ប្រតិកម្មរហ័សនៃស្នងការដ្ឋាននគរបាលខេត្តសៀមរាប

24/09/2026

24/09/2026

https://www.facebook.com/share/1DAYwkCPd4/

សូមចុចអាន៖ ប្រវត្តិខ្លះៗ របស់លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប ដែលជាស្នង.....

24/09/2026

https://www.facebook.com/share/v/19b4zdTA91/

21/09/2026

‎យុវតីចំនួន១០ នាក់ ដែលបង្កអំពើហិង្សាស្រាល នៅកន្លែងរាំធុងបាស ក្នុងឃុំស្លែងស្ពាន ស្រុកស្រីស្នំ ត្រូវបាន នគរបាលខេត្តសៀមរាប ប្រមូលយកមកធ្វើការអប់រំណែនាំ
‎
‎អនុវត្តតាមបទបញ្ជា ដ៏ម៉ឺងម៉ាត់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងក្រោមការយកចិត្តទុកដាក់ខ្ពស់ពីសំណាក់ ឯកឧត្តម ប្រាក់ សោភ័ណ ប្រធានគណៈបញ្ជាការឯកភាពរដ្ឋបាលខេត្តសៀមរាប ព្រមទាំងមានការដឹកនាំបញ្ជាផ្ទាល់របស់ លោកឧត្តមសេនីយ៍ទោ ហួត សុធី ស្នងការនៃស្នងការដ្ឋាននគរបាលខេត្តសៀមរាប ។

បន្ទាប់ពីមានករណី ហិង្សាស្រាល (ប្រតាយប្រតប់ និងបោចសក់គ្នា ទៅវិញទៅមក) កាលពីវេលាម៉ោង១៦:០០ នាទី ថ្ងៃទី២០ ខែកញ្ញា ឆ្នាំ២០២៦ នៅកន្លែងរាំធុងបាស់ ត្រង់ចំណុច ប្រាសាទក្បាលបី ស្ថិតនៅភូមិស្លែងស្ពាន ឃុំស្លែងស្ពាន ស្រុកស្រីស្នំ ខេត្តសៀមរាប កម្លាំងនគរបាលនៃអធិការដ្ឋាននគរបាលស្រុកស្រីស្នំ បានចេញអន្តរាគមន៍ភ្លាមៗ ទប់ស្កាត់មិនឱ្យមានអំពើរហិង្សាធ្ងន់ធ្ងរ កើតឡើង។បន្ទាប់មក នៅថ្ងៃទី២១ ខែកញ្ញា ឆ្នាំ២០២៦ កម្លាំងនគរបាល ផែនការងារព្រហ្មទណ្ឌ សហការជាមួយ កម្លាំងនគរបាលព្រហ្មទណ្ឌ នៃអធិការដ្ឋាននគរបាលស្រុកស្រីស្នំ បានបន្តនីតិវិធី ធ្វើការនាំខ្លួន មុខសញ្ញាពាក់ព័ន្ធ ទាំង ២ក្រុម សរុបចំនួន១០ នាក់ មានអាយុចន្លោះពី១៣ ទៅ១៥ ឆ្នាំ មកធ្វើការសាកសួរនាំ ដោយក្រុមទី១ មានគ្នាចំនួន០៤ នាក់ និង ក្រុមទី២ មានគ្នាចំនួន ០៦នាក់៖
‎
‎ក្រុមយុវតីទាំង០២ ក្រុមខាងលើ បានឆ្លើយសារភាពថា៖ ពួកខ្លួនទាំងពីរក្រុម ពិតជាបានធ្វើសកម្មភាពប្រតាយប្រតប់ និងបោចសក់គ្នាទៅវិញទៅមក កាលពីវេលាម៉ោង ១៦:០០នាទី ថ្ងៃទី២០ ខែកញ្ញា ឆ្នាំ២០២៦ ត្រង់ចំណុច ប្រាសាទក្បាលបី ស្ថិតនៅភូមិស្លែងស្ពាន ឃុំស្លែងស្ពាន ស្រុកស្រីស្នំ ខេត្តសៀមរាប ពិតប្រាកដមែន ប៉ុន្តែមិនមានអ្នកណារងរបួសឡើយ។ មូលហេតុដែលបង្កឱ្យមានទំនាស់ គឺកន្លងមកពួកខ្លួនធ្លាប់មានទំនាស់គ្នាតាមបណ្តាញសង្គមហ្វេសប៊ុក។ លុះនៅថ្ងៃកើតហេតុ ពួកខ្លួនបានមករាំធុងបាស់ ហើយបានរាំប៉ះគ្នា ទើបបង្កឱ្យកើតមានជាជម្លោះ និងឈានដល់ការវាយប្រតាយប្រតប់ និងបោចសក់គ្នាតែម្តង។ បន្ទាប់ពីសាកសួរ កម្លាំងជំនាញ បានធ្វើតេស្ត រកសារធាតុញៀន លទ្ធផលអវិជ្ជមាន ទាំងអស់។
‎
‎យោងតាម ការស្នើរសុំធានា ពីអាណាព្យាបាល និងដោយសារ ករណីខាងលើនេះ ជាករណីហិង្សាស្រាល (ពុំមានអ្នករងរបួស) គ្មានការដាក់ពាក្យបណ្តឹង ទៅវិញទៅមក និងដោយមានការ ឯកភាព ពីតំណាងអយ្យការ សាលាដំបូងខេត្តសៀមរាបយុវតីទាំង១០ នាក់នេះ ត្រូវបានអនុញ្ញាត ឲ្យធ្វើកិច្ចសន្យាអប់រំ ហើយវិលត្រឡប់ ទៅលំនៅដ្ឋានវិញ ជាបណ្តោះអាសន្ន ។
‎

