NBMH Legal Service

NBMH Legal Service Contact information, map and directions, contact form, opening hours, services, ratings, photos, videos and announcements from NBMH Legal Service, Legal Service, Tamwe.

27/03/2026

NBMH Legal Service မှ ဆောင်ရွက်ပေးသည့်ဝန်ဆောင်မှုများ

တရားရုံးတွင် နှစ်ဦးသဘောတူ လက်ထပ်/ကွာရှင်းစာချုပ်ပြုလုပ်ချင်သူများအတွက်ကူညီဆောင်ရွက်ပေးခြင်း

ရာဇဝတ်မှု/တရားမမှုများလိုက်ပါဆောင်ရွက်ပေးခြင်း

ဂရန်မြေ ၊ ပါမစ်မြေ ၊ တိုက်ခန်း ၊ Condo တိုက်ခန်းများအရောင်းဝယ်စာချုပ် ချုပ်ဆိုပေးခြင်း

ပါမစ် မှ ဂရန် လျှောက်ထားခြင်း

သတင်းစာ ကြော်ငြာထည့်သွင်း ဆောင်ရွက်ပေးခြင်း

မြေရာဇဝင် စစ်ဆေးပေးခြင်း

မြေပုံ / မြေရာဇဝင် လျှောက်ထားပေးခြင်း

ဂရန်မြေ ခွဲစိတ်ခြင်း

ရာဖြတ်တင်ပေးခြင်း

စာချုပ်စာတမ်း မှတ်ပုံတင်ရုံးတွင် စာချုပ်များအား မှတ်ပုံတင်ချုပ်ဆိုပေးခြင်း

အမည်ပေါက် ဆောင်ရွက်ခြင်း

ကျမ်းကျိန်လွှာ အမျိုးမျိုး ပြုလုပ်ဆောင်ရွက်ပေးခြင်း

အထွေထွေ ကိုယ်စားလှယ် လွှဲစာ (GP) ၊
အထူးကိုယ်စားလှယ် လွှဲစာ (SP ) လွှဲအပ်ခြင်း/ ရုပ်သိမ်းခြင်း

Online Sale လိုင်စင်လျှောက်ထားခြင်း

ကုန်အမှတ်တံဆိပ် မူပိုင်ခွင့် လျှောက်ထားခြင်း

ဥပဒေဆိုင်ရာ ကိစ္စရပ်များအတွက် အကြံပေးဆွေးနွေးပေးခြင်း

ဆက်သွယ်ရန်- 09 796 751071

(၆-၄-၂၀၂၆) ရက်နေ့မှ (၉-၄-၂၀၂၆) ရက်နေ့အထိ (တရားမမှုဆိုင်ရာ)ရန်ကုန်တိုင်းဒေသကြီးတရားလွှတ်တော်၏ ကြိုတင်အမှုခေါ်စာရင်းများကြ...
26/03/2026

(၆-၄-၂၀၂၆) ရက်နေ့မှ (၉-၄-၂၀၂၆) ရက်နေ့အထိ (တရားမမှုဆိုင်ရာ)
ရန်ကုန်တိုင်းဒေသကြီးတရားလွှတ်တော်၏
ကြိုတင်အမှုခေါ်စာရင်းများကြေညာချက်
#ဥပဒေရေးရာ
#အိမ်ခြံမြေ
#အရောင်းအ၀ယ်
#ရန်ကုန်တိုင်းဒေသကြီးတရားလွှတ်တော်
#အမှုခေါ်စာရင်း

