Mg Mg Kae -မောင်မောင်ကဲ

01/11/2025

⚖️သက်သေခံတင်သွင်းထားသည့် စာရွက်စာတမ်းထုတ်ယူခွင့⚖️
👉 #သက်သေခံစာရွက်စာတမ်းများကို #သက်သေခံတင်သွင်းထားသည့်သူကသာလျှင် #ထုတ်ယူခွင့်ရှိကြောင်း တရားမကျင့်ထုံးဥပဒေ အမိန့် - ၁၃ ၊ နည်း - ၉ အရ လေ့လာတွေ့ရှိရပါသည်။
လေးစားစွာဖြင့်
မောင်မောင်ကဲ

14/11/2024

16/10/2024

👉သီတင်းကျွတ်လပြည့်သည့် အချိန်သည် ၁၇.၈.၂၀၂၄ ညနေ ၆နာရီ ၁၆မိနစ် ၇စက္ကန့်အချိန်တွင် လပြည့်ပါမည်။
👉ထိုအချိန်သည် ရေဝတီနက္ခတ် စတုတ္ထပါဒ်သို့ ရောက်ရှိနေပြီး အဝင်နက္ခတ် အမြိတ္တစုတ် တစ်ဖက်ကန်းဖြစ်ပါတယ်။
🙏သို့ဖြစ်ပါ၍ လိုအပ်သလို အသုံးပြုနိုင်ပါရန် တွက်ချက်ပေးထားပါသည်။
မြန်မာနိုင်ငံ၏ စံတော်ချိန် ၉၇.၃၀ဖြင့် တွက်ချက်ပေးထားခြင်းဖြစ်ပါတယ်။
👌ဒေသစံတော်ချိန် ပြောင်းယူလိုပါက လပြည့်အချိန်ပြောင်းလဲသွားမည်ဖြစ်ကြောင်း ရေးသားတင်ပြအပ်ပါသည်။
လေးစားစွာဖြင့်
မောင်မောင်ကဲ(LL.B)

27/09/2024

အထည်ဖိုး အကြွေးအား အိမ်အရောင်းအဝယ်စာချုပ် ချုပ်ဆိုမှုတွင် ရာသတ်ကြီးပုဒ်မ ၄၂၀၊
ပြစ်မှုအင်္ဂါရပ်များနှင့် အကျုံးဝင်ခြင်းမရှိကြောင်း။

ဦးလှရီ ပါ၂
ပြည်ထောင်စုမြန်မာနိုင်ငံတော် ပါ၂
၁၉၉၆ ခုနှစ်၊မတစ၊စာ၁၉၉

23/09/2024

" စီရင်ပိုင်ခွင့်ရှိ / မရှိ "
လွန်ခဲ့သော ၂၀၂၂ ခုနှစ်လောက်က ကျနော်၏စီနီယာအကိုရဲ့ ချိတ်ဆက်ပေးမှုအရ အမှုတစ်မှု လက်ခံရရှိခဲ့ပါတယ်။
အမှုဖြစ်အကျဥ်းက
A : B : C ဆိုတဲ့အမွေဆိုင် ၃ဦးရှိတယ်။
A ကနေ B နဲ့ C အပေါ် အမွေပုံစီမံခန့်ခွဲပေးစေလိုမှု ကို တရားစွဲတယ်။ A က အမွေကျန်ပစ္စည်းဟာ သိန်း၃၀၀ သတ်မှတ်ပြိး ၎င်းရဲ့ဝေစု ၃ပုံ၁ပုံအတွက် သိန်း၁၀၀ သတ်မှတ်ပြီး မြို့နယ်ရုံးမှာ တရားစွဲဆိုဆောင်ရွက်ခဲ့တယ်။
အမှုအတော့အတွင်းမှာ C ဟာ လူပျိုကြီးဘဝဖြင့်ပင် ကွယ်လွန်ခဲ့လေတယ်။ လူပျိုကြီးဘဝဖြင့် ကွယ်လွန်သဖြင့် မူလမြို့နယ်တရားရုံးက. Aသည် အမွေပုံရဲ့ ၂ပုံ၁ပုံ ရထိုက်ခွင့်ရှိပြီး သိန်း၅၀အတွက် ရုံးခွန်ထပ်ဆောင်ရန် ပဏာမဒီကရီ ချမှတ်ခဲ့ပါတယ်။
အဲအမိန်ကို B က မကျေနပ်လို့ အယူခံတက်ပါလေရော..........................
အယူခံအကြောင်းပြချက်က...
မြို့နယ်ရုံးအနေဖြင့် ကျပ်သိန်း၁၀၀ထိသာ စီရင်ပိုင်ခွင့်ရှိ၍ ၂ပုံ၁ပုံ သိန်း၁၅၀ကို ချမှတ်လို့ စီရင်ပိုင်ခွင့်ကိုကျော်လွန်၍ ချမှတ်ထားကြောင်း အဓိက အကြောင်းပြလေ၏။
အဲဒါကြောင့် စီရင်ပိုင်ခွင့် ကျော် မကျော် ပြဿနာပေါ်ပေါက်လာလေတော့ သတည်း...............
အပိုင်း ၂ ဆက်ရန်
လေးစားစွာဖြင့်
မောင်မောင်ကဲ

20/09/2024

ဟန်ဆောင်စာချုပ်သမိုင်း

မြန်မာနိုင်ငံတွင် မြန်မာလူမျိုးတို့သည် မရွှေ့မပြောင်းနိုင်သော ပစ္စည်းများကို ပေါင်နှံရာ၌ အရောင်းအဝယ် စာချုပ်ချုပ်ဆိုတတ်ကြောင်း၊ လွန်ခဲ့သော နှစ် ၁၃ဝ ကျော် ၁၈၈၉ ခုနှစ်တွင် ဆုံးဖြတ်ခဲ့သော ဖိုးရွှေအောင် ပါ ၂ နှင့် ဖိုးတိုဗျား (S.J) 494 (497) အမှုတွင် ညွှန်ပြပါသည်။