21/09/2026

‎សេចក្តីបំភ្លឺព័ត៌មាន ជុំវិញការចុះផ្សាយ របស់គេហទំព័រសារព័ត៌មាន Kulen Daily News ដែលបានចេញផ្សាយអត្ថបទព័ត៌មាន នាថ្ងៃទី២០ ខែកញ្ញា ឆ្នាំ២០២៦ នូវខ្លឹមសារថា៖ «អញ្ចឹងបានថា! ហេតុអ្វីក្មេងទំនើងមិនចេះអស់ពីខេត្តសៀមរាប? ចាប់បាន ៣២នាក់ ប៉ុន្តែបញ្ជូនឡើងតែ ០៧នាក់ ឬថាម្នាក់អស់ ២លានរៀល ចុះ២៨នាក់ ស្មើនឹងប៉ុន្មាន?» ពាក់ព័ន្ធចំពោះការចេញផ្សាយនេះ ក្រុមការងារប្រតិកម្មរហ័ស និងជាអ្នកនាំពាក្យ នៃស្នងការដ្ឋាននគរបាលខេត្តសៀមរាប មានកិត្តិយសសូមជម្រាបជូនថា " នៅវេលាម៉ោង១៤:៥០ នាទី ថ្ងៃទី១៨ ខែកញ្ញា ឆ្នាំ២០២៦ មានករណី ហិង្សាដោយចេតនា និងធ្វើឱ្យខូចខាតដោយចេតនា នៅចំណុចអូរម្នាស់ នៃរមណីយដ្ឋានភ្នំគូលែន ស្ថិតនៅភូមិព្រះអង្គធំ ឃុំខ្នងភ្នំ ស្រុកស្វាយលើ ខេត្តសៀមរាប បង្កឡើងដោយមនុស្សចំនួន០២ ក្រុម បណ្តាលឱ្យមនុស្សម្នាក់រងរបួសស្រាល និងបណ្តាលឱ្យខូចខាតម៉ូតូចំនួន០២ គ្រឿង។ បន្ទាប់ពីទទួលបានសេចក្តីរាយការណ៍ កម្លាំងនគរបាលមូលដ្ឋានបានចេញអន្តរាគមន៍ភ្លាមៗ និងបានឃាត់ខ្លួនមុខសញ្ញាក្រុមទី១ ចំនួន ១២នាក់ (ស្រី ០១នាក់) និងម៉ូតូចំនួន ០៥គ្រឿង រួមមាន ម៉ាក Honda Dream ចំនួន ០២គ្រឿង និងម៉ាក Scoopy ចំនួន ០៣គ្រឿង។ ‎ចំណែក មុខសញ្ញាក្រុមទី២ កម្លាំងបានឃាត់ខ្លួនចំនួន ១៩នាក់ (ស្រី ០០នាក់) និងម៉ូតូចំនួន ១០គ្រឿង រួមមាន ម៉ាក Honda Dream ចំនួន ០៨គ្រឿង ម៉ាក Scoopy ចំនួន ០១គ្រឿង និងម៉ាក Next ចំនួន ០១គ្រឿង។
‎
