Lawyer Khin Phyu

Lawyer Khin Phyu Legal Consultant & Contract Lawyer

21/02/2026

အရေးကြီးတဲ့လူ့ကျင့်ဝတ်တခု...✅✅✅

21/02/2026

သ‌ရဏဂုံ အမြဲရွတ်ဆိုပါက
ထူးခြားလာမည့် (၁၁)ချက်
---------------
၁။ ဒုက္ခရာက်တော့မယ်ဆိုရင် အလိုလိုသိနေခြင်း။
၂။ စိတ်ရင်းမမှန်တဲ့သူတွေ ကိုယ့်အနားမှာ အမြဲနေလို့မရခြင်း။
၃။ ဒုက္ခရောက်စရာရှိလို့ ခံရတော့မယ်ဆိုရင် ပယ်ထုတ် ပလိုက်ခြင်း။
၄။ ကြီးကြီးမားမားဖြစ်မယ့် ပြဿနာ ငယ်သွားခြင်း ၊ လျော့သွားခြင်း ၊ ပပျောက်သွားခြင်း။
၅။ ဒုက္ခကြုံတွေ့နေရရင်တောင် ဆိုးရွားစွာ မဖြစ်ခြင်း။
၆။ ကူညီစောင့်ရှောက် ထောက်ပံ့ကာကွယ်မည့်သူများ ပေါ်ပေါက်ရောက်ရှိလာခြင်း။
၇။ အန္တရာယ်မကျရောက်ခြင်း။
၈။ ဘေးဆိုးဒုက္ခ မကြုံတွေ့ခြင်း။
၉။ အန္တရာယ်ကြုံရင်တောင် လွတ်မြောက်ခြင်း။
၁၀။ ပိုက်ဆံများ ၊ ငွေများသိသိသာသာ ဝင်ရောက်လာခြင်း။
၁၁။ ကျွေးချင် မွေးချင် ပေးချင်သူများ ပေါများလာခြင်း။
ဒီအချက်တွေကြောင့်သရဏဂုံသုံးပါးကို အမြဲမပျက်ရွတ်ဆိုပူဇော်ပါ🙏🙏🙏

(12.2.2026)ရက်စွဲပါအမိန်အမှတ် (2/2026)ဖြင့်အရေးကြီးကုန်စည်များအဖြစ်သတ်မှတ်လိုက်သောပစ္စည်းများ
20/02/2026

(12.2.2026)ရက်စွဲပါအမိန်အမှတ်
(2/2026)ဖြင့်
အရေးကြီးကုန်စည်များအဖြစ်
သတ်မှတ်လိုက်သောပစ္စည်းများ

14/02/2026

ကိုယ်ပိုင်ဝင်ငွေ ရှိတဲ့ မိန်းမတစ်ယောက်ရဲ့ မျက်နှာက အမြဲတမ်း လှပနေတယ်

ယောကျာ်းတစ်ယောက်ကို မှီခိုပြီး နေရတာ သက်သာတယ်လို့ ထင်ရပေမယ့်၊ စိတ်ပိုင်းဆိုင်ရာ လုံခြုံမှုတော့ မရှိလှပါဘူး။ ပိုက်ဆံကုန်သွားပြီ လို့ ပြောရမှာ အားနာလို့ လိုချင်တာလေးတွေကို မြိုသိပ်ထားရတဲ့ အကြိမ်ပေါင်း မနည်းတော့ဘူး မဟုတ်လား။ ကိုယ့်ခြေထောက်ပေါ် ကိုယ်ရပ်တည်နိုင်တဲ့ မိန်းမတစ်ယောက်က စကားပြောရင် အသံကျယ်တယ်၊ ဆုံးဖြတ်ချက်ချရင် ပြတ်သားတယ်။
အိမ်ထောင်ရေး အဆင်မပြေလို့ လမ်းခွဲချင်ရင်တောင် ငါ ဘယ်လို ရှေ့ဆက်မလဲ ဆိုတဲ့ အကြောက်တရား မရှိတော့ဘူး။ ကိုယ့်ပိုက်ဆံနဲ့ ကိုယ်ဝယ်ချင်တဲ့ အရာတွေကို ဘယ်သူ့မျက်နှာမှ ကြည့်စရာမလိုဘဲ ဝယ်ဝတ်ရတဲ့ အရသာက ဘာနဲ့မှ မလဲနိုင်ပါဘူး။
ဒါကြောင့် ညီမလေးတို့ရေ.. အချစ်ကို ဦးစားပေးတာ ကောင်းပေမယ့်၊ ကိုယ့်ဘဝ ရပ်တည်မှုကိုတော့ ဘယ်တော့မှ မမေ့ပါနဲ့။ ယောကျာ်းဆိုတာ စိတ်ပြောင်းလွယ်ပေမယ့်၊ ကိုယ့်ရဲ့ အရည်အချင်းနဲ့ ပညာကတော့ ကိုယ့်ကို ဘယ်တော့မှ သစ္စာမဖောက်ပါဘူး။ မျက်နှာမငယ်ရအောင် ကိုယ်ပိုင်ပိုက်ဆံအိတ်လေး ဖောင်းနေဖို့ ကြိုးစားကြပါနော်။