26/03/2026

#ကျမ်းထုပ်မှာဘာတွေရေးထားလဲသိချင်သူတွေအတွက်

ကျမ်းသစ္စာကျိန်ဆိုမြဲကျမ်းစာ
••••••••••••
တရားရုံးရှေ့ သက်သေထွက်ဆိုအစစ်ခံမည့် ဗုဒ္ဓဘာသာဝင်လူပုဂ္ဂိုလ်များအတွက်
(ကျမ်းစာကို လက်နှစ်ဖက်ဖြင့် စုံကိုင်၍)
" ယခု တရားရုံးရှေ့ကျရောက်သည့် အမှုတွင် အလုံးစုံ အမှန်အကန် အစစ်ခံပါမည်ဟု ကျွန်ုပ်ကြေငြာပါသည်။ ကျွန်ုပ်သည် မမှန်မကန်သည်ကို အစစ်ခံသည်ရှိသော် သို့တည်းမဟုတ် မည်သည်ကိုမဆို ထိမ်ချန်ထားသည် ရှိသော် ဤကျမ်းစာတွင် ဖော်ပြထားသော ကျိန်စာများ ကျွန်ုပ်အားသင့်ပါစေသား။ ကျွန်ုပ်သည် အလုံးစုံအမှန်အကန်ကို အစစ်ခံသည်ရှိသော် ဤကျမ်းစာတွင် ဖော်ပြထားသော ကောင်းကျိုးချမ်းသာကို ခံစားရပါစေသား "
ကျမ်းသစ္စာ ကျိန်ဆိုမြဲ ကျမ်းစာ ပုံစံကို လက်အောက်ခံ တရားရုံးများတွင် အောက်ပါအတိုင်း ပြဌာန်းထားပါသည်။
နမောတဿ ဘဂဝတော အရဟတော သမ္မာသဗ္ဗုဒ္ဓဿ။
စိန္တိတံ သတ္တ သင်္ချေယျံ၊ နဝသင်္ချေယျဝါစကံ၊ ကာယဝါစာစတုချာတံ။
ဗုဒ္ဓတ္တံသမုပါဂမိ ၊ ဟူသော ပါဌ်ဂါထာနှင့် လျော်စွာ ၊ လေးသင်္ချေနှင့် ကမ္ဘ္ဘာ္ဘတစ်သိန်း၊ရှစ်သင်္ချေနှင့် ကမ္ဘာတစ်သိန်း၊ တစ်ဆယ့်ခြောက်သင်္ချေနှင့် ကမ္ဘာတစ်သိန်း ၊ ဒါနပါရမီ ၊ သီလပါရမီ ၊နိက္ခမပါရမီ၊ပညာပါရမီ၊ ခန္တီပါရမီ ၊ဝိရိယပါရမီ ၊ သစ္စာပါရမီ၊ အဓိဌာန်ပါရမီ၊မေတ္တာပါရမီ၊ ဥပက္ခာပါရမီ၊ ပါရမီဆယ်ပါး ၊အပြားသုံးဆယ် စွန့်ခြင်းကြီးငါးပါး၊ စရိယသုံးပါး တရားတို့ကို ဖြည့်တော်မူ၍ ၊ဒုက္ခသစ္စာ ၊ သမုဒယသစ္စာ ၊ နိရောဓသစ္စာ ၊ မဂ္ဂသစ္စာ တည်းဟူသော ၊ သစ္စာလေးပါး တရားတို့ကို သိတော်မူ၍ ၊ဂင်္ဂါသဲလုံးနှင့်အမျှ ပွင့်တော်မူကုန်သော ပညာဓိကဘုရား၊ဝိရိယာဓိကဘုရား၊ သဒ္ဓါဓိကဘုရား အပေါင်းတို့ကို စောင့်ရှောက်ကုန်သော ၊ သမာဓိတည်သော ၊ စန္ဒိပါရမီသွာ ၊ မဟာပိန္နဲ၊ကုတဲ၊ ဂေါရမန္တနတ်ကြီး ၊သာသနာတော်ကို စောင့်သောနတ်ကြီး ၊ ပိဋကတ်သုံးပုံ၊ဗေဒင်လေးပုံကို စောင့်သောနတ်ကြီး ၊စတုလောကပါလ နတ်ကြီး ၊ မဟာမေခလာနတ်ကြီး၊ရုက္ခစိုး ၊ဘုမ္မစိုး ၊ အာကာသစိုး နတ်ကြီး ၊ ပြည်စောင့်နတ် ၊ မြို့စောင့်နတ် ၊ လေးမျက်နှာကို စောင့်သောနတ် ၊ ရှစ်မျက်နှာကို စောင့်သောနတ် အပေါင်းတို့သည် ၊ အမြဲစောင့်ရှောက်တော် မူစေသတည်း။
ဟုတ်မှန်သည်ကိုသာ ဆိုပါမည်။

