချုပ်များ မှတ်ပုံတင်ဆောင်ရွက်ရန်အတွက် နည်းလမ်းများကို လယ်/စီ/အင်း ဦးစီးဌာန မှ (၁၇-၅-၂၀၁၉) ရက်စွဲပါ စာအမှတ် ၆၀၂၅/ ၄န-၃(၂၀၁၉) ဖြင့် ထုတ်ပြန်ထားသည့်အပြင် အဆိုပါ စာချုပ်များ မှတ်ပုံတင်ရာတွင် ထမ်းဆောင်ပေးသွင်းရမည့် တံဆိပ်ခေါင်းခွန်နှင့် စာချုပ်စာတမ်း မှတ်ပုံတင်ခ အခ ငွေစာရင်းကိုလည်း ထုတ်ပြန်ညွှန်ကြားပြီးဖြစ်သည့်အတိုင်း လိုက်နာရန် ဖြစ်သည်။

(စ) မှတ်ပုံတင်ပြီးသော စာချုပ်စာတမ်းများနှင့် ပူးတွဲ၍ လယ်ယာမြေလုပ်ပိုင်ခွင့်အား အမည်ပြောင်း လျှောက် လွှာ တင်သွင်းခြင်း လုပ်ပိုင်ခွင့်ရသူ အမည်ပြောင်းလဲပေးခြင်း။

(ဗဟိုလယ်စီ၏ ညွှန်ကြားချက်အမှတ် ၄/၂၀၁၉ အရ ဆောင်ရွက်ရန် ဖြစ်ပါသည်။ )

အထက်ပါ အချက် (က)၊ (ခ)၊ (ဂ)၊ (ဃ) နှင့် (င) တို့ ပြည့်စုံစွာ ဆောင်ရွက်ပြီး နောက် အချက် (စ) ပါ ပုံစံ ၇ အမည်ပြောင်းကိစ္စကို ဆောင်ရွက်ပေးပြီးသည့်အခါ ဝယ်ယူထားသော လယ်ယာမြေ၏ လုပ်ပိုင် ခွင့်ပြု လက် မှတ် မိမိအမည်ဖြင့် ရရှိမည် ဖြစ်ကြောင်း ဖြေလိုပါတယ်။

ယခုမေးခွန်းပါ ပုံစံ ၇ မရသေးသည့် တနည်းဆိုသော် မလျှောက်ထားရသေးသည့် လယ်ယာမြေဖြစ်ပါက ဝယ်ယူထားသူသည် ပထမ လယ်ယာမြေအဖြစ် သတ်မှတ်ထားသည့် မြေနှင့် ကွင်းတိုင်းတာ မြေပုံ ထုတ်ပြီး မြေဖြစ်ရပါမယ်။ ဒုတိယ လက်ရောက် လွှဲပြောင်းရယူထားပြီး လက်ရှိလက်ငုတ်အဖြစ် လုပ်ကိုင် နေသူ ဖြစ်ရပါမည်။ သို့မှသာ ပုဒ်မ ၆၊ (က)(၂) ပါ ပြဌာန်းချက်အရ လက်ရှိလုပ်ကိုင်နေသူအဖြစ် လျှောက်ထားခွင့် ရရှိမည်ဖြစ်ပါတယ်။ ကာယကံရှင် အနေဖြင့် လယ်ယာမြေနည်းဥပဒေ အခန်း(၂) ပါ ပြဌာန်းချက်များအရ ရပ် ကျေး လယ်စီထံမှ ပုံစံ (၁) တောင်းခံ ဖြည့်သွင်း၍ ရပ်ကျေးလယ်စီမှတဆင့် မြို့နယ်ဦးစီးဌာနသို့ လျှောက် ထားနိုင်ပါတယ်။ မြေပေါ်အမှန် လုပ်ကိုင်နေသူဖြစ်ကြောင်း ရပ်ကျေး အုပ်ချုပ်ရေးမှူး နှင့် လယ်နီးချင်း သက်သေ ၂ ဦး ၏ ထောက်ခံချက် ပါရှိရပါမယ်။

ထိုလျှောက်ထားမှုကို ဦးစီးဌာနမှ ကန့်ကွက်လွှာခေါ်ယူခြင်း စိစစ်ခြင်းများ ဆောင်ရွက်ပြီးနောက် အမှုတွဲကို သဘောထား မှတ် ချက်နှင့်အတူ မြို့နယ်လယ်စီကို တင်ပြပေး ပါမည်။ မြို့နယ်လယ်စီမှ ဆက်လက်စိစစ်ပြီး သဘောထား မှတ်ချက်နှင့်အတူ ခရိုင်လယ်စီသို့ တင်ပြပါမည်။ ခရိုင်လယ်စီမှ အမှုတွဲလက်ခံ ရရှိသည့်အခါ ထပ်မံ စိစစ်၍ လျှောက်ထားမှုကို ခွင့်ပြုကြောင်း သို့မဟုတ် ငြင်းပါယ်ကြောင်း ဆုံးဖြတ်ပြီး မြို့နယ်ဦးစီးဌာနသို့ အကြောင်းကြားပါမည်။ ဦးစီးဌာနသည် ခရိုင်လယ်စီမှ ခွင့်ပြု သည့် အကြောင်းကြားစာ ရရှိပါက လျှောက် ထားသူအား မှတ်ပုံတင်ကြေး ၅၀ဝိ ပေးသွင်းခြင်း၊ မှတ်ပုံတင် စာရင်း ပုံစံ ၅ တွင် မှတ်တမ်းတင်ခြင်းများ ဆောင်ရွက်ပြီး မြီု့နယ်လယ်စီသို့ တင်ပြ၍ လယ်ယာမြေ လုပ်ပိုင် ခွင့်ပြုလက်မှတ် ပုံစံ ၇ ထုတ်ပေးမည် ဖြစ်ပါတယ်။ ယခု မေးမြန်းသူအနေဖြင့် အထက်ပါအတိုင်း လိုက်နာ လျှောက်ထား ဆောင်ရွက်၍ ပုံစံ ၇ အမည်ပေါက် ရရှိနိုင်ပါတယ်။

credit -original uploader

11/01/2022

လိမ်လည်မှု အကြောင်းနှင့်ပက်သက်ပြီး >>>>

လေ့လာရမည့်ဥပဒေမှာ - ရာဇသတ်ကြီးပုဒ်မ ၄၁၇ ဖြစ်ပါသည်။

- မည်သူမဆို၊လိမ်လည်မှုကျူးလွန်လျှင် ထိုသူကို သုံးနှစ်ထိ ထောင်ဒဏ်တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးကိုဖြစ်စေ ချမှတ်ရမည်။

- လိမ်လည်မှုနှင့်ပက်သက်၍
အဓိပ္ပါယ်ဖွင့်ဆိုချက် ကို ရာဇသတ်ကြီးပုဒ်မ ၄၁၅ တွင်
လေ့လာရမည် ဖြစ်ပါသည်။

ပုဒ်မ ၄၁၅ တွင် >>>

လိမ်လည်မှုဆိုရာတွင် >>>
- မည်သူမဆို တစ်ဦးတစ်ယောက်သောသူအား လှည့်ဖြားခြင်းဖြင့် ထိုသို့လှည့်ဖြားခံရသောသူက သူတစ်ပါးအားပစ္စည်းတစ်ခုခုကို ပေးအပ်စေရန်ဖြစ်စေ၊ သူတပါးထံတွင် ပစ္စည်းတစ်ခုခုကို ဆက်လက်ထားရှိသည်ကို သဘောတူစေရန်ဖြစ်စေ၊ ထိုသို့ လှည့်ဖြားခြင်းခံရသောသူအား လိမ်လည်လှည့်ဖြားလိုသော သဘောဖြင့်သော်လည်းကောင်း၊
မရိုးမဖြောင့်သော သဘောဖြင့်သော်လည်းကောင်း သွေးဆောင်လျှင် သို့မဟုတ် တစ်ဦးတစ်ယောက်သောသူအား လှည့်ဖြားခြင်းဖြင့် ထိုသို့လှည့်ဖြားခြင်းခံရသောသူက အကယ်၍ လှည့်ဖြားခြင်းမခံရသော် မိမိပြုမည်
မဟုတ်သော သို့မဟုတ် မိမိပျက်ကွက်မည်မဟုတ်သော အရာကိုပြုစေရန် သော်လည်းကောင်း မပြုဘဲပျက်ကွက်စေ ရန် သော်လည်းကောင်း ထိုသို့လှည့်ဖြားခြင်းခံရသော သူအား
တမင်သွေးဆောင်လျှင် ထို့ပြင်
ထိုပြုလုပ်မှုက သို့မဟုတ် ထိုပျက်ကွက်မှုက ထိုသူ၏ ကိုယ်ကိုဖြစ်စေ၊စိတ်ကိုဖြစ်စေ၊ဂုဏ်သရေကိုဖြစ်စေ၊ပစ္စည်းကိုဖြစ်စေ၊ပျက်စီးနစ်နာစေခြင်းသော်လည်းကောင်း၊အန္တရာယ်
သော်လည်းကောင်း ဖြစ်စေလျှင် သို့မဟုတ် ထိုသို့ ဖြစ်စေတန်ရာလျှင် ထ်ိုသူသည် လိမ်လည်သည် မည်၏။

