ShweLone Myanmar Business Law

30/05/2020

🏛 ဥပဒေရုံး အဆင့်ဆင့်ဖွဲ့စည်းပုံ 🏛




#ဥပဒေရုံး

30/05/2020

⚖️ တရားရုံးအဆင့်ဆင့်ဖွဲ့စည်းပုံ ⚖️




#တရားရုံး

28/05/2020

⚖️ဆက်သွယ်ရေးဥပဒေ ပုဒ်မ ၆၆ (ဃ)
Vs
အီလက်ထရောနစ်ဆက်သွယ်ဆောင်ရွက်ရေးဥပဒေ⚖️

💻ဆက်သွယ်ရေးဥပဒေပုဒ်မ ၆၆ ( ဃ ) 💻

💻ဆက်သွယ်ရေးဥပဒေပုဒ်မ ၆၆ ( ဃ ) နှင့် အရေးယူဆောင်ရွက်နိုင်ရန် လိုအပ်ချက်(၂)ရပ်မှာ-

👉（၁) ဆက်သွယ်ရေးကွန်ရက်တစ်ခုခုကိုအသုံးပြု၍

👉 （၂) ပုဂ္ဂိုလ်တစ်ဦးဦးကို -

ခြောက်လှန့်တောင်းယူခြင်း၊
အသရေဖျက်ခြင်း၊
နှောင့်ယှက်ခြင်း သို့မဟုတ်
ခြိမ်းခြောက်ခြင်းတို့ဖြစ်သည်။

💣ဆက်သွယ်ရေးဥပဒေပုဒ်မ ၆၆(ဃ)၏ပြစ်ဒဏ်💣

နှစ်နှစ်ထက်မပိုသောထောင်ဒဏ်ဖြစ်စေ၊ ကျပ်တစ်ဆယ်သိန်းထက်မပိုသောငွေဒဏ် ဖြစ်စေ၊ ဒဏ်နှစ်ရပ်လုံးဖြစ်စေချမှတ်ရမည်။

🗒မှတ်ချက်🗒

🎈(ဆက်သွယ်ရေးကွန်ယက်ကို အသုံးပြု၍ ကျူးလွန်မှသာဆက်သွယ်ရေးဥပဒေပုဒ်မ ၆၆(ဃ)အရ အရေးယူဆောင်ရွက်နိုင်မည်ဖြစ်ပါသည်။)🎈

📲အီလက်ထရောနစ်ဆက်သွယ်ဆောင်ရွက်ရေးဥပဒေပုဒ်မ ၃၄(ဃ) 📲

📲အီလက်ထရောနစ်ဆက်သွယ်ဆောင်ရွက်ရေးဥပဒေပုဒ်မ ၃၄(ဃ)နှင့် အရေးယူဆောင် ရွက်နိုင်ရန် လိုအပ် ချက်(၂)ရပ်မှာ -

👉（၁) အဖွဲ့အစည်းတစ်ခုခု သို့မဟုတ် ပုဂ္ဂိုလ်တစ်ဦးဦးကိုထိခိုက်နစ်နာစေရန် ဖြစ်စေ၊ ဂုဏ်သိက္ခာကျဆင်းစေရန်ဖြစ်စေ

👉(၂) သတင်းအချက်အလက်ကို အီလက်ထရောနစ်နည်းပညာဖြင့် ပြုလုပ်ခြင်း၊ ပြုပြင် ခြင်း သို့မဟုတ် ပြောင်းလဲခြင်း၊ ထိုသို့ ပြုလုပ်ခြင်း သို့မဟုတ်ပြောင်းလဲခြင်းပြုလုပ်ထားသည့် အချက်အလက်ကိုဖြန့်ချိခြင်း တို့ဖြစ်သည်။

💣အီလက်ထရောနစ်ဆက်သွယ်ဆောင်ရွက်ရေးဥပဒေပုဒ်မ ၃၄(ဃ)၏ပြစ်ဒဏ်💣

💣ငွေဒဏ်ကျပ်သိန်းငါးဆယ်မှ ကျပ်သိန်းတစ်ရာအထိချမှတ်ရမည်။ ငွေဒဏ်မဆောင်ပါက ထောင်ဒဏ် အနည်းဆုံး တစ်နှစ်မှ အများဆုံး သုံးနှစ်အထိချမှတ်ရမည်။💣

🗒မှတ်ချက်🗒

🎈ပုဂ္ဂိုလ်တစ်ဦးဦးကို ဂုဏ်သိက္ခာကျဆင်းစေရန် အီလက်ထရောနစ်နည်းပညာဖြင့် ပြုလုပ်ပြီး မိမိအသုံးပြုသည့် အီလက်ထရောနစ်ပစ္စည်းတွင်သိမ်းဆည်းကာ ဖြန့်ချိခြင်း မရှိသော် လည်း အီလက်ထရောနစ်ဆက်သွယ်ဆောင်ရွက်ရေးဥပဒေပုဒ်မ ၃၄(ဃ)အရအရေးယူဆောင်ရွက်နိုင်ပါသည်။ 🎈

