02/07/2026
ඔබත් වීසා නොමැතිව දකුණු කොරියාවේ සේවය කරනවානම් මේ කරුණු ටිකත් හරියටම දැනගෙන ඉන්න. 🤗
වීසා නොමැතිව සේවය කළ නමුත් ඔබටත් කම්කරැ අයිතීන් සදහා ඉල්ලුම් කිරීමට හැකියාව තියෙනවා. සිදු වූ අසාධාරණයන් සදහා සහනයක් ලබාගැනීම. හිග වැටුප්, පාරිතෝෂික (ත්වේචික්ගම්) යොන්චා වැනි කම්කරුවෙකුට හිමිවන අයිතීන් ඔබටත් අයිති විය යුතුයි යන්න කොරියාවේ නීතියයි.
නමුත් ඒ සදහා ඔබ සූදානම් වී සිටිය යුතුයි, ඔබ නීත්යානුකූල ලියකියවිලි වල සදහනක් නොමැති හෙයින් ඔබගේ ආරක්ෂාව ඔබ සපුරාලාගන්නේනම් ඔබට නීතියේ ආරක්ෂව ලබාගත හැකියි.
හදිසියේ සේවයෙන් ඉවත් කිරීමකදී හෝ, වැටුප් නොගෙවා සිටීම, පාරිතෝෂික ගෙවීම් (ත්වේචික්ගම්) නොගෙවා සිටීම වැනි අවස්ථාවක පහත සදහන් දේවල් සිදු කර තිබීම වැදගත් වේ.
✅ සේවයට වාර්ථා කිරීම සනාත කළ හැකි සාක්ෂි ළග තබාගන්න (දිනය ස්ථානය සහිත ඡායාරූප, තමන්ගේම දින සටහනක සදහන් කරගත් වේලාවන්, ආයතනයේ සටහන්කාඩ්පතක් ඇත්නම් එහි ඡායාරූප වැනි)
✅ සේවා ස්ථානයේ අවට, නම්පුවරු, තමන් සේවය කරන ආකාරය, ආයතනයේ ප්රධානීන් සමග ලබාගත් ඡායාරූප වැනි සාක්ෂි ලෙස ලබාගත හැකි ඡායාරූප ළග තබගන්න.
✅ ඔබට සිදුවන අසාධාරණකම් වීඩියෝපට හෝ හඩපට ලෙස ලගතබාගන්න. (සේවයෙන් ඉවත් කිරීම, පඩි නොදෙනවායැයි දැනුම්දීම, ත්වේචික්ගම් ලබාගන්න බැරි බව දැනුම්දීම, හිරිහැර කිරීම් වැනි)
✅ අත්සන් කිරීමට ලබාදෙන ලේඛන දෙවරක් පරීක්ෂා කරන්න. ඒ මොහොතේම අත්සන් නොකර කොරියන් භාෂාව සහ නීතිමය තත්වයන් පරීක්ෂා කරගත හකි කෙනෙකු හරහා පරීක්ෂා කරගන්න. (අපට සහය විය හැක)
