Prime Juridique Mada

Prime Juridique Mada Conseil juridique sur mesure
Nous vous accompagnons avec rigueur et confidentialité.

📌 FAMPAHAFANTARANA ARAKY NY LALÀNA: INONA NO ATAO HOE REQUÊTE SY ASSIGNATION (INTRODUCTION D'INSTANCE)?Manana olana ara-...
21/07/2026

📌 FAMPAHAFANTARANA ARAKY NY LALÀNA: INONA NO ATAO HOE REQUÊTE SY ASSIGNATION (INTRODUCTION D'INSTANCE)?

Manana olana ara-lalàna ve ianao, toy ny ady momba ny tany, fifanarahana, fianakaviana, raharaham-barotra na raharaha sivily hafa?

Ny fanokafana raharaham-pitsarana no dingana voalohany ahafahan'ny olona iray mangataka amin'ny Fitsarana hiaro ny zony. Raha tsy voahaja ny fomba sy ny fepetra takian'ny lalàna dia mety tsy ho raisin'ny Fitsarana ny fangatahana na hanemotra ny fizotry ny raharaha.

Araka ny Fehezan-dalàna momba ny Paikady madio eto Madagasikara, ny raharaha dia ampidirina amin'ny alalan'ny fangatahana an-tsoratra (requête) na fiantsoana amin'ny alalan'ny vadintany (assignation), arakaraka ny karazana raharaha sy izay voalazan'ny lalàna.

⚖️ Ny fampidirana fitoriana voaomana tsara dia tokony ahitana:

✅ Ny mombamomba ny mpitory sy ny voampanga;

✅ Ny zava-misy sy ny antony ara-dalàna iorenan'ny fitakiana;

✅ Ny zavatra angatahana amin'ny Fitsarana;

✅ Ny fanarahana ireo fepetra sy fe-potoana napetraky ny lalàna.

🔴NY PENSION ALIMENTAIRE SY NY CCM 🔴✔️Pension alimentaire (PA) : vola na fanampiana omen’ny olona iray hanampiana izay mi...
02/07/2026

🔴NY PENSION ALIMENTAIRE SY NY CCM 🔴

✔️Pension alimentaire (PA) : vola na fanampiana omen’ny olona iray hanampiana izay mila fanohanana ara-pivelomana, ohatra ny zanaka, na vady mandritra ny divorce na ray aman-dreny na olona manana adidy ara-dalàna hitondra azy. Araka ny lalàna, ny zanaka raha efa manana antom-pivelomana dia manan-kery hanome “aliments” ho an’ny ray aman-dreniny raha sahirana izy ireo, ary ny vola dia omena araka ny filàna sy ny fahafahan’ilay mpandoa.
Mandritra ny divorce dia manana zo hitaky ny pension alimentaire ilay vady niharan’ny fahadisoana.

✔️Contribution au charge du ménage (CCM) : izany kosa dia ny fandraisan’ny vady tsirairay anjara amin’ny lany iombonana ao an-trano : sakafo, fitondrana tokantrano, fitaizana zaza, fandaniana isan’andro, sy ny sisa. Ny lalàna milaza fa raha tsy nisy fifanarahana manokana, dia samy mandray anjara araka ny fahafahany ara-bola ny mpivady.

📍Ny tena maha-samihafa azy

- Pension alimentaire dia matetika mifandray amin’ny fahafahan’ny olona iray miaina na amin’ny fanohanana olona mila velomina.
Azo angatahin’ilay vady niharan’ilay fahadisoana nahatonga ny divorce ary rehefa proncé ilay divorce izay vao mahazo ny pension alimentaire.

- Contribution au charge du ménage kosa dia mifandray amin’ny fiaraha-miantsoroka ny lany ao amin’ny fanambadiana sy ny fiainan’ny tokantrano.
Azo angatahina izy io na mbola tsy misy aza ny divorce na fisarahana.

📍Ohatra tsotra :

Ohatra, raha misaraka ara-dalàna ny mpivady, ny fitsarana dia afaka mametra pension alimentaire ho an’ny zanaka na ho an’ny vady amin’ny toe-javatra sasany. Fa mandritra ny fanambadiana, raha samy miara-monina ny mpivady, dia ny fandraisana anjara amin’ny charges du ménage no mifehy ny fizarana ny lany iombonana.