#မိန်းမသားတို့အတွက်
#သျှင်ယွန်း

11/02/2026

လူအများစုက “အချိန်ကောင်းရင် စမယ်” ဆိုပြီး
စောင့်နေတတ်ကြတယ်။

John C Maxwell ပြောတာကတော့
Perfect time ဆိုတာ မရှိဘူး
Start time ပဲ ရှိတယ်… တဲ့။

ဒီနေ့က မစရင်
မနက်ဖြန်လည်း မစနိုင်ဘူး

Success က
စောင့်နေသူဆီ မသွားဘူး
လုပ်နေသူဆီပဲ သွားတယ်။



11/02/2026

လုပ်ငန်းစပ်တူလုပ်တဲ့အခါ စာချုပ်မှာ ပါဝင်သင့်တဲ့ အရေးကြီးတဲ့အချက် (၃၈) ချက်

1. စာချုပ်ချုပ်ဆိုတဲ့ နေ့စွဲနဲ့ နေရာကို တိတိကျကျ ရေးရပါမယ်။
2. Partnerအားလုံးရဲ့ အမည်၊ နိုင်ငံသားစိစစ်ရေးကဒ်နံပါတ်၊ လိပ်စာ စတဲ့ ကိုယ်ရေးအချက်အလက်တွေကို အပြည့်အစုံ ဖော်ပြရပါမယ်။
3. စီးပွားရေးလုပ်ငန်းရဲ့ အမည်နဲ့ လိပ်စာကို ရှင်းရှင်းလင်းလင်း ရေးသားရပါမယ်။
4. လုပ်ငန်းရဲ့ ရည်ရွယ်ချက်နဲ့ လုပ်ဆောင်မယ့် လုပ်ငန်းတွေကို အသေးစိတ် ဖော်ပြရပါမယ်။
5. Partnerတစ်ဦးချင်းစီက ထည့်ဝင်မယ့် ရင်းနှီးငွေ ပမာဏကို တိတိကျကျ သတ်မှတ်ရပါမယ်။
6. အမြတ်ငွေနဲ့ အရှုံးငွေတွေကို ဘယ်လို ခွဲဝေကြမယ်ဆိုတာ ရာခိုင်နှုန်းနဲ့ တိကျစွာ ရေးသားရပါမယ်။
7. Partnerတစ်ဦးချင်းစီရဲ့ တာဝန်နဲ့ လုပ်ပိုင်ခွင့်တွေကို အသေးစိတ် သတ်မှတ်ပေးရပါမယ်။
8. Partnerတစ်ဦးဦး နုတ်ထွက်တဲ့အခါ လိုက်နာရမယ့် စည်းကမ်းချက်တွေကို ထည့်သွင်းရေးသားရပါမယ်။
9. လုပ်ငန်းကို ဘယ်လိုစီမံခန့်ခွဲမယ်၊ ဆုံးဖြတ်ချက်တွေကို ဘယ်လိုချမယ်ဆိုတာ ရှင်းရှင်းလင်းလင်း ရေးသားရပါမယ်။
10. ငွေကြေးကိစ္စတွေကို ဘယ်လိုမှတ်တမ်းတင်မယ်၊ စာရင်းစစ်မယ်ဆိုတာ သတ်မှတ်ရပါမယ်။
11. အငြင်းပွားမှုတွေ ဖြစ်လာရင် ဘယ်လိုဖြေရှင်းမယ်ဆိုတာကို ကြိုတင်ရေးသားထားရပါမယ်။
12. စာချုပ်သက်တမ်းနဲ့ သက်တမ်းတိုးမယ့် အခြေအနေတွေကို တိကျစွာ ဖော်ပြရပါမယ်။
13. လုပ်ငန်းပိုင်ဆိုင်မှုပစ္စည်းတွေကို ဘယ်လိုကိုင်တွယ်မယ်၊ စီမံမယ်ဆိုတာ ထည့်သွင်းရေးသားရပါမယ်။
14. Partnerတွေရဲ့ အခွင့်အရေးနဲ့ တာဝန်ဝတ္တရားတွေကို အသေးစိတ် ဖော်ပြရပါမယ်။
15. စာချုပ်ဖျက်သိမ်းခြင်းနဲ့ ပတ်သက်တဲ့ စည်းကမ်းချက်တွေကို ရှင်းလင်းစွာ ရေးသားရပါမယ်။
16. လုပ်ငန်းတွင်းလျှို့ဝှက်ချက်တွေနဲ့ ယှဉ်ပြိုင်မှုဆိုင်ရာ ကန့်သတ်ချက်တွေကို ထည့်သွင်းရေးသားရပါမယ်။
17. Partnerတွေအားလုံး လက်မှတ်ထိုးဖို့နေရာနဲ့ သက်သေထိုးဖို့နေရာတွေကို ထားရှိရပါမယ်။
18. စာချုပ်မူရင်းနဲ့ မိတ္တူ ဘယ်နှစ်စောင် ထားမယ်ဆိုတာ သတ်မှတ်ရပါမယ်။
19. အရေးပေါ်အခြေအနေတွေမှာ ဘယ်လိုဆုံးဖြတ်ချက်တွေ ချမှတ်မယ်ဆိုတာ ထည့်သွင်းရေးသားရပါမယ်။
20. လုပ်ငန်းအတွက် ဘဏ်အကောင့် ဖွင့်လှစ်ခြင်းနဲ့ ငွေထုတ်ယူခြင်းကို ဘယ်သူတွေက လုပ်ပိုင်ခွင့်ရှိတယ်ဆိုတာ ရှင်းလင်းစွာ ဖော်ပြရပါမယ်။
21. လုပ်ငန်းချဲ့ထွင်ဖို့ ဆုံးဖြတ်တဲ့အခါ လိုက်နာရမယ့် လုပ်ထုံးလုပ်နည်းတွေကို ထည့်သွင်းရေးသားရပါမယ်။
22. Partnerအသစ်တွေ ထပ်တိုးလာရင် လိုက်နာရမယ့် စည်းကမ်းချက်တွေကို ရေးသားရပါမယ်။
23. Partnerတစ်ဦး ကွယ်လွန်သွားရင် သူ့ရဲ့အစုရှယ်ယာကို ဘယ်လိုစီမံမယ်ဆိုတာ ကြိုတင်သတ်မှတ်ရပါမယ်။
24. အာမခံထားရှိခြင်းနဲ့ ပတ်သက်တဲ့ အချက်အလက်တွေ ရှိရင် ထည့်သွင်းရေးသားရပါမယ်။
25. လုပ်ငန်းရဲ့ မူပိုင်ခွင့်၊ တီထွင်မှုမှတ်ပုံတင်၊ ကုန်အမှတ်တံဆိပ်တွေနဲ့ ပတ်သက်တဲ့ စီမံခန့်ခွဲမှုတွေကို ရှင်းလင်းစွာ ဖော်ပြရပါမယ်။
26. Partnerတွေရဲ့ ရုံးခွင်ဝင်ချိန်၊ အလုပ်ချိန်နဲ့ အားလပ်ရက်တွေကို သတ်မှတ်ရေးသားရပါမယ်။
27. Partnerတွေက တခြားစီးပွားရေးလုပ်ငန်းတွေ လုပ်ကိုင်ခွင့်ရှိ/မရှိ၊ ဘယ်လိုကန့်သတ်ချက်တွေ ထားမယ်ဆိုတာ သတ်မှတ်ရပါမယ်။
28. အရေးပေါ်အစည်းအဝေးတွေ ခေါ်ယူတဲ့အခါ လိုက်နာရမယ့် နည်းလမ်းတွေကို ထည့်သွင်းရပါမယ်။
29. လုပ်ငန်းကနေ တစ်ဦးချင်းစီ ငွေထုတ်ယူတဲ့အခါ လိုက်နာရမယ့် စည်းကမ်းတွေကို သတ်မှတ်ရပါမယ်။
30. ဝန်ထမ်းခန့်ထားခြင်း၊ ထုတ်ပယ်ခြင်းတွေနဲ့ ပတ်သက်ပြီး ဘယ်သူတွေမှာ လုပ်ပိုင်ခွင့်ရှိတယ်ဆိုတာ ရှင်းလင်းစွာ ဖော်ပြရပါမယ်။
31. နှစ်ပတ်လည် အစည်းအဝေးတွေ ကျင်းပမယ့် အချိန်နဲ့ ဆောင်ရွက်မယ့် ကိစ္စရပ်တွေကို သတ်မှတ်ရပါမယ်။
32. လုပ်ငန်းအတွက် ဝယ်ယူမယ့် ပစ္စည်းတွေရဲ့ တန်ဖိုးကန့်သတ်ချက်နဲ့ အတည်ပြုချက်ယူရမယ့် ပုံစံတွေကို ထည့်သွင်းရပါမယ်။
33. အကျိုးအမြတ်ခွဲဝေတဲ့အခါ အခွန်ဆောင်ခြင်းနဲ့ ပတ်သက်တဲ့ အချက်တွေကို ရှင်းလင်းစွာ ဖော်ပြရပါမယ်။
34. လုပ်ငန်းသုံး ဆက်သွယ်ရေးနည်းလမ်းတွေ (အီးမေးလ်၊ ဖုန်း၊ လူမှုကွန်ရက် စတာတွေ) ကို ဘယ်သူတွေက စီမံခန့်ခွဲမယ်ဆိုတာ သတ်မှတ်ရပါမယ်။
35. စာရင်းစစ်ဆေးခြင်းကို တစ်နှစ်မှာ ဘယ်နှစ်ကြိမ် လုပ်မယ်၊ ဘယ်သူက လုပ်မယ်ဆိုတာ တိတိကျကျ ရေးသားရပါမယ်။
36. လုပ်ငန်းရဲ့ နှစ်စဉ်ဘတ်ဂျက်ကို ဘယ်လိုရေးဆွဲမယ်၊ ဘယ်သူတွေက အတည်ပြုမယ်ဆိုတာ ဖော်ပြရပါမယ်။
37. မကောင်းသော အပြုအမူတွေ (လိမ်လည်မှု၊ အလွဲသုံးစားလုပ်မှု) တွေ့ရှိရင် ဘယ်လိုအရေးယူမယ်ဆိုတာ ထည့်သွင်းရေးသားရပါမယ်။
38. လုပ်ငန်းပိတ်သိမ်းတဲ့အခါ ကျန်ရှိတဲ့ပစ္စည်းတွေနဲ့ အကြွေးတွေကို ဘယ်လိုရှင်းလင်းမယ်ဆိုတာ အသေးစိတ် ဖော်ပြရပါမယ်။

ဒါတွေဟာ Partnership စာချုပ်တစ်ခုမှာ ပါဝင်သင့်တဲ့ အဓိကအချက်အလက်တွေအားလုံး ဖြစ်ပါတယ်။ ဒီအချက်အလက်တွေကို သေချာထည့်သွင်းရေးသားထားခြင်းအားဖြင့် နောင်မှာ ဖြစ်လာနိုင်တဲ့ ပြဿနာတွေကို ကာကွယ်နိုင်ပြီး၊ လုပ်ငန်းကိုလည်း ပိုမိုကောင်းမွန်စွာ လည်ပတ်နိုင်မှာ ဖြစ်ပါတယ်။

