OUJDA Consulting

OUJDA Consulting Contact information, map and directions, contact form, opening hours, services, ratings, photos, videos and announcements from OUJDA Consulting, Boulevard Mohammed V, N° 30 immeuble Excellence appartemenr 11, 4éme étage, Oujda.
(1)

صفحة خاص بالضرائب والمحاسبة والقوانين (SARL - SARL AU) 🇲🇦🧑‍🎓

تحت إشراف شركة OUJDA CONSULTING 🤝

》خدماتنا : المحاسبة، إغلاق أو تأسيس وتوطين الشركات، الصفقات العمومية...
رقم الواتساب : 0629892231
العنوان : شارع محمد الخامس، مقابل مقهى كولومبو وجدة

10/08/2026

نحيطكم علماً أننا غادي ناخدو عطلة هاد الأسبوع وغادي ترتاحو من منشوراتنا شوي 😂
لي محتاج شي استشارة غير مجانية 😁 يتواصل معانا عبر الواتساب 0629892231 📲
نلقاكم على خير الأسبوع القادم إن شاء الله 🤍

10/08/2026

دق ناقوس الخطر على أصحاب المداخيل الغير مصرّح بها وماعندهوم حتى نظام ضريبي، بدات تجيهوم المراجعة الضريبية... 🕵
والمشكل أنه فاش تجيك مراجعة خاصك تخلص الضرائب والغرامات حيت مكايبقالك حتى شي حل آخر 🤷🏻‍♂️

10/08/2026

أفضل حل باش ماتخافوش من الضرائب هو تعلمو المحاسبة 👨‍🏫
الحاجة زينة فهاد المهنة أنها كاتخليك تعرف شحال ممكن تخلص ديال الضرائب قبل ماتبدا تبيع وتشري 😌

09/08/2026

الأعراس كترو هاد ليامات 👰‍♂️🤵
ياك ما نبدا نشرحلكوم مدونة الأسرة 😁

09/08/2026

نطالب من المسؤولين أن يكون في مشروع قانون المالية لسنة 2027 تخفيضات ضريبية على جميع الشركات SARL الصغيرة التي لايتعدى رقم معاملاتها السنوي 2 مليون درهم 🕵✌️

》Cession de parts sociales 💰》هذا الشرح تتمة لهذا الموضوع 👇 https://www.facebook.com/share/p/17pkCSFG1s/》كما قلنا سابقاً ...
09/08/2026

》Cession de parts sociales 💰

》هذا الشرح تتمة لهذا الموضوع 👇
https://www.facebook.com/share/p/17pkCSFG1s/

》كما قلنا سابقاً أنه باش تقدر تبيع الحصص ديالك فالشركة بلا ماتخلص مصاريف التسجيل على عقد بيع الحصص
Acte de Cession de parts sociales
خاصك تجيب واحد الشهادة من إدارة الضرائب سميتها : شهادة لشركة لا يغلب عليها الطابع العقاري وليست بشركة عقارية شفافة 🏗🙅‍♂️

باش نعرفو فوقاش كايكون عندنا الحق ناخدو هاد الشهاد خاص نفهمو المعنى القانوني ديال شركة يغلب عليها الطابع العقري وكذلك خاص نفهمو معنى شركة عقارية شفافة 👇👨‍🏫

▪︎ مفهوم شركة يغلب عليها الطابع العقاري : 🏢

👨‍⚖️ تعتبر شركات يغلب عليها الطابع العقاري كل شركة يتكون إجمالي أصولها بنسبة 50% على الأقل من قيمتها المحددة عند افتتاح السنة المحاسبية التي تم خلالها التفويت المفروضة عليه الضريبة من عقارات أو سندات مشاركة صادرة عن الشركات ذات الغرض العقاري... أو عن شركات أخرى يغلب عليها الطابع العقاري

ولا تعتبر في ذلك العقارات المخصصة من لدن الشركة التي يغلب عليها الطابع العقاري لاستغلالها الصناعي أو التجاري أو الحرفي أو الفلاحي أو لمزاولة مهنة حرة أو لإسكان مستخدميها المأجورين

✅️ بمعنى آخر الشركات التي يغلب عليها الطابع العقاري هي لي عندها سندات وعقارات لا تقوم باستغلالها ولي القيمة ديالهوم أكبر من 50% من Total actif

▪︎ مفهوم شركة عقارية شفافة : 🏗

👨‍⚖️ الشركات ذات غرض عقاري مهما كان شكلها، والتي ينقسم رأس مالها إلى حصص مشاركة أو أسهم إسمية:

​أ ) إذا كانت أصولها متألفة إما من وحدة سكنية يشغلها كلها أو جلها أعضاء الشركة أو بعضهم وإما من أرض معدة لهذه الغاية

​ب) إذا كان غرضها ينحصر في القيام باسمها بتملك أو بناء عقارات جماعية أو مجموعات عقارية وينص نظامها الأساسي على تمكين كل عضو من أعضاءها المعينين بأسمائهم من حرية التصرف في جزء العقار أو المجموعة العقارية المطابق لحقوقه في الشركة. ويتكون كل جزء من وحدة أو وحدات معدة لاستعمال مهني أو للسكنى يمكن استخدامها لذلك على حدة

✅️ بمعنى آخر الشركات العقارية الشفافة هي الشركات العقارية مثل الضحى، العمران... والتجزءات السكنية مثل تجزئة فلان...
وكذلك يطلق إسم الشركات العقارية الشفافة يطلق على شركة فيها عدة أشخاص باغيين يبنيو عقارات باش يخدمو فيها أو يسكنو فيها...