၁၈၉၄ ခုနှစ်တွင် ဆုံးဖြတ်သော မအင်လွန်း နှင့် မမယ်လှဗြေ၊ (P.J)85 (87) အမှုတွင် အလားတူ အလေ့ အထ ရှိကြောင်း ဖော်ပြထားသည်ကို တွေ့ရပါသည်။

အထင်ကရ အမှုတစ်မှုမှာ ရန်ကုန်မြို့၊ ထိုစဉ်က ကြည့်မြင်တိုင်ရပ်တွင် မြေပေါင်ရာမှ ပေါ်ပေါက်လာသောအငြင်းပွားမှုကို ပရီဗွီကောင်စီအထိ နှစ်ကြိမ်တိုင်တိုင် တက်၍အရေးဆိုခဲ့ရသော အမှုဖြစ်ပါသည်။မောင်ကျင် နှင့် မရွှေလ ပါ အများ၊ 9 L.B.R.114(P.C) နှင့် အဆိုပါစီရင်ထုံးစာအုပ် စာမျက်နှာ ၁၃၈ မှ ၁၄၂ တွင် ဖော်ပြထားသော အမှုတို့ဖြစ်ပါသည်။

ထိုအယူခံမှုများ ပေါ်ပေါက်စေသောအမှုတစ်မှုကိုတရားရုံးချုပ် မူလဘက်ဌာနတွင် တရားရုံးချုပ် တရားသူကြီးက စစ်ဆေးပြီး ဆုံးဖြတ်ရာ၌ 9 L.B.R. 114 (121) (P.C)တွင် ပစ္စည်းပေါင်နှံရာ၌ အရောင်းအဝယ် စာချုပ်ချုပ်တတ်သည့် မြန်မာတို့၏ အလေ့အထကို အောက်ပါအတိုင်းဖော်ပြထားပါသည်။

"He now endeavours to profit by his fraud or has since determined to try and get the property by taking advantage of the old Burmese custom of taking a sale deed where a mortgage only was contemplated. He cannot profit by this fraud."

အပေါင်ခံသူ ငွေရှင်ကြေးရှင်များဘက်မှ ပစ္စည်းအပေါင်ခံရာ၌ ၎င်းတို့ဆန္ဒအရ အရောင်းအဝယ် စာချုပ်များချုပ်ဆိုခဲ့ကြရသဖြင့် ပေါင်နှံသူက အမှုတွင် အဖြစ်အပျက်အမှန် အပေါင်ကိစ္စကို ဖော်ထုတ်ရာ၌ အခက်အခဲများစွာ တွေ့ကြုံရပါသည်။

ယခုအခါ အပေါင်ခံသူက ပေါင်နှံသူ(ရောင်းသူ)ထံမှကိုယ်စားလှယ်လွှဲစာရယူခြင်း၊ အပေါင်ပစ္စည်းကို လက်ရောက်ရယူခြင်း စသည့် အသားစီးများရယူခဲ့သဖြင့် ဖြစ်ရပ်မှန်ကို ဖော်ထုတ်ရာ၌ ပို၍ပင်ခက်ခဲလှပါသည်။တရားရုံးများတွင် အမှန်တရားကို ဖော်ထုတ်ရာ၌ အခက်အခဲနှင့် ပို၍ ရင်ဆိုင်လာရပါသည်။

မြန်မာအဘိဓာန်တွင် ဟန်ဆောင် ဝေါဟာရကို ပကတိအတိုင်း မဟုတ်သော အမူအရာ၊ အသွင်အပြင် ပေါ်အောင် လုပ်ကြံကြိုးစားသည်၊အယောင်ဆောင်သည်ဟူ၍ ဖွင့်ဆိုပါသည်။

တရားသူကြီးချုပ် ဒေါက်တာမောင်မောင်က ဦးခွေးနှင့် ဦးအေးပါ ၂ 1965 B.LR (C.C ) 1116 (1125) တွင် မစစ်မမှန် အယောင်ဆောင်စာချုပ်ဟု သုံးနှုန်းပါသည်။

မျက်မှောက်ခတ် တရားစီရင်ရေးသမိုင်းတွင် အရောင်းမှတ်ပုံတင်စာချုပ်ကို ဟန်ဆောင်စာချုပ် အဖြစ် အမှန်အတိုင်းဖော်ထုတ်ဆုံးဖြတ် နိုင်သော အမှုများမှာ တရားရေးနယ်ပယ်တွင် အသိများသော ဦးမြတ်ထင်ပါ ၃ နှင့် ဒေါ်ကျင်ယုံပါ ၂ 1964 B.L.R (CC) 250 ဒေါ်မြမေ နှင့် ဒေါ်ကျင်ပါ ၂ 1964 B.L.R (CC )885 ဒေါ်သောင်းချစ် ပါ ၅ နှင့် ဦးထွန်းလှိုင် ပါ ၂ 1965B.L.R (C.C)19 ၊ ဒေါ်တင်အေး နှင့် ဒေါ်စိန်နု၊ 1972 B.L.R (C.C )24 တို့ဖြစ်ပါသည်။

ဦးမြတ်ထင် အမှု၌ ဟန်ဆောင်စာချုပ်ဟု ရည်ညွှန်းဆုံးဖြတ်သော အရောင်းအဝယ်စာချုပ်မျိုးကို ရှီယိုကရန်ဆင်းနှင့် ဆူရာနတ်(သ်)ဆင်း ပါ ၃၊ 1959 B.L.R.(C.C ) 207 အမှုတွင် fictitous ဟု လည်းကောင်း၊ ဒေါ်သောင်းချစ် အမှုတွင် sham document ဟုလည်းကောင်း၊ ပြဆိုပါသည်။

