Grand H&T Services Co., Ltd.

Grand H&T Services Co., Ltd. စီးပွါးရေးလုပ်ငန်းနဲ့ပတ်သက်တဲ့ ဥပဒေဝန်ဆောင်မှုများကိုစိတ်တိုင်းကျဆောင်ရွက်ပေးမယ့် Grand H&T

04/03/2025

မိတ်ဆွေများရှင်၊ ယခုလောလောဆယ် messager မှာ error တက်နေလို့ ဆက်သွယ်လိုပါက WhatsApp ကနေ ဆက်သွယ်နိုင်ပါကြောင်း အကြောင်းကြားအပ်ပါတယ်။ ကျေးဇူးတင်ပါတယ်။

17/06/2024

ဒီအချိန်ဒီကာလမှာ မိမိရဲ့စီးပွါးရေးလုပ်ငန်းအတွက် ကုမ္ပဏီထောင်ချင်သူများ၊ တစ်ခြားကုမ္ပဏီနဲ့ ပူပေါင်းဆောင်ရွက်လုပ်ကိုင်ဖို့ တစ်ခြားကုမ္ပဏီရဲ့ စာရွက်စာတမ်းတွေ ဥပဒေနဲ့ ကိုက်ညီမှုရှိမရှိ စစ်ဆေးပေးစေလိုသူများ၊ ရှယ်ယာအလွှဲအပြောင်း၊ အတိုး၊အလျှော့လုပ်ကိုင်လိုသူများ၊ မိမိရဲ့စီးပွါးရေးအတွက် ဥပဒေအကြံပေးလိုအပ်သူများ၊စာချုပ်စာတမ်းများ ပြင်ဆင်ပေးခြင်းစတဲ့ ဝန်ဆောင်မှုများကို Grand H&T မှ ဝန်ဆောင်မှုပေးနေပါကြောင်း သတင်းကောင်းပါး ပါရစေ။

07/05/2024

“အသိပေးကြေညာချက်"
***********************
ရက်စွဲ။ ၂၀၂၄ ခုနှစ်၊ မေလ ၁ ရက်
ကုန်အမှတ်တံဆိပ်မူပိုင်ခွင့်ဥပဒေအရ “အမှတ်တံဆိပ်မှတ်ပုံတင်လျှောက်ထားခြင်းအား ကန့်ကွက်နိုင်ကြောင်း ထုတ်ပြန်ကြေညာခြင်း” ပါဝင်သော အမှတ်တံဆိပ်မှတ်ပုံတင် လျှောက်ထားခြင်းနှင့် မှတ်ပုံတင်ခြင်းဆိုင်ရာ ထုတ်ပြန်ကြေညာခြင်းအား (JOURNAL TM/2024/01 ၊ Publication Date - 01/05/2024) အား မူပိုင်ခွင့်ဦးစီးဌာန၏ Website (https://www.ipd.gov.mm/translate/publication-for-opposition-of-trademark) တွင် ဝင်ရောက်ကြည့်ရှုနိုင်ပါကြောင်း အသိပေးကြေညာအပ်ပါသည်။

20/04/2024

🔴ကုမ္ပဏီတစ်ခုတည်ထောင်ပြီးရင် မြန်မာကုမ္ပဏီများ
ဥပဒေအရ ဘာတွေ ဆက်လက်လုပ်ဆောင်ရန် လိုအပ်သလဲ❓❓❓

🪴အခုအချိန်မှာ ကုမ္ပဏီကို လွယ်လွယ်ကူကူပဲထောင်
ထားတတ်ကြပါတယ်။ တချို့က ကုမ္ပဏီသာထောင်ထားတယ်၊ လုပ်ငန်းမလည်ပတ်ဖြစ်သေးလို့ ခနဆိုင်းငံ့ထားမယ်ဆိုပြီး ဥပဒေအရ လုပ်ဆောင်ရမယ့် တာဝန်တွေကို ပျက်ကွက်လာကြပါတယ်။ တချို့ကျတော့ ပြောပြမယ့်သူမရှိလို့ မသိတာကြောင့်လည်း လုပ်ဆောင်ရမယ့်
တာဝန်တွေ ပျက်ကွက်တာ တွေ့မြင်ရပါတယ်။