ပုဒ်မ ၄၁၇ သည် ရဲအရေးမပိုင်၊
ဦးစွာဝရမ်းထုတ်ဆင့် ဖမ်းဆီးနိုင်သည်၊အာမခံပေးရမည်။တရားစွဲဆိုသည့်အမှု စစ်ဆေးဆဲတွင် တရားရုံး၏ ခွင့်ပြုချက်အရ ကျေအေးနိုင်သည်။

ပညာရပ်ဖြင့် ဆွေးနွေးပြောကြားခြင်းကို ကြိုဆိုလျက်

with regards
Legal point of view

04/01/2022

လယ်ယာမြေကို ကိုယ့်အမည်ပေါက် ရရှိသည်အထိလုပ်ပိုင်ခွင့် လွှဲပြောင်းခြင်း ဆောင်ရွက်ပုံ နည်းလမ်းများ

ပုံစံ ၇ ရရှိပြီးတဲ့ လယ်ယာမြေကို ရောင်း၊ ပေါင်၊ ငှား၊ လဲ၊ ပေး ဆောင်ရွက်ကြရမှာ ဥပဒေနှင့်အညီ ဆောင်ရွက်တတ်စေရန် ကာယကံရှင်များနှင့် ဌာနဆိုင်ရာများဘက်က ဆောင်ရွက်ရမည့် အပိုင်းများကို အသေးစိတ် ပြည့်စုံအောင် ရေးသားတင်ပြထားပါတယ်။

ပုံစံ(၇)ရရှိပြီးတဲ့ ဦးပိုင်တစ်ခုလုံးကိုပဲဖြစ်ဖြစ်၊ တစ်စိတ်တစ်ပိုင်းကိုပဲဖြစ်ဖြစ် ရောင်းချခြင်း၊ ပေါင်နှံခြင်း၊ ငှားရမ်းခြင်း၊ လဲလှယ်ခြင်းနှင့် ပေးကမ်းခြင်းထဲက တစ်ခုခုပြုလုပ်ထားပြီဆိုရင် လုပ်ပိုင်ခွင့် လွှဲပြောင်းရပါတယ်။

ဒီလို လုပ်မယ်ဆိုရင် ရပ်/ကျေးလယ်ယာမြေစီမံခန့်ခွဲမှုအဖွဲ့ရှေ့မှောက်မှာ စာချုပ်ချုပ်နိုင်ရေးအတွက် မြေတည်နေရာတွေ၊ ဧရိယာတွေ၊ အရှုပ်အရှင်းတွေ၊ တခြားမမြင်နိုင်တဲ့ ပြဿနာတွေ ရှင်းလင်းစေဖို့ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန(မြေစာရင်း)မှာ မြေပုံ၊ မြေရာဇဝင် လျှောက်ထားရပါတယ်။

ဒီလိုလျှောက်ထားပြီဆိုရင်တော့ လျှောက်ထားသူ ကာယကံရှင်တွေက လုပ်ဆောင်ပေးရမယ့်အပိုင်းနဲ့ ဌာနဝန်ထမ်းတွေဘက်က ဆောင်ရွက်ရမည့် အပိုင်းဆိုပြီး ရှိပါတယ်။

ဌာနက မြေပုံ၊ မြေရာဇဝင်ရေးကူးရာမှာ အမြဲအမိန့်(၁/၉၄)၊ အမြဲအမိန့်(၁၈၀)၊ အမြဲအမိန့်(၁၈၈) စတဲ့ အမြဲအမိန့်များ၊ ညွှန်ကြားချက်များနဲ့အညီ စိစစ်ဆောင်ရွက်ရမည့်အပြင် အောက်ပါအတိုင်းလည်း စိစစ်ကြရပါမယ်။

ဦးပိုင်တစ်ခုလုံးကို လုပ်ပိုင်ခွင့်လွှဲပြောင်းမယ်ဆိုင်ရင်-
(က) ပုံစံ(၇)ရရှိပြီးသူများမှ စာချုပ်ချုပ်ဆိုရန်အတွက် သက်သေခံမြေပုံ လျှောက်ထားရာတွင် မြေစာရင်း၊ မြေပုံနှင့် မှတ်တမ်းများ မိတ္တူရေးကူးခွင့်လျှောက်လွှာပုံစံ (မြေစာရင်းပုံစံ-၁၀၃)+ ပုံစံ(၇)မိတ္တူဖြင့် ပူးတွဲ လျှောက်ထားရန်၊

(ခ) သက်ဆိုင်ရာ စာချုပ်ချုပ်ဆိုမည့် ကာယကံရှင်များ (သို့မဟုတ်) တရားဝင်ကိုယ်စားလှယ်လွှဲအပ်ခြင်းခံရသူများ လိုက်လံပြသသည့် မြေနယ်နိမိတ်အတိုင်း ကန်သင်းတင် တောင်သူများ၊ ရပ်/ကျေးအုပ်ချုပ်ရေးအဖွဲ့တို့နှင့်အတူ မြေတိုင်းစာရေးမှ မြေပြင်ကွင်းဆင်းတိုင်းတာ၍ လ/ထဦးစီးမှူးမှ စိစစ်ဆောင်ရွက်ရန်၊

(ဂ) တည်ဆဲနှစ်အတွက် အသုံးပြုလျက်ရှိသော စာရင်း၊ မြေပုံအရ စိစစ်ဆောင်ရွက်ရန်၊

(ဃ) လုံလောက်သည့် မြေပြင်အမာခံ အမှတ်အသားများကို အခြေခံ၍ တိုင်းတာဆောင်ရွက်ရန်နှင့် ကွင်းထွက်မြေပုံပေါ်တွင် ခဲမျဉ်းပြတ်ဖြင့် မှတ်သားထားရန်၊

(င) တိုင်းတာရရှိသည့် ဧရိယာနှင့်စပ်လျဉ်းပြီး ကာယကံရှင်များအား အသိပေးရှင်းလင်း ဆောင်ရွက်ရန်၊

(စ) တိုင်းတာရရှိသည့် ဧရိယာသည် ပုံစံ(၇)ပါဧရိယာနှင့်ကွဲလွဲမှုရှိပါက အမှန်တိုင်းတာရရှိသည့်ဧရိယာကိုသာ မြေပုံရေးကူးပေးရန်၊

(ဆ) တိုင်းတာရရှိသည့် ဧရိယာနှင့် ပုံစံ(၇)ပါ ဧရိယာ ကွဲလွဲမှုရှိပါက ပုံစံ(၇)အား ပြန်လည်ပြင်ဆင်နိုင်ရေး ကာယကံရှင်မှ ရပ်/ကျေးလယ်ယာမြေစီမံခန့်ခွဲမှုအဖွဲ့သို့ တင်ပြစေရန်၊

(ဇ) တိုင်းတာရရှိသည့် ဧရိယာနှင့် ပုံစံ(၇)ပါ ဧရိယာ ကွဲလွဲမှုအပေါ် လက်ခံနိုင်ခြင်းမရှိသည့်ကိစ္စနှင့်ပတ် သက်၍ ကာယကံရှင်မှ ရပ်/ကျေးလယ်ယာမြေစီမံခန့်ခွဲမှုအဖွဲ့သို့ တင်ပြစေရန်နှင့် လယ်ယာမြေစီမံခန့်ခွဲမှုအဖွဲ့အဆင့်ဆင့်၏ ဆုံးဖြတ်ချက်အရ လိုက်နာဆောင်ရွက်စေရန်၊

(ဈ) စာချုပ်ချုပ်ဆို ဆောင်ရွက်နိုင်ရေးအတွက် ဌာနမှ ပုံနှိပ်ဖြန့်ဝေပေးသည့် မြေစာရင်းပုံစံ(၁၀၅)ဖြင့်သာ ရေးကူးဆောင်ရွက်ရန်နှင့် ပုံစံ(၇)ထုတ်ပေးရာတွင် အသုံးပြုသည့်မြေစာရင်းပုံစံ(၁၀၅)အား အသုံးမပြုရန်၊

(ည) မြေစာရင်းပုံစံ(၁၀၅)ရေးကူးပြီးပါက မြေပုံနောက်ကျောတွင် ကာယကံရှင်များမှ လွှဲပြောင်းပေး သည့် မြေနေရာနှင့်ဧရိယာ မှန်ကန်ကြောင်း လက်မှတ်ရေးထိုးရန်၊

(ဋ) မြေစာရင်းပုံစံ(၁၀၅) (၂)စောင်နှင့်မြေရာဇဝင်အား လျှောက်ထားသူအား ထုတ်ပေးပြီး မိတ္တူတစ်စုံ အား ရုံးလက်ခံအဖြစ် ထားရှိရန်၊