ဦးမြတ်ထင် အမှုတွင် ဟန်ဆောင်စာချုပ်ဟု မြန်မာဘာသာဖြင့် ထုံးဖွဲ့လိုက်ရာမှ အရောင်းအဝယ်စာချုပ်ကို အခြေခံကာ စွဲဆိုသော အမှုများတွင် ဟန်ဆောင်စာချုပ်ဟု တရားပြိုင်ဘက်မှ ဖော်နည်းကားအဖြစ် ချေပလာသည်မှာ ယနေ့တိုင်ဖြစ်ပါသည်။

ဦးမြတ်ထင် အမှုတွင် အချင်းဖြစ်စာချုပ်သည် မှတ်ပုံတင် အရောင်းအဝယ်စာချုပ်ဖြစ်ပါသည်။ တရားသူကြီးချုပ် ဦးဘိုကြီးက တရားမဒုတိယအယူခံတွင် ဟန်ဆောင်စာချုပ်ဖြစ်ကြောင်း စီရင်ထုံးစာမျက်နှာ ၂၅၄ ဒုတိယအပိုဒ် မှ ၂၅၆ ပထမအပိုဒ်ထိတို့တွင် အကြောင်းပြ ဆုံးဖြတ်ပါသည်။

ဒေါ်မြမေ အမှုတွင်လည်း မှတ်ပုံတင်အရောင်းအဝယ်စာချုပ် ချုပ်ဆိုပေးခဲ့ရသည့်ကိစ္စဖြစ်ပါသည်။ တရားသူကြီးချုပ် ဦးဘိုကြီးက စီရင်ထုံးစာမျက်နှာ ၈၈၈ မှ ၈၈၉ တွင် ဟန်ဆောင်စာချုပ်ဖြစ်ကြောင်း အောက်ပါအတိုင်း သုံးသပ်ဆုံးဖြတ်ပါသည်။

မူလရုံး ပညာရှိတွဲဘက် တရားမ တရားသူကြီးချုပ်သည်လည်း၊ အထက်ပါကဲ့သို့ပင် စဉ်းစားကာ သက်သေများကို စစ်ဆေးသုံးသပ် ခဲ့လေသည်။ ထိုသုံးသပ်ချက်အရ ဒေါ်ကျင်ခုခံချေပသကဲ့သို့ အမှန်အားဖြင့် ၎င်းနှင့် ဒေါ်မြမေ အကြားတွင် ပေါင်နှံ၍ ငွေချေးယူခြင်းသာရှိခဲ့ကြောင်း၊ ပြည်စုံသော အထောက်အထားများကိုတွေ့ရှိရပေသည်။ မူလရုံးက အချင်းဖြစ်အိမ်နှင့် ပတ်သက်၍ စုံစမ်းမှုတရပ်ပြုလုပ်ခဲ့ပြီးနောက် ထိုအိမ်ကို ၁၉၅၄ ခုနှစ်တွင်ဆောက်လုပ်ခဲ့ရာ ၂၅ဝဝဝိ ကုန်ကျခဲ့ကြောင်း။ကာလပေါက်ဈေး အရလည်း၊ အနည်းဆုံး ထိုဈေးရှိမည်ဖြစ်ကြောင်းနှင့် ဆုံးဖြတ်ခဲ့လေသည်။ထိုမျှတန်သော အိမ်ကို ငွေ ၁၃,ဝဝဝိ နှင့် ရောင်းရသည်ဆိုလျှင် ယုတ္တိမရှိ၊အကယ်၍ ကာလပေါက်ဈေး ငွေ ၁၃,ဝဝဝိ သာ တန်သည်ဆိုပြန်လည်း ထိုမျှသာ တန်သော အိမ်တစ်လုံးသည် အိမ်လခငွေ ၄၅ဝိ ပေးထိုက်မည်မဟုတ်၊ ထို့ပြင် သက်သေခံအမှတ်င အိမ်ငှားစာချုပ် ဟုဆိုသော စာချုပ်ပါပြဌာန်းချက်တို့အရလည်း ဒေါ်ကျင်နှင့် ဒေါ်မြမေတို့သည် အိမ်ငှားနှင့် အိမ်ရှင်ဖြစ်သည်ဆိုသည်ထက်၊ မြီစားနှင့် မြီရှင် ဖြစ်သည်ဆိုခြင်းက ပို၍ယုတ္တိရှိမည်ကို ပေါ်လွင်စေသည်။ ထိုစာချုပ်အရ ဒေါ်ကျင်က လစဉ်ငွေ ၄၅ဝိ ပေးဆောင်ရမည်သာ မကသေး အိမ်ကို ဒေါ်မြမေက ညွှန်ကြားသော အာမခံကုမ္ပဏီတွင် မီးပေါင်ထားသော စရိတ်ကိုဒေါ်ကျင်က ကျခံရမည်၊ နာမည်ကို ဒေါ်မြမေက ခံမည်ဟု ပါရှိပါသည်။ ၎င်းပြင် အိမ်ပြင်ဆင်ပြုပြင်လျှင်လည်း ဒေါ်ကျင်ကပင် ကျခံရမည်၊ မြူနီစီပါယ်နှင့် မြေခွန် များကိုလည်း ဒေါ်ကျင်ကပင် ပြေလည်အောင်ပေးရမည်။စသည်ဖြင့် စည်းကမ်းချမှတ် ထားသည်များမှာလည်း အိမ်ရှင်နှင့် အိမ်ငှားတို့ သဘောတူကြသည့် စည်းကမ်းချက် မျိုးများမဟုတ်ကြပေ။ဦးကိုကိုကြီး(၃)က မြူနီစီပါယ်ခွန်၊မြေခွန်များနှင့် ပတ်သက်၍အိမ်ကို ရောင်းသည့်အချိန်အထိ ပေးဆောင်ရန် ကျန်သောငွေများနှင့်သာ သက်ဆိုင်ပါသည်။ ထို့နောက်ပိုင်းတွင် ဒေါ်ကျင်က ပေးဆောင်ရမည်ဟု သတ်မှတ်ခြင်း မဟုတ်ပါဟု လျှောက်လဲ သည်။ သို့ရာတွင် အမှန်အားဖြင့် ဒေါ်ကျင်ကသာ မြူနီစီပါယ်ခွန်များကို ဆက်လက် ပေးဆောင်လာခဲ့သည်ကို သက်သေခံ အမှတ် ၁ပြေစာများအရတွေ့ရှိရသည်။ နောက်ဆုံးပြေစာမှာ ၁၉၆၂ ခုနှစ်၊ ပဌမသုံးလပတ် အတွက် ဖြစ်ပေသည်။ အကယ်၍သက်သေခံ အမှတ် ခ စာချုပ်သည် အမှန်ပင် အရောင်းအဝယ် စာချုပ် ဖြစ်သည်ဟု ဆိုလျှင် ဤကဲ့သို့ ဒေါ်ကျင်က ဆက်လက်ပေးဆောင်ရန် မဟုတ်ပေ။ ဒေါ်မြမေက မိမိ၏ နာမည်သို့ အိမ်ကိုလွှဲပြောင်းပြီးနောက် ပြေစာများကို မိမိနာမည်နှင့် ထွက်စေအောင်ဆောင်ရွက်ရမည်ဖြစ်ပေသည်။ပေးဆောင်ရန် ငွေများကိုလည်း၎င်းကပင် ပေးဆောင် ပေလိမ့်မည်။သက်သေခံ အမှတ် ဃ စာချုပ်အရ ဒေါ်ကျင်သည် တစ်နှစ် အတွင်း အိမ်ကိုပြန်ဝယ် နိုင်သည်ဆိုစေဦး ထိုတနှစ် ကုန်ဆုံးသောအခါ ဒေါ်မြမေသည် အိမ်ကို မိမိ၏ နာမည်ကို ပြောင်းခြင်း မြူနီစီပါယ်ခွန်၊ မြေခွန် စသည့်တို့ကို မိမိကသာ ပေးဆောင်၍မိမိ၏နာမည်နှင့် ပေါက်စေခြင်းတို့ကို ပြုလုပ်မည်ဖြစ်ပေသည်။သက်သေ အစစ်ခံချက်အရဒေါ်မြမေသည် အိမ်နှင့်ပတ်သက်၍ မည်သို့မျှ သိခြင်း၊ ဆောင်ရွက်ခြင်း မပြုခဲ့သည်ကို တွေ့ရသည််။"

