05/02/2021
မပြောလို့မပြီး မတီးလို့ မမြည်တဲ့
မနေ့ညတည်းက သံဗုံးတီးရင်တိုင်လို့ရတယ်ဆိုပြီး ထွက်လာတည်း ဒီအကြောင်းအရာနဲ့ ပက်သက်ပြီး တစ်ခုခုရေးမယ်လို့ စဉ်းစားထားခဲ့တယ် ဒါပေမဲ့ ကိုယ့်ထပ် အတွေ့အကြုံပြည့်ဝတဲ့ ဆရာ ဆရာမတွေများရေးကြမလားရယ်ဆိုပြီး စောင့်ခဲ့သေးတယ် အမှတ်မမှားဘူးဆိုရင်တော့ ဘယ်သူမှသေချာရေးတာ မတွေ့မိဘူး အဲ့ဒီတော့ ကိုယ်တတ်သလောက် ကိုယ်နားလည်သလောက်ကိုပဲ အားလုံးနားလည်အောင်ရေးပေးလိုက်ပါတယ် တခြား လိုအပ်နေလို့ ထပ်ဖြည့်ချင်တဲ့ အကြောင်းအရာလေးတွေရှိရင်လည်း cmt မှာရေးထားခဲ့ပေးပါ။
-------------------------------------------
သံဗုံးတီးတာ ဖမ်းလို့ရသလား?
ဟုတ်ကဲ့ မဖြစ်ဖြစ်တဲ့ ဥပဒေတွေကနေ ရှာကြံပြီးစွဲထုတ်မယ်ဆိုရင်တော့ သံဗုံးတီးတာ ဖမ်းလို့ရပါတယ်
၁။ ပထမဦးဆုံးအနေနဲ့ ဖြစ်နိုင်ချေ အများဆုံးက ရဲအက်ဥပဒေ ရဲ့ ပုဒ်မ ၃၈(ခ)(၃), ၃၉ နဲ့ ပြစ်မှုပြစ်ဒဏ်အတွက်ဆိုဆိုရင် ပုဒ်မ ၄၈, ၄၉ ဖြစ်နိုင်ပါတယ် (အောက်ကပုံတွေမှာကြည့်ပေးပါ)
ရဲအက် ပုဒ်မ ၃၈(ခ)(၃) ဆိုရင် လူတွေ အော်ဟစ်ကြွေးကြော်တာ သီချင်းဆိုတာ တူရိယာတီးတာ ဘာညာအတွက် တားမြစ်နိုင်ပါတယ်။ ပြစ်မှုပြစ်ဒဏ်အတွက် တားမြစ်တာကို မလိုက်နာမှဆိုပြီးတော့ပါတဲ့ အတွက် အရင်ဆုံးတားမြစ်ရမယ် တားမြစ်တာကို ကလန်ကဆန်လုပ်မှ ပဲ အရေးယူခွင့်ရှိမယ်။ လိုက်ခဲ့ပါအုံး ရော့ အင့် ဆိုပြီးတော့တော့ ဖမ်းခွင့်မရှိဘူးလို့ ယူဆပါတယ်။ သီချင်းမဆိုဘူး သံဗုံးပဲတီးတာပဲလေ ဆိုရင်တောင် သံဗုံးကို တူရိယာထဲထည့် သတ်မှတ်ချင် သတ်မှတ်မှာပါ။ ကပ်သီးကပ်သတ် ဖမ်းခဲ့ရင်တောင် သူတို့က သံဗုံးတီးတာကို တားမြစ်တယ် လို့ အရင် တားမြစ်ချက်တစ်ခုခု ထွက်ပြီးကာမှ ဒီ ရဲအက်နဲ့ ဖမ်းလို့ရမှာပါ၊ ဖမ်းသည့်တိုင်အောင် အာမခံပေးရမယ့်ပုဒ်မပါ၊ အာမခံနဲ့ ပြန်ကိုလွှတ်ရပါမယ်၊
ရဲအက် ပုဒ်မ ၃၄(၇)ကို ကြည့်ကြည့်ပါ၊
ငြိမ်းချမ်းသာယာမှု ပျက်ပြားစေ/ပြည်သူ့နှောက်ယှက်မှုဖြစ်စေရန် ရုန်းရင်းဆန်ခတ်ပြုခြင်း၊ စည်းကမ်းမဲ့ပြုခြင်း ဆိုတာကို သတိပြုရပါမယ်၊
ဒါပေမယ့် ပုဒ်မသေးသေးတွေမို့ အာမခံရကိုရ,ရပါမယ်၊ ချုပ်ထားလို့မရပါဘူး၊
ရဲအက်ဥပဒေက 1945 ခုနှစ်တည်းက ဥပဒေဖြစ်နေတော့ amend လုပ်ထားတာတွေလည်း ရှိချင်ရှိအုံးမှာပါ လောလောဆယ် MLIS ကို ပိတ်ချထားကြတဲ့အတွက် ရှိတဲ့ source ကနေရှာပြီးတင်ရတာဖြစ်လို့ လွဲနေတာတွေပါရင် ထောက်ပြပါအုံး၊ ပြင်ပေးပါအုံး။
