فرع جوازات طرابلس

10/09/2025

تفكر إدارة الصفحة في تمكين الأعضاء من النشر على الصفحة ليستفيد الجميع من تجارب بعضهم البعض وتبادل المعلومات والفائدة، واكن الخوف كل الخوف من المنشورات الجانية والتي قد لا تكون ذات فائدة.

06/05/2025

يوميات موظف متكسر على راسه القلّال!..

(البطاقة الكبيدة) 🥰🌹

المواطن: السلام عليكم.

الموظف: وعليكم السلام!

المواطن: بالله نبي نجدد بطاقتي. تجددوا؟!

الموظف: ايه نجددوا تفضل.

المواطن: باهي بعد ما نجددها تردواهالي؟!

الموظف: لا والله ممنوع، لازم يتم التحفظ عليها.

المواطن: والله ما خاطري نجددها.

الموظف: براحتك. لكن المصالح الحكومية التانية مش حيقبلوا القديمة.

المواطن: يعني لازم نجدد.

الموظف: أكيد.

المواطن: باهي البطاقة الاولى وين بتمشي؟ وين بتحطوها نخافها اضيع منكم.!!

الموظف: لا موجودة في الحفظ والصون بتخش للأرشيف بتموت غادي ما عندها وين تمشي.
.المواطن طلع الورق..

الموظف: الصور الشخصية هادوا ما يمشوش لازم تجيب جدد.

المواطن: علاش وجهي هو نفسه واني واقف قدامك.

الموظف: ملامحك تغيرت، ليها عشرين سنة الصورة.

المواطن: لكن اني عاجبتني! ونبيها هي نفسها.

الموظف: برا صور بطاقتك الاولى ملونة من الجيهتين، وجيب نغلفوهالك ودسها عندك وكإنك ما جددتش وخود الجديدة معاك.

المواطن: لا لا خلاص مش لازم تو نجددها وخلاص.


-المواطن استلم البطاقة تاني يوم .. ورجع بعد يومين-..

المواطن: يا خوي نبي بطاقتي الاولى ما صارليش من التجديد!.

الموظف: يا خونا البطاقة تجددت وتم.

المواطن باهي خودوا هادي الجديدة واعطوني الاولى، ردوهالي.

الموظف: ما يجيش منه الكلام هدا يا راجل، شن تقول انت؟!!

المواطن: باهي وين مديركم؟ نبيه!

-تم إرسال المواطن لمكتب المدير، ولم يعد-.

12/06/2024

غدا الخميس في تقديم ما لم يستجد جديد.

19/04/2024

ردا على استفسارات الرسائل..

التقديم على المنظومة يسبق التصوير، لاستبيان وتفادي الاختلاف في الاسم او تاريخ الميلاد او لإضافة اسم الجد أواللقب.

العملية هادي وبعد قبول المعاملات، ان وجد ما يستدعي التعديل، تمر بمرحلة التعديل عن طريق منظومة مستحدثة يتم فيها مراسلة الادارة واخطارهم بالتعديل وذلك بمسح جميع المستندات (سكانر) وارسالهم عبر المنظومة للادارة العامة.

بعدها يتم عرضهم على قوائم للنائب العام وبعد التثبت يتم الرد من مكتب النائب العام بلا مانع من التعديل حيث يتم التعديل من مكتب السيطرة بالإدارة.

ثم تأتي مرحلة التصوير وهي الأخيرة.

19/04/2024

حتى التلاميذ خشوا ع الدوام الكامل..

قرار وزير التعليم بتنفيذ الدوام الدراسي الكامل من بداية من العام المقبل، مع أو ضد؟

08/04/2024

دعوات المواطن المظلوم مهضوم الحق، لكم منها نصيب ولن ترحمكم يوم يقوم الحساب، سيذلكم الله كما أذللتم البشر..

12/09/2023

12/09/2023

ربي يلطف لا تصير كارثة تانية .. بلاد مافيهاش هليكوبتر الشفاعة يا رسول الله؟؟؟؟؟!!!!!

11/09/2023

لا أعلم صحة المعلومة، ولكن وجب التحذير على كل حال.. اللهم لطفك بعبادك..

27/07/2023

وزارة التعليم تتيح للراسبين في أكثر من ثلاث مواد اجراء امتحان الدور الثاني..