🏘ကုမ္ပဏီတစ်ခုတည်ထောင်ပြီးသွားရင် ဥပဒေအရ
မဖြစ်မနေလုပ်ရမယ့်အရာများထဲမှ အောက်ပါ ၃ ခုကို ဖေါ်ပြပေးသွားပါမယ်။

✅Annual Return (Section 97 of MCL)
နှစ်စဉ် ကိုယ့်ကုမ္ပဏီရဲ့ Annual Return ကို တင်ဖို့လိုအပ်တာဖြစ်လို့ ကိုယ့်ကုမ္ပဏီရဲ့ Annual Return due date ကို ဝင်ရောက်စစ်ဆေးသင့်ပါတယ်။ တစ်ရက်
နောက်ကျသွားတာနဲ့ ဒဏ်ကြေးတစ်ခုတည်းကိုပင် တစ်သိန်းကျပ်ပေးဆောင်ရမှာဖြစ်ပါတယ်။ ဒါကြောင့် ပုံမှန် Annual Return တင်ခြင်းဟာ အရေးကြီးပါတယ်။

✅Share Certificates ( Section 89 of MCL)
ကုမ္ပဏီတစ်ခုဟာ ကုမ္ပဏီရဲ့ ရှယ်ယာရှင်တွေကို Share Certificate လို့ခေါ်တဲ့ အစုရှယ်ယာလက်မှတ် ထုတ်ပေးဖို့ လိုအပ်ပါတယ်။ တစ်ချိန်ချိန်မှာ အစုရှယ်ယာရှင်တစ်ယောက်က နောက်ထပ်အစုရှယ်ယာရှင်ကို မိမိရဲ့ ရှယ်ယာကို အပြီးလွှဲပြောင်းရောင်းချလိုက်တဲ့အခါမှ ထိုအစုရှယ်ယာရှင်လက်မှတ်က ပျက်ပြယ်သွားမှာဖြစ်ပါတယ်။

✅Register of members (Section 90 of MCL)
ကုမ္ပဏီတစ်ခုက မိမိကိုမ္ပဏီမှာရှိတဲ့ ရှယ်ယာရှင်တွေရဲ့ ရှယ်ယာနဲ့ ပတ်သက်တဲ့ အသေးစိတ်အချက်အလက်များကို မှတ်တမ်းအနေနဲ့ ထိန်းသိမ်းထားရှိဖို့ လိုအပ်ပါတယ်။

ဒီအချက်တွေကတော့ မြန်မာကုမ္ပဏီများဥပဒေအရ လုပ်ဆောင်ရမယ့်အရာတွေထဲက ၃ချက်ကို ဖေါ်ပြပေးခြင်းဖြစ်ပါတယ်။

H&T Services

01/02/2024

စက်မှုဒီဇိုင်းမှတ်ပုံတင်ခြင်း တရားဝင်စတင်လက်ခံဆောင်ရွက်သည့်နေ့ရက် သတ်မှတ်ခြင်း

25/01/2024

သင်ယူလေ့လာမှုအတွက် ကုန်ကျတာဟာ Cost မဟုတ်၊ Investment ဖြစ်ပါတယ်
◾
စီးပွားရေးဆိုင်ရာဟောပြောပွဲတစ်ခုမှာ ဟောပြောတဲ့ဆရာက "ဝန်ထမ်းတွေကို Training ပုံမှန်ပေးပါ" လို့တိုက်တွန်းတော့ လုပ်ငန်းရှင်တစ်ယောက်က ထပြောတယ်။ “ဆရာရယ် ဝန်ထမ်းတွေက သင်ပေးလိုက်လို့တတ်သွားရင် အလုပ်ထွက်သွားရော” တဲ့။