#မဟုတ်မမှန် ဆိုချေပါလျှင် ၊ လေးသင်္ချေနှင့် ကမ္ဘ္ဘာတစ်သိန်း တွက်ကိန်းပြည့်ထ၊ လုံ့လသည်းစွာ ၊ဒါနပါရမီ၊သီလပါရမီ၊နိက္ခမပါရမီ၊ဝိရိယပါရမီ၊ ခန္တီပါရမီ၊ ပညာပါရမီ၊ သစ္စာပါရမီ၊ မေတ္တာပါရမီ၊ အဓိဌာန်ပါရမီ၊ဥပက္ခာပါရမီ၊ပါရမီဆယ်ငါး အပြားသုံးဆယ်ကို ဖြည့်၍ ၊ပြည့်ထကျင့်သော ဘုရားရှင်ကိုယ်တော်မြတ်ကို စောင့်သောနတ်လည်း သတ်၍မနေ သေစေသောဟူလေ။
သွားတော်လေးဆယ် ၊စွယ်တော်လေးချောင်း ၊ညှပ်ရိုးတော်နှစ်ချောင်း ၊ဓာတ်တော်ပေါင်း ရှစ်စရွတ်ကို စောင့်သောနတ်လည်း သတ်၍မနေ သေစေသောဟူလေ။
လက်ျာရံ ရှင်သာရိပုတ္တရာ ၊ လက်ဝဲရံ ရှင်မောဂ္ဂလာန် စသော ပသီတိရှစ်ကျိပ်သော ရဟန္တာ မြတ်တို့၏ ဓာတ်တော် မွေတော်ကို စောင့်သောနတ်လည်း သတ်၍မနေ သေစေသောဟူလေ။
ထိုမှတစ်ပါး ဘုရားသခင် ဟောတော်မူသော ဝိနည်းငါးကျမ်း ၊ သုတ်သုံးကျမ်း ၊ အဘိဓမ္မာ ခုနှစ်ကျမ်း၊ပိဋကတ်သုံးပုံ ၊ဓမ္မခန္တာအပေါင်း ရှစ်သောင်းလေးထောင်၊ကျမ်းကုန်အောင်ကို စောင့်သောနတ်လည်း သတ်၍မနေ သေစေသောဟူလေ။
ထိုမှတစ်ပါး သာမဗေဒင်၊ ယဇုဗေဒင်၊ဣသျှူဗေဒင် လေးပုံကို စောင့်သောနတ်လည်းသတ်၍မနေ သေစေသောဟူလေ။

ထိုမှတစ်ပါး သာသနာတော် ငါးထောင်ကို စောင့်သောနတ်လည်း သတ်၍မနေ သေစေသောဟူလေ။
ထိုမှတစ်ပါး ဇမ္ဗူဒီပါ ၊ အပရဂေါယာ ၊ဥတ္တရကုရု ၊ ပြုဗ္ဗဝိဒေဟာ ၊ကျွန်းကြီးလေးကျွန်း ကျွန်းငယ်နှစ်ထောင် ၊အရံထောင်သော ကျွန်းတို့ကို စောင့်သောနတ်လည်း သတ်၍မနေ သေစေသောဟူလေ။
ထိုမှတစ်ပါး မြစ်ကြီးငါးသွယ် ၊ မြစ်ငယ်ငါးရာ ၊ဂင်္ဂါယမုနာ ၊ အစီရဝတီမဟီ၊အရဘူ၊ ဟူသည်မကြွင်း အိုင်အင်း ချောင်းမြောင်း ၊အပေါင်းစောင့်မှတ် ခပ်သိမ်းနတ်လည်း သတ်၍မနေ သေစေသောဟူလေ။
ဟိမဝန္တာ တောသုံးထောင်ကို ကုန်အောင်စောင့်သော အာကာသစိုး၊ ဗိဿနိုး ၊မလွတ်ဘုတ်ပြိတ် နတ်လည်း သတ်၍မနေ သေစေသောဟူလေ။