ဦးပိုင်တစ်ခုလုံးကို လွှဲပြောင်းခြင်းမဟုတ်ဘဲ ဦးပိုင်ခွဲစိတ်လွှဲပြောင်းမယ်ဆိုရင်-
(က) လွှဲပြောင်းမည့် ဦးပိုင်တစ်ခုလုံး၏ နယ်နိမိတ်ဧရိယာကို ဦးစွာတိုင်းတာဆောင်ရွက်ပြီးမှ ခွဲစိတ် လွှဲပြောင်းမည့်ဧရိယာအား တိုင်းတာဆောင်ရွက်ရန်၊

(ခ) တိုင်းတာရာတွင် ကာယကံရှင် လိုက်လံပြသသည့်နယ်နိမိတ်၊ တည်ဆဲနှစ် စာရင်း၊မြေပုံအရ စိစစ်ဆောင်ရွက်ရန်၊ အမာခံအမှတ်အသားများကို အခြေခံတိုင်းတာရန်နှင့် ခဲမျဉ်းပြတ်ဖြင့် မှတ်သားရန်၊

(ဂ) တိုင်းတာရရှိသည့် ပုံစံ(၇)ပါ ဦးပိုင်တစ်ခုလုံး၏ဧရိယာ၊ ခွဲစိတ်လွှဲပြောင်းမည့်ဧရိယာနှင့် ကျန်ရှိမည့် ဧရိယာတို့ကို ကာယကံရှင်များအား အသိပေးရှင်းလင်းဆောင်ရွက်ရန်၊

(ဃ) မြေပြင်တိုင်းတာဆောင်ရွက်ချက်အရ ပုံစံ(၇)ပါဧရိယာနှင့်ကွဲလွဲမှုရှိပါက ပုံစံ(၇)ပြင်ဆင်ရန် ရပ်/ကျေးလယ်/စီသို့ တင်ပြရန်၊ လက်ခံနိုင်ခြင်းမရှိပါက လယ်/စီအဖွဲ့အဆင့်ဆင့်၏ ဆုံးဖြတ်ချက်အရ လိုက်နာရန်၊

(င) မြေစာရင်းပုံစံ(၁၀၅)ပေါ်၌ တိုင်းတာရရှိသည့် ဦးပိုင်တစ်ခုလုံး၏ဧရိယာကို ရေးဆွဲဖော်ပြ၍ ခွဲစိတ်လွှဲပြောင်းရန် လျှောက်ထားသည့်နယ်နိမိတ်အား မင်နီစက်ဖြင့် ရေးဆွဲပြသရန်၊ ဦးပိုင်အမှတ် စာတိုင်တွင် လျှောက်ထားသည့်ပုံစံ(၇)ပါ ဦးပိုင်အမှတ်ကို ရေးသားရန်နှင့် မှတ်ချက်စာတိုင်တွင် ခွဲစိတ်လွှဲပြောင်းမည့် ဧရိယာကို ဖော်ပြရန်၊

(စ) မြေစာရင်းပုံစံ(၁၀၅)အား လျှောက်ထားသူသို့ ထုတ်ပေးရာတွင် မြေပုံနောက်ကျောတွင် ကာယကံရှင်များ လက်မှတ်ရေးထိုးရန်၊ မြေစာရင်းပုံစံ(၁၀၅)(၂)စောင်ထုတ်ပေးရန်၊ မိတ္တူတစ်စုံ ရုံးလက်ခံထားရန်၊

(ဆ) ထပ်မံခွဲစိတ်လွှဲပြောင်းမည့် လယ်ယာမြေသည် (၀.၀၃)ဧကထက် လျော့နည်းလျှင်လည်းကောင်း၊ အတိုဆုံးအနားတစ်ဖက်သည် ပေ(၂၀)အောက် လျော့နည်းလျှင်လည်းကောင်း ရေးကူးဆောင်ရွက်ပေးခြင်း မပြုရန်၊

(ဇ) စာချုပ်ချုပ်ဆိုဆောင်ရွက်နိုင်ရေးအတွက် ဌာနမှပုံနှိပ်ဖြန့်ဝေပေးသည့် မြေစာရင်းပုံစံ(၁၀၅)ဖြင့်သာ ရေးကူးရန်နှင့် ပုံစံ(၇)ထုတ်ပေးရာတွင် အသုံးပြုသည့် မြေစာရင်းပုံစံ(၁၀၅)အား အသုံးမပြုရန်၊

အထက်ပါအတိုင်း မြေကိုလည်း စစ်ဆေးပြီးပြီ၊ လွှဲပြောင်းမယ့်မြေနေရာရဲ့ ဒေသန္တရကာလ ပေါက်ဈေးအရ အခွန်တံဆိပ်ခေါင်းဆောင်ပြီးလို့ ရပ်/ကျေး လယ်ယာမြေစီမံခန့်ခွဲမှုအဖွဲ့ရဲ့ ရှေ့မှောက်မှာ စာချုပ်လည်း ချုပ်ပြီးသွားပြီ၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှာ စာချုပ်ကို မှတ်ပုံတင်ပြီးလို့ လုပ်ပိုင်ခွင့်ရရှိသူအမည် ပြောင်းလဲပေးရန် သက်သေခံမြေပုံ(မြေစာရင်းပုံစံ-၁၀၅) (မြေရာဇဝင်-၁၀၆ မပါ) လျှောက်ထားလာရင်-
(က) ပုံစံ(၇)ထုတ်ပေးခြင်းလုပ်ငန်းတွင် အသုံးပြုသည့် မြေစာရင်းပုံစံ(၁၀၅)ဖြင့်သာ ရေးကူးဆောင်ရွက်ရန်၊

(ခ) စာချုပ်တွင် ပူးတွဲပါရှိသည့် မြေစာရင်းပုံစံ(၁၀၅)ပါ လျှောက်ထားသည့်ဧရိယာအတိုင်း ရေးကူးပေးရန်၊

(ဂ) ဦးပိုင်ခွဲစိတ်လွှဲပြောင်းသည့်ကိစ္စရပ်များအတွက် ဦးပိုင်အမှတ်များ ပြင်ဆင်ရေးထိုးရာတွင် အမြဲအမိန့်-၁၈၈၊ အပိုဒ်-၄ ပါ ညွှန်ကြားချက်နှင့်အညီဆောင်ရွက်ရန်၊ (ဥပမာ- ဦးပိုင်(၂၀)ကို ခွဲလျှင် ၂၀/၁၊ ၂၀/၂ စသည်ဖြင့်)


စာချုပ်ချုပ်ဆိုနည်း
“ရပ်/ကျေးလယ်ယာမြေစီမံခန့်ခွဲမှုအဖွဲ့ရဲ့ ရှေ့မှောက်မှာ သဘောတူစာချုပ်ချုပ်ရင် ဘာတွေ လိုအပ်မလဲ”၊ “စာချုပ်ချုပ်ရင် ရပ်/ကျေး လယ်ယာမြေစီမံခန့်ခွဲမှုအဖွဲ့က ဘယ်လိုတွေ ဆောင်ရွက်ရမလဲ”ဆိုတော့

၂၀၁၂ခုနှစ်၊ လယ်ယာမြေနည်းဥပဒေမှာ ပုဒ်မ
၂၄(က)။ လယ်ယာမြေလုပ်ပိုင်ခွင့်ကို ရောင်းချခြင်း၊ လဲလှယ်ခြင်း (သို့မဟုတ်) ပေးကမ်းခြင်းဖြင့် လွှဲပြောင်းလျှင် လွှဲပြောင်းပေးသူနှင့် လွှဲပြောင်းလက်ခံသူတို့သည် လယ်ယာမြေတည်ရှိသည့် သက်ဆိုင်ရာ ရပ်ကွက် (သို့မဟုတ်) ကျေးရွာအုပ်စုလယ်ယာမြေစီမံခန့်ခွဲ့မှုအဖွဲ့ရှေ့မှောက်တွင် တံဆိပ်ခေါင်းခွန် ထမ်းဆောင်၍ စာချုပ်ချုပ်ဆိုရမည်။

၄၇။ လယ်ယာမြေလုပ်ပိုင်ခွင့်ကို ငှားရမ်းခြင်းပြုလုပ်ရာတွင်-
(က) ငှားရမ်းခြင်းပြုသော လယ်ယာမြေကို စိုက်ပျိုးရေးလုပ်ငန်းအတွက်သာ အသုံးပြုရမည်။
(ခ) ငှားရမ်းသူနှင့် ငှားယူသူတို့သည် လယ်ယာမြေတည်ရှိသည့် သက်ဆိုင်ရာရပ်ကွက် (သို့မဟုတ်) ကျေးရွာအုပ်စုလယ်ယာမြေစီမံခန့်ခွဲမှုအဖွဲ့ရှေ့မှောက်၌ တံဆိပ်ခေါင်းခွန်ထမ်းဆောင်၍ လယ်ယာမြေလုပ်ပိုင်ခွင့် ငှားရမ်းသည့်စာချုပ်ကို ချုပ်ဆိုရမည်။
(ဂ) နည်းဥပဒေခွဲ(ခ)အရ ချုပ်ဆိုသော စာချုပ်၌ ငှားရမ်းသည့်ကာလကို သတ်မှတ်ဖော်ပြရမည်။