‎ចំពោះការអនុវត្តនីតិវិធី៖ កម្លាំងជំនាញបានចុះសហការជាមួយកម្លាំងនៃអធិការដ្ឋាននគរបាលស្រុកស្វាយលើ ធ្វើការសាកសួរ និងស្រាវជ្រាវលម្អិតចំពោះមុខសញ្ញាទាំង០២ក្រុមខាងលើ ជាក់ស្តែង ក្នុងចំណោម មុខសញ្ញាដែលបានឃាត់ខ្លួន មានចម្លើយសារភាព និងភស្តុតាងពាក់ព័ន្ធបង្ហាញថា មានតែចំនួន១០ នាក់ប៉ុណ្ណោះ ដែលបានចូលរួមប្រព្រឹត្តបទល្មើសខាងលើ។ ‎ក្នុងចំណោម ១០នាក់នេះ កម្លាំងបានឃាត់ខ្លួនកសាងសំណុំរឿងបញ្ជូនទៅតុលាការចំនួន០៧ នាក់ និងមានចំនួន០៣ នាក់បានរត់គេចខ្លួន។ ចំពោះមុខសញ្ញាដែលបានរត់គេចខ្លួន កម្លាំងជំនាញបានស្រាវជ្រាវ និងកំណត់អត្តសញ្ញាណ ព្រមទាំងដាក់បញ្ចូលក្នុងសំណុំរឿង ដើម្បីបន្តស្វែងរកចាប់ខ្លួនមកអនុវត្តតាមនីតិវិធីច្បាប់។
‎
‎ដោយឡែក ចំពោះមុខសញ្ញាផ្សេង ទៀត ដែលពុំបានចូលរួមប្រព្រឹត្តបទល្មើស ត្រូវបានអាណាព្យាបាលពឹងពាក់ មេធាវី ធ្វើការស្នើសុំធានាខ្លួនជាបណ្ដោះអាសន្ន ដោយសមត្ថកិច្ច បានឆ្លងយោបល់ពីតំណាងអយ្យការ និងត្រូវបានអនុញ្ញាត ឲ្យធ្វើកិច្ចសន្យាអប់រំហើយវិលត្រឡប់ ទៅលំនៅដ្ឋានវិញផងដែរ។
‎
‎យោងតាមការជម្រាបខាងលើ យើងខ្ញុំ សូមបញ្ជាក់ និងបដិសេធទាំងស្រុង ចំពោះខ្លឹមសារដែលបានចុះផ្សាយដោយគេហទំព័រសារព័ត៌មាន Kulen Daily News ពាក់ព័ន្ធនឹងការចោទប្រកាន់ថា កម្លាំងនគរបាលបានទទួលប្រាក់ពីប្រជាពលរដ្ឋជាថ្នូរនឹងការមិនបញ្ជូនមុខសញ្ញាទៅតុលាការ។ កម្លាំងសមត្ថកិច្ចយើង ពុំបានទទួលប្រាក់ ឬផលប្រយោជន៍ណាមួយពីប្រជាពលរដ្ឋ ដូចការចុះផ្សាយខាងលើឡើយ ហើយការអនុវត្តចំពោះមុខសញ្ញាទាំងអស់ គឺផ្អែកលើលទ្ធផលនៃការស្រាវជ្រាវ ការសាកសួរ ភស្តុតាង ស្របតាមនីតិវិធីច្បាប់ជាធរមាន។
‎
‎អាស្រ័យហេតុនេះ សូមសាធារណជន និងបងប្អូនអ្នកសារព័ត៌មាន ព្រមទាំង អ្នកនិយមតាមដានបណ្ដាញសង្គមហ្វេសប៊ុក ក្នុងស្រុក និងក្រៅស្រុកជ្រាបជាព័ត៌មាន៕
‎