⚠️ 𝐀𝐃𝐘 𝐓𝐀𝐍𝐘 : > ⚠️ 📍Harena ny tany ary mila atao laharampahamehana ny fiarovana azy. 📍Zo fototra aronvan’ireo lalàna...
14/06/2026

⚠️ 𝐀𝐃𝐘 𝐓𝐀𝐍𝐘 : > ⚠️
📍Harena ny tany ary mila atao laharampahamehana ny fiarovana azy.
📍Zo fototra aronvan’ireo lalàna hiraisam-pirenena ny fananana tany, voamarika anaty lalam-panorenana ihany koa.
❗️Indro ary ireo tokony ho fantatra mikasika ireo karazana ady tany miseo eo amin’ny fiaraha-monina amin’izao vanim-potoana hiainantsika izao ❗️:

✔️ 𝐅𝐢𝐯𝐚𝐫𝐨𝐭𝐚𝐧𝐚 𝐬𝐲 𝐟𝐢𝐯𝐢𝐝𝐢𝐚𝐧𝐚𝐧𝐚 𝐭𝐚𝐧𝐲 :
Amin’ny ankapobeny, ny famindrana tany ao amin’ny fananan-tany manokana an’ny Fanjakana dia atao rehefa voatondro ara-dalàna ilay tany ary ankatoavin’ny manam-pahefana. Raha mihoatra ny 10 hektarany tany dia asiana cahier des charges, ary tsy heverina ho tanteraka ny fivarotana raha tsy voamarina ny fampivoarana raha takiana izany.

✔️ 𝐓𝐚𝐧𝐲 𝐚𝐳𝐨 𝐭𝐚𝐦𝐢𝐧’𝐧𝐲 𝐥𝐨𝐯𝐚 :
Misy zo sasany, indrindra ny bail emphytéotique, azo afindra amin’ny fandovana. Ny tany nomena dia mbola iharan’ny fepetra napetraky ny fifanarahana ary, amin’ny tranga sasany, mila fankatoavan’ny fahefana nanome ilay zo.

✔️ 𝐓𝐚𝐧𝐲 𝐚𝐳𝐨 𝐭𝐚𝐦𝐢𝐧’𝐧𝐲 𝐟𝐚𝐦𝐩𝐢𝐯𝐨𝐚𝐫𝐚𝐧𝐚 :
Ny tany tsy mbola voatitra sy tsy mbola nampivoarina dia azo ampidirina amin’ny anaran’ny Fanjakana. Fa raha voaporofo kosa ny fampivoarana araka ny fepetra, dia afaka fototry ny fanekena na fahazoana zo izany, ka fehezin’ny komisiona sy procès-verbal.

✔️ 𝐓𝐚𝐧𝐲 𝐚𝐨 𝐚𝐦𝐢𝐧’𝐧𝐲 « 𝐝𝐨𝐦𝐚𝐢𝐧𝐞 𝐩𝐮𝐛𝐥𝐢𝐜 » 𝐚𝐧’𝐧𝐲 𝐅𝐚𝐧𝐣𝐚𝐤𝐚𝐧𝐚 :
Ireo tany ireo dia tsy azo amidy amin’ny ankapobeny ary mila fahazoan-dalana raha hisy fibodoana, fakana akora, na fampiasana manokana. Vonjimaika sy azo esorina amin’ny fotoana rehetra ny fahazoana mampiasa azy, matetika misy sarany, ary raha tsy arahina ny fepetra dia azo foanana ny fahazoan-dalana na misy sazy.

📩 Afaka miditra hafatra miafina raha mila fanazavana misimisy kokoa mikasika ady tany.

⚠️FANTARO IREO TOKONY HO FANTATRA MIKASIKA NY FANDROAHANA MPIASA⚠️❗️Ny antony azo androahana mpiasa❗️Ny fifanarahana asa...
07/06/2026

⚠️FANTARO IREO TOKONY HO FANTATRA MIKASIKA NY FANDROAHANA MPIASA⚠️

❗️Ny antony azo androahana mpiasa❗️

Ny fifanarahana asa tsy voafetra (CDI) dia azo tapahina noho ny antony efatra lehibe :

- Ny fandroahana (licenciement) izay fanapahan-kevitry ny mpampiasa .
- Ny fametrahana fialana(démission) izay fanapahan-kevitry ny mpiasa .
- Ny fifanarahan'ny roa tonta.
- Ny force majeure (trangan-javatra tsy azo anindry paika) izay ny fitsarana no manamarina azy.