ထိုမှတစ်ပါး အဿမုက္ခိ၊စန္ဒိပါရမီသွာ၊မဟာဂီရိ စသောအရှိန်ပြင်းထန် ၊ဝေဿဝဏ်နှင့် ကုမ္ဘာန်ယက္ခ၊ဂန္ဓဗ္ဗကစသည်ဒေဝိန် ၊အသူရိန်အလား၊ ကျော်ထင်ရှားသည့် နတ်အများလည်း သတ်၍မနေ သေစေသောဟူလေ။
ထိုမှတစ်ပါး သွေးခဲ သွေးနက် ၊ပွက်ပွက်ထ၍ ကိုယ်လက်ပြောင်းပြန် သွေးခဲအန်၍ သေစေသောဟူလေ။
ထိုမှတစ်ပါး ဘေးရှစ်ပါး ၊ဒဏ်ဆယ်ပါးလည်း ထင်ရှားသတ်၍ လတ်လတ်ချက်ခြင်း သေစေသောဟူလေ။
ထိုမှတစ်ပါး သားမြေးဥစ္စာ မကြာပျက်စီး ဆီမီးတန်ဆောင် တုံးသောရောင်သို့ ကုန်အောင်မကြွင်း ပျက်စီးခြင်းသို့ ရောက်စေသောဟူလေ။
ထိုမှတစ်ပါး ရေဝယ်သွားလည်း ရေသားများတွေ ဆယ်ကုဋေတွင် ရေနေအပေါင်း မိချောင်းလပိုင် ညွံထိကိုင်၍ မကာန်းလိပ်ငါး စား၍မနေ သေစေသောဟူလေ။
ထိုမှတစ်ပါး ကြည်းဝယ်သွားလည်း ကြည်းသာအပြား များသည်အနေ ကိုးကုဋေတွင် သစ်ကျားဆင်ရဲ စိုင်ထီးငမွဲ ဝက်ရဲစား၍ ထွားထွားညက်ညက် ကိုယ်လုံးပျက်၍ သေစေသောဟူလေ။
ထိုမှတစ်ပါး မြွေပွေးမြွေဟောက် ငန်းပြောက်ငန်းကျား ငန်းငါးပါးလည်း ပေါက်ထမနေ သေစေသောဟူလေ။
ထိုမှတစ်ပါး သေတုံငြားလည်း ငရဲကြီးရှစ်ထပ် ငရဲငယ်တစ်ရာနှစ်ဆယ့်ရှစ်ထပ် တိရစ္ဆာန် ပြိတ္တာ အသူရကယ် အပါယ်လေးပါး လားစေသော ဟူလေ။
ထိုမှတစ်ပါး လူဖြစ်ငြားလည်း လူခြင်းမတူ နူဖြူ နူဆွတ် မုံညှင်း ပွတ်အဆင်း ခရုသင်း မလွတ် ဘက်သကဘက်သချာ ထိုအနာလည်း စွဲစေသောဟူလေ။
ထိုမှတစ်ပါး မိခင်ဘခင် ခေါ်ငင်ပြင်းထန် ဆန့်တုံခြေလက် မကွေးမိခင် သေစေသောဟူလေ။
ထိုမှတစ်ပါး မင်းကမလွတ် အမတ်ဗိုလ်ပါ စွဲစရာသား အိမ်ထားလက်နက် သုံးမည်စက်နှင့် ခြေလက်တောင်းလောင်း လက်ဦးခေါင်းလည်း ထောင်းထောင်းပြတ်၍ သေစေသောဟူလေ။