🎈ဆက်သွယ်ရေးဥပဒေအရ အရေးယူရာတွင် အသရေဖျက်မှုမြောက်ရန် ဖြန့်ချိခြင်းသို့မဟုတ် အခြားတစ်နည်းနည်းဖြင့်ပြုလုပ်မှသာ ဆက်သွယ်ရေးဥပဒေပုဒ်မ ၆၆ (ဃ)အရ အရေးယူဆောင်ရွက်နိုင်မည်ဖြစ်ပါသည်။)🎈

23/05/2020

⚖️လူတိုင်းသိသင့်သည့် ယာဉ်တိုက်မှုနှင့်စပ်လျဉ်းသော ဥပဒေပုဒ်မများအကြောင်း⚖️

🏎🏎ယာဉ်ကို အရမ်း သို့မဟုတ် ပေါ့လျော့စွာမောင်းနှင်မှုကြောင့် ယာဉ်တိုက်မှုများ မကြာခဏဖြစ်ပွားလေ့ရှိပါသည်။ သို့သော် ယာဉ်တိုက်မှုများနှင့် စပ်လျဉ်းသည့် သီးခြား ဥပဒေ ပြဋ္ဌာန်းချက်မရှိိသေးပေ။ 🏎🏎

🏍🏍ယာဉ်ကို အရမ်း သို့မဟုတ် ပေါ့လျော့စွာပြု၍ ယာဉ်တိုက်မှု ဖြစ်ပါက ယာဉ်တိုက်မှု ကြောင့် ရရှိသည့် ဒဏ်ရာအပေါ် မူတည်ကာ ရာဇသတ်ကြီးပုဒ်မ ၃၃၇ ၊ ၃၃၈ တို့အရ အရေးယူဆောင်ရွက်ပြီး ယာဉ်တိုက်မှုကြောင့် ဒဏ်ရာရရှိပြီးသေဆုံးပါက ရာဇသတ်ကြီး ပုဒ်မ ၃၀၄-က အရ အရေးယူဆောင်ရွက်ကြပါသည်။ ဒဏ်ရာရရှိသူမရှိသော်လည်း အများ ပြည်သူဆိုင်ရာလမ်းပေါ်၌ အရမ်းဖြစ်စေ၊ ပေါ့လျော့စွာဖြစ်စေယာဉ်ကိုမောင်းလျှင် သို့မဟုတ် စီးလျှင် ရာဇသတ်ကြီးပုဒ်မ ၂၇၉ အရ အရေးယူဆောင်ရွက်နိုင်ပါသည်။🏍🏍

🚎☠️ယာဉ်ကို အရမ်းသို့မဟုတ် ပေါ့လျော့စွာပြုကာ လူကိုသေစေ၍ ရာဇသတ်ကြီး ပုဒ်မ ၃၀၄-က အရ အရေးယူခံရပြီး ပြစ်မှုထင်ရှားစီရင်ခြင်းခံရလျှင် ၇ နှစ်ထိ ထောင်ဒဏ် တစ်မျိုးမျိုးချမှတ်ခံရမည့်အပြင် ငွေဒဏ်လည်းချမှတ်ခံရနိုင်ပါသည်။
ယာဉ်ကို အရမ်း သို့မဟုတ် ပေါ့လျော့စွာပြုကာ လူကို အပြင်းအထန်နာကျင်စေ၍ ရာဇသတ်ကြီး ပုဒ်မ ၃၃၈ အရ အရေးယူခံရပြီး ပြစ်မှုထင်ရှားစီရင်ခြင်းခံရလျှင် ၅ နှစ်ထိ ထောင်ဒဏ်တစ်မျိုးမျိုးချမှတ်ခံရမည့် အပြင် ငွေဒဏ်လည်းချမှတ်ခံရနိုင်ပါသည်။🚎☠️

🚗👹ယာဉ်ကို အရမ်း သို့မဟုတ် ပေါ့လျော့စွာပြုကာ လူကို နာကျင်စေ၍ ရာဇသတ်ကြီး ပုဒ်မ ၃၃၇ အရ အရေးယူခံရပြီး ပြစ်မှုထင်ရှားစီရင်ခြင်းခံရလျှင် ၂ နှစ်ထိထောင်ဒဏ် တစ်မျိုးမျိုးဖြစ်စေ၊ တစ်သိန်းထိငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ခံရပါမည်။
အများပြည်သူဆိုင်ရာလမ်းပေါ်၌ ယာဉ်ကို အရမ်း သို့မဟုတ် ပေါ့လျော့စွာ မောင်း၍ သို့မဟုတ် စီး၍ ရာဇသတ်ကြီးပုဒ်မ ၂၇၉ အရ အရေးယူခံရပြီး ပြစ်မှုထင်ရှား စီရင်ခြင်းခံရလျှင် ၂ နှစ်ထိထောင်ဒဏ်တစ်မျိုးမျိုးဖြစ်စေ၊ တစ်သိန်းထိငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်ခံရပါမည်။🚗👹