Credit. #

01/02/2026

အိမ် / ခြံ / မြေ ဝင်ငွေခွန် ဆောင်ပြီး စာချုပ်ကြီးချုပ်မယ်ဆိုရင် ဒီနည်းလမ်းအတိုင်း သွားရပါမယ် … ကျွမ်းကျင်သော အိမ်ခြံမြေရှေ့နေနဲ့ မှသာ အဆင်ပြေနိုင်ပါသည်။

၁ ကျပ် - ၃၀၀၀ သိန်း (၃%) ၉၀ သိန်း
တံဆိပ်ခေါင်းခွန် (၄%) ၁၂၀ သိန်း၊ ပေါင်း ၂၁၀ သိန်း

၃၀၀၁ သိန်း - ၆၀၀၀ သိန်း (၅ %) ၁၅၀ သိန်းတံဆိပ်ခေါင်းခွန် (၄%) ၁၂၀ သိန်း၊ ပေါင်း ၂၇၀ သိန်း

၆၀၀၀ သိန်း - ၁၀၀၀၀ သိန်း (၁၀ %) ၄၀၀ သိန်း၊ တံဆိပ်ခေါင်းခွန် (၄%) ၁၆၀ သိန်း၊ ပေါင်း ၁၀၄၀
သိန်း

၁၀၀၀၁ သိန်း - ၃၀၀၀၀ သိန်း (၁၅ %) ၃၀၀၀ သိန်း၊ တံဆိပ်ခေါင်းခွန် (၄ %) ၈၀၀ သိန်း၊ ၄၈၄၀ သိန်း

🔺🔺🔺🔺🔺🔺🔺🔺🔺🔺🔺🔺🔺🔺

အဆောက်အဦးပါရင်
➖➖➖➖➖➖➖➖

ပထမတန်းစားအာစီ 1 Sqft 40000 ကျပ်

ဒုတိယတန်းစားအာစီ 1 Sqft 25000 ကျပ်

Steel Structure ၃ ထပ်မှ ၇ ထပ်အထိ 40000

သစ်သားအုတ်ညှပ် 1 Sqft 20000 ကျပ်

သစ်သားအိမ် 1 Sqft 10000 ကျပ်

ပထမတန်းစား ၁၂ ထပ်အထက် 1 Sqft 60000
ပထမတန်းစား ၁၂ ထပ်အထိ 1 Sqft 50000
ပထမတန်းစား ၇ ထပ်အထိ 1 Sqft 45000

➖➖➖➖➖➖➖➖➖➖➖➖➖➖

အရောင်းသမားက ၁၀% ဆောင်ရမယ် စာချုပ်စာတမ်းရုံးမှာ ၁၀၀၀၀ နဲ့ ဝယ်အဝယ်စာချုပ်ပြီး ပြန်ရောင်းတော့ ၁၅၀၀၀… အမြတ်ငွေ ၅ ထောင်ပေါ် မူတည်ပြီး ၁၀ % ဆောင်ရပါမယ်

➖➖➖➖➖➖➖➖➖➖➖➖➖➖

အိမ် ခြံ မြေ ဝယ်ခွန်အတွက် ရာဖြတ်တင်မယ်ဆို အောက်ပါအတိုင်း လုပ်ဆောင်ရပါမယ်

🔹 ဝယ်ယူသူ၏ အိမ်ထောင်စုစာရင်း မူရင်းနှင့် မိတ္တူ တစ်စုံ

🔹 (၄)လအတွင်း ချုပ်ဆိုထားသော အရောင်း အဝယ်စာချုပ် (မူရင်းနှင့် မိတ္တူ)

🔹 (၁) နှစ်အတွင်း ရေးဆွဲထားသော ရောင်း/ဝယ်အတွက် မြေပုံမြေရာဇဝင်(၁၀၅/၁၀၆) မူရင်း

🔹 အမည်ပေါက်မှ ရောင်းချခြင်း (သို့) မှတ်ပုံတင် ဆက်စပ်စာချုပ်များ

🔹 ရှေ့ / နောက် / ညာ မြေကွက်ဓာတ်ပုံ(၁)စုံစီ

🔹 ဝယ်ယူသူက အိမ်မြေ လက်ခံရရှိပြီးကြောင်း ဝန်ခံချက် (အရပ်အရောင်းအဝယ်စာချုပ်)

🔹 တင်ပြချက်အားလုံး မှန်ကန်ကြောင်းဝန်ခံချက်။

အထက်ပါ အချက်များဖြင့် ကာလတန်ဖိုး စီစစ်ရေးအဖွဲသို့ တင်ပြ လျှောက်ထားရမှာ ဖြစ်ပါတယ်။

“ငွေဖြူ” ရှိရင် အခွန် သက်သာပါမည်။ ဝင်ငွေရလမ်းဖော်ပြနိုင်သောငွေ (သို့မဟုတ်) အခွန်စည်းကြပ်ပြီးဖြစ်သော ငွေကို “ငွေဖြူ” ဟု ခေါ်ပါသည်။

ငွေဖြူနဲ့အခွန်ဆောင်ရင် အချိန်အနည်းငယ် ပိုကြာနိုင်ပါသည်။ ငွေဖြူမရှိရင် အထက်မှာ ဖော်ပြထားတဲ့ နည်းအတိုင်း ဆောင်ရပါမည်။

ဘဏ္ဍာနှစ်အတွင်း သန်းခေါင်စာရင်း တစ်ခုတည်းမှ နှစ်ကွက်စာဆောင်ရင် ရာဖြတ်ကို ပေါင်းဖြတ်လျှင် (၃၀%) ဖြင့် ဆောင်ရပါမည်။ နှစ်ကွက်ဆိုရင် နှစ်ခြားဆောင်မှ တစ်ကွက်နှုန်း ရာဖြတ်ပေးပါသည်။

ဝယ်ခွန်ဆောင်ပြီးလျှင် ကာလတန်ဖိုး စိစစ်ရေးအဖွဲ့ (ရာဖြတ်က) သတ်မှတ်ပေးတဲ့ တန်ဖိုးရဲ့ ၄ % ဖိုးဝယ်ယူပြီး တံဆိပ်ခေါင်းတွေ ကပ်ရပါတယ်တံဆိပ်ခေါင်း ဝယ်ရပါမည်

တရားဝင် အရောင်းအဝယ်စာချုပ်အတွက် စာချုပ်စာတမ်း မှတ်ပုံတင်ရုံးမှာ စာချုပ်မှတ်ပုံတင် ရပါတယ်။ အခွန်တံဆိပ်ခေါင်း များစွာကို ကပ်ရပါမည်။

မှတ်ပုံတင်ကြေး (0.5 %)

Credit to Original Writer
#အိမ်ခြံမြေဗဟုသုတ

30/01/2026

တစ်ဖက်သတ်ဒီကရီချမှတ်ရာတွင် ကုစာနိုင်သည့်နည်းလမ်းနှင့် လိမ်လည်လှည့်ဖြားရယူထားသည်ဟူသောအကြောင်းပြချက်ဖြင့် ဒီကရီကိုပယ်ဖျက်ရန် တရားတစ်ထုံးစွဲဆိုခြင်းအကြောင်း •••
•~•~•~•~•~•~•~•~~•N.W!!!!!!!!!!!!!!!!!!!!!!

~~~ တစ်ဖက်သတ်ဒီကရီကို ချမှတ်ခြင်းခံရသော တရားပြိုင်အတွက် အောက်ပါနည်းလမ်း လေးသွယ်ဖြင့် ဆောင်ရွက်နိုင်ပါသည်။

၁။ တစ်ဖက်သတ်ဒီကရီကို ပယ်ဖျက်ရန် အမိန့်.၉၊ နည်း.၁၃အရ လျှောက်ထားခြင်း။

၂။ ပြန်လည်သုံးသပ်ပေးရန် လျှောက်ထားခြင်း။

၃။ ဒီကရီကိုအယူခံဝင်ခြင်း။

၄။ လိမ်လည်လှည့်ဖြားရယူထားသည်ဟူသော အကြောင်းပြချက်ဖြင့် ပယ်ဖျက်ပေးရန် တရားတစ်ထုံးစွဲဆိုခြင်း ဟူ၍ဖြစ်ပါသည်။