၄၈။ လယ်ယာမြေလုပ်ပိုင်ခွင့်ကို ပေါင်နှံခြင်းပြုရာတွင်-
(က) လယ်ယာမြေ လုပ်ပိုင်ခွင့်ရရှိသူသည် ယင်း၏ လယ်ယာမြေပေါ်၌ စိုက်ပျိုးထုတ်လုပ်နိုင်ရန် အရင်းအနှီးရရှိရေးအတွက်သာ ပေါင်နှံရမည်။
(ခ) အစိုးရဘဏ် (သို့မဟုတ်) ဤကိစ္စအလို့ငှာ အစိုးရကသတ်မှတ်သော ဘဏ်တစ်ခုခု၌သာ လယ်ယာမြေလုပ်ပိုင်ခွင့်ရရှိသူက လယ်ယာမြေလုပ်ပိုင်ခွင့်ပြုလက်မှတ်မူရင်းကိုပေးအပ်၍ ပေါင်နှံရမည်။
(ဂ) ပေါင်နှံသူနှင့် ပေါင်နှံခြင်းကိုလက်ခံသည့်ဘဏ်မှ တာဝန်ရှိသူတို့သည် လယ်ယာမြေတည်ရှိသော သက်ဆိုင်ရာရပ်ကွက် (သို့မဟုတ်) ကျေးရွာအုပ်စု လယ်ယာမြေစီမံခန့်ခွဲမှုအဖွဲ့ရှေ့မှောက်၌ တံဆိပ်ခေါင်းခွန် ထမ်းဆောင်၍ လယ်ယာမြေလုပ်ပိုင်ခွင့် ပေါင်နှံသည့်စာချုပ်ကို ချုပ်ဆိုရမည်။
(ဃ) နည်းဥပဒေခွဲ(ဂ)အရ ချုပ်ဆိုသောစာချုပ်၌ ရွေးနုတ်ရမည့် ကာလကိုသတ်မှတ်ဖော်ပြရမည်။

ဒီတော့ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန (မြေစာရင်း)မှာ မြေပုံ၊ မြေရာဇဝင် လျှောက်လို့ မြေတိုင်းပြီးရင် မြေစာရင်းပုံစံ(၁၀၅/၁၀၆)ရသွားရင် ရပ်ကွက်/ကျေးရွာတွေမှာ လယ်ယာမြေတန်ဖိုးကို ဒေသန္တရအခြေအနေအရ သတ်မှတ်ထားတဲ့ တစ်ဧကပေါက်ဈေးနှုန်း ရှိပါတယ်။ အဲ့ဈေးနှုန်းတွေအရ အခွန်ရုံးမှာ ကျသင့်တဲ့ တံဆိပ်ခေါင်းခွန် ထမ်းဆောင်ပြီးရင် လုပ်ပိုင်ခွင့်လွှဲပြောင်းမယ့်မြေတည်ရှိရာ ရပ်/ကျေးလယ်ယာမြေစီမံခန့်ခွဲ့မှုအဖွဲ့ရှေ့မှောက်မှာ စာချုပ်ချုပ်ရပါတယ်။

စာချုပ်ချုပ်တဲ့အခါ လျှောက်ထားသူများက အောက်ဖော်ပြပါ စာရွက်စာတမ်းများကို ပူးတွဲ၍ သက်ဆိုင်ရာ ရပ်/ကျေးလယ်ယာမြေစီမံခန့်ခွဲ့မှုအဖွဲ့ထံသို့ လျှောက်ထားရပါမယ်။

(က) မူလထုတ်ပေးထားရှိသည့် ပုံစံ(၇)မူရင်းနဲ့သက်သေခံမြေပုံ၊
(ခ) အမှန် ရောင်းချ၊ လဲလှယ်၊ ပေးကမ်း၊ ပေါင်နှံ၊ ငှားရမ်းမည့် မြေပြင်အခြေအနေကို စိစစ်ပြီး ထုတ် ပေးထားသည့်နေ့မှ တစ်နှစ်အတွင်းဖြစ်သော သက်သေခံမြေပုံ(၂)ပုံနှင့်မြေရာဇဝင်၊
(ဂ) သက်ဆိုင်ရာ ကာယကံရှင်များ (သို့မဟုတ်) တရားဝင် ကိုယ်စားလှယ်လွှဲအပ်ခြင်းခံရသူများနှင့် အသိသက်သေ(၂) ဦးတို့ပါ၀င်လက်မှတ် ရေးထိုးထားသော ရောင်းချခြင်း၊ လဲလှယ်ခြင်း၊ ပေးကမ်းခြင်း၊ ပေါင်နှံခြင်းနှင့်ငှားရမ်းခြင်းပြုလုပ်မည့် စာချုပ်၊
(ဃ) စာချုပ်ပါ သက်ဆိုင်ရာ ကာယကံရှင်များ (သို့မဟုတ်) တရားဝင်ကိုယ်စားလှယ် လွှဲအပ်ခြင်းခံရသူများနှင့် အသိသက်သေ(၂)ဦး၏ နိုင်ငံသားဖြစ်ကြောင်း အထောက်အထားများ၊
လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)ရရှိပြီးသူများမှ ၄င်းတို့၏ လယ်ယာမြေများအား ရောင်းချခြင်း၊ လဲလှယ်ခြင်း၊ ပေးကမ်းခြင်း၊ ပေါင်နှံခြင်းနှင့် ငှားရမ်းခြင်း ကိစ္စရပ်များအား တင်ပြလာပြီဆိုရင် သက်ဆိုင်ရာ ရပ်/ကျေးလယ်ယာမြေစီမံခန့်ခွဲ့မှုအဖွဲ့များမှ ဒါတွေကို စိစစ်ဆောင်ရွက်ရပါတယ်-

(က) တင်ပြစာချုပ်ပါ လယ်ယာမြေ တည်နေရာသည် မိမိတို့စီမံခန့်ခွဲပိုင်ခွင့်ရှိသော ရပ်ကွက်/ကျေးရွာအုပ်စုနယ်နိမိတ်အတွင်း ကျရောက်မှု ရှိ/မရှိ၊
(ခ) ပုံစံ(၇)ပါအမည်ပေါက်သူများ (သို့မဟုတ်) ပုံစံ (၇)ပါ အမည်ပေါက်သူ၏ တရားဝင်ကိုယ်စားလှယ် လွှဲအပ်ခြင်းခံရသူများမှ တင်ပြလာခြင်း ဟုတ်/ မဟုတ်၊
(ဂ) စာချုပ်ချုပ်ဆိုသူများနှင့် သက်သေများသည် နိုင်ငံသား ဟုတ်/မဟုတ်
(ဃ) စာချုပ်အား မြန်မာစာဖြင့် ရေးသားထားခြင်း ရှိ/မရှိ၊
(င) တင်ပြလာသော စာချုပ်တွင် မြေတည်နေရာကို မှန်မှန်ကန်ကန်ဖြင့် ရှင်းလင်းစွာ ရေးသားထား ခြင်း ရှိ/မရှိ၊
(စ) စာချုပ်တွင်ဖော်ပြထားသော ရောင်းချ၊ ပေါင်နှံ၊ လွှဲပြောင်းသောမြေ၏ ဦးပိုင်အမှတ် တည်နေရာ၊ ဧရိယာများသည် စာချုပ်ချုပ်ဆိုရန် ပူးတွဲတင်ပြထားသော မြေစာရင်းပုံစံ(၁၀၅)ပါအတိုင်း ကိုက်ညီခြင်း ရှိ/မရှိ
(ဆ) စာချုပ်တွင်ဒေသန္တရအခြေအနေအရ သတ်မှတ်ထားသော တန်ဖိုးနှုန်းထားအပေါ် ကျသင့်သည့် တံဆိပ်ခွန်များ ပြည့်စုံစွာ ကပ်နှိပ်ထားခြင်း ရှိ/မရှိ
(ဇ) ငှားရမ်းစာချုပ်တွင် လယ်ယာမြေကို စိုက်ပျိုးရေးလုပ်ငန်းအတွက်သာ ငှားရမ်းခြင်း ဟုတ်/မဟုတ်နှင့် ငှားရမ်းသည့်ကာလကို သတ်မှတ်ဖော်ပြထားခြင်း ရှိ/ မရှိ
(ဈ) ပေါင်နှံသည့်စာချုပ်တွင် ရွေးနုတ်ရမည့်ကာလကို သတ်မှတ်ဖော်ပြထားခြင်း ရှိ/ မရှိ
(ည) လယ်ယာမြေဥပဒေပုဒ်မ(၁၄)အရ နိုင်ငံခြားသား (သို့မဟုတ်)နိုင်ငံခြားသားပါဝင်သည့် အဖွဲ့ အစည်းများကို ရောင်းချခြင်း၊ လဲလှယ်ခြင်း၊ ပေးကမ်းခြင်းဖြစ်ပါက နိုင်ငံတော်အစိုးရ၏ ခွင့်ပြုချက်ရရှိထားခြင်း ရှိ/မရှိ
(ဋ) ပြဿနာအရှုပ်အရှင်းနှင့် ကန့်ကွက်သူ ရှိ/မရှိ၊