ဦးခွေးအမှုတွင် ရွှေ့ပြောင်းနိုင်သော ပစ္စည်းပေါင်နှံရာတွင် အယောင်ဆောင်ချုပ်ဆိုထားသော အရောင်းစာချုပ်ကို တရားသူကြီးချုပ် ဒေါက်တာမောင်မောင်က ဖော်ထုတ်ခဲ့ပါသည်။

သက်သေခံစာချုပ်မှာ အရောင်းအဝယ်ကတိစာချုပ်ဖြစ်သလား၊ သို့မဟုတ် ဒေါ်သောင်းချစ် အမှုတွင် ပြဆိုထားသကဲ့သို့ ပေါင်နှံခြင်းကို ဖုံးကွယ်ထားသောအရောင်း ကတိစာချုပ်ဖြစ်သလားဟူသော အဖြေကို အကြောင်း ခြင်းရာများမှ ထုတ်နုတ်ယူရသည်ဖြစ်ရာ ထိုပြဿနာသည် ဥပဒေ ပြဿနာဖြစ်လာနိုင်ပါသည်။

အဆိုပါအမှုမျိုးတွင် အချင်းဖြစ် သက်သေခံ စာချုပ် သက်သက်ကို မကြည့်ဘဲ ပတ်ဝန်းကျင်အဖြစ် အပျက်တို့နှင့် ညှိနှိုင်းကာ ရောင်းချသူဟု အဆိုရှိသူက အချင်းဖြစ်ပစ္စည်းကို အမှန်တကယ် ရောင်းလိုသော ရည်ရွယ်ချက်ဖြင့် ချုပ်ဆိုခဲ့ခြင်း ဟုတ် မဟုတ် အလေးအနက် ဆင်ခြင်ဆုံးဖြတ် နိုင်ရန် မတင်တင်နှင့် ဒေါ်ကံရှိ၊ 1948 B.L.R, 582 အမှုတွင် လမ်းညွှန်ထားသည့် ဖြစ်ဖွယ်ရာ (ဖြစ်ဟန်) လက္ခဏာ (Balance of probability )ရှိမှုကို ဆင်ခြင်ရမည်ဖြစ်ပါသည်။

မောင်ရွှေလှိုင် P.J .497 ၊တီပီ ပီသာပါမားချစ်တီး 4,L.B.R 266 ၊ ရှီယိုကရန်ဆင်း 1959 B.L.R(H.C).207၊ဦးသိန်းဟန် 1966 B.LR..(C.C), 1111 ၊နိုင်ငံတော်ကူးသန်းရောင်းဝယ်ရေး ဘဏ် 1967 B.L.R,(C.C)701 ၊ဒေါ်သန်းတင် 1981 B.L.R.96 ၊ဦးထွန်းချစ် 2002 B.L.R 347၊ဦးအောင်မင်းကြည် 2002 B.L.R 416၊ဦးခင်မောင်ရီ2007 B.L.R.1၊ ဒေါ်အေးအေး 2012 B.L.R 127 ၊ ဦးညိုဝင်း 2014 B.L.R .95 အမှုတို့ကိုလည်းလေ့လာရမည်ဖြစ်ပါကြောင်းတင်ပြပါသည်။