ထိုမှတစ်ပါး မဟာသမုဒ္ဒရာ ပင်လယ်ကြောဝယ် သင်္ဘောလှေကြီး ပျက်စီးမျောပါ ကွဲသောလားသို့ ထွားထွားညက်ညက် ပျက်စေသောဟူလေ။
ထိုမှတစ်ပါး ဂွမ်းတလှည်းကို အကျွမ်းဘုတ်သော် တဆုပ်လောက်မျှ စမ်းမရသို့ဖြစ်စေသော ဟူလေ။
ထိုမှတစ်ပါး သားမြေးကျေးကျွန် ထွန်သည့်ကျွဲနွား ခမ်းနားမကြွင်း ပြုန်းတီးခြင်းနှင့် ဆင်းရဲကြီးလည်း မြေကြီးဝက်ကွဲ ခွက်လက်စွဲ၍ ငရဲအရှင် စာကျင်လှည့်ကာ ဘုန်းစားရာဘဝ တွင်းဆုံးကျ၍ အလှမဲ့ပါ လူ့ပြိတ္တာလည်း ဖြစ်စေသောဟူလေ။
ထိုမှတစ်ပါး မင်းနန်းသူကျိန်ခြင်း ထုံးနှယ်ဆင်းသည် ထင်းမိစကဲ့သို့ တစတစတိုစေသောဟူလေ။
ဟုတ်မှန်သည့်အတိုင်းဆိုချေလျှင် မှန်သောသစ္စာ အာနုဘော်အကျိုးဆက်ကြောင့် ယခင်ရေရွတ်ဆိုခဲ့ပြီးသော နတ်ကောင်း နတ်မြတ် အပေါင်းတို့သည် ကောင်းသောကြည့်ခြင်းဖြင့် ကြည့်မြင်ကြလျှက် စောင့်ရှောက်တော် မူကြသည်ဖြစ်၍ ကာယသုခ ၊ စိတ္တသုခ ချမ်းသာခြင်း ဖြစ်စေသတည်း ။

ထိုမှတစ်ပါး မှန်သောသစ္စာ အာနုဘော် အကျိုးဆက်ကြောင့် အရှင်မင်းစသော မြို့ကွပ်ပြည်စိုး ၊ အမှူးအမတ် ၊သူရဲသူခက် အပေါင်းတို့နှင့် ဆိုခဲ့သမျှ ကြည်းနေရေနေ သတ္တဝါအပေါင်းတို့သည် ရင်ဝယ်ဖြစ်သော သားကဲ့သို့ သနားချစ်ခင်ခြင်း ရှိကြကုန်လျှက် ကိုယ်မှစ၍ သားမြေးမြစ် အဆွေခုနှစ်ဆက်တို့သည် ဓာတ်လေးပါးတို့ ကောင်းသောတည်ကြည်ခြင်းဖြင့် တည်ကြည်ညီညွတ်၍ ကြမ္မာအပေါင်း ဘေးဥပါဒ်အပေါင်း အပြစ်ဒဏ်ဟူသမျှ ရောဂါအနာမျိုး ကိုးဆယ့်ခြောက်ပါးတို့သည် မထိမရောက် မကပ် မစွန်း မငြိ ချမ်းသာအတိ ပြည့်စုံ ကုန်လုံကြွယ်ဝလျက် အသဒိသ သဘွယ်ဖြစ်သော အလှူကြီးကို ကြိမ်ဖန်များစွာ ဒါနသီလတို့ကို မပြတ်ဖြည့်သွင်းနိုင်၍ သာသနာတော်မြတ်ကို ချီးပင့်နိုင်သူ ဖြစ်စေသတည်း။
သေတုံသော်လည်း အပါယ်လေးပါး ကပ်သုံးပါး ရပ်ပြစ်ရှစ်ပါး ရန်သူမျိုးငါးပါးတို့ မလားမကပ် မရောက်သည်ဖြစ်၍ လူ့ပြည်နတ်ရွာ နိဗ္ဗာန်ချမ်းသာကြီး သုံးပါးကို ရသည်ဖြစ်စေသတည်း ။ကိုယ်မှစ၍ သားမြေးဥစ္စာ ရတနာမျိုး တက်တိုးချမ်းသာ မင်္ဂလာအပေါင်း ကောင်းမြတ်သော ဂုဏ်ကြက်သရေ တနေ့တဆင့် ဆန်းလမြင့်သို့ ဖြစ်စေသောဝ်။
Crd to Original

Address

Tamwe

Telephone

+959259988422

Website

Alerts

Be the first to know and let us send you an email when NBMH Legal Service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category