ATCam Consulting

28/06/2026

ដើម្បីផ្លាស់ប្តូរជីវិត និងរៀបចំអនាគតរបស់អ្នក ចូរអនុវត្តសកម្មភាពទាំងនេះនៅកន្លែងស្ងាត់ (ក្រៅពីគ្រែគេង)៖
• ១. ភាពស្ងប់ស្ងាត់ (Silence)៖ ធ្វើសមាធិ ឬអង្គុយដកដង្ហើមវែងៗ ៥នាទី ដើម្បីកំណត់ឡើងវិញនូវប្រព័ន្ធខួរក្បាល។
• ២. ការប្រកាសវិជ្ជមាន (Affirmation)៖ និយាយប្រយោគលុបបំបាត់ការគិតអវិជ្ជមាន និងសាងទំនុកចិត្តលើខ្លួនឯង។
• ៣. ការស្រមៃមើលភាពជោគជ័យ (Visualization)៖ បិទភ្នែកស្រមៃមើលឃើញទាំងលទ្ធផលជោគជ័យចុងក្រោយ និងទាំង «សកម្មភាពតូចៗ» ដែលយើងត្រូវប្រឹងប្រែងធ្វើ។
• ៤. ការហាត់ប្រាណ (Exercise)៖ ធ្វើចលនារាងកាយបន្តិចបន្តួច ដើម្បីឱ្យឈាមរត់ស្រួល និងបញ្ចេញញើសដាស់ថាមពល។
• ៥. ការអាន (Reading)៖ អានសៀវភៅអភិវឌ្ឍន៍ខ្លួនយ៉ាងហោចណាស់ ១០ទំព័រក្នុងមួយថ្ងៃ ដើម្បីក្រេបជញ្ជក់យុទ្ធសាស្ត្រពីអ្នកជោគជ័យ។
• ៦. ការសរសេរ (Scribing)៖ សរសេរកំណត់ហេតុពីអ្វីដែលយើងដឹងគុណក្នុងថ្ងៃនេះ ឬគោលដៅសំខាន់ៗដែលត្រូវធ្វើ។

💡 រូបមន្តបត់បែន ៦នាទី (សម្រាប់ថ្ងៃប្រញាប់ខ្លាំង)៖
ចំណាយពេលត្រឹមតែ ១នាទីក្នុងមួយចំណុច ទៅលើ៖ ភាពស្ងប់ស្ងាត់ ➔ ការប្រកាសវិជ្ជមាន ➔ ការស្រមៃ ➔ ការសរសេរ ➔ ការអាន ➔ ការហាត់ប្រាណ។

អគុណណាស់សម្រាប់ការអានអត្ថបទមួយនេះ📖🙏

👇
Like - share follows ដើម្បីទទួលបានចំណេះដឹងល្អៗថ្មីៗមុនគេ

ដោយ " ផ្នត់គំនិតភូមថ្មី 📚

#ពេលព្រឹកដ៏អស្ចារ្យ #ទម្លាប់ល្អប្រចាំថ្ងៃ☺️👩🏻‍🏫 #អភិវឌ្ឍខ្លួនឯង១ថ្ងៃ១

27/06/2026

សីលធម៌ និងសុជីវធម៌មូលដ្ឋានក្នុងសង្គម ដែលអ្នកគួរប្រតិបត្តិ ​នៅក្នុងទំនាក់ទំនងសង្គម ទោះបីជាយើងមានចំណេះដឹងខ្ពស់កម្រិតណាក៏ដោយ អ្វីដែលធ្វើឲ្យមនុស្សម្នាក់មានតម្លៃពិតប្រាកដ គឺ "សុជីវធម៌"។ ខាងក្រោមនេះ គឺជាចំណុចមូលដ្ឋានទាំង ១៥ ដែលយើងគួរយល់ដឹង និងយកមកអនុវត្តប្រចាំថ្ងៃ៖

