03/06/2023
🖲️🖲️ مهم جدا بارطاجيو باش تحميو ناس من سرقة 🔥🔥
شنو هوما جوج حوايج لي كقدرو يخليو حساب بنكي ديالك اتسرق بسبب بطاقة البنكية ؟
بزاف الناس كتفاجئو شي نهار ان الحساب البنكي ديالهم تعرض للسرقة الشي لي كخليهم فصدمة خاصة انه من بعد ما كمشيو بنكة ، فهم كلقاو انها لا تتحمل المسؤولية و ان الغلط و الخطأ كامل كيكون من قبالهم لانهم تعاملو مع حسابات ديالهم بطريقة خاطئة .
اولا خاصنا نعرفو ان كاع الابناك اقدر اتختارق ليك فيها حساب ديالك الى مامنتيش حسابك شخصي و كنتي حريص عليه لذلك هاذ اجراءات معنية بكاع الابناك
لذلك خاصنا نعرفو البطاقة البنكية لي عندنا و خصائص ديالها ، حيث ماشي كاع بطاقات فحال فحال ، ولكن مع تطور لي كنعشوه اليوم ولات اغلب البطاقات الرائجة في السوق بين الشباب كتحمل نفس خصائص اي انها دولية و تقبل الدفع بدون تماس و هنا خاص نركزو على هاذ نوع دفع .
حيث الى طاحت ليك البطاقة واخا يكون هاذاك لي لقاها معندوش كود ديالها فراه عندو حق اشري فحدود 600 درهم من متاجر و من tpe ، يعني شحال من واحد طاحت ليه كارط و محبسهاش كتفاجءكلقا حساب ديالو خاوي حيث لي لقاها دوز بيها عمليات فمتاجر ولا محطات وقود ... حتا كخويها .
و الحل هنا هو انك تحاول تلغي هاذ خاصية من تطبيق او عالاقل حتا تبغي تخدمها و عاود لغيها و بالنسبة الناس كبار لي معندهمش ثقافة فمجال حاولو انكم توقفوها ليهم هكا ايبقا حساب ديالهم مامن
اما بالنسبة الخاصية الثانية ولي هي خطيرة على الحساب البنكي هي البطاقة لي فيها خاصية التجارة الدولية بمعنى تقدر تشري من انترنت بيها ، هاذ نوع بطاقات خصك تحاول تخبيها و متخليهاش فمتناول العموم ، حيث كاين مواقع ماشي 3d اي انها مكتطلبش كونفيرماسيون ديال sms باش تدوز عمليات الشراء و هنا اي واحد طاح فدوك معلومات ديالها غادي اخويها .
حاول ما امكن ديما تسد dotation و و فتحها فقط ملي تكون باغي تشري شي حاجة من انترنت و رجع سدها
هكا غادي تكون حميتي راسك و ناس لي قراب ليك من سرقة اموال ديالكم.
متنساش تبارطجي مع ناس لي قراب ليك باش اوعاو بهاذ المسألة