လူဦးမင်း
၂၀၂၃ခုနှစ်၊ဖေဖော်ဝါရီလ(၁၅)ရက်

13/06/2024

🌠ဘုမ္မိအရပ်မျက်နှာမူလျှင် ယတြာချေနည်း🌠👇👇
မိမိအိမ်၏တခြားတစ်ဘက်မှ မြေကိုယူပါ။သိရိအရပ်၊တေဇအရပ်၊အာယုအရပ် ကြိုက်သည့်ဘက်မှ မြေကိုယူပါ။မိမိအိမ်မျက်နှာစာဘက်သို့လာထားပါ။မိမိမွေးနေ့ နံနက်( ၉ )နာရီမှ ( ၁၀ )နာရီအတွင်းလာထား၍ ဤအရပ်သည် မိမိဘုမ္မိအရပ် မဟုတ်ပါဟု ပြော၍ထားပါ။မြေပြောင်းလိုက်ခြင်းဖြင့် အရပ်မျက်နှာစာပြောင်းယူခြင်းဖြစ်ပါသည်။ဤကဲ့သို့ပြုလုပ်ပါက အညံံ့အခိုက်များ ပြေပျောက်ပြီး အဆင်ပြေလာပါမည်။
#ရွှေမန်ကျည်း၏နည်းကောင်းများ
လေးစားစွာဖြင့်
မောင်မောင်ကဲ

23/02/2024

အိမ်ခြံမြေပွဲစား ကျရင် 2% 3% ပေးကြပါတယ်ဗျာ
ရှေ့နေခဆို နှမြောလိုက်တာမှ မပြောကြနဲ့ ပြဿနာဖြစ်လို့ အရှုပ်အရှင်းဖြစ်ပြီဆိုရင် ရှေ့နေကသာ ဥပဒေနဲ့အညီ ဖြေရှင်းပေးတက်တာ
စာချုပ်ချုပ်ပေးတဲ့ ရှေ့နေဆိုရင် အမှုက လိုက်ခွင့်မရှိသေး
အိမ်ခြံမြေပွဲစားများကတော့ပြဿနာဖြစ်ရင် .............................................................😂😅😂😂
ရှေ့နေခကျတော့ နှိမ်တာလိုလိုနဲ့က ပါသေးး😆😆
မောင်မောင်ကဲ

18/10/2023

ဘာတွေပြင်ဆင်ပြီး ပြီလဲ--?
*******

မြတ်စွာဘုရားလက်ထက်ကပါ
အထည်တွေရောင်းတဲ့ ကုန်သည်ကြီး
တစ်ယောက်က ဗာရာဏသီပြည်ကနေ သာဝတ္ထိ ပြည်
ကို စျေးသွား ရောင်းတာပါ ဟိုရောက်
တော့ သူကစဉ်းစားတယ်

ဒီက အထည်တွေကို ဟိုမှာပြန်ရောင်းမယ် အမြတ်တွေ
ဘယ်လောက်ရမယ် ပိုက်ဆံတွေများ
များ ရ ရင် ကုန်တွေများများ တင်မယ်
စသည်တွေးနေတာပါ

ဒါကို ဘုရားရှင်သိတော့
ချစ်သားအာနန္ဒာ တဲ့ အဲဒီဒကာကြိး ဟာ နောက် ၇ ရက်
ကြာရင်သေတော့မှာလို့ပြောလိုက်
ပါတယ်

အာနန္ဒာ မထေရ်မြတ်က ဒီအကြောင်း
ကို တပည့်တော် သွားပြောလိုက်မယ်
ဆိုပြီး သွားပြောတယ်
ကုန်သည်ဒကာကြိးက ကြောက်
သွားတာပေါ့ နေဖို့ပဲ တွေးနေပြိး
သေဖို့ မတွေးမိလို့ပါ

ဒီနေရာမှာစဉ်းစားမိပါတယ်
လူတွေဟာ
ငါ့ အသက် ဘယ်လောက်မှာသေမလဲ

ငါ ဘာရောဂါ နဲ့ သေမလဲ
ငါ ဘယ်အချိန် သေမလဲ
ငါ ဘယ်သချီ င်္ုင်းမှာသေမလဲ
ငါ သေပြီး ဘယ် ဘဝ ရောက်မလဲ
ဆိုတာတွေကို မသိကြပါဘူး
အကယ်၍များ တစ်စုံ တစ်ယောက်က သင့်ကို နောက် ရ
ရက် ကြာရင် သေလိမ့်မယ်လို့
အတိအကျ လာပြောခဲ့ရင် ကိုယ့်
ဘဝ အတွက် ပြင်စင်ရတော့မှာပါ

ကိုယ်ရှာထားတဲ့ပိုက်ဆံ တွေလဲ
ကိုယ့်နောက်မပါ
ကိုယ် ချစ်တဲ့ သား သမိး ဇနိး ခင်ပွန်း
တွေကလဲ မကယ်နိုင်

သြော် ဘဝ ဆိုတာ တကယ်တော့
တစ်ယောက်ထဲ လာပြီး
တစ်ယောက်ထဲ ပြန်သွားကြရတာပါ
ချစ်သူတွေလဲ မပါသလို
မုန်းသူတွေလဲ မပါ ပါဘူး
ဒါကြောင့်

သင်တစ်ယောက်ထဲ သွားရမည့်
ခရီး ဘာတွေပြင်ဆင်ပြီးကြ ပြီလဲ------?