​១. ការហៅទូរស័ព្ទ៖ កុំខលទូរស័ព្ទទៅនរណាម្នាក់ជាប់ៗគ្នាលើសពី ២ ដង លើកលែងតែមានរឿងបន្ទាន់ដល់អាយុជីវិត។ គេអាចកំពុងជាប់រវល់ ឬដល់ម៉ោងសម្រាកដែលមិនងាយស្រួលទទួលទូរស័ព្ទរបស់អ្នក។

​២. សិល្បៈនៃការរិះគន់៖ កុំបន្ទោស ឬរិះគន់នរណាម្នាក់នៅចំពោះមុខអ្នកដទៃ ព្រោះវាធ្វើឲ្យពួកគេមានអារម្មណ៍ខ្មាសអៀន និងបាក់មុខយ៉ាងខ្លាំង។ ចូររៀនពីទស្សនៈដែលថា៖ "រិះគន់ក្នុងទីកំបាំង សរសើរក្នុងទីចំហ"។

​៣. ស្នាមញញឹម ប្រសិនបើអ្នកកំពុងដើរចូល ហើយឃើញមានអ្នកដើរពីក្រោយ។ សកម្មភាពតូចតាចនេះ ជាមន្តស្នេហ៍ដ៏សាមញ្ញដែលធ្វើឲ្យអ្នកមើលទៅជាមនុស្សថ្លៃថ្នូរ និងមានការអប់រំខ្ពស់។

​៤. ការញ៉ាំអាហាររួមគ្នា៖ ពេលមានគេប៉ាវញ៉ាំអាហារ គួរទុកកិត្តិយសឲ្យអ្នកចេញលុយជាអ្នកកុម្ម៉ង់មុខម្ហូប។ បើគេប្រគល់សិទ្ធិឲ្យអ្នកជ្រើសរើស ចូររើសមុខម្ហូបណាដែលមានតម្លៃសមរម្យ (មិនថ្លៃពេក)។

​៥. ការរក្សាគម្លាតសង្គម៖ ចៀសវាងសួរសំណួរឯកជនភាព ប្រសិនបើអ្នកមិនទាន់ស្និទ្ធស្នាលគ្រប់គ្រាន់។ សំណួរដូចជា៖ ធ្វើការអី? ប្រាក់ខែប៉ុន្មាន? ពេលណាទិញផ្ទះ ទិញឡាន? ពេលណារៀបការ? ពេលណាយកកូន? សុទ្ធតែជាសំណួរដែលបង្កភាពតានតឹងដល់អ្នកស្ដាប់។

​៦. គោរពសិទ្ធិឯកជនលើទូរស័ព្ទ៖ ប្រសិនបើអ្នកមានឱកាសកាន់ទូរស័ព្ទអ្នកដទៃ (សូម្បីតែគេហុចឲ្យមើលរូបថត) ដាច់ខាតកុំអូសរំលងឆែកមើលសារ ឬកកាយរឿងផ្ទាល់ខ្លួនរបស់ពួកគេឲ្យសោះ។

​៧. ការផ្ដល់កម្លាំងចិត្ត៖ ធ្វើជាអ្នកស្ដាប់ដ៏ល្អ តាំងចិត្តស្ដាប់បញ្ហារបស់គេ ទោះបីជាអ្នកមិនអាចជួយដោះស្រាយបានក៏ដោយ។ ឈប់ប្រើពាក្យបន្ថែមទម្ងន់ដូចជា៖ "ឃើញទេ ខ្ញុំប្រាប់ហើយតើ!" ឬ "មកពីធ្វើខ្លួនឯង ជួយមិនបានទេ!"។

​៨. តម្លៃនៃមិត្តភាព៖ កាន់តែស្និទ្ធស្នាល កាន់តែត្រូវរក្សាទឹកចិត្តគ្នា។ មិត្តភាពដែលឋិតថេរយូរអង្វែង គឺជាតម្លៃរតនៈសម្បត្តិដែលត្រូវតែថែរក្សា និងមិនត្រូវមើលរំលងព្រោះតែពាក្យថា "ស្និទ្ធពេក" នោះឡើយ។

