مكتب العدول جكارطا وجدة

07/04/2026

05/04/2026

زوار صفحتنا الكرام، بما أن خدمة ماسنجر ستتوقف عن الخدمة و حرصا منا على البقاء على تواصل معكم، يمكنكم تقديم اسئلتكم و استفساراتكم على خدمة الواتساب في الرقم التالي 00212661715944

03/04/2026

نعلن مكتب العدول جكارطا اننا سنستأنف العمل ابتداء من يوم الاثنين 6 ابريل لأسبوع واحد فقط، حيث سيخوض السادة والسيدات العدول اضرابا مفتوحا ابتداء من يوم الاثنين 13 ابريل

27/11/2025

الرسوم لي تايحرروها السادة العدول لاتكتسب الصفة الرسمية حتى يخاطب عليها قاضي التوثيق.

27/11/2025

المحكمة منين تايجيها ملف ديال القسمة ديال شي عقار باش تنهي حالة الشياع ، ملزمة تدير قسمة عينية هي اللولى وحتى إلى كان شي مانع عاد تاتدوز لقسمة التصفية وضروري تعلل علاش مادارتش القسمة
العينية.
يعني ماشي ندوزو لقسمة التصفية وكان ممكن العقار يتقسم عينيا .

نعطيو مثال للتبسيط ، أرض كبيرة الشركاء فيها عشرة أشخاص ، هنا القسمة العينية ممكنة ، كل بحسب نصيبه غاياخذ مساحة معينة وتنتهي لينا حالة الشياع ، اذن فهاد القضية مثلا خاص ضروري المحكمة تقسم قسمة عينية ماشي تمشي لقسمة التصفية لي هي يتباع العقار وكل ياخذ فلوسو بحسب نصيبه ، ولكن نديرو هاد الشركاء عندهم شقة ، صعيب هنا تتدار قسمة عينية فهنا المحكمة غاتقسم قسمة تصفية ولكن ضروري تعلل علاش مادارتش القسمة العينية اما بسبب مانع قانوني ولا طبيعة الشيء ولا تعذر إنتفاع كل شريك بحصته إلخ .

25/11/2025

قلنا لي مامذكورش فالرسم العقاري بحالا ماكينش ، دعوى التسجيل في الرسم العقاري لا يطالها التقادم.

شريت أرض محفظة ، ماتمش تسجيل هاد عقد البيع بالرسم العقاري إذن بحالا ماكينش، جلست عشرين سنة عاد عرفت أنه خاصني نمشي نسجل البيع بالرسم العقاري ، هنا المحافظ خاصو يسجل لي هذاك عقد البيع بالرسم العقاري لأنه هاد الأمر لا يطاله التقادم، يعني مايمكنش شي واحد يطعن ويقول لا حكا فاتت 15 سنة إلخ.

25/11/2025

عندك حق عيني ولا إرتفاق معين مذكور فالرسم العقاري سمعتك راه كاين ، مامذكورش فالرسم العقاري راه في نظر القانون ماكينش.

جميع الأفعال الإرادية والاتفاقية التعاقدية الرامية إلى تأسيس حق عيني أو نقله إلى الغير لا تنتج أي أثر ولو بين الأطراف إلا
من تاريخ تسجيلها على الرسم العقاري.

أمثلة على هاد الحقوق والإرتفاقات :
حق الملكية دوزتيه بيع شراء هبة صدقة إلخ ،حق السطحية، حق الهواء، حق الزينة ، حق المرور ، الكراء الطويل الأمد لي عنده طبيعة ووصف عيني أما الكراء العادي لي تانعرفو جميعا راه حق شخصي ماداخلش فهاد الحقوق

31/10/2025

السبب غير المشروع يفسد الإلتزام

واحد الشخص وصى لصاحبته بثلث التركة دياله ، هنا بعد الوفاة يقدروا الورثة يطالبوا ببطلان الوصية لأن سببها غير مشروع و تتنافى مع الأخلاق الحميدة و النظام العام المغربي اللي لايعترف بشي حاجة اسمها الخليلة.

31/10/2025

التمسك بالأمية حق شخصي يعني مرتبط بالشخص ، مثال أنا شخص أمي درت واحد العقد معين ، وبغيت من بعد نطالب بإبطال العقد لأنني كنت أجهل شنو فيه هنا ممكن ، ولكن لنفترض مت و الورثة دياولي بغاو يطالبو بإبطال عقد درتو لسبب أنني أمي هنا لايمكن ، لأن التمسك بيه فقط حق شخصي

31/10/2025

العقد اللي تيحرره محامي يعتبر محرر عرفي ثابت التاريخ ماشي محرر رسمي
عقدي الهبة والصدقة خاص يكونوا فمحرر رسمي وبالتالي يحررهم استاذ عدل او موثق