ဦးမြင့်ခိုင်

12/10/2023

အထူး အဓိဋ္ဌာန်
------------

ကျွန်တော်တို့တတွေ ကိုဗစ်ကာလကစလို့ ပူးပေါင်းပူဇော် အဓိဋ္ဌာန် ဝင်တာတွေ အကြာခဏပြုလုပ်ခဲ့ကြပါတယ်

အခုလည်း ကိုးရက် အထူးအဓိဋ္ဌာန် ပူးပေါင်းဝင်ပေးကြဖို့ ဖိတ်ခေါ်ပါတယ်

(12-10-2023) ကြာသပတေးနေ့ မှ (20-10-2023) ထိ ကိုးရက်တိတိ အဓိဋ္ဌာန်ဖြင့် ပူဇော်ကြပါမယ်

(12-10-2023)ကြာသပတေးနေ့
ည (၉) နာရီတိတိမှာ

အဋ္ဌာနမေတံ ဂါထာတော်ကြီး (၁၀၈) ခေါက်

မေတ္တာသုတ်တော်ကြီး(၉) ခေါက်

အရဟံ သိဒ္ဓိ
ပုတီး(၉)ပါတ်

စုပေါင်းပူဇော်မှူ့
ပြုလုပ်ကြပြီး
ပူးပေါင်းအမျှဝေ တိုင်တည် သစ္စာပြုကြပါမယ်

ကိုးနာရီ အဓိဋ္ဌာန်မစခင် ကိုယ်လက်သန့်စင် ဘုရားဝေယျာဝစ္စ သောက်တော်ရေချမ်း ပန်း ဆီမီး အမွေးနံ့သာလှူဒါန်းကြပြီး အဆင်သင့်ပြုလုပ်ထားကြပါ ကိုးနာရီထိုးတာနဲ့ အဋ္ဌာန မေတံ ဂါထာတော်ကြီးကစတင်ပြီး တပြိုင်နက်တည်း စတင်ပူဇော်ကြပါတမယ်

အဓိဋ္ဌာန် ဆိုတာ အကျိုးကျေးဇူးကြီးသလို အဖျက်လည်းကြီးတာမို့ အနှောင့်အယှက်တွေ ပေါ်ပေါက်တတ်တာကို သတိထားကြပါ

ဒါ့ကြောင့် ဘုရားဝေယျာဝစ္စ ပြုပြီးတာနဲ့ မိမိခန္ဓာကိုယ်ကို ကိုးရက်အတွင်း ဘုရားရှင်အား လှူဒါန်းအပ်နှင်းပါ အဲဒီလိုအပ်နှင်းလှူဒါန်းတာဟာ အဖျက်အစီးရန်က ကင်းဝေးစေပါတယ်

ခန္ဓာကိုယ်ကို ဘုရားထံမှာအပ်နှင်းထားရင် အမနုဿ ဆိုတဲ့ ဘီလူး သဘက် ပြိတ္တာ တစ္ဆေ စတဲ့ အနှောင့်အယှက်ရန်က ကင်းဝေးစေပါတယ် ဒါ့ကြောင့် မဖြစ်မနေ ပြုလုပ်ကြဖို့ တိုက်တွန်းလိုပါတယ်

မေတ္တာသုတ် ပူဇော်တဲ့အခါ တဦးတယောက်ကိုအာရုံမပြုပဲ တကမ္ဘာ လုံးကို အာရုံပြုပြီး ပို့သပေးကြပါ

တဦးတယောက်တည်း ပြုလုပ်တာထက် စုပေါင်းပြုလုပ်တာဟာ သက်ရောက်မှူ့ ပိုကြီးတတ်တာမို့ အယုတ် အလတ် အမြတ် မရွေးပဲ တကမ္ဘာလုံးမှာ ရှိကြတဲ့ သူတွေကို ရည်စူးပြီး မေတ္တာပို့သပေးကြပါမယ်

အဓိဋ္ဌာန် သုံးခုလုံး ပြုလုပ်ပြီးတာနဲ့ နတ် ဗြဟ္မာများ သိကြားမင်း ယမမင်း ဝိဇ္ဇာများ လောကပါလ နတ်များ သာသနာစောင့်နတ်များ ဝဠာဟက နတ်များ ကမ္ဘာစောင့်နတ်များ တိုင်းပြည်စောင့်နတ်များ ကိုယ်စောင့်နတ် အစရှိသောပုဂ္ဂိုလ်များ ကို အမျှ အတန်းပေးကြပါမယ် (ကြေးစည်ထု၍ အမျှဝေနိုင်လျှင် ပိုကောင်းပါသည်)

ယခု အဓိဋ္ဌာန်ကို ညစဥ် ကိုးနာရီမှ စတင်ပြီး ကိုးရက်တိတိ ပြုလုပ်ကြမည်ဖြစ်ပါကြောင်း တိုက်တွန်းနိုးဆော်အပ်ပါသည်

ယခုအချိန်၌ မိစ္ဆာမှိုင်း များကြောင့် ကုသိုလ်မလုပ်ချင်ဖြစ်နေကြပါလိမ့်မည်

ကုသိုလ်မလုပ်ဖြစ်အောင် အကြောင်းကိစ္စများစိတ်ညစ်စရာများပေါ်ပေါက်ပါလိမ့်မည် လေးလံ ထိုင်းမှိုင်း ငေးငိုင် ဖြစ်နေကြပါလိမ့်မယ် ဒါ့ကြောင့် ယခုလို အဓိဋ္ဌာန်ဖြင့် တိုက်ထုတ်ရမည် ဖြစ်ပါသဖြင့် စုပေါင်းပြုလုပ်ကြခြင်း ဖြစ်ပါသည်