မြန်မာလုပ်ငန်းရှင်တွေ ဒီလိုပြောကြတာ ခဏခဏကြားဖူးတယ်။ သူတို့ဟာသအနေနဲ့တောင် ပြောကြတာရှိပါတယ်။ “တတ်ပြေး” “တတ်ထွက်” စသဖြင့် …။ တတ်သွားရင် ပြေးတဲ့သူ၊ တတ်သွားရင် အလုပ်ထွက်သွားတဲ့သူတွေကို ဆိုလိုတာပါ။

သေချာတာတစ်ခုက မြန်မာပြည်စီးပွားရေးလောကမှာ လုပ်ငန်းရှင်တော်တော်များများ ဝန်ထမ်းတွေရဲ့တိုးတက်မှုအတွက် ရင်းနှီးမြှုပ်နှံမှုလုပ်ဖို့ တွန့်ကြတယ်။ လေ့သင်ယူမှုအတွက်တစ်ခုခုလုပ်ပေးလိုက်ရတာကို ကုန်ကျစရိတ် (Cost) အနေနဲ့ပဲမြင်ပြီး မလုပ်တာပဲကောင်းပါတယ်ကွာဆိုပြီး ထားလိုက်တတ်ကြတယ်။ ဝန်ထမ်းတစ်ယောက်က သင်တန်းတက်ချင်ပါတယ်ပြောရင် လုပ်ငန်းရှင်နဲ့ HR တစ်လှည့်စီဘောလီဘောပုတ်နေတတ်ကြတာများတယ်။ ကုန်ကျစရိတ်ကျခံပေးဖို့အသာထား၊ အလုပ်ချိန်ပဲ့ပါသွားမှာကိုတောင် အတော်ကြောက်ကြပါတယ်။

ကိုယ်က သင်တန်းတစ်ခုပေးလိုက်တယ်။ သိပ်မကြာဘူး အဲဒီဝန်ထမ်းက တခြားအလုပ်ကို ပြောင်းသွားတွေရှိတယ်။ ဒါကလည်းရှင်းတယ်။ အဲဒီဝန်ထမ်းက ကျွမ်းကျင်မှုသာတိုးလာတယ် လစာနဲ့ Facility ကတိုးမလာဘူး၊ ပြဿနာက လုပ်ငန်းက ဝန်ထမ်းပျော်အောင် မထားနိုင်ဘူး။ လစာမကောင်းတာလား၊ လုပ်ငန်းခွင်က လုပ်ချင်စရာမကောင်းတာလား စသဖြင့် လုပ်ငန်းမှာ လိုအပ်ချက်တစ်ခုခုရှိတော့ ဝန်ထမ်းကလည်း သူ့အတွက်ပိုသာတဲ့ဆီသွားတော့တာပဲ။

ဆိုတော့ အပြိုင်အဆိုင်များတဲ့လုပ်ငန်းတွေမှာ သင်ယူလေ့လာမှု (Learning) က တော်တော့်ကို အရေးကြီးတယ်။ ကိုယ့် Team ကလူတွေ၊ ကိုယ့်လုပ်ငန်းက လူတွေက သင်ယူမှုအားမကောင်းရင် အားကောင်းတဲ့တခြားလုပ်ငန်းတွေက ကျော်တက်သွားမှာပဲ။ ကိုယ့်လုပ်ငန်းက ဆက်စဉ်မပြတ်တိုးတက်နေဖို့ဆိုရင် Learning Organization အဖြစ်တည်ဆောက်ထားဖို့လိုတယ်။ လုပ်ငန်းကြီးမှမဟုတ်ဘူး၊ လုပ်ငန်းငယ်တွေလည်း သင်ယူလေ့လာမှုအတွက် ကိုယ့်အတိုင်းအတာနဲ့ကိုယ် ရင်းနှီးမြှုပ်နှံမှုလုပ်ဖို့လိုတယ်။