၂။ နောက်တစ်ခုက ရပ်ကွက် (သို့မဟုတ်) ကျေးရွာအုပ်ချုပ်ရေးဥပဒေ။ အခု ၅၀၀၀ ဆိုပြီးပြောနေကြတဲ့ဟာ
သူကလည်း အဓိကက အသံချဲ့စက်ဖွင့်တာကိုပဲပြောထားပါတယ်။ သံဗုံးတီးတာ အသံချဲ့စက်မဟုတ်ပါ။ သံဗုံးတီးတာကို record လုပ်ပြီး အသံချဲ့စက်နဲ့ဖွင့်မယ် ဆိုရင်တော့ အရေးယူလို့ရပါတယ်။ ပြီးရင် သီချင်းကို အသံချဲ့စက်နဲ့ ဖွင့်မယ်ဆို အရေးယူလို့ရပါပြီ။ ဒါကလည်း ပြစ်ဒဏ်အနေနဲ့ ကြည့်မယ်ဆိုရင်က ၅၀၀၀ ထပ်မပိုတဲ့ငွေဒဏ်ပဲဆောင်ရမှာပါ။ ၅၀၀၀ မပေးနိုင်မှ ၇ ရက်ပေါ့နော်။ အာမခံ ရ/မရ ဖြည့်ပေးကြပါ။
၃။ နောက်ဆုံးတစ်ခုကတော့ ရာဇသတ်ကြီး ပုဒ်မ ၂၆၈ ပါ
ဒီဟာကတော့ မနေ့ကထွက်နေတဲ့ ဖောင် နဲ့ အဓိကသက်ဆိုင်ပါလိမ့်မယ်ထင်ပါတယ်၊ တိုင်တန်းမယ့်သူရှိမှဖြစ်ပါမယ်၊ ဝရမ်းပါမှရမယ့်ပုဒ်မမို့လို့ ဝရမ်းမပါဘဲ ဖမ်းဆီးခွင့်မရှိ၊ ဝရမ်းနဲ့သာ လာဖမ်းနိုင်ပါတယ်၊ ဒါမှမဟုတ် တရားရုံးသမ္မန်စာနဲ့ မခေါ်သ၍ လိုက်သွားစရာမလိုပါဘူး၊ ပုဒ်မ၃၆၈ အရ အများပြည်သူနှောက်ယှက်မှုဖြစ်တဲ့အတွက် လူတစ်ဦးတစ်ယောက်တည်း အနှောက်အယှက်ဖြစ်ရုံနဲ့တော့ ဒီ ဥပဒေနဲ့ တရားစွဲလို့မရပါဘူး။ အများပြည်သူဆိုတဲ့ အတွက် တစ်ယောက်ထပ်ပိုတဲ့အများ လူအများအပြားက အနှောက်အယှက်ဖြစ်တယ်လို့ ခံယူမှပဲ ဥပဒေအရ ဆက်လက်ဆောင်ရွက်လို့ရမှာပါ။
ဟုတ်ပြီ တိုင်ခံရလို့လာဖမ်းပြီဆိုရင် ဝရမ်းပါမှရပါတယ်။ ရဲတွေအနေနဲ့ ဝရမ်းမပါလာရင် လူတစ်ယောက်ကို ဖမ်းဖို့မပြောနဲ့ အဲ့ဒီလူ အိမ်ကို ခြေချခွင့်မရှိပါဘူး။ အဲ့ဒီလို ဖမ်းဖို့လာပြီဆို ဝရမ်းတောင်းပါ ကိုယ်တစ်ယောက်တည်းတီးတာမဟုတ်တဲ့အတွက် လူအယောက် ၂၀၀၀ တီးရင် ၂၀၀၀ စာ ဝရမ်းကို သူတို့ထုတ်ရမှာပါ။ တကူးတကကြီးကို ဝရမ်းထုတ်လာပြီဆိုရင် လိုက်သွားပါ... အာမခံရတဲ့အမှုဖြစ်ပါတယ်။ အာမခံရခွင့်ရှိတဲ့အတွက် ရဲတွေအနေနဲ့ အဲ့ဒီသူကို ဘယ်နည်းနဲ့မှ အချုပ်အနှောင်နဲ့ထားခွင့်မရှိပါဘူး။ အာမခံနဲ့ လွှတ်ကိုလွှတ်ပေးရမှာပါ။
ဒီနေရာမှာတစ်ခုရှိတာ လူတွေစည်းလုံးဖို့လိုပါတယ် ဥပဒေက ကိုယ့်ကိုကာကွယ်ပေးထားသည့်တိုင်အောင် ကိုယ့်အချင်းချင်းရိုင်းပင်းကူညီမှ ဖိနှိပ်ချင်တဲ့လူတစ်စုကို တွန်းလှန်လို့ရမှာပါ။ တစ်ယောက်ကိုတော့ လာဖမ်းသွားပြီဆိုပြီး ကြောက်နေရင်တော့ ဒီ campaign ဟာလည်း ဘာမှမကြာလိုက်ပဲပျောက်သွားမှာပါ။
ပြိုင်တူတွန်းကြပါ။ ရွေ့ကိုရွေ့ပါတယ်။
Crd:
