26/08/2026
ملي كاتبغي تخدم قانوني ⚖ تحت أي نظام ضريبي غادي يخصك ضروري واحد العنوان مهني 📫، كاين لي كيتاجه 🏃 للتوطين وكاين لي كايتاجه 🏃♂️➡️ للكراء...
غادي نتكلم مع أصحاب الكراء 🎯 لأنه كاين واحد الخطأ فادح ⚠ لي من الممكن إكون فعقد الكراء ولي غادي يكلفك مبالغ كبيرة 💵 إتجاه مديرية الضرائب
الأمر كايتعلق 👈 بواجبات التسجيل أو مايعرف ب les droits d'enregistrement
كأي عقد 📄 ضروري أنك تقوم بتسجيل ⌨ عقد الكراء وبطبيعة الحال تخلص عليه 💸 واجبات التسجيل وذلك داخل أجل 30 يوم ⏱ من تاريخ إبرام 📝 هاد العقد
لي معروف 🤷♀️ هو أن واجبات التسجيل بالنسبة لكراء محل أو شقة من أجل ممارسة مهنية هي 200 درهم ولكن بشرط 💣 وهاد الشرط هو لي ما تحققش عند بزاف ديال الأشخاص لي لقاو راسهوم مطالبين بمبالغ إضافية 🫰 ديال رسوم التسجيل
✅ الشرط كايتعلق بمدة الكراء 📅 لي كاينة فالعقد ولي ضروري تكون محددة 🎯 باش تخلص غير 200 درهم فالتسجيل
✅ أما فحالة غياب 🌪️ مدة الكراء فالعقد أو أنه تكون مشار إلى أنها غير محددة المدة هنا✋كاتغير طريقة حساب واجبات التسجيل بحيث أن الوعاء لي غادي تحسب عليه غادي يولي إساوي 20 مرة السومة الكرائية السنوية زائد تكاليف التجهيز ديال داك المحل
نقرب ليك 🔎 الصورة بمثال باش تشوف الفرق :
✅ كريتي واحد المحال ب 000 3 درهم للشهر و عقد الكراء محددة فيه مدة الكراء غادي تخلص 200 درهم فالتسجيل 💪 (غادي تزادك واحد 20 درهم على كل ورقة من العقد ديال التمبر)
✅ كريتي نفس المحال ب 000 3 درهم للشهر ولكن ما حددتيش مدة الكراء ⚠ وبالتالي :
🔹 غادي نحسبو أولاً السومة الكرائية السنوية لي هي 000 3 درهم مضروبة ف 12 أي 000 36 درهم
🔹 لي غادي نضربوها بدورها ف 20 وغادي نخرجو ف 000 720 درهم
🔹 هاد المبلغ الأخير غادي نضربوه ف 5% لي هو سعر واجب التسجيل فهاد الحالة وبالتالي غادي تخلص 000 36 درهم (للتبسيط هنا مادخلتش تكاليف التجهيز لأن المبلغ غادي يزيد إكبر)
🔹ونتا غادي تكون خلصتي 200 درهم وفرحان 😂 حتى كاتفاجأ 😱 بهاد المبلغ أو أكثر إلا زدنا عليه غرامات التأخير
..وتفكر بلي مديرية الضرائب ماعندهومش آ حقا نسيت أو غلطت فالعقد...
إذن قبل ما تخدم قانوني تحرى المهنيين 👔 لي عندهوم كفاءة باش ماطيحش فبحال هاد الأخطاء البايخة 😏 ولي كاتكلفك بزاف
✍️ Simofinance