မိမိတို့ နှင့်အတူ စိတ်ပါဝင်စားသူများ ပါဝင်စေဖို့ မျှဝေပေးကြပါရန် တိုက်တွန်းပါ၏

ဦးမြင့်ခိုင်

ဆက်လက်ပူဇော်လိုပါက ည(၁၂) နာရီတွင် ကျွန်ုပ်နှင့်အတူ ပဋ္ဌာန်းတရားတော်မြတ်ကြီး (ပစ္စယနိဒ္ဒေသ) ကို ပူးပေါင်းပူဇော်ကြရန် တိုက်တွန်းပါ၏
ဦးမြင့်ခိုင်

06/10/2023

ဒီတရား နှစ်ပါးပဲ လိုတယ်
-----------------

လောကပါလ တရား နှစ်ပါးဖြစ်တဲ့ ဟိရိ သြတ္တပ္ပ ဆိုတဲ့ အရှက်တရားနဲ့ အကြောက်တရား ဟာ ကမ္ဘာကို စောင့်ကြပ်တဲ့ တရားနှစ်ပါး ပါပဲ

အဲဒီနှစ်ပါးထွန်းကားရင် ကမ္ဘာကြီးငြိမ်းချမ်းမယ် အဲဒီနှစ်ပါး ပျက်စီးရင် ကမ္ဘာကြီးပျက်စီးမယ် လို့ ဗုဒ္ဓ ဟောကြားထားခဲ့ပါတယ်။

ဒါပေမဲ့ အဲဒီတရားသဘောကို ဗုဒ္ဓ ဘာသာတွေပဲသိတယ် ဖန်ဆင်းရှင်ဝါဒတွေကအယုံအကြည်မရှိနိုင်ဘူး။

မြန်မာနိုင်ငံဟာ ဗုဒ္ဓ ဘာသာနိုင်ငံဖြစ်ပေမဲ့လည်း အခု အဲဒီတရာနှစ်ပါးပျက်စီးသလောက်ဖြစ်နေပြီ။

မြင်အပ် မမြင်အပ် သုံးဆယ့်တဘုံသားတွေမှာ နတ်တွေဗြမ္ဘာတွေ ကနည်းပြီး မမြင်နိုင်တဲ့ ဘုတ်ပြိတ္တာ ဘီလူး တွေက အဆမတန်များလွန်းတယ် ဒါပေမဲ့ သူတော်ကောင်းနတ်တွေဟာ တန်ခိုးကြီးတဲ့အတွက် ဘုတ် ပြိတ္တာ ဘီလူးတွေဟာ မလွန်ဆန်နိုင်ဘူး။

မြန်မာပြည်မှာ သောတာပန် သကဒါဂန် အနာဂါမ် ရဟန္တာ ဆိုတဲ့ အရိယာတွေနဲ့
သူတော်ကောင်းကြီးတွေ ရှိသလို သီလသမာဓိ ပညာ ပြည့်ဝတဲ့ သံဃာတော်တွေ အများကြီးရှိတယ်။

အဲဒီသီလ သမာဓိ ပညာ အရှိန်အဝါတွေကြောင့်ပဲ သာသနာ​စောင့်နတ်တွေနဲ့
သူတော်ကောင်းနတ်ကြီးတွေဟာ လောကကြီးကိုမပျက်စီးအောင်စောင့်ရှောက်ပေးနေတာပါ။

အခု မြန်မာပြည်မှာ သူတော်ကောင်းကြီးတွေကို စော်ကားနေကြပြီ အမြင့်မြတ်ဆုံး ရတနာသုံးပါးကို ပြစ်မှားနေကြပြီ
အဲဒါကြောင့်ပဲ လောက ကိုစောင့်ရှောက်တဲ့ နတ်တွေဟာ မစောင့်ရှောက်ကြတော့ဘူး အဲဒီအတွက် ကပ်ဘေးဆိုတဲ့အကြောင်းတရား ဖြစ်ပေါ်လာရတာပါပဲ။

အခု မြန်မာနိုင်ငံလို ဗုဒ္ဓ ဘာသာထွန်းကားတဲ့ နေရာမှာတောင် ရတနာ သုံးပါးနဲ့ အနန္တောအနန္တ ငါးပါးကို ပြသ်မှားစော်ကားနေကြပြီဆိုတော့ ကမ်းကုန်နေပါပြီ။

ဘုရားရှင်လက်ထက်က ကပ်ဘေးဖြစ်တော့ ဘီလးတွေ ဝေသါလီပြည်ကိုအများကြီးဝင်ရောက်ဖျက်စီးတယ် ဆိုတာ ဗုဒ္ဓ ဘာသာဝင်တိုင်းသိကြမှာပါ
လူတွေရဲ့ မျက်စိနဲ့တော့ ဘီလူးတွေကိုမမြင်နိုင်ဘူးပေါ့ အလောင်းတွေဖြစ်အောင် လှုံ့ဆော်တယ် ညဘက်ကျတော့ အလောင်းကောင်တွေကို ကိုက်စားတယ် ဒါတွေက လူတွေမမြင်နိုင်ပေမဲ့ ဘုရားရှင်ဟောလို့သိခဲ့ရတာတွေပါ
အခုလည်း ကပ်ဘေးဆိုကတည်းက အဲဒီသဘောတရားတွေအများကြီးပါ ပါတယ်။

လောက ကို စောင့်ကြပ်တဲ့ နတ်တွေ မစောင့်ရှောက်တော့ဘူး ဆိုရင် ဘုတ် ပြိတ္တာဘီလူး တွေဟာ ဖျက်စီးချင်တိုင်း ဖျက်စီးလို့ရသွားပါပြီ အခုတောင် အနိဌာရုံတွေ လူသားမဆန်တဲ့လုပ်ရပ်တွေ အများကြီး တွေ့ကြပါလိမ့်မယ်