ဒီလို စိစစ်လိုက်လို့ အားလုံးမှန်ကန်ပြီဆိုရင် သက်ဆိုင်ရာ ရပ်ကွက်(သို့မဟုတ်)ကျေးရွာအုပ်စု လယ်ယာ မြေစီမံခန့်ခွဲမှုအဖွဲ့ရှေ့မှောက်၌ စာချုပ်နဲ့သက်သေခံမြေပုံပေါ်မှာ မူလစာသားတွေကို မထိခိုက်စေဘဲ "ကျွန်ုပ်တို့၏ရှေ့မှောက်တွင် (**-**-၂၀**)နေ့၌ ဤစာချုပ်ကို ချုပ်ဆိုသည်မှာ မှန်ကန်ပါသည်”လို့ ထပ်ဆင့်ရေးမှတ်ချက် ရေးသားပြီး အမည်တံဆိပ်တုံးများရိုက်နှိပ် (သို့မဟုတ်) အမည်များ ရေးသားပြီး ဥက္ကဌ၊ အတွင်းရေးမှူးနှင့် အဖွဲ့ဝင် အနည်းဆုံး(၁)ဦးတို့က လက်မှတ်ထိုး၊ ရပ်/ကျေး လယ်ယာမြေစီမံခန့်ခွဲမှုအဖွဲ့ ရုံးတံဆိပ်တုံး ရိုက်နှိပ်ရပါတယ်။

စိစစ်လိုက်လို့ မမှန်ကန်ဘူးဆိုရင် စာချုပ်ပေါ်မှာ မူလစာသားတွေကို မထိခိုက်စေဘဲ “စာချုပ်ချုပ်ဆိုခြင်းကို ငြင်းပယ်သည်”လို့ ရေးမှတ်ပြီး စာချုပ်ကို လိုအပ်ချက်များ ပြည့်စုံအောင် ပြန်လည်ဆောင်ရွက်ဖို့ ကာယကံရှင်ကို ပြန်ပေးပါ။ ငြင်းပယ်မှုများမှတ်တမ်းစာအုပ်မှာ မည်သည့်အကြောင်းကြောင့် ငြင်းပယ်ကြောင်း ရေးသားပြီး အမည်တံဆိပ်တုံးများရိုက်နှိပ် (သို့မဟုတ်)အမည်များ ရေးသားပြီး ဥက္ကဌ၊ အတွင်းရေးမှူးနှင့် အဖွဲ့ဝင် အနည်းဆုံး(၁)ဦးတို့က လက်မှတ်ထိုး၊ ရပ်/ကျေးလယ်ယာမြေစီမံခန့်ခွဲမှုအဖွဲ့ရုံးတံဆိပ်တုံး ရိုက်နှိပ်ပါ။

စာချုပ်ချုပ်ဖို့ တင်ပြလာတဲ့အချိန်မှာ ခိုင်လုံတဲ့အထောက်အထားများနဲ့ ကန့်ကွက်လာလို့ ကန့်ကွက်စာလည်း လက်ခံရရှိပြီဆိုရင် ရပ်/ကျေးလယ် ယာမြေစီမံခန့်ခွဲမှုအဖွဲ့ဟာ ကန့်ကွက်စာများကို ကန့်ကွက်တင်ပြမှုများကို မှတ်တမ်းတင်သည့်မှတ်တမ်းစာအုပ်မှာ မှတ်တမ်းရေးသွင်းပြီး ကန့်ကွက်မှုကို လယ်ယာမြေဥပဒေနဲ့အညီ ဖြေရှင်းခြင်း၊ တရားရုံးက ဆုံးဖြတ်ရမယ့်ကိစ္စဖြစ်ရင် တရားရုံးရဲ့ အဆုံးအဖြတ်ကို ရယူပြီးမှသာ စာချုပ်ချုပ်ဆိုဖို့ ခွင့်ပြုရပါတယ်။

သက်ဆိုင်ရာ ရပ်/ကျေးလယ်ယာမြေစီမံခန့်ခွဲမှုအဖွဲ့များဟာ မိမိတို့ရပ်ကွက်၊ ကျေးရွာအတွင်းမှာ ချုပ်ဆိုတဲ့စာချုပ်များကို စာချုပ်များမှတ်တမ်းစာအုပ်မှာ စာချုပ်ကို ရေးကူးခြင်း(သို့) မိတ္တူကူး၍ ကပ်နှိပ်ခြင်း ပြုလုပ်ပြီး မှတ်တမ်းတင်ထားပါ။

“စာချုပ်များကို မှတ်တမ်းစာအုပ်”မှာ ရေးကူးမှတ်တမ်းတင်ပြီးလို့ ရပ်/ကျေးလယ်ယာမြေစီမံခန့်ခွဲမှုအဖွဲ့မှ တံဆိပ်တုံးရိုက်ခြင်း၊ လက်မှတ်ရေးထိုးခြင်းတွေနဲ့ ပြည့်စုံသွားတဲ့ စာချုပ်မူရင်းနဲ့သက်သေခံမြေပုံကို စာချုပ်ချုပ်ဆိုသူ ကာယကံရှင်များထံကို ပေးလိုက်ပါ။

စာချုပ်စာတမ်းကိုမှတ်ပုံတင်ခြင်း

ချုပ်ဆိုပြီးတဲ့ စာချုပ်ကို ဘယ်လိုမှတ်ပုံတင်ရမလဲဆိုတာ ရှင်းပြပေးပါ့မယ်။ ၂၀၁၂ခုနှစ်၊ လယ်ယာမြေနည်းဥပဒေအပိုဒ်- ၂၄(ခ)၊ ၄၇(ဃ)၊ ၄၈(င)တို့မှာ “သက်ဆိုင်ရာ ရပ်/ကျေးလယ်ယာမြေစီမံခန့်ခွဲမှုအဖွဲ့ ရှေ့မှောက်မှာ သဘောတူချုပ်ဆိုထားသော စာချုပ်ကို စာချုပ်ချုပ်ဆိုသည့်နေ့မှ ရက်ပေါင်း(၁၂၀)အတွင်း သက်ဆိုင်ရာ မြို့နယ်ဦးစီးဌာနရုံးတွင် မှတ်ပုံတင်ရမည်”လို့ ပြဌာန်းထားပါတယ်။

စာချုပ်စာတမ်းကို မှတ်ပုံတင်ချင်ရင် အောက်ဖော်ပြပါ ပုဂ္ဂိုလ်များ ကိုယ်တိုင် (သို့မဟုတ်) ၄င်းတို့၏ တရားဝင်ကိုယ်စားလှယ် လွှဲအပ်ခြင်းခံရသူတို့မှ မြို့နယ်လယ်ယာမြေ စီမံခန့်ခွဲရေးနှင့်စာရင်းအင်းဦးစီးဌာနရုံးကို လာရောက်လျှောက်ထားရပါတယ်-

(က) အရောင်းအဝယ်စာချုပ်စာတမ်း ဝယ်ယူသူ၊
(ခ) လဲလှယ်ခြင်းစာချုပ်စာတမ်း လဲလှယ်သူများ၊
(ဂ) ပေးကမ်းခြင်းစာချုပ်စာတမ်း လက်ခံသူ၊
(ဃ) ပေါင်နှံခြင်းစာချုပ်စာတမ်း ပေါင်နှံသူ (သို့မဟုတ်) ပေါင်နှံခြင်းကို လက်ခံသည့် အစိုးရဘဏ် (သို့မဟုတ်) ဤကိစ္စအလို့ငှာ အစိုးရက သတ်မှတ်သောဘဏ်မှ တာဝန်ရှိသူတစ်ဦး၊
(င) ငှားရမ်းခြင်းစာချုပ်စာတမ်း ငှားယူသူ၊

စာချုပ်စာတမ်းကို မှတ်ပုံတင်ဖို့ လျှောက်ထားတဲ့အခါ
(က) ရုံးခွန်အက်ဥပဒေ&(The Court-Fee Act) ဇယား(၂)၊ အမှတ်စဉ်(၁)အရ သတ်မှတ်ထားသော ထိုက်သင့်သည့် ရုံးခွန်တံဆိပ်ခေါင်း (မြို့နယ်-၅၀ ကျပ်တန်) ပြည့်စုံစွာ ကပ်နှိပ်ပြီး ကိုယ်တိုင်လက်မှတ်ရေးထိုးထားသည့် မှတ်ပုံတင်ပေးရန် လျှောက်လွှာပုံစံ၊