》خلاصة 🕵 : هاد جوج مفاهيم كايوضحولنا الأشخاص لي ماغاديش ياخدو هاد الشهادة، وفي حال بغاو يبيعو الحصص ديالهوم فالشركة خاص يخلصو نسبة 5% أو 6% عاد باش يقدرو يسجلو عقد بيع الحصص، وهذا هو الهدف من طلب هذه الشهادة قبل مادوز بيع حصص الشركة

》القالب 🧘‍♂️ : إدارة الضرائب زادت واحد القالب لي حتى واحد ماردلو البال وهو أنه باش تاخد هاد الشهادة خاص تكون مسوي الوضعية ديالك ومخلص الضرائب...

واش هاد شي قانوني ولا لا، أنا كانقول قانوني حيت من حقها تمنع إعطاء الشواهد للشركات النائمة أو لي مامقاداش...

》الإختلاف 🤦🏻‍♂️ : حالياً وعند كتابتنا لهذا الموضوع كاين إختلاف بين المدن، البعض كايدوزو تسجيل عقود بيع الحصص لشركات وخا مامقاداش المهم تخلص ديك 5% أو 6%

وكاين بعض المدن مكايدوزوش تسجيل العقد بدعوى أن الشركة مامقاداش، منين جابو هاد شي الله أعلم 🙆🏻‍♂️

》الحل 💡 : أنا كانشوف أن هذا ماشي مشكل بل قصوحية الراس، حيت آداء رسوم التسجيل ماعندو حتى علاقة بالضرائب الأخرى، ولحد ساعة لايوجد قانون يمنع آداء رسوم التسجيل لشركة مامقاداش...

وحتى الشهادة لي زادوها ماعندها حتى علاقة بالشركات لي مامقادينش، وعلى سبيل المثال إذا كانت الشركة عقارية ومقادة وماعطاوهاش الشهادة، واش مايدوزلهاش التسجيل 🤔

هذا من جهة، ومن جهة أخرى راه حتى المدونة العامة للضرائب تقول أنه يجب تسجيل العقود والتصريحات يوما بيوم وبالتتابع بمجرد تقديمها للتسجيل، و​لا يجوز لمفتشي الضرائب المكلفين بالتسجيل أن يؤجلوا القيام بإجراء التسجيل إذا كانت العناصر اللازمة لتصفية الضريبة مبينة في العقود أو التصريحات... 📝

》تنبيه 🚨 : نرجوا من المحاسبين وخبراء المحاسبين وموضفي الإدارات أنهم مايبقاوش يطبقو القوانين حسب رغبتهم وهواهم، لأن مثل هذه الإختلافات تكون كارتية وعندكوم الزهر أن الشعب مكايدفعش شكاية فاش تقولولو ماندوزولكش تسجيل عقد بيع الحصص والشركة مامقاداش أما كون راكوم تخلصو فالغرامات بسبب تعطيل الخدمات على ولاد الشعب. 🤌


08/08/2026

في التعليق تحت سوف تجدون شرح مستجدات قوانين بيع الشركات 🕵
Cession de parts sociales 💰

08/08/2026

مجموعة الواتساب مدفوعة حيت كانواكبو فيها أصحاب الشركات الصغيرة فرداً فرداً 👨‍🏫
أما مجموعة الفيسبوك راه مجانية تقدرو تلوحو فيها العروض والأسئلة ديالكوم، رابط المجموعة تحت 💬👇

08/08/2026

باش تبيع شركة مامقاداش وكايتسالوها ضرائب ضاروري خاصك دير واحد المحضر تكتب فيه شحال عليها ديال الضرائب وتعطيه للمسير الجديد يطالع عليه 🕵
باش نهار يسولوك تقولهوم بعتهالو بديون ديالها وهو قبل 🤷🏻‍♂️

07/08/2026

السؤال ديال الليلة نتوما لي غادي تجاوبوني عليه 👇
شنو هو الرأي ديالكوم في المحاسبين لي ديجا تعاملتو معاهوم ؟ زوينين، خايبين...؟ 🤔
خليو الرأي ديالكوم فالتعليق باش يوصل للمحاسبين 💬👇

Address

Boulevard Mohammed V, N° 30 Immeuble Excellence Appartemenr 11, 4éme étage
Oujda
60000

Telephone

+212629892231

Website

Alerts

Be the first to know and let us send you an email when OUJDA Consulting posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to OUJDA Consulting:

Shortcuts

Share