~~~ တစ်ဖက်သတ်ဒီကရီကို အယူခံဝင်ရောက်ရာ အယူခံရုံးကလည်း တစ်ဖက်သတ်ဒီကရီကိုအတည်ပြုပါက (လိမ်လည်လှည့်ဖြား၍ရသည့်ဒီကရီဖြစ်သည်ဟု အဆိုပြုကာ ပယ်ဖျက်ရန်) မူလရုံး/အယူခံတရားရုံး/အယူခံရုံးထက်အဆင့်မြင့်သောရုံအနက် မည်သည့်တရားရုံးတွင် တရားစွဲဆိုရန်ဖြစ်သည်ကို တင်ပြသွားပါမည်။
~~~ တစ်ဖက်သတ်ဒီကရီကို အယူခံတရားရုံးက အတည်ပြုပါက အယူခံတရားရုံး၏ ဒီကရီသည် မူလတရားရုံး၏ဒီကရီနှင့် ပေါင်းစပ်သွားသောကြောင့် ထိုဒီကရီကိုလိမ်လည်လှည့်ဖြား၍ရသည့် ဒီကရိီဖြစ်သည်ဟု အကြောင်းပြကာပယ်ဖျက်ပေးရန် အမှုကို အယူခံတရားရုံးတွင်သာ စွဲဆိုရန်မဟုတ်။(ရန်ကုန်အတွဲ ၉ ၊စာ.၁၃၅)အမှုတွင်ပေါ်ပေါက်သည်။ သို့သော် စီရင်ထုံးတွင် ထိုပြဿနာကိုအဆုံးအဖြတ်မပြု။ ထုံးသာဓကလည်းမရှိသေးပါဟု..(ဆရာကြီးမြမှ..ဥပဒေပြဿနာအဖြာဖြာစာအုပ်)တွင်ရေးသားဖော်ပြထားပါသည်။
~~~ ဒီကရီတစ်ရပ်ကို အယူခံတရားရုံးကအတည်ပြုလျှင် မူလတရားရုံး၏ ဒီကရီသည် အယူခံတရားရုံး၏ ဒီကရီဖြစ်သွားခြင်းကြောင့် ဒီကရီပြင်ရန်အကြောင်းရှိလျှင် အယူခံရုံးကသာပြင်ခွင့်ရှိသည်ဟု (ဆာရာကီနှင့် ဟာမစ်ကာဆင်၊ ရန်ကုန် အတွဲ.၄၊စာ.၃၄၇)အမှုတွင်ထုံးဖွဲထားပါသည်။
~~~ခရိုင်တရားရုံးနှင့် မူလတရားရုံးတို့၏ ဒီကရီပေါင်းစပ်သွားသည့်ကိစ္စတို့ကို ဒီကရီအတည်ပြုရမည့်ရှုထောင့်မှ ဆင်ခြင်ထုံးဖွဲခဲ့သော(ဦးအေးပါ.၃ နှင့် ဒေါ်နှင်းရီပါ.၂၊၁၉၈၄၊မတစ၊စာ. ၃၃၇)အမှုအား သတိချပ်ရန်လိုအပ်ပါသည်။လေ့လာဖတ်ရှုကြပါ။
~~~ တရားရုံးတစ်ရုံးတွင် အမှုတစ်မှုစွဲဆိုမည်ဆိုပါက အမှုအမျိုးအစားအလိုက် (အမှုတန်ဖိုးအရ) စီရင်ပိုင်ခွင့်အာဏာရှိသော တရားရုံးအသီးသီးတွင်စွဲဆိုရန်သတ်မှတ်ထားပါသည်။
~~~ ငွေကြေးအလိုက်၊ဒေသအလိုက်စီရင်ပိုင်ခွင့်အာဏာရှိသော တရားရုံးများမှာ မြို့နယ်တရားရုံး ၊ ခရိုင်တရားရုံးနှင့် တရားလွှတ်တော်တရားရုံးများဖြစ်ကြပါသည်။
~~~ ထို့ကြောင့် ဒီကရီပယ်ဖျက်ပေးစေလိုမှုကို အမှုတန်ဖိုးအလိုက် စီရင်ပိုင်ခွင့်အာဏာရှိသော တရားရုံးတွင် တရားစွဲဆိုရန်ဖြစ်ပါသည်။
~~~အမှုတန်ဖိုးမှာလည်း ပယ်ဖျက်ပေးစေလိုသောဒီကရီ၏တန်ဖိုးပင်ဖြစ်ပါသည်။ ထိုအမှုမျိုးကို မည်သည့်တရားရုံးကသာ စီရင်ပိုင်ခွင့်အာဏာရှိသည်ဟု ပြဌာန်းထားချက်ဖြင့် သတ်မှတ်ထားခြင်းမရှိပါ။ မြို့နယ်တရားရုံးမှသည် တရားလွှတ်တော်အထိ ငွေကြေးဆိုင်ရာစီရင်ပိုင်ခွင့်အရ စီရင်ခွင့်ရရှိသောအမှုအမျိုးအစားဖြစ်ပါသည်။ အယူခံရုံဒီကရီဖြစ်၍ အဆင့်နိမ့်သောအောက်ရုံးက တရားမကြီးမှုတစ်မှုတွင် ပယ်ဖျက်ခွင့်မရှိဟု ပြဆိုထားသော ဥပဒေမရှိသဖြင့် ငွေကြေးဆိုင်ရာနှင့် ဒေသဆိုင်ရာစီရင်ပိုင်ခွင့်ရှိသော တရားရုံက စီရင်ရန်ဖြစ်သည်မှာ ကျိုးကြောင်းဆီလျော်သည်ဟု ဆိုရမည်ဖြစ်ပါသည်။
~~~ သို့သော်လည်း....(၁၉၅၈၊မတစ၊စာ. ၈၁)အမှုတွင် ယခင်တရားလွှတ်တော်ချုပ်က "ဥပဒေသည် မဖြစ်နိုင်သည်ကို မရည်ရွယ်"ဟု ထုံးဖွဲ့ထားချက်ကို ထောက်ချင့်၍ မူလရုံး၏ဒီကရီသည် အယူခံရုံး၏ဒီကရီနှင့် ပေါင်းစပ်သွားသည်ဖြစ်၍ ထိုဒီကရီကို ပယ်ဖျက်ပေးရန် အယူခံရုံးတွင်သာ တရားစွဲဆိုရမည်ဟူသော အမြင်သည် သဘာဝယုတ္တိမရှိနိုင်။ ထိုမှတစ်ပါး လိမ်လည်လှည့်ဖြားခြင်းအမှန်တကယ်ခံရသော တရားရုံးသည် ဒီကရီချမှတ်သောမူလ တရားရုံးဖြစ်သည်။အယူခံတရားရုံးမဟုတ်ချေ။ ဤရှုထောင်မှကြည့်လျှင် လိမ်လည်လှည့်ဖြား၍ရသောဒီကရီဖြစ်သည်ဟု အဆိုပြုကာ ပယ်ဖျက်ပေးရန်တရားစွဲဆိုသည့်ကိစ္စ၌ အယူခံတရားရုံး၏ဒီကရီသည် မူလတရားရုံး၏ဒီကရီနှင့် ပေါင်းစပ်သွားသည်ဆိုသော သဘောသဘာဝအရ စီရင်ပိုင်ခွင့်ရှိသော တရားရုံးကို သတ်မှတ်ရန်မဟုတ်ဟု စေဒကတက်နိုင်သည့်ဘက်က အလေးသာသည်ကို တွေ့မြင်နိုင်ပါသည်။ (ထုံးသာဓကမရှိသေးပါ။)ဟု (ဆရာကြီးမြမှ..ဥပဒေပြဿနာအဖြာဖြာစာအုပ်တွင် အသိပညာပေး ရေးသားထားပါကြောင်းခင်ဗျား•••။)

# # #ဥပဒေအသိပညာများကြွယ်ဝကြပါစေ။

•••••••••••••••••••••••
Crd မူရင်းရေးသာသူ

15/01/2026

မိခင်ကွယ်လွန်ပြီးနောက် ဖခင်ဖြစ်သူက နောက်အိမ်ထောင်ပြုသည့်အခါ ပထမအိမ်ထောင်မှ ကျန်ရစ်သော သားသမီးများအတွက် အမွေတောင်းဆိုပိုင်ခွင့်ရှိပါသလား?