(ခ) လယ်ယာမြေလုပ်ပိုင်ခွင့်ပြုလက်မှတ်ပုံစံ(၇)မူရင်းနှင့် သက်သေခံမြေပုံ၊

(ဂ) သက်ဆိုင်ရာနှစ်အတွင်း ရေးကူးထုတ်ပေးထားသည့် ရောင်းချခြင်း၊ လဲလှယ်ခြင်း၊ ပေးကမ်းခြင်း၊ ပေါင်နှံခြင်းနှင့်ငှားရမ်းခြင်း အမှန်တကယ် ဆောင်ရွက်မည့်ဧရိယာ၏ သက်သေခံမြေပုံ၊

(ဃ) မှတ်ပုံတင်လိုသည့် စာချုပ်စာတမ်းမူရင်း (သက်ဆိုင်ရာ ရပ်/ကျေးလယ်/စီ ရှေ့မှောက်တွင် ချုပ်ဆိုပြီးဖြစ်သော စာချုပ်စာတမ်း)၊

(င) နိုင်ငံသားဖြစ်ကြောင်း အထောက်အထားမူရင်း၊

(စ) တရားဝင် ကိုယ်စားလှယ်လွှဲအပ်ခြင်းခံရသူဖြစ်ပါက ကိုယ်စားလှယ်လွှဲအပ်ကြောင်း အထောက်အထားမူရင်း။

မှတ်ပုံတင်ဖို့ လျှောက်ထားတင်ပြလာပြီဆိုရင် မြို့နယ်လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှူးက အောက်ပါအတိုင်း စစ်ရပါတယ်-

(က) စာချုပ်စာတမ်းကို မှတ်ပုံတင်ပေးရန် လျှောက်ထားသူတို့မှာ တင်ပြခွင့်ရှိသည့် ပုဂ္ဂိုလ်များ ဟုတ်/ မဟုတ်နှင့် နိုင်ငံသား ဟုတ်/မဟုတ်၊

(ခ) နိုင်ငံသားမဟုတ်ပါက လယ်ယာမြေဥပဒေပုဒ်မ(၁၄)အရ နိုင်ငံတော်အစိုးရ၏ ခွင့်ပြုချက်ရရှိခြင်း ရှိ/မရှိ၊

(ဂ) အရွယ်မရောက်သေးသူ (သို့မဟုတ်) ရူးသွပ်သူ (သို့မဟုတ်) သတိပုံမှန်မရှိသူများ မဟုတ်ကြောင်း၊

(ဃ) မှတ်ပုံတင်သွင်းလာသော စာချုပ်စာတမ်းသည် ဗဟိုလယ်ယာမြေစီမံခန့်ခွဲမှုအဖွဲ့၏ ညွှန်ကြားချက်အမှတ်(၃/၂၀၁၉)ပါ ညွှန်ကြားချက်နှင့်အညီ ဆောင်ရွက်ပြီးသော စာချုပ်စာတမ်းများ ဟုတ်/ မဟုတ်၊

(င) မြို့နယ်လယ်ယာမြေစီမံခန့်ခွဲမှုအဖွဲ့မှ သတ်မှတ်သည့် တန်ဖိုးအရ စာချုပ်တွင် အခွန်တံဆိပ်ခေါင်း လုံလောက်စွာ ထမ်းဆောင်ထားခြင်း ရှိ/မရှိ၊

(စ) မြန်မာစာဖြင့် ရေးသားထားသော စာချုပ်စာတမ်း ဟုတ်/မဟုတ်၊

(ဆ) ချုပ်ဆိုသည့်နေ့မှ ရက်ပေါင်း(၁၂၀)အတွင်း မှတ်ပုံတင်ပေးရန် တင်ပြခြင်း ရှိ/မရှိ၊

(ဇ) စာချုပ်စာတမ်းပါ ရေးသားဖော်ပြချက်များကို ပြင်ဆင်ခြင်း၊ ဖြည့်စွက်ခြင်း၊ ချန်လှပ်ခြင်း (သို့) ပယ်ဖျက်ခြင်းပြုလုပ်ထားလျှင် ယင်းသို့ ပြုလုပ်ထားသည့်နေရာအသီးသီးတွင် စာချုပ်ချုပ်ဆိုသည့် ပုဂ္ဂိုလ်တို့၏ လက်မှတ်တို (သို့) လက်မှတ်ရှည်ရေးထိုးထားခြင်း ရှိ/မရှိ၊

အထက်က အချက်တွေအပြင် ကန့်ကွက်ထားသူများ ရှိ/မရှိကိုလည်း စိစစ်ရမည်။ ကန့်ကွက်မှုရှိပါက “ကန့်ကွက်မှုများ မှတ်တမ်းစာအုပ်”တွင် မှတ်တမ်းရေးသွင်းရမည်။ ကန့်ကွက်သည့်ကိစ္စရပ်များအား လယ်ယာမြေဥပဒေနှင့်အညီ ဖြေရှင်းဆောင်ရွက်ခြင်း၊ တရားရုံး၏ ဆုံးဖြတ်ချက်ရယူမည့် ကိစ္စရပ်များဖြစ်ပါက တရားရုံး၏ ဆုံးဖြတ်ချက်ကို ရယူစေခြင်းတို့ကို ဆောင်ရွက်စေပြီးမှသာ မှတ်ပုံတင်ခွင့်ပြုရမည်။

စစ်ဆေးရမည့်အချက်တွေ မှန်ကန်ညီညွတ်ရင် သတ်မှတ်သည့် မှတ်ပုံတင်ခကို လျှောက်ထားသူက ပေးဆောင်စေရပါမယ်။ မှတ်ပုံတင်ခကတော့ စာချုပ်စာတမ်းမှာပါတဲ့ တန်ဖိုးအပေါ် (၀.၅ ရာခိုင်နှုန်း)ပါ။ (တချို့စာချုပ်တွေမှအပ အများအားဖြင့် (၀.၅ ရာခိုင်နှုန်း)လို့ မှတ်ထားပါ)။ ဥပမာ-မြေတစ်ကွက်ကို အရောင်းအဝယ်လုပ်လို့ (ကျပ်သိန်း-၁၀၀)လို့ တန်ဖိုးဖြတ်ပြီး အခွန်ဆောင်ထားရင် မှတ်ပုံတင်ခအဖြစ် ကျပ်-၅၀၀၀၀)ပေးသွင်းရမှာပါ။

သက်ဆိုင်ရာ ရပ်/ကျေးလယ်ယာမြေစီမံခန့်ခွဲမှုအဖွဲ့က စိစစ်တင်ပြပြီး မြို့နယ်လယ်ယာမြေစီမံခန့်ခွဲမှုအဖွဲ့ က အတည်ပြုထားတဲ့ လယ်ယာမြေရဲ့ ဒေသန္တရ ကာလဒေသပေါက်ဈေးနဲ့ တန်ဖိုးဖြတ်၊ အခွန်ဆောင်ထားပြီး ကျသင့်တဲ့ မှတ်ပုံတင်ခလည်း ပေးသွင်းပြီးပြီဆိုရင် မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနမှူးဆီမှာ မှတ်ပုံတင်ပါပြီ။ အဲ့ဒီအခါ-

(က) စာချုပ်စာတမ်းရဲ့ စာရွက်တိုင်းရှိ စာမျက်နှာအားလုံး (စာရွက်၏ ကျောဘက် အပါအဝင်)ကို လက်ယာဘက် အပေါ်ထောင့်မှာ စာမျက်နှာအမှတ်များကို အစဉ်အတိုင်း မင်နီဖြင့် ရေးသား၍ နေ့စွဲတပ် လက်မှတ်တို ရေးထိုးရမယ်။

(ခ) စာချုပ်စာတမ်းရဲ့ ပထမစာရွက်၏ ကျောဘက်စာမျက်နှာမှာ မှတ်ပုံတင်သွင်းကြောင်း "...မြို့ရှိ မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနရုံး၌ ...ခုနှစ်၊...လ၊...ရက် နံနက် / မွန်းလွဲ...နာရီအချိန်တွင် ...မြို့နယ် ...ကျေးရွာ/ရပ်ကွက်နေ အဘ ဦး...၏ သား/သမီး...က စာချုပ်စာတမ်းမှတ်ပုံတင်ရန် တင်သွင်းသည်။"လို့ ရေးမှတ်ရန်၊ ယင်းနှင့်ကပ်၍ မှတ်ပုံတင်သွင်းလာသူမှ လက်မှတ်ရေးထိုးစေရန်နှင့် လက်ဝဲဘက် လက်မ၏ လက်ဗွေကိုလည်း နှိပ်ယူရန်၊ (လက်ဝဲဘက် လက်မ မရှိလျှင် လက်ယာဘက် လက်မ၏ လက်ဗွေကို နှိပ်ယူရမယ်။ လက်ဗွေရယူရန် လက်မ နှစ်ဖက်လုံး မပါရှိပါက လက်ဗွေမယူသည့် အကြောင်းကို မှတ်ချက်ဖြင့် ဖော်ပြရမယ်။)