အထူးသတိထားကြဖို့ နဲ့ ရတနာသုံးပါးကို မစော်ကားကြဖို့ တိုက်တွန်းပါရစေ။

မြန်မာပြည်ကို ကမ္ဘာ့အကြီးဆုံးမုန်တိုင်းကြီးဝင်မဲ့အချိန်
မင်းကွန်းတိပိဋကဆရာတော်ကြီး ပိဋကတ်သုံးပုံ အာဂုံဆောင်နေတဲ့အချိန်မို့ အိန္ဒိယ ကိုဝင်သွားခဲ့ဘူးတယ်

မြန်မာပြည်ဟာ ရဟန္တာ တပါးရဲ့ လက်တဝါးစာတောင်မရှိပါဘူးလို့ တောင်တန်းငါသနာပြုဆရာတော်ကြီး မိန့်ခဲ့ဘူးတယ်။

သောတာပန်တယောက်ရှိရင် တရပ်ကွက်လုံတယ် သကဒါဂါမ်တယောက်ရှိရင်
တမြို့နယ်လုံတယ် အနာဂါမ်တယောက်ရှိရင်
ပြည်နယ်တိုင်း တခုလုံတယ် ရဟန္တာ တပါးရှိရင် တနိုင်ငံလုံ တယ်လို့ မဟောဗောဓိမြိုင်ဆရာတော်ကြီး မိန့်ကြားခဲ့ဘူးပါတယ်။

အရိယာကြီးတွေနဲ့ သူတော်ကောင်းကြီးတွေရဲ့ အစွမ်းကြောင့် တန်ခိုးကြီးတဲ့နတ်ကြီးတွေက ကာကွယ်ပေးရပါတယ်။

တခုပဲရှိတယ်
ရတနာသုံးပါးကို စော်ကားရင်တော့ နတ်တွေစိတ်ဆိုးပြီး မကာကွယ်တော့ပါဘူး
အဲဒီအချိန်မျိုးဟာ ကြောက်စရာအကောင်းဆုံးအခြေအနေမျိုး ဖြစ်ပေါ်တတ်ပါတယ်။

ဆဲဆိုတာတွေ သူတော်ကောင်းကြီးတွေကို ပြစ်မှားစော်ကားတာတွေကိုတော့ မပြုလုပ်ကြဖို့ အထူးတိုက်တွန်းလိုပါတယ်။

သတ္တဝါတိုင်းဟာတသံသရာလုံးမပြုလုပ်ဘူးတဲ့အကုသိုလ်မရှိပါဘူး အဲဒီအကုသိုလ်တွေဟာ ခုလိုအချိန်မျိုးမှာ ဝင်ရောက်အကျိုးပေးတတ်ပါတယ်။

လူမုန်းရင် ရှောင်လို့ရပါတယ် ကံမုန်းရင်ရှောင်လို့မရပါဘူး။

ဒီရက်ပိုင်း ငလျင်ကြီးတွေ လှုပ်တာ စိပ်သာသလို မီးတောင်ကြီးတွေလည်း ပေါက်တာများလာတယ်
စစ်ဘေးတွေဟာလည်း တကမ္ဘာလုံး အတိုင်းအတာနဲ့
ဖြစ်နေတာမနည်းဘူး ပဲ။

ဒါဟာ လူသားတွေရဲ့ လောဘ ဒေါသ မောဟ အားကြီးလာလို့ကမ္ဘာကြီးပါပူလောင်လာတဲ့ လက္ခဏာပါ
ရှေ့ကိုလည်း ငလျင်ကြီးတွေ လှုပ်တာ တွေ ့ရပါလိမ့်ဦးမယ်

ယုံကြည်ရာလျောက်ပါ
ရတနာသုံးပါးနဲ့ အနန္တောအနန္တ ငါးပါးကို မစော်ကားကြပါနဲ့ အဲဒီအကုသိုလ်တွေဟာ ကမ္ဘာမှာ အကြီးမားဆုံးအကုသိုလ်ကြီးတွေမို့
အထူးသတိထားကြဖို့
အထူးတိုက်တွန်းပါတယ်။

သတ္တဝါ တွေ ကပ်ဘေးကလွတ်မြောက်နိုင်ကြပါစေ
သူတော်ကောင်းနတ်ကြီးတွေ စောင့်ရှောက်တာ ခံနိုင်ကြပါစေ

နတ်တွေကူညီခွင့်ရရင် ဓမ္မ နဲ့အဓမ္မ အမြန်ဆုံးကွဲသွားမှာပါ အဓမ္မက ဓမ္မ ကို နိုင်ရိုးထုံးစံ မရှိပါဘူး။

နတ်တွေကူညီခွင့်ရအောင်
ရတနာ သုံးပါးကို မစော်ကားမိအောင် အထူဂရုစိုက်ကြဖို့ တိုက်တွန်းပါရစေ။

ဦးမြင့်ခိုင်
လေးစားစွာဖြင့်
မောင်မောင်ကဲ
🙏🙏🙏

29/09/2023

လင်ဖြစ်သူစိတ်ဝေဒနါရှင်ဖြစ်သွားသည်ကိုအကြောင်းပြုပြီး မယားဖြစ်သူသည် #ကွာရှင်းခွင့်မရှိကြောင်း
ဒေါ်လှလှဝင်း နှင့် ဦးဘရှင်(၎င်းအားအုပ်ထိန်းသူဦးလှိုင်)
၁၉၉၁ ခုနှစ်၊ မတစ ၊ စာ-၁၅၉ တွင် လမ်းညွှန်ထုံးဖွဲ့ သုံးသပ်ထားပါသည်။
လေးစားစွာဖြင့်
မောင်မောင်ကဲ