ဂျပန်ကုမ္ပဏီမှာလုပ်နေတဲ့ ညီမတစ်ယောက်ပြောဖူးတယ်။ သူတို့ကုမ္ပဏီမှာ တခြား Professional Skill တွေကိုအသာထား၊ Waste Management လိုသင်တန်းမျိုးကအစပေးတော့ ရှိတဲ့လူအကုန်လုံးက မလိုအပ်တာတွေ မသုံးတော့တဲ့အတွက် ကုမ္ပဏီက အလေအလွင့်တွေ အတော်နည်းသွားတယ်လို့ဆိုတယ်။

စီးပွားရေးလုပ်ငန်းမှမဟုတ်ဘူး၊ နိုင်ငံတစ်ခုတည်ဆောက်ရာမှာလည်း လူတော်တွေနဲ့တည်ဆောက်မှ ခုန်ပျံကျော်လွှား တိုးတက်နိုင်မယ်။ Hard Truths: To Keep Singapore Going စာအုပ်မှာ လီကွမ်ယုပြောတဲ့စကားတစ်ခွန်းရှိတယ်။ “ဘယ်တော့မှ မပြောင်းလဲတဲ့အမှန်တရားကတော့ အခုလို စင်ကာပူနိုင်ငံ လုံလုံခြုံခြုံရှိနေဖို့ အတော်ဆုံးလူတွေကသာ ဦးဆောင်မှုပေးနိုင်မယ်” တဲ့။

အဖွဲ့အစည်းတစ်ခု၊ လုပ်ငန်းတစ်ခုမှာ လူကောင်းတွေလိုတာမှန်တယ်။ ဒါပေမဲ့ ကောင်းနေပြီး မတော်ရင်လည်း ဘာမှဖြစ်လာမှာမဟုတ်ဘူး။ ကိုယ့်အဖွဲ့အစည်း၊ ကိုယ့်လုပ်ငန်းမှာ လူတော်တွေရှိနေဖို့ဆိုရင်တော့ တော်တဲ့သူရှာခန့်နေရုံနဲ့မပြီးဘူး၊ ရှိတဲ့သူတွေကို တော်အောင်လုပ်ပေးဖို့လည်းလိုတယ်။ အဲဒီအတွက် အရေးကြီးတာက လိုအပ်တဲ့ Training ပေးတာ၊ လိုအပ်တဲ့ လေ့လာသင်ယူမှုအစီအစဉ်တွေလုပ်ပေးတာ၊ Learning Culture ဖန်တီးပေးထားတာတွေ လိုပါတယ်။

သင်ယူလေ့လာမှုဟာ ကုန်ကျစရိတ် (Cost) မဟုတ်ဘူး၊ ရင်းနှီးမြှုပ်နှံမှု (Investment) ဖြစ်ပါတယ်။
Crd:




Happy Karen New Year 🎆🎊🎉
11/01/2024

Happy Karen New Year 🎆🎊🎉

Happy New Year 2024
01/01/2024

Happy New Year 2024

🌸မင်္ဂလာပါရှင်💢ဒီနေ့မှာတော့ Annual General Meeting (AGM) လို့ခေါ်တဲ့ ရှယ်ယာရှင်များရဲ့ နှစ်ပတ်လည်အစည်းအဝေးနဲ့ပတ်သက်ပြီး ...
16/11/2023

🌸မင်္ဂလာပါရှင်

💢ဒီနေ့မှာတော့ Annual General Meeting (AGM) လို့ခေါ်တဲ့ ရှယ်ယာရှင်များရဲ့ နှစ်ပတ်လည်အစည်းအဝေးနဲ့ပတ်သက်ပြီး အတူတူလေ့လာကြရအောင်။

♻️မြန်မာနိုင်ငံကုမ္ပဏီများ ဥပဒေအရ အသေးစားကုမ္ပဏီ တစ်ခုအနေဖြင့်ဆောင်ရွက်ခြင်းမရှိတဲ့ ကုမ္ပဏီတိုင်းက AGM ကို တစ်နှစ်မှာ တစ်ကြိမ်ကျင်းပရမှာဖြစ်ပါတယ်။