ပြဿနာ မေးခွန်းတွေ များများမေးလေလေ၊ ရှာဖွေရလေလေ၊ အသိပညာတိုးလေလေ ဟုခံယူပါသည်

ပြဿနာမေးခွန်းများ မေးပေးကြပါသော မိဘ၊ညီအကို၊မောင်နှမ၊ဦးကြီး၊ဦးလေး၊ဒေါ်ကြီး၊ဒေါ်လေးများ
ကျန်းမာ၊ချမ်းသာကြပါစေကြောင်း ဆုတောင်းမေတ္တာပို့သရင်း အထူးကျေးဇူးတင်ရပါသည်---

ယနေ့ အားစိုက် ကြိုးစားရှာဖွေ တင်ပြဖြစ်သည့် အကြောင်းအရာ
---***---

မိခင်ကွယ်လွန်ပြီးနောက် ဖခင်ဖြစ်သူက နောက်အိမ်ထောင်ပြုသည့်အခါ ပထမအိမ်ထောင်မှ ကျန်ရစ်သော သားသမီးများအတွက် အမွေတောင်းဆိုပိုင်ခွင့်ရှိပါသည်။

မြန်မာ့ဓလေ့ထုံးတမ်းဥပဒေအရ ဤကိစ္စကို အောက်ပါအတိုင်း အပိုင်း (၂) ပိုင်းခွဲ၍ နားလည်ထားရန် လိုအပ်သည်-
၁။ ဩရသသားသမီး၏ အမွေဝေစု
(ဖခင်နောက်အိမ်ထောင်ပြုချိန်တွင် တောင်းနိုင်ခြင်း)
ပထမအိမ်ထောင်၏ အကြီးဆုံးသား (သို့မဟုတ်) အကြီးဆုံးသမီးသည် "ဩရသ" အရည်အချင်းနှင့် ပြည့်စုံပါက ဖခင်နောက်အိမ်ထောင်ပြုသည့်အခါ ၎င်း၏ဝေစုကို တောင်းပိုင်ခွင့်ရှိသည်။
* အမွေဝေစု: မိဘနှစ်ပါးပိုင် ပစ္စည်းအားလုံး၏ (၄) ပုံ (၁) ပုံ ကို ရရှိရမည်။
* အသက်အရွယ်ကန့်သတ်ချက်: ဩရသသည် အသက် (၁၈) နှစ်ပြည့်ပြီးသူ (သို့မဟုတ်) အိမ်ထောင်ကျပြီး မိဘ၏ကိစ္စများကို ကူညီဆောင်ရွက်နိုင်သူ ဖြစ်ရမည်။
* ကာလစည်းကမ်းသတ်: ဖခင်နောက်အိမ်ထောင်ပြုသည့်နေ့မှစ၍ (၁၂) နှစ် အတွင်း တောင်းဆိုရမည်။ (၁၂ နှစ်ကျော်သွားပါက တောင်းဆိုပိုင်ခွင့် ဆုံးရှုံးတတ်ပါသည်)။
၂။ အငယ်သားသမီးများ၏ အခွင့်အရေး
(ကနိဋ္ဌသားသမီးများ)
ဩရသမဟုတ်သော အငယ်သားသမီးများသည် ဖခင်ဖြစ်သူ သက်ရှိထင်ရှားရှိနေစဉ်အတွင်း ဖခင်နောက်အိမ်ထောင်ပြုရုံဖြင့် အမွေတောင်းပိုင်ခွင့် မရှိသေးပါ။
* မည်သည့်အချိန်တွင် တောင်းနိုင်သနည်း: ဖခင်ဖြစ်သူ ကွယ်လွန်သည့်အခါမှသာ အမွေခွဲဝေရန် တောင်းဆိုပိုင်ခွင့် ရှိလာမည်ဖြစ်သည်။
* အသက်အရွယ်ကန့်သတ်ချက်: အငယ်သားသမီးများအတွက် အထူးတလည် အသက်ကန့်သတ်ချက်မရှိပါ။ ဖခင်ကွယ်လွန်ချိန်တွင် အရွယ်မရောက်သေးပါက ၎င်းတို့၏ အုပ်ထိန်းသူမှတစ်ဆင့် ဆောင်ရွက်နိုင်သည်။
၃။ ဖခင်ကွယ်လွန်သောအခါ ရရှိမည့် အမွေဝေစုများ (စီရင်ထုံးအရ)
အကယ်၍ ဖခင်ဖြစ်သူပါ ကွယ်လွန်သွားခဲ့လျှင် ပထမအိမ်ထောင်မှ သားသမီးများ (အကြီး၊ အငယ်အားလုံး) သည် ဒုတိယဇနီးနှင့် အောက်ပါအတိုင်း ခွဲဝေရပါမည်-

A-ပစ္စည်းအမျိုးအစား
အတက်ပစ္စည်း
(မိခင်ကြီးနှင့် ရှာခဲ့သောပစ္စည်း)
ပထမအိမ်ထောင်မှ သားသမီးများ - ၄ ပုံ ၃ ပုံ
ဒုတိယဇနီး (မယားငယ်) - ၄ ပုံ ၁ ပုံ

B-ပစ္စည်းအမျိုးအစား
အပွားပစ္စည်း
(ဒုတိယမယားနှင့် ရှာသောပစ္စည်း)
ပထမအိမ်ထောင်မှ သားသမီးများ - ၈ ပုံ ၁ ပုံ
ဒုတိယဇနီး (မယားငယ်) - ၈ ပုံ ၇ ပုံ (ဒုတိယအိမ်ထောင်ကလေးအပါ)

> အရေးကြီးသော မှတ်ချက်:

> အကယ်၍ ဖခင်ဖြစ်သူက နောက်အိမ်ထောင်ပြုသော်လည်း ပထမအိမ်ထောင်မှ သားသမီးများနှင့် အိမ်စီးပွားမခွဲဘဲ ဆက်လက်နေထိုင်ပြီး ပစ္စည်းများကို အတူတူရှာဖွေနေကြလျှင် "စုပေါင်းနေထိုင်သူများ" အဖြစ် သတ်မှတ်ပြီး ပစ္စည်းအားလုံးအပေါ် အခွင့်အရေး ပိုမိုရရှိနိုင်ပါသည်။
>
စီရင်ထုံးကိုးကား: မောင်ထွန်းဝေ နှင့် မောင်စံလှ (၁၉၆၃၊ မြန်မာနိုင်ငံ စီရင်ထုံး၊ စာမျက်နှာ ၄၅၂) တွင် ဖခင်နောက်အိမ်ထောင်ပြုက ဩရသသားသမီးသည် ၄ ပုံ ၁ ပုံ တောင်းနိုင်ကြောင်း အတည်ပြုထားသည်။
-----***-----

ဖခင်ဖြစ်သူက နောက်အိမ်ထောင်ပြုသော်လည်း ပထမအိမ်ထောင်မှ သားသမီးများနှင့် အိမ်စီးပွားမခွဲဘဲ စုပေါင်းနေထိုင်ပြီး ပစ္စည်းများကို အတူတူရှာဖွေနေကြခြင်းကို မြန်မာ့ဓလေ့ထုံးတမ်းဥပဒေတွင် "အိမ်ထောင်စုတစ်စုတည်းအဖြစ် စုပေါင်းနေထိုင်ခြင်း" (Joint Family Living) ဟု ခေါ်ဆိုပါသည်။

ဤအခြေအနေတွင် ဖခင်ကွယ်လွန်သွားပါက အမွေခွဲဝေပုံမှာ သာမန်အခြေအနေများနှင့် ကွဲပြားသွားပါသည်။
၁။ အမွေခွဲဝေမည့် အချိုးအစား (စီရင်ထုံးမူများ)
ဖခင်ကွယ်လွန်ချိန်တွင် ကျန်ရစ်သော ဒုတိယဇနီးနှင့် ပထမအိမ်ထောင်မှ သားသမီးများသည် အောက်ပါအတိုင်း ခွဲဝေရမည်ဟု စီရင်ထုံးများက လမ်းညွှန်ထားပါသည် -
* ပထမအိမ်ထောင်စဉ်က ပါလာသောပစ္စည်း
(အတက်ပစ္စည်း):
* ပထမအိမ်ထောင်မှ သားသမီးများက ၄ ပုံ ၃ ပုံ ရရှိသည်။
* ဒုတိယဇနီးက ၄ ပုံ ၁ ပုံ ရရှိသည်။
* အိမ်ထောင်သစ်ပြုပြီးနောက် အတူတူရှာဖွေသောပစ္စည်း (အပွားပစ္စည်း):
ဤနေရာတွင် အဓိကအချက်မှာ "ပထမအိမ်ထောင်မှ သားသမီးများသည်လည်း ဝိုင်းဝန်းလုပ်ကိုင်ခဲ့ကြသည်" ဆိုသည့်အချက် ဖြစ်သည်။ ထို့ကြောင့် -
* အမွေပုံကို (၃) စု ပုံရမည်။
* ပထမအိမ်ထောင်မှ သားသမီးများက ၂ စု ရရှိသည်။
* ဒုတိယဇနီး
(နှင့် ၎င်း၏သားသမီး) က ၁ စု ရရှိသည်။