🚙👾ရာဇသတ်ကြီးပုဒ်မ ၂၇၉၊ ၃၃၇၊ ၃၃၈၊ ၃၀၄-က တို့သည် ရဲအရေးယူပိုင်ခွင့်ရှိသော ပြစ်မှုဖြစ်သဖြင့် ရဲအရာရှိက အမှုဖွင့်ဆောင်ရွက်နိုင်ပါသည်။🚙👾

LAW FOR ALL

https://www.mlis.gov.mm/astSc.do?menuInfo=0_1_2&query=penal%20code


#ယာဉ်တိုက်မှု #ယာဉ်မတော်တဆမှု
#ရာဇသတ်ကြီး

09/05/2020

👨‍👩‍👦 မိဘအမွေ မဆက်ခံထိုက်သော သားသမီး ၆ မျိုး 👨‍👩‍👦

🙅🏼 ၁။ သွာနုတ္တ = မိဘစကား နားမထောင်သော ခွေးနှင့်တူသောသား။

🙅🏼‍♂️ ၂။ ဒိန္ဒက = သူတစ်ပါးကပေး၍ ရသောသား။

🙅🏼‍♀️ ၃။ သဟောဍ္ဎ = ဝယ်၍ရသောသား။

🙅🏼 ၄။ ပုနာနုဗ္ဗဝ = မိမိမယား သူတစ်ပါးနှင့် ရ၍ မွေးဖွားသောသား

🙅🏼‍♂️ ၅။ ကိဠိတ = ကစားမြူးတူးရာ ရသောသား။

🙅🏼‍♀️ ၆။ ဆာတဘတ္တ = ထမင်းငတ်မွတ်သည့်အခါ မှီခို လာသောသား။

👉 မြန့်မာ့ဓလေ့ထုံးတမ်း ဥပဒေ 👈

#ဥပဒေ

09/05/2020

👩‍👩‍👦မိဘအမွေ ဆက်ခံထိုက်သော သားသမီး ၆ မျိုး 👩‍👩‍👦

👶၁။ ဩရသ = ရင်၌ဖြစ်သောသား။

👧၂။ ကိတ္တီမ = အမွေခံသားအဖြစ် အထင်အရှား မွေးစားသောသား။

👶၃။ အပတိဌ = ကောက်၍မွေးသောသား။

👧၄။ ပုဗ္ဗက = မယားပါ လင်ပါ အထက်သား။

👶၅။ ဟေဌိမ = အပြောင်မယားသား

👧၆။ ခေတ္တဇ = ကျွန်နှင့် သင့်နေရာမွေးသောသား

👉 မြန်မာ့ဓလေ့ထုံးတမ်းဥပဒေ 👈

for all

08/05/2020

👩‍❤️‍💋‍👨👩‍❤️‍💋‍👨လင်မယားဖြစ်ရာသောအကြောင်းသုံးပါး 👩‍❤️‍💋‍👨👩‍❤️‍💋‍👨

1️⃣မိဘနှစ်ပါးပေးထိမ်းမြား၍နေစားကြသောလင်မယား
2️⃣ သူတစ်ပါးတို့ အောင်သွယ်၍ နေစားခြင်း
3️⃣ နှစ်ဦးသဘောတူ၍ နေစားခြင်း

➡️( မြန်မာ့ဓလေ့ထုံးတမ်းဥပဒေ )⬅️

#ဥပဒေ #ဥပဒေသုတ

.

08/05/2020

👮ပြစ်ဒဏ်ချမှတ်သည့် ရည်ရွယ်ချက်များ👮

👉 (က) နောင်ကြဉ်ဟန့်တားခြင်း
ပြစ်မှုကျူးလွန်သူအား ထပ်မံ၍ အလားတူပြစ်မှု မကျူးလွန်ဝံ့စေရန်နှင့် ယင်း ပြစ်မှုမျိုးကို ကျူးလွန်ရန် အလားအလာရှိသူများအား မကျူးလွန်ဝံ့စေရန် သတိပေးသည့် ရည်ရွယ်ချက်များပါရှိပါသည်။

👉(ခ) အကာအကွယ်ပေးခြင်း
ပြစ်မှုကျူးလွန်ရန် ကြံစည်စိတ်ကူးသူများ မကျူးလွန်ရဲစေရန်နှင့် ပြစ်မှုကျူးလွန် သူများအား နောက်ထပ် ပြစ်မှုမကျူးလွန်နိုင်စေရန် ရည်ရွယ်၍ အပြစ်ပေးခြင်း ဖြစ်ပါ သည်။