🍀ပထမဆုံးအကြိမ်အနေနဲ့ AGM ကို ကုမ္ပဏီထောင်ပြီး ၁၈ လအတွင်းမှာ ကျင်းပပြုလုပ်ရမှာဖြစ်ပြီး နောက်ပိုင်းမှာတော့ ပြက္ခဒိန်နှစ်တစ်နှစ်လျှင်အနည်းဆုံးတစ်ကြိမ်၊ ပြီးတော့ AGMနောက်ဆုံးအကြိမ်ကျင်းပခဲ့တဲ့ နေ့ရက်ရဲ့ ၁၅ လထက်မကျော်တဲ့ ကာလ အတွင်းမှာဖြစ်ရပါမယ်။

✔️ဟုတ်ပြီ၊ ဒါဆို AGM မှာ ဘာတွေဆွေးနွေးရမလဲ-

အဓိကအားဖြင့်

1️⃣ဒါရိုက်တာများရွှေးချယ်ခြင်း။

2️⃣နှစ်စဉ်ဘဏ္ဏာရေး အစီရင်ခံစာ။

3️⃣ဒါရိုက်တာများ၏အစီရင်ခံစာ။

4️⃣စာရင်းစစ်အစီရင်ခံစာများ။

5️⃣စာရင်းစစ်ခန့်အပ်ခြင်း။

စတဲ့ ကိစ္စရပ်များနဲ့ ပတ်သက်ပြီး ဆွေးနွေးသွားရမှာဖြစ်ပါတယ်ရှင်။

🛑အသေးစားကုမ္ပဏီများနေနဲ့ကတော့ AGM ကျင်းပဖို့ မလိုအပ်ပါဘူးရှင်

🛑နောက်နေ့မှာတော့ ဘယ်ကုမ္ပဏီမျိုးက အသေးစားဖြစ်တယ်ဆိုတာ အတူတူလေ့လာကြရအောင်နော်

&T Services Co., Ltd.

🍀🍀မိမိရဲ့ ကုမ္ပဏီ သို့မဟုတ်အဖွဲ့အစည်းတွေမှာ Legal team သို့မဟုတ် တတ်ကျွမ်းတဲ့ ရှေ့နေတွေ ခန့်အပ်ဖို့ လိုအပ်နေပြီလား❓ဒါမှမ...
09/11/2023

🍀🍀မိမိရဲ့ ကုမ္ပဏီ သို့မဟုတ်အဖွဲ့အစည်းတွေမှာ Legal team သို့မဟုတ် တတ်ကျွမ်းတဲ့ ရှေ့နေတွေ ခန့်အပ်ဖို့ လိုအပ်နေပြီလား❓

ဒါမှမဟုတ်

🍁🍁ဒီလို ကျွမ်းကျင် ပညာရှင်တွေကို အချိန်ပြည့်ခန့်အပ်ဖို့ကျတော့ မလိုအပ်သေးဘူး၊ ဒါပေမယ့် ကုမ္ပဏီမှာ လိုအပ်တဲ့ ဥပဒေပိုင်းဆိုင်ရာပြင်ဆင်မှုတွေအတွက် တစ်နေရာထဲမှာ အပြီးရနိုင်တဲ့ part-time retainer legal services (အချိန်ပိုင်း ဥပဒေအကြံပေး ဝန်ဆောင်မှု) မျိုး ရှာဖွေနေသလား❓❓

✅✅မိတ်ဆွေရဲ့ ကုမ္ပဏီမှာလိုအပ်တဲ့ contracts, agreements နဲ့ legal advice များကို ကျွမ်းကျင်ပြီး အတွေ့အကြုံရှိသော ရှေ့နေများနှင့် တိုင်ပင်၍ လိုအပ်သလို အချိန်ပိုင်း ဝန်ဆောင်မှုများကို ရယူနိုင်ပါတယ်။ အသေးစိတ်သိလိုပါက page messager မှ တဆင့် မေးမြန်းစုံစမ်းနိုင်ပါတယ်။