၂။ ကိုးကားစီရင်ထုံးများ
ဤကဲ့သို့သော အခြေအနေမျိုးအတွက် အောက်ပါစီရင်ထုံးများကို အခြေခံ၍ ဆုံးဖြတ်လေ့ရှိသည် -
* မောင်ထွန်းဝေ နှင့် မောင်စံလှ (၁၉၆၃၊ မြန်မာနိုင်ငံ စီရင်ထုံး၊ စာမျက်နှာ ၄၅၂):
ဤစီရင်ထုံးတွင် ဖခင်နောက်အိမ်ထောင်ပြုသော်လည်း သားသမီးများနှင့် အတူနေထိုင်ကာ စီးပွားရှာဖွေနေကြလျှင် အမွေခွဲဝေရာ၌ သားသမီးများ၏ လုပ်အားနှင့် ရပိုင်ခွင့်ကို အလေးထားဖော်ပြထားသည်။
* မောင်အေးမောင် နှင့် မအေးကြည် (၁၉၈၁၊ မြန်မာနိုင်ငံ စီရင်ထုံး၊ စာမျက်နှာ ၄၄):
အိမ်ထောင်စုအတွင်း စုပေါင်းနေထိုင်သူများအကြား အမွေခွဲဝေရာတွင် အတက်ပစ္စည်းနှင့် အပွားပစ္စည်းကို မည်သို့ခွဲဝေရမည်ဆိုသည့် အချိုးအစားမူကို ခိုင်မာစေခဲ့သည်။
* ဦးပိန် ပါ ၂ နှင့် ဒေါ်သိန်းရှင် (၁၉၅၄၊ မြန်မာနိုင်ငံ စီရင်ထုံး၊ စာမျက်နှာ ၂၁၁):
ဒုတိယဇနီးသည် အတက်ပစ္စည်း (ပထမအိမ်ထောင်မှပစ္စည်း) အပေါ်တွင် ၄ ပုံ ၁ ပုံသာ ရပိုင်ခွင့်ရှိကြောင်း အတည်ပြုခဲ့သည်။

---***---

ဖခင်က နောက်အိမ်ထောင်ပြုပြီးနောက် သားသမီးများက ဝိုင်းဝန်းလုပ်ကိုင်ခြင်း မရှိဘဲ ဖခင်နှင့် ဒုတိယဇနီးတို့ကသာ စီးပွားရှာဖွေခဲ့ကြခြင်းဖြစ်ပါက၊ အမွေခွဲဝေမှုသည် အောက်ပါအတိုင်း ပြောင်းလဲသွားမည်ဖြစ်သည်-

၁။ အမွေခွဲဝေမည့် အချိုးအစား (စီရင်ထုံးမူများ)
သားသမီးများ၏ လုပ်အားမပါဝင်ခဲ့သောကြောင့် "အပွားပစ္စည်း" (အိမ်ထောင်သစ်တွင် ရှာဖွေရရှိသော ပစ္စည်း) အပေါ်တွင် သားသမီးများ၏ ရပိုင်ခွင့်သည် သိသိသာသာ လျော့နည်းသွားမည်ဖြစ်ပြီး ဒုတိယဇနီး၏ ဝေစုမှာ ပိုမိုများပြားလာပါမည်။

* အတက်ပစ္စည်း
(ပထမအိမ်ထောင်စဉ်က ပါလာသောပစ္စည်း):
* သားသမီးများ၏ လုပ်အားနှင့် မဆိုင်ဘဲ မိခင်ကြီးနှင့် ရှာခဲ့သော ပစ္စည်းဖြစ်၍ သားသမီးများက ၄ ပုံ ၃ ပုံ ရရှိမြဲ ရရှိမည်။
* ဒုတိယဇနီးက ၄ ပုံ ၁ ပုံ ရရှိမည်။
* အပွားပစ္စည်း
(ဖခင်နှင့် ဒုတိယဇနီးတို့သာ ရှာဖွေသောပစ္စည်း):
* ဒုတိယဇနီးက ၈ ပုံ ၇ ပုံ (သို့မဟုတ် အိမ်ထောင်သစ်မှ ကလေးရှိလျှင် ဇနီးနှင့် ကလေးပေါင်း၍ ၈ ပုံ ၇ ပုံ) ရရှိသည်။
* ပထမအိမ်ထောင်မှ သားသမီးများ (စုပေါင်း၍) ၈ ပုံ ၁ ပုံ သာ ရရှိပါမည်။
၂။ ကိုးကားစီရင်ထုံး
ဤအချိုးအစားကို မောင်အေးမောင် နှင့် မအေးကြည် (၁၉၈၁၊ မြန်မာနိုင်ငံ စီရင်ထုံး၊ စာမျက်နှာ ၄၄) အမှုတွင် အခြေခံထားပါသည်။
> စီရင်ထုံး၏ အနှစ်သာရ:
> လင်မယားအသစ် ရှာဖွေသော ပစ္စည်းဖြစ်ပါက ထိုပစ္စည်းအပေါ်တွင် ဇနီးအသစ်က ပိုမိုခံစားပိုင်ခွင့်ရှိသည်။ သားသမီးများသည် ထိုပစ္စည်းကို ရှာဖွေရာတွင် ကိုယ်တိုင်ပါဝင်ခြင်း မရှိပါက ၎င်းတို့အား "အလိုက်သင့်သော ဝေစု" (၈ ပုံ ၁ ပုံ) သာ ပေးရန် စီရင်ထုံးများက ဆုံးဖြတ်လေ့ရှိသည်။
>
၃။ ခြွင်းချက်နှင့် သတိပြုရန်အချက်များ
* ဩရသ သားသမီးရှိလျှင်: အကယ်၍ ပထမအိမ်ထောင်မှ အကြီးဆုံးသားသမီး (ဩရသ) သည် ၎င်း၏ဝေစု ၄ ပုံ ၁ ပုံကို ဖခင်နောက်အိမ်ထောင်ပြုချိန်ကတည်းက တောင်းဆိုထားခြင်းမရှိသေးဘဲ၊ ဖခင်ကွယ်လွန်မှ တောင်းဆိုလျှင် ၎င်းအတွက် အထူးဝေစု ထည့်သွင်းစဉ်းစားရနိုင်သည်။
* စုပေါင်းနေထိုင်ခြင်း၏ အဓိပ္ပာယ်: သားသမီးများက စီးပွားရေးအရ ဝိုင်းဝန်းလုပ်ကိုင်ခြင်း မရှိသော်လည်း၊ ဖခင်ကြီးကို ပြုစုစောင့်ရှောက်ခြင်း၊ အိမ်မှုကိစ္စများ ကူညီခြင်းတို့ ပြုလုပ်ခဲ့လျှင် တရားရုံးက သားသမီးများအပေါ် ငဲ့ညှာသော ဆုံးဖြတ်ချက်မျိုး ပေးတတ်ပါသည်။

၄။ အကျဉ်းချုပ် နှိုင်းယှဉ်ချက်ဇယား

ပစ္စည်းအမျိုးအစား
အတက်ပစ္စည်း
-သားသမီးများ ရှာဖွေရာတွင် ပါဝင်လျှင် - ၃/၄
-ဒုဇနီး -၁/၄

-သားသမီးများ ရှာဖွေရာတွင် မပါဝင်လျှင် - ၁/၄
-ဒုဇနီး -၁/၄

ပစ္စည်းအမျိုးအစား
အပွားပစ္စည်း
-သားသမီးများ ရှာဖွေရာတွင် ပါဝင်လျှင် - ၂/၃
-ဇနီး -၁/၃