​៩. ពាក្យទិព្វទាំងបី៖ "សួស្ដី អរគុណ សុំទោស" ជាពាក្យពេចន៍សាមញ្ញៗ ដែលមិនបាច់ចំណាយទុន តែផ្តល់ប្រាក់ចំណេញយ៉ាងធំធេងសម្រាប់ទំនាក់ទំនងក្នុងសង្គម។

​១០. ការវាយតម្លៃរូបរាងកាយ
កុំរិះគន់រូបរាងកាយអ្នកដទៃ ដូចជា៖ ម៉េចក៏មុនច្រើនម៉្លេះ? ម៉េចក៏ខ្មៅម្ល៉េះ? ម៉េចក៏ធាត់ម្ល៉េះ? វាធ្វើឲ្យអ្នកស្ដាប់បាត់បង់ភាពជឿជាក់ និងឈឺចាប់។ បើគ្មានពាក្យល្អនិយាយ ត្រឹមតែស្នាមញញឹម គឺគ្រប់គ្រាន់ហើយ។

​១១. ទំនុកចិត្តលើហិរញ្ញវត្ថុ៖ បើខ្ចីប្រាក់គេ ត្រូវសងឲ្យចំថ្ងៃកំណត់ ឬបើអាច សងមុនកាលកំណត់រឹតតែល្អ។ ត្រូវចាំថា អ្នកដែលហ៊ានឲ្យអ្នកខ្ចីប្រាក់ គឺដោយសារគេមានទឹកចិត្ត និងអាណិតអ្នកក្នុងគ្រាដែលអ្នកកំពុងលំបាក។

​១២. ស្គាល់ទីកន្លែង៖ រក្សាភាពស្ងៀមស្ងាត់នៅទីតាំងសាធារណៈ ដូចជា បណ្ណាល័យ វត្តអារាម មន្ទីរពេទ្យ ឬរោងកុន។ ការបង្កសំឡេងរំខាននៅទីតាំងទាំងនេះ បង្ហាញពីភាពខ្វះសីលធម៌ និងមិនគោរពអ្នកដទៃ។

​១៣. សិល្បៈនៃការសន្ទនា៖ ធ្វើជាអ្នកនិយាយ និងអ្នកស្ដាប់ដ៏ល្អ។ និយាយតែរឿងល្អៗ មានប្រយោជន៍ និងស្ដាប់ដោយយកចិត្តទុកដាក់ ដោយមិនកាត់សម្ដីគេកណ្តាលទី។

​១៤. ការគោរពពេលវេលា៖ ការគោរពពេលវេលា គឺជាការថែរក្សាកិត្តិយសខ្លួនឯងដ៏ល្អបំផុត។ នៅពេលដែលអ្នកយឺតយ៉ាវតែបន្តិច គេនឹងចងចាំរូបភាពមិនល្អនេះរបស់អ្នកជារៀងរហូត។

​១៥. ទម្លាប់គោះទ្វារ៖ ត្រូវមានទម្លាប់គោះទ្វារជានិច្ច មុនពេលបើកចូលបន្ទប់អ្នកដទៃ ទោះបីជាអ្នកមានភាពស្និទ្ធស្នាល ឬជាមនុស្សក្នុងគ្រួសារតែមួយក៏ដោយ។

___ ​💡 គតិបណ្ឌិតប្រចាំថ្ងៃ៖ > "ចង់ជួបមនុស្សបែបណានៅក្នុងសង្គម ចូរចាប់ផ្ដើមធ្វើជាមនុស្សបែបនោះពីខ្លួនអ្នកជាមុនសិន។"
លន់-Lun @អ្នកគាំទ្រពេញនិយម
​ #សុជីវធម៌សង្គម #សីលធម៌រស់នៅ #ការអភិវឌ្ឍខ្លួន #ចំណេះដឹងទូទៅ

22/06/2026

06/06/2026

សូមចាយដោយប្រុងប្រយ័ត្ន!