&TServices

📡ကိုယ့်ရဲ့ ကုမ္ပဏီ status က DICAမှာ ဘယ်လိုအခြေအနေရှိနေသလဲ❓❓❓🔔ကျမတို့အနေနဲ့ ကုမ္ပဏီတစ်ခုတည်ထောင်ပြီးပြီဆိုရင် တည်ထောင်ပြီ...
06/11/2023

📡ကိုယ့်ရဲ့ ကုမ္ပဏီ status က DICAမှာ ဘယ်လိုအခြေအနေရှိနေသလဲ❓❓❓

🔔ကျမတို့အနေနဲ့ ကုမ္ပဏီတစ်ခုတည်ထောင်ပြီးပြီဆိုရင် တည်ထောင်ပြီး နှစ်လအတွင်းမှာ Annual Return ကို တင်ဖို့ လိုအပ်ပါမယ်။ အဲဒီနောက် ကုမ္ပဏီတည်ထောင်တဲ့နေ့ရက်က စပြီး နောက်ထပ် ၁၃ လ မကျော်လွန်မှီ Annual Return ကို တင်ဖို့လိုအပ်ပါတယ်။

🅰️မေးခွန်း- Annual Return ကို နှစ်စဉ် တင်ပြနေရတဲ့ အကြောင်းရင်းက ဘာလဲ။
🅱️အဖြေ- ကိုယ့်ရဲ့ company မှာရှိတဲ့ ဒါရိုက်တာများ၊ ရှယ်ယာရှင်များ၊ ကုမ္ပဏီရဲ့ရုံးခန်းတည်ရှိရာလိပ်စာ အစရှိတဲ့ သတင်းအချက်အလက်များ မှန်ကန်မှုရှိကြောင်းနှင့် ထိုသတင်းအချက်အလက်များမှာ up to date ဖြစ်နေကြောင်းကို မှတ်ပုံတင်အရာရှိထံ တင်ပြရခြင်း
ဖြစ်ပါတယ်။

🅰️မေးခွန်း- Annual Return မတင်ရင် ဘာတွေဖြစ်နိုင်သလဲ။
🅱️အဖြေ- တင်ရမယ့်ရက်စတင်ကျော်လာတာနဲ့ ကိုယ့် ကုမ္ပဏီ MyCO profile ပေါ်မှာ I-9A form စတင်ပေါ်လာပါမယ်၊ အဲဒီ form ပေါ်လာပြီး ၂၈ ရက် ကြာတဲ့အထိ Annual Return မတင်ရသေးဘူးဆိုရင်တော့ ကိုယ့်ကုမ္ပဏီရဲ့ status မှာ suspended ဆိုပြီးပေါ်နေမှာဖြစ်တယ်၊ နောက်ထပ် ၆ လခန့် အထိ Annual Return မတင်ဖြစ်
ရင်တော့ Struck Off list ထဲ ပါသွားမှာဖြစ်ပါတယ်။ အဲဒီအချိန်ကျမှ ကိုယ့်ရဲ့ကုမ္ပဏီ status ကို registered ဖြစ်
ချင်ရင် အချိန်ကုန်၊ ငွေကုန်ပါတယ်။

🛑ဒါကြောင့် ကိုယ့်ရဲ့ ကုမ္ပဏီ profile ကို အမြဲတမ်းဝင်စစ်ဆေးပေးနေဖို့လိုအပ်ပါတယ်ရှင်။

H&T Services Co., Ltd.
Return

Address

Shin Saw Pu Pagoda Street
Sanchaung

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+959792983404

Website

Alerts

Be the first to know and let us send you an email when Grand H&T Services Co., Ltd. posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Grand H&T Services Co., Ltd.:

Shortcuts

Share

Category