(ဂ) လက်ဗွေနှိပ်မှတ်ကို မှတ်ပုံတင်စာအုပ်အမှတ်(၃) "လယ်ယာမြေနှင့်သက်ဆိုင်သည့် စာချုပ်စာတမ်းအား မှတ်ပုံတင်သွင်းသူများ၏ လက်ဗွေနှိပ်မှတ်ရယူရမည့်မှတ်တမ်းစာအုပ်"တွင်လည်း တစ်ချိန်တည်း မှတ်တမ်းတင်၍ ယင်းလက်ဗွေနှိပ်မှတ်၏ အမှတ်စဉ်ကို စာချုပ်စာတမ်းတွင် ထပ်ဆင့်ရေးမှတ်ချက်ရှိ လက်ဗွေနှိပ်မှတ်နှင့် ယှဉ်၍ ရေးသားရပါမယ်။

(ဃ) တံဆိပ်ခေါင်းခွန်ကို ပြည့်စုံစွာ ထမ်းဆောင်ပြီးဖြစ်ကြောင်း၊ စိစစ်ရမည့်အချက်များကို စိစစ်ရာတွင် ညီညွတ်မှုရှိပါ၍ မှတ်ပုံတင်ပေးရန် လက်ခံကြောင်းနှင့် ကျသင့်သည့် မှတ်ပုံတင်ခရငွေကို ထမ်းဆောင်ပြီးကြောင်း "လယ်ယာမြေစီမံခန့်ခွဲနှင့်စာရင်းအင်းဦးစီးဌာနမှ (၁၇.၅.၂၀၁၉) ရက်စွဲပါစာအမှတ်၊ ၆၀၂၆/၄န-၃(၂၀၁၉)အရ ထမ်းဆောင်ရမည့် တံဆိပ်ခေါင်းခွန်...ကျပ် မှန်ကန်သည်။ လယ်ယာမြေစီမံခန့်ခွဲနှင့်စာရင်းအင်းဦးစီးဌာနမှ (၁၇.၅.၂၀၁၉) ရက်စွဲပါစာအမှတ်၊ ၆၀၂၅/၄န-၃ (၂၀၁၉) ညွှန်ကြားစာအရ စိစစ်ရမည့် အချက်များကို စိစစ်ရာတွင် ညီညွတ်သည့်အတွက် လက်ခံနိုင်သည်။ မှတ်ပုံတင်ခရငွေကျပ်(...)ကို ပေးသွင်းပြီးဖြစ်သည်။"လို့ ရေးမှတ်ရမယ်။

(င) မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနမှူးသည် စာချုပ်စာတမ်းကို စစ်ဆေးရာတွင် စစ်ဆေးတွေ့ရှိချက်များနှင့်ပတ်သက်၍ ထပ်ဆင့်ရေးမှတ်ချက်များကို ရေးသားနိုင်ပြီး၊ ရေးသားရန် နေရာမလုံလောက်လျှင် စာရွက်သားကောင်းမွန်သည့် စက္ကူလွတ်ကို ဆိုင်ရာစာချုပ်စာတမ်းတွင် ခိုင်ခံ့အောင် တွဲကပ်ပြီး ထပ်ဆင့်ရေးမှတ်ချက်များ ရေးမှတ်၍ ယင်းစက္ကူ၏ ညာဘက်ထိပ်ဆုံး၌ သက်ဆိုင်ရာ စာချုပ်စာတမ်း၏ နောက်ဆုံးစာမျက်နှာနှင့်တဆက်တည်း စာမျက်နှာအမှတ်စဉ်ကို မင်နီဖြင့်ရေးသား၍ နေ့စွဲတပ် လက်မှတ်တို ရေးထိုးရမယ်။

(စ) စာချုပ်စာတမ်းတွင် ထပ်ဆင့်ရေးမှတ်ချက်များကို မင်နီဖြင့်ရေးသား၍ မင်နက်ဖြင့် နေ့စွဲတပ် လက်မှတ်ရေးထိုးရမည်။

(ဆ) စာချုပ်တွင် ထပ်ဆင့်ရေးမှတ်ချက်များ မည်သည့်စာမျက်နှာတွင် ရေးမှတ်ထားသည်ကို ရည်ညွှန်းဖော်ပြရန်အတွက် တံဆိပ်ခေါင်းရှိရာ စာမျက်နှာတိုင်းတွင် (မ-ဂဏန်း အမှတ်စဉ် တပ်ထားသော စာမျက်နှာ) စာသားများ၏ အောက်ဘက် (သို့မဟုတ်) လက်ဝဲဘက်ရှိ စာသားလွတ်နေသော နေရာများတွင် "ထပ်ဆင့်ရေးမှတ်ချက်များကို စာမျက်နှာ...တွင် ကြည့်ပါ"ဟူသော စကားရပ်ကို မင်နီဖြင့် ရေးသား၍ မင်နက်ဖြင့် လက်မှတ်ရေးထိုးရမယ်။ အဲ့ဒီမှာ စာမျက်နှာ အမှတ်စဉ်များကို ထည့်သွင်းရေးသားရာ၌ ထပ်ဆင့်ရေးမှတ်ချက်ရေးသားထားသည့် စာမျက်နှာ(စုံဂဏန်းအမှတ်စဉ် တပ်ထားသော စာမျက်နှာ)များ၏ စာမျက်နှာ အမှတ်များကိုသာ ရေးသားရမယ်။ (ထပ်ဆင့်ရေးမှတ်ချက်များကို စုံဂဏန်းအမှတ်စဉ် တပ်ထားတဲ့ စာမျက်နှာများမှာ ရေးမှတ်ပါလို့ ပြောခြင်းဖြစ်ပါတယ်)

အထက်ပါအတိုင်း ဆောင်ရွက်ပြီးတဲ့ စာချုပ်စာတမ်းကို မှတ်ပုံတင်စာအုပ်အမှတ်(၁)မှာ မှတ်တမ်းတင်ရမယ်။ မှတ်ပုံတင်စာအုပ်အမှတ်(၁) ပုံစံဟာ ၂၀၁၈ ခုနှစ်၊ စာချုပ်စာတမ်းများ မှတ်ပုံတင်ဥပဒေအရ အသုံးပြုရတဲ့ မှတ်ပုံတင်စာအုပ်အမှတ်(၁)အပိုတွဲ စာအုပ်ပုံစံအတိုင်းဖြစ်ပါတယ်။ မြို့နယ်ဦးစီးဌာနမှူးဟာ အပြီးသတ်မှတ်ပုံတင်ကြောင်း ထပ်ဆင့်ရေးမှတ်ချက် မရေးမီ စာချုပ်စာတမ်းကို မိတ္တူတစ်စုံကူး၊ အဲ့မိတ္တူကို မှတ်ပုံတင်စာအုပ်အမှတ်(၁)မှာ တွဲကပ်ပြီး (တွဲကပ်တဲ့အခါ မှတ်ပုံတင်စာအုပ်အမှတ်(၁)က စာတစ်ရွက်မှာ စာချုပ်စာတမ်းက စာရွက်တစ်ရွက်ချင်းကို တွဲကပ်ရမှာပါ။ တချို့က မှတ်ပုံတင်စာအုပ်အမှတ်(၁)က စာတစ်ရွက်မှာ စာချုပ်စာတမ်းတစ်ခုလုံးကို တွဲကပ်တယ်လို့ အထင်မှားနေကြလို့ပါ။) "ယခုစာချုပ်ကို ...ခုနှစ်အတွက် စာချုပ်အမှတ်...ဟု အမှတ်စဉ်တပ်၍ မှတ်ပုံတင်စာအုပ်အမှတ်(၁)၊ အတွဲ...စာမျက်နှာ ...တွင် မှတ်ပုံတင်ထားသည်။"လို့ စာချုပ်စာတမ်းမူရင်းရော၊ တွဲကပ်ထားတဲ့ စာချုပ်စာတမ်းမိတ္တူမှာရော အပြီးသတ်မှတ်ပုံတင်ပြီးကြောင်း ထပ်ဆင့်ရေးမှတ်ချက်ကို ရေးမှတ်ပြီး လက်မှတ်ရေးထိုးရပါမယ်။

မြို့နယ်ဦးစီးဌာနမှူးက စစ်ဆေးရမယ့်အချက်များနှင့် ညီညွတ်မှုမရှိတဲ့ စာချုပ်စာတမ်းကို မှတ်ပုံတင်ပေးခြင်းမပြုဘဲ မှတ်ပုံတင်စာအုပ်အမှတ်(၂) “လယ်ယာမြေနှင့်သက်ဆိုင်သည့် စာချုပ်စာတမ်းများ မှတ်ပုံတင်သွင်းရာတွင် ငြင်းပယ်ကြောင်းရေးသားမည့်မှတ်တမ်းစာအုပ်"တွင် မှတ်တမ်းတင်၍ ငြင်းပယ်ရမယ်။