👉(ဂ) ပြုပြင်ခြင်း
ပြစ်မျုကျူးလွန်သူများကို နောင်တစ်ချိန်တွင် လူကောင်းသူကောင်း နိုင်ငံသား ကောင်း ပြန်ဖြစ်လာစေရန် ရည်ရွယ်၍ အပြစ်ပေးသည့် ရည်ရွယ်ချက်များလည်း ရှိပါ သည်။

👉(ဃ) တုန့်ပြန်ဂလဲ့စားချေခြင်း
ဂလဲ့စားချေသည့်ရည်ရွယ်ချက်ဖြင့် ပြစ် ဒဏ်ပေးခြင်းသည် ရှေးယခင် တရားစီရင် ရေးခေတ်များက ကျင့်သုံးခဲ့ကြပါသည်။ ဂလဲ့စားချေသည့် ရည်ရွယ် ချက်တွင် လူမဆန် သည့် ပြစ်ဒဏ်များ ဥပမာ- သေစားသေစေအမိန့်များ၊ သူတစ်ပါး၏မျက်စေ့ကန်းစေလျှင် ပြုလုပ်သူ၏ မျက်စေ့ကို ဖျက်ဆီးစေရမည်စသော ရည်ရွယ်ချက်များပါဝင်ပါသည်။ ယနေ့တရားစီရင်ရေးတွင် တုန့်ပြန်ဂလဲ့စားချေသည့် ရည်ရွယ်ချက်ဖြင့် ပြစ်ဒဏ်ပေးခြင် မပြုလုပ်တော့ပေ။

🔔(ဦးဗကြိုင်၊ လက်တွေ့ပြစ်မှုစာအုပ်မှ ကူးယူဖော်ပြခြင်းဖြစ်ပါသည်။)🔔

08/05/2020

🧨ပြစ်မှု vs တရားမမှု 🧨

🎈 “ပြစ်မှု”ဟူသည် ဥပဒေကို ဆန့်ကျင်ကျူးလွန်မှု၊ ကျူးလွန်သောအပြစ်ကိုဆိုသည်။ ( မြန်မာ အဘိဓာန်)🎈

🎈“ပြစ်မှု” ဆိုသောစကားရပ်သည် တည်ဆဲဥပဒေ တစ်ရပ်ရပ်အရ ပြစ်ဒဏ်ထိုင်သင့်သော ပြုလုပ်မှု သို့မဟုတ် ပျက်ကွက်မှုကိုဆိုသည်။( ၁၉၇၃ခုနှစ်၊ စကားရပ်များ အနက်အဓိပ္ပါယ်ဖွင့် ဆိုရေးဥပဒေ)🎁

🎎 “တရားမမှု”ဟူသည် အမွေမှုစသော ကိုယ်ပိုင်အခွင့်အရေးနှင့် ပတ်သက်သည့် အမှုအခင်း ကိုဆိုသည်။ (မြန်မာအဘိဓာန်)🎎

08/05/2020

🏛တရားဥပဒေ၏ အဓိပ္ပါယ်🏛
⚖️ “တရား” ဟူသော ဝေါဟာရနှင့် “ဥပဒေ” ဟူသော ဝေါဟာရနှစ်ခုကို ပေါင်းစပ်ထားခြင်း ဖြစ်ပါသည်။ ⚖️
⚖️ “တရား”ဟူသော အဓိပ္ပါယ်မှာ မှန်ကန်ခြင်း၊ မျှတခြင်းဖြစ်ပါသည်။ “ဥပဒေ”မျာ ပါဠိ စကားဥပဒေသမှ ဆင်းသက်လာသော စကားဖြစ်၍ ညွှန်ကြားသူ၊ ညွှန်ကြားခြင်း၊ ညွှန်ကြားချက်၊ အမိန့် စည်းမျဉ်းစသည့် အဓိပ္ပါယ်ရပါသည်။ ⚖️
☑️ သို့ဖြစ်၍ တရားဥပဒေဆိုသည်မှာ မှန်ကန်မျှတ သော ညွှန်ကြားချက်၊ အမိန့်၊ စည်းမျဉ်းများဖြစ်ပါတော့သည်။ ☑️
🔊။ တစ်နည်းအားဖြင့်ဆိုသော် တရားဥပဒေသည် လူသားအားလုံးက ကျင့်သုံးရမည့် လူ့စည်းကမ်း၊ လူ့စည်းမျဉ်းများ ဖြစ်ပါ သည်။🔊

🔔(ဦးဗကြိုင်၊ လက်တွေ့ပြစ်မှုစာအုပ်မှကိုးကားတင်ပြသည်။🔔