-သားသမီးများ ရှာဖွေရာတွင် မပါဝင်လျှင် - ၁/၈
-ဒုဇနီး -၇/၈

အကြံပြုချက်:
ယခုကိစ္စတွင် သားသမီးများအနေဖြင့် "အတက်ပစ္စည်း" (မိခင်ကြီးလက်ထက်က ပစ္စည်းများ) ကို အဓိကထား ကာကွယ်သင့်ပါသည်။

အဘယ်ကြောင့်ဆိုသော် ထိုပစ္စည်းများသည် သားသမီးများအတွက် ဝေစုအများဆုံး ရရှိမည့် အရင်းအမြစ်ဖြစ်သောကြောင့် ဖြစ်သည်။

မိသားစုတွင် ယခုလက်ရှိပိုင်ဆိုင်မှုများထဲမှာ ဖခင်နောက်အိမ်ထောင်မပြုခင်ကတည်းက ရှိခဲ့တဲ့ အိမ်၊ ခြံ၊ မြေ သို့မဟုတ် စီးပွားရေးလုပ်ငန်းတွေ အချိုးအစား ဘယ်လောက်ရှိသလဲဆိုတာကို တွက်ချက်ထားသင့်ပါတယ်။

#

15/01/2026

အိမ် ခြံ မြေ ဝယ်ယူလိုသူများ သတိပြုစရာ မြို့သစ်စီမံကိန်းဟုဆိုကာ အကွက်ရိုက်ရောင်းချနေသော လယ်ယာမြေကို ဝယ်မည်ဆိုလျှင်

“မြို့သစ်စီမံကိန်းထဲပါမယ့် မြေနေရာတွေဆိုပြီး၊ လယ်ယာမြေတွေကို ကွန်ကရစ်လမ်းတွေခင်း၊ ခြံဝန်းတွေ ခတ်ပြီး ရောင်းနေတယ်ဆရာ၊ အဲဒါတရားဝင်ပါသလား။ ပြီးတော့ မကြာမီ ကာလက ပြဋ္ဌာန်းတဲ့ လယ်ယာမြေ ဥပဒေကိုပြင်ဆင်သည့် ဥပဒေထွက် ထားတယ်လို့ ကြားတယ် ဆရာ၊ အဲဒီ မြေကွက်ကိုဝယ်ရင် အဆင်ပြေပါ့မ လားလို့ ဆရာ့ဆီလာပြီး တိုင်ပင်တာပါ”ဟု စာရေးသူထံ မိတ်ဆွေတစ်ဦးက လာရောက်ဆွေးနွေးခြင်းဖြစ်ပါသည်။

“ဟုတ်ပါတယ်။ လယ်ယာမြေတွေကို အခြားနည်း အသုံးပြုခွင့်မရသေးဘဲ အကွက်ရိုက်ပြီး ရောင်းချနေ တာတွေဖြစ်နေလို့ နိုင်ငံတော် အစိုးရအနေနဲ့ တင်းကြပ်တဲ့ သဘောဆောင်ရွက်ရတာ ဖြစ်ပါတယ်”

“အချို့က ပြောတော့ တရားဝင် အသုံးပြုခွင့်မရသေးဘဲ ရောင်းချမယ်၊ ဝယ်မယ်ဆိုရင် တရားစွဲပြီးအပြစ် ဒဏ်တောင် ကျနိုင်တယ်လို့လည်း ပြောကြတယ် ဟုတ်ပါသလား”

“အခု ပြဋ္ဌာန်းလိုက်တဲ့ ပြင်ဆင်ချက်မှာတော့ ပြစ်ဒဏ်ပိုင်းကို တင်း ကျပ်ထားတာတွေ့ရပါတယ်။ ဒါမှ လည်း ဥပဒေမဲ့ပြုမူနေတာတွေ ရပ်တန့်သွားမှာ ဖြစ်တယ်”

“ဥပဒေနဲ့အညီ ရောင်းချခွင့်ရှိ တဲ့ လယ်မြေဆိုတာက ဘယ်လိုမြေ အမျိုးအစားလဲ”

“နားလည်အောင်ရှင်းပြရမယ် ဆိုရင် ရောင်းချလွှဲပြောင်းတဲ့သူဟာ လယ်ယာမြေလုပ်ပိုင်ခွင့် လက်မှတ် ပုံစံ - ၇ ရရှိထားဖို့လိုပါတယ်”

“ပုံစံ - ၁၀၅ ဆိုတာက ဘာကို ဆိုလိုတာလဲ”

“ပုံစံ - ၁၀၅ ဆိုတာက လယ်ယာမြေပိုင်ဆိုင်ခွင့်အာမခံချက် မဟုတ်ဘူး။ မြေကွက်တည်နေရာ ဖော်ပြချက် ညွှန်းပြမြေပုံဖြစ်တယ်။ သက်ဆိုင်ရာ မြေစာရင်းဦးစီးဌာနက ထုတ်ပေးတာဖြစ်ပြီး သက်တမ်းအားဖြင့် တစ်နှစ်အတွင်းသာ အကျုံးဝင် တဲ့ မြေပုံမြေရာဇဝင်ဖြစ်တယ်”

“ပုံစံ - ၇ ဆိုတာက ဘယ်လို အထောက်အထားစာရွက်ပါလဲ”

“ပုံစံ - ၇ ဆိုတာက လယ်ယာ မြေလုပ်ပိုင်ခွင့် လက်မှတ်ကိုဆိုလိုတာဖြစ်တယ်။ အဲဒီ လယ်ယာမြေ လုပ်ပိုင်ခွင့် လက်မှတ်နဲ့ပူးတွဲပြီး ပုံစံ - ၁၀၅ ဖြစ်တဲ့ မြေပုံမြေရာဇဝင်ပါရှိရပါတယ်”

“ပုံစံ - ၇ ရထားတဲ့သူက လယ်ယာမြေကို ရောင်းပိုင်ခွင့်ရှိတဲ့ သဘောပေါ့ ဟုတ်ပါသလား”

“လယ်ယာမြေ ဥပဒေပုဒ်မ - ၉ မှာ လယ်ယာမြေလုပ်ပိုင်ခွင့်ရရှိသူ သည် လယ်ယာမြေအားလုံးကိုဖြစ် စေ၊ တစ်စိတ်တစ်ပိုင်းဖြစ်စေ၊ လုပ်ပိုင်ခွင့်အား သတ်မှတ်ထားသော စည်း ကမ်းချက်များနှင့်အညီ ရောင်းချခွင့် ပေါင်နှံခွင့်၊ ငှားရမ်းခွင့်၊ လဲလှယ်ခွင့်နှင့် ပေးကမ်းခွင့်ရှိတယ်လို့ ပြဋ္ဌာန်းထားပါတယ်”

“ဒါဆိုရင်တော့ လယ်ယာမြေ လုပ်ပိုင်ခွင့်ရရှိသူဟာ မိမိလယ်ယာမြေကို ခွဲစိတ်ရောင်းချခွင့်ရှိသွားပြီပေါ့”

“မှန်ပါတယ်၊ ဒါပေမယ့် လယ်ယာမြေလုပ်ပိုင်ခွင့်ကို ရောင်းချပေါင်နှံ၊ ငှားရမ်း၊ လဲလှယ်ပေးကမ်းခြင်းပြု ပါက သက်ဆိုင်ရာ မြေစာရင်းဦးစီးဌာနက သတ်မှတ်ထားသည့် တံဆိပ်ခေါင်းခွန်နှင့် စာချုပ်စာတမ်း မှတ်ပုံ တင်ခတို့ကို ပေးဆောင်၍ သက်ဆိုင် မြေစာရင်း ဦးစီးဌာနရုံးတွင် မှတ်ပုံတင်ရမည်လို့ လယ်ယာမြေဥပဒေ ပုဒ်မ - ၁၂ မှာ အတိအလင်း ပြဋ္ဌာန်း ထားပါတယ်။ ဒါကြောင့် လယ်ယာ မြေလုပ်ပိုင်ခွင့်အပေါ် လွှဲပြောင်းဝယ် ယူရင် သက်ဆိုင်ရာ မြေစာရင်းဦးစီး ဌာနမှာ မှတ်ပုံတင်ပြုလုပ်ချုပ်ဆိုကြရမှာဖြစ်ပါတယ်။ ဒါမှ တရားဝင်လုပ် ပိုင်ခွင့်ရမှာဖြစ်ပြီး ထပ်မံလွှဲပြောင်း ရောင်းချခွင့်ရှိမှာ ဖြစ်တယ်”