မြို့နယ်ဦးစီးဌာနမှူးဟာ စာချုပ်စာတမ်းပါ လယ်ယာမြေ၏ တည်နေရာသည် မိမိ၏ မြို့နယ်နယ်နိမိတ်အတွင်း မကျရောက်ပါက ငြင်းပယ်ရမယ်။ (အဲ့လို ငြင်းပယ်ခြင်းဖြစ်ပါက စာချုပ်စာတမ်းတွင် ငြင်းပယ်ကြောင်း ထပ်ဆင့်ရေးမှတ်ချက်ရေးသားခြင်းနှင့် မှတ်ပုံတင်စာအုပ်တွင် ငြင်းပယ်ကြောင်း ရေးသွင်းခြင်း မပြုဘဲ စာချုပ်စာတမ်းကို မှတ်ပုံတင်သွင်းသူထံ ပြန်ပေးရမယ်။)

မှတ်ပုံတင်ပေးထားသော လယ်ယာမြေနှင့်သက်ဆိုင်သည့် စာချုပ်များကို မိတ္တူရေးကူးပေးပါရန် လျှောက်ထားလာပါက ဦးစီးဌာနက သတ်မှတ်ထားသော တံဆိပ်ခေါင်းခွန်နဲ့ မှတ်ပုံတင်ခတို့ကို ပေးဆောင်စေပြီး မှတ်ပုံတင်စာအုပ်အမှတ်(၁)မှာရှိတဲ့ စာချုပ်ကို မိတ္တူရေးကူးပေးရမယ်။ စာချုပ်စာတမ်းမိတ္တူ၏ စာရွက်တိုင်းမှာ “သက်သေခံမိတ္တူမှန်”လို့ ရေးသားပြီး ရေးကူးသူ၊ တိုက်ဆိုင်စစ်ဆေးသူနှင့် မြို့နယ်ဦးစီးဌာနမှူးတို့က နေ့စွဲတပ် လက်မှတ်ရေးထိုး၍ ထုတ်ပေးရမယ်။

ဒီလို ဥပဒေ၊ နည်းဥပဒေ၊ လုပ်ထုံးလုပ်နည်း၊ ညွှန်ကြားချက်တွေနဲ့အညီ မှတ်ပုံတင်ထားတဲ့ စာချုပ်စာတမ်းကို “စာချုပ်စာတမ်းများ လက်ခံရရှိမှုနှင့် ပြန်လည်ထုတ်ပေးသည့် မှတ်တမ်းစာအုပ်”မှာ မှတ်တမ်းသွင်းပြီး သက်ဆိုင်ရာ ကာယကံရှင်တွေက ပြန်လည်ထုတ်ပေးမှုကို လက်ခံရရှိတဲ့အကြောင်း လက်မှတ်ရေးထိုး ထုတ်ယူသွားပြီဆိုရင်တော့ လယ်ယာမြေလုပ်ပိုင်ခွင့်ကို လွှဲပြောင်းပေးဖို့ စာချုပ်စာတမ်း မှတ်ပုံတင်ခြင်းလုပ်ငန်း ပြီးသွားပါပြီ။

ပုံစံ(၇)ကို အမည်ပြောင်းခြင်း

စာချုပ်မှတ်ပုံတင်ပြီးရင် ရောင်းချခြင်း၊ ပေါင်နှံခြင်း၊ လဲလှယ်ခြင်းနှင့် ပေးကမ်းခြင်းပြုလုပ်ထားတဲ့ လယ်ယာမြေကို ကိုယ့်အမည်ပေါက်ရရှိဖို့ ဆောင်ရွက်ရမယ့် နည်းလမ်းများကို တင်ပြပေးပါ့မယ်။

(၁) လယ်ယာမြေလုပ်ပိုင်ခွင့်ကို ရောင်းချခြင်း၊ လဲလှယ်ခြင်း (သို့မဟုတ်) ပေးကမ်းခြင်းဖြင့် လွှဲပြောင်းရင် လွှဲပြောင်းပေးသူနဲ့ လွှဲပြောင်းလက်ခံသူတို့ဟာ လယ်ယာမြေတည်ရှိတဲ့ သက်ဆိုင်ရာ ရပ်/ကျေးလယ်ယာမြေစီမံခန့်ခွဲ့မှုအဖွဲ့ ရှေ့မှောက်မှာ တံဆိပ်ခေါင်းခွန် ထမ်းဆောင်၊ စာချုပ်ချုပ်ဆို၊ အဲ့စာချုပ်ကို မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနမှူးဆီမှာ စာချုပ်ချုပ်ဆိုတဲ့ နေ့မှ ရက်ပေါင်း (၁၂၀)အတွင်း မှတ်ပုံတင်ထားပြီးသူများ၊

(၂) လယ်ယာမြေလုပ်ပိုင်ခွင့်ကို စိုက်ပျိုးထုတ်လုပ်နိုင်ဖို့ အရင်းအနှီးရရှိရေးအတွက်ပဲ ပေါင်နှံခြင်းပြုရာမှာ ပေါင်နှံသူနှင့် ပေါင်နှံခြင်းကို လက်ခံတဲ့ အစိုးရဘဏ် (သို့မဟုတ်) ဤကိစ္စအလို့ငှာ အစိုးရက သတ်မှတ်တဲ့ ဘဏ်က တာဝန်ရှိသူတို့ဟာ လယ်ယာမြေတည်ရှိတဲ့ သက်ဆိုင်ရာ ရပ်/ကျေးလယ်ယာမြေစီမံခန့်ခွဲ့မှုအဖွဲ့ ရှေ့မှောက်မှာ ရွေးနုတ်ရမယ့် ကာလကို သတ်မှတ်ဖော်ပြထားတဲ့ လယ်ယာမြေလုပ်ပိုင်ခွင့် ပေါင်နှံတဲ့ စာချုပ်ကို တံဆိပ်ခေါင်းခွန် ထမ်းဆောင်၊ စာချုပ်ချုပ်ဆို၊ အဲ့စာချုပ်ကို မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနမှူးဆီမှာ စာချုပ်ချုပ်ဆိုတဲ့နေ့မှ ရက်ပေါင်း(၁၂၀)အတွင်း မှတ်ပုံတင်ထားပြီး၊ သတ်မှတ်တဲ့ ရွေးနုတ်ရမယ့် ကာလအတွင်း ရွေးနုတ်ခြင်း မပြုရင် ပေါင်နှံခြင်းကို လက်ခံတဲ့အစိုးရဘဏ် (သို့မဟုတ်) ဤကိစ္စအလို့ငှာ အစိုးရက သတ်မှတ်တဲ့ ဘဏ်က လယ်ယာမြေလုပ်ပိုင်ခွင့်ကို ဘဏ်ရဲ့ လုပ်ထုံးလုပ်နည်းများနဲ့အညီ စီမံခန့်ခွဲပြီး လယ်ယာမြေလုပ်ပိုင်ခွင့်ကို လွှဲပြောင်းရရှိထားသူများ၊
မှတ်ချက်။ ငှားရမ်းခြင်းကိစ္စ မပါဝင်ပါ။

အထက်က(၁)နဲ့(၂)မှာ ဖော်ပြထားသူတွေဟာ လယ်ယာမြေလုပ်ပိုင်ခွင့်ရရှိသူ အမည်ပြောင်းလဲပေးရန် လျှောက်လွှာပုံစံ(၉)မှာ ပြည့်စုံအောင် ဖြည့်သွင်းပြီး မူလထုတ်ပေးထားတဲ့ လယ်ယာမြေလုပ်ပိုင်ခွင့်ပြုလက်မှတ်မူရင်း၊ မှတ်ပုံတင်တဲ့ စာချုပ်တို့ကို ပူးတွဲ၍ မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနရုံးမှာ လျှောက်ထားရပါမယ်။

အဲ့လို လယ်ယာမြေလုပ်ပိုင်ခွင့်ကို ရောင်းချခြင်း၊ လဲလှယ်ခြင်း၊ ပေးကမ်းခြင်း၊ ပေါင်နှံခြင်းဖြင့် လုပ်ပိုင်ခွင့်ရရှိသူ အမည်ပြောင်းလဲပေးရန် လျှောက်ထားလာပြီဆိုရင် မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနရုံးနဲ့ မြို့နယ်လယ်ယာမြေစီမံခန့်ခွဲမှုအဖွဲ့တို့က အောက်ပါတို့ကို ဆောင်ရွက်ရပါမယ်။

(က) ဦးပိုင်တစ်ခုလုံးအား လယ်ယာမြေ လုပ်ပိုင်ခွင့်ရရှိသူ အမည်ပြောင်းလဲပေးရန် လျှောက်ထားလာရင်-

(၁) မြို့နယ်လယ်ယာမြေစီမံခန့်ခွဲနှင့်စာရင်းအင်းဦးစီးဌာနရုံးဟာ လျှောက်ထားချက်အတွက် လယ်ယာမြေလုပ်ပိုင်ခွင့် လုပ်ငန်းစာတွဲဖွင့်လှစ်၊ စုံစမ်းစစ်ဆေးပြီး ယင်းလျှောက်ထားချ