🟣Ny fomba fiasa tsy maintsy arahina (Procédure)

Mba ho ara-dalàna ny fandroahana mpiasa iray, dia tsy maintsy manaja ireto dingana ireto ny mpampiasa:

- ✔️Fampahafantarana an-tsoratra:Tsy maintsy mampilaza an-tsoratra ny mpiasa ny mpampiasa ary milaza ny antony mazava nandroahana azy
- ✔️Zo hiaro tena:Alohan'ny handroahana mpiasa iray (raha tsy misy conseil de discipline ao amin'ny orinasa), ny mpampiasa dia tsy maintsy miantso ny mpiasa hanaovana dinika mialoha (entretien préalable). Tsy maintsy mampilaza 3 andro mialoha ny mpampiasa, ary manan-jo hitondra olona hanampy azy ny mpiasa
- ✔️Fe-potoana fampitandremana (Préavis):Tsy maintsy misy ny préavis mialoha ny hialana, afa-tsy raha misy fahadisoana goavana (faute lourde) . Raha tsy manaja ny préavis ny mpampiasa, dia tsy maintsy mandoa onitra mitovy amin'ny karama tokony ho azony tao anatin'izany fe-potoana izany izy.

🟢Ny zon'ny mpiasa voaroaka

Rehefa voaroaka ny mpiasa iray, dia manan-jo hahazo ireto manaraka ireto izy amin'ny andro fialany :

- ✔️Ny solon'ny karama sisa tsy voaloa hatramin'ny andro nialany
- ✔️Ny onitry ny fialan-tsasatra tsy mbola nampiasaina (indemnité compensatrice de congé).
- ✔️Ny onitry ny préavis (raha tsy nampiasain'ny mpampiasa izy)
- ✔️Ny onitry ny fandroahana (indemnité de licenciement) ho an'ireo voaroaka noho ny antony ara-toekarena na fitsaharan'ny orinasa: 10 andro karama isaky ny taona niasana (saingy tsy mihoatra ny 6 volana karama)
- Ny Certificat de travail sy ny Attestation provisoire d'emploi (mandritra ny préavis)

🔴Ny fandroahana tsy ara-dalàna (Abusif)

Raha voaroaka ny mpiasa nefa tsy misy antony marim-pototra sy matotra, na tsy voahaja ny fomba fiasa voalazan'ny lalàna, dia lazaina fa abusive izany fandroahana izany. Amin'izay tranga izay:

- ✔️Afaka mitaky onitra (dommages-intérêts) any amin'ny Fitsarana ny mpiasa
- ✔️Ny mpampiasa no tsy maintsy manaporofo eo anatrehan'ny mpitsara fa ara-dalàna ny fandroahana nataony

🟡Ireo mpiasa voaro manokana

- ✔️Solontenan'ny mpiasa: Tsy azo roahina ny mpanolotsain'ny mpiasa na ny mpikambana ao amin'ny comité d'entreprise raha tsy mahazo alalana avy amin'ny Inspecteur du Travail.
- ✔️Vehivavy bevohoka: Voarara ny mandroaka vehivavy bevohoka raha vao fantatra amin'ny alalan'ny taratasy fitsaboana izany, afa-tsy raha misy antony hafa lehibe tsy misy ifandraisany amin'ny maha-bevohoka azy

Raha misy fifanolanana, dia tsy maintsy mandalo amin'ny Inspection du Travail aloha ny raharaha mba hitadiavana marimaritra iraisana (conciliation) alohan'ny ampiakarana azy any amin'ny Fitsaran'ny asa

Address

Mahamasina
Antananarivo

Website

Alerts

Be the first to know and let us send you an email when Prime Juridique Mada posts news and promotions. Your email address will not be used for any other purpose, and you can unsubscribe at any time.

Shortcuts

Share

Category