“ကျွန်တော်သိတာတော့ မှတ်ပုံ တင်ရောင်းဝယ်တာမျိုး မရှိကြဘဲ၊ အရပ်စာချုပ်နဲ့ ဝယ်ပြီး အကွက်ရိုက် ရောင်းချနေတာ ဆရာ”

“ပိုင်ရှင်အစစ်အမှန်ဆီက ဝယ်တာ မဟုတ်တဲ့အတွက် ထပ်ဆင့်ရောင်းချမှုကို ဝယ်ရင်ပိုင်ဆိုင်မှု အ ခက်အခဲရှိလာနိုင်ပါတယ်”

“အကွက်ရိုက်ခွဲစိတ်ထားတဲ့ မြေကွက်ကို မူလပုံစံ (၇) ရထားသူထံကနေ တိုက်ရိုက်ဝယ်ယူမှတ်ပုံတင်ပြု လုပ်ရင် မဖြစ်ဘူးလား ဆရာ”

“လယ်ယာမြေဥပဒေ ပုဒ်မ - ၁၂ (ဇ) မှာ လယ်ယာမြေကို မူလစိုက် ပျိုးလျက်ရှိသော သီးနှံအမျိုးအစားမှ အခြားသီးနှံအမျိုးအစားသို့ ခွင့်ပြု ချက်မရှိဘဲ ပြောင်းလဲစိုက်ပျိုးခြင်းမပြုရလို့ သတ်မှတ်ပြဋ္ဌာန်းထားပါတယ်။ ဒါကြောင့် မိတ်ဆွေပြောသလို ပုံစံ (၇) ရှိသူထံမှ လယ်ယာမြေကို ဝယ်ရင် သတ်မှတ်ထားတဲ့ သီးနှံအမျိုး အစားကို ဆက်လက်စိုက်ပျိုးလုပ်ကိုင် ရမှာဖြစ်ပါတယ်။ နောက်ပိုင်းမှ အခြားနည်းအသုံးပြုခွင့်ကို လျှောက် ထား ရယူရမှာဖြစ်တယ်”

“အခြားနည်း အသုံးပြုခွင့်ဆိုတာက အိမ်ဆောက်ခွင့်လျှောက်တဲ့ သဘောပေါ့”

“ဟုတ်ပါတယ်။ လယ်ယာမြေ ဥပဒေပုဒ်မ -၃၀ မှာ အများပြည်သူ အကျိုးငှာ လယ်ယာမြေကို အခြား နည်းအသုံးပြုရန် လျှောက်ထားရာတွင် တိုင်းဒေသကြီး သို့မဟုတ် ပြည်နယ် လယ်ယာမြေ စီမံခန့်ခွဲမှုအဖွဲ့၏ စိစစ်ထောက်ခံချက်ဖြင့် သက်ဆိုင်ရာ တိုင်းဒေသကြီး သို့မဟုတ် ပြည်နယ် အစိုးရအဖွဲ့က ခွင့်ပြုနိုင်တယ်လို့ ပြဋ္ဌာန်းထားပါတယ်။ ဒါကြောင့် မိမိတစ်ဦးတည်းအတွက် မဟုတ်ဘဲ အများပြည်သူအကျိုးအတွက် ရည်ရွယ်၍ လယ်ယာမြေကို အခြားနည်း ဆောင်ရွက်ခွင့်ပြုရန် လျှောက်ထားရမှာ ဖြစ်တယ်”

ဆရာပြောတဲ့ ဥပဒေအရ သက်ဆိုင်ရာတိုင်း၊ ပြည်နယ်အစိုးရအဖွဲ့က ခွင့်ပြုချက်ရမှ အခြားနည်းအသုံးပြု ခွင့်ရှိမှာ ဖြစ်နေတာပေါ့။ ဒီလိုဆိုရင် အခုအကွက်ရိုက်ပြီးရောင်းချနေမှုတွေက သက်ဆိုင်ရာအစိုးရရဲ့ ခွင့်ပြု ချက်မရသေးဘဲ အခြားနည်းသုံးစွဲခွင့်ဆိုပြီး လူနေလို့ရတယ်ဆိုကာ ခွဲစိတ်ရောင်းနေတဲ့ သဘောဖြစ်နေပြီ”

“ဒါကြောင့်မို့လည်း ဥပဒေကို ပြင်ဆင်ဖြည့်စွက်ပြဋ္ဌာန်းလိုက်တာ ဖြစ်ပါတယ်”

“ဟုတ်ကဲ့ ရှင်းပြပါဦး ဆရာ”

“လယ်ယာမြေဥပဒေပုဒ်မ -၁၂ (ဆ) မှာ လယ်ယာမြေကို ခွင့်ပြုမိန့် မရဘဲ အခြားနည်းသုံးစွဲခြင်းမပြုရလို့ ပိတ်ပင်တားမြစ်ထားပါတယ်။ ယင်း တားမြစ်ချက်ကို မလိုက်နာရင် ပုဒ်မ - ၁၉ အရ (က) သတ်မှတ်သည့် ဒဏ်ကြေးငွေပေးဆောင်စေခြင်း၊ (ခ) သတ်မှတ်သည့် နည်းလမ်းအတိုင်း လယ်ယာမြေကို ဆောင်ရွက်စေခြင်း၊ (ဂ) လယ်ယာမြေပေါ်မှ နှင်ထုတ် ထိုက်သူများကို နှင်ထုတ်ခြင်း (ဃ) လယ်ယာမြေပေါ်တွင် ခွင့်ပြုချက်မရှိ ဘဲ ဆောက်လုပ်ထားသော အ ဆောက်အအုံများကို ဖယ်ရှားခြင်းကို သက်ဆိုင်ရာမှ တရားစွဲဆိုဆောင် ရွက်နိုင်ခွင့် ရှိပါတယ်”

“ဒါက ပုံစံ (၇) ရရှိပြီးသားသူက အခြားနည်းနှင့် လျှောက်ထားခြင်းမရှိဘဲ ဆောင်ရွက်တဲ့ ကိစ္စမဟုတ်လား”

“မှန်ပါတယ်။ အခုဖြစ်နေတဲ့ မိတ်ဆွေကြီးပြောသလို မှတ်ပုံတင်ပြုလုပ် ဝယ်ထားခြင်း မဟုတ်ပဲ ပုံစံ (၇) လက်ဝယ်မရှိသူက မြေကွက်ကိုအ ကွက်ရိုက်ရောင်းချတဲ့ကိစ်္စရပ်နဲ့ ပတ်သက်လို့က ပြင်ဆင်တဲ့ဥပဒေပုဒ်မ -၃၇ (က) မှာ မည်သူမဆို ဤဥပဒေအရ လယ်ယာမြေလုပ်ပိုင်ခွင့်မရှိဘဲ လယ်ယာမြေကို ကျူးကျော်လုပ်ကိုင် ကြောင်း ပြစ်မှုထင်ရှားစီရင်ခံရလျှင် ထိုသူကို အနည်းဆုံး ခြောက်လမှအများဆုံး နှစ်နှစ်အထိ ထောင်ဒဏ်ဖြစ် စေ၊ အနည်းဆုံးကျပ်သုံးသိန်းမှ ငါးသိန်း ထိငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမည်လို့ ပြဋ္ဌာန်းထားတဲ့ အတွက် ပုံစံ (၇) မရသေးသူထံမှ အကွက်ရိုက်မြေကွက်ကို မဝယ်သင့်ပါ သူငယ်ချင်း”ဟု အကြံပြုဆွေးနွေး လိုက်ပါသည်။
ထီယု(ဥပဒေအတိုင်ပင်ခံ)
ကူးယူတင်ပြပါသည်။
(ဥပဒေရေးရာ)

13/12/2025

Business Coach |
Strategic Planning Facilitator |
Myanmar's 1st Double NLP Master Trainer |
Business & Leadership Development Facilitator |

Address

Yangon
11051°°

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+959251103334

Website

Alerts

Be the first to know and let us send you an email when Lawyer Khin Phyu posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Lawyer Khin Phyu:

Shortcuts

Share

Category