20/09/2026

អ្នកនាំពាក្យ និងក្រុមការងារប្រតិកម្មរហ័ស នៃស្នងការដ្ឋាននគរបាលខេត្តសៀមរាប សូមជម្រាបជូន សាធារណជនឱ្យបានជ្រាបថា នៅថ្ងៃទី២០ ខែកញ្ញា ឆ្នាំ២០២៦ គេហទំព័រសារព័ត៌មាន Post News-សៀមរាបប៉ុស្តិ៍ និងគេហទំព័រសារព័ត៌ មា ន ព្រាប មេស៊ីនជើ ធីវី បានចុះផ្សាយពាក់ព័ន្ធនឹងករណី “មន្ត្រីនគរបាល នៃស្នងការដ្ឋាននគរបាលខេត្តសៀមរាប ១រូ ប រងការចោទប្រកាន់ពីប្រជាពលរដ្ឋថា បានយកលុយរបស់ពួកគាត់ ក្នុងម្នាក់ៗពី៥៥០០ដុល្លារ ទៅ៦០០០ដុល្លា រ ដើម្បីរត់ការឱ្យចូលក្របខណ្ឌនគរបាល"។

ពាក់ព័ន្ធនឹងករណីខាងលើនេះ អ្នកនាំពាក្យ និងក្រុមការងារប្រតិកម្មរហ័ស នៃស្នងការដ្ឋាននគរបាលខេត្តសៀមរាប សូមបញ្ជាក់ជូនថា លោកឧត្ដមសេនីយ៍ទោស្នងការ បានបញ្ជាឱ្យស្រាវជ្រាវ និងរកឃើញថា ក្នុងឆ្នាំ២០២៦នេះ លោកអនុសេនីយ៍ឯក យុត សាស្ត្រ បានផ្សព្វផ្សាយក្នុងស្រុកម៉ាឡៃ ខេត្តបន្ទាយមានជ័យ អំពីការជ្រើសរើសក្របខណ្ឌនគរបាលជាតិបម្រើការនៅព្រំដែន និងបានយកប្រាក់ពីប្រជាពលរដ្ឋទាំង ៦នាក់ ដើម្បីជួយរត់ការចូលក្របខ័ណ្ឌមន្ត្រីនគរបាលជាតិ។ ដោយសាររឿងនេះមិនបានសម្រេច លោកអនុសេនីយ៍ឯក យុត សាស្ត្រ បានសម្របសម្រួលព្រមព្រៀងគ្នា និងធ្វើកិច្ចសន្យាធានាសងប្រាក់ទៅប្រជាពលរដ្ឋវិញ។ ប្រជាពលរដ្ឋទាំង ៦នាក់ ពួកគាត់មិនបានដាក់ពាក្យបណ្ដឹងនោះទេ គ្រាន់តែសុំឱ្យ លោក យុត សាស្ត្រ រកលុយសងពួកគាត់វិញឱ្យគ្រប់ចំនួនតែប៉ុណ្ណោះ។ ប្រសិនបើក្នុងករណី លោក យុត សាស្ត្រ មិនគោរពតាមកំណត់ហេតុព្រមព្រៀងខាងលើនោះទេ ប្រជាពលរដ្ឋទាំង ៦នា ក់ នឹងដាក់ពាក្យបណ្ដឹងបន្តទៀត តាមនីតិវិធីច្បាប់។

ក្នុងន័យនេះ ក្រុមការងារប្រតិកម្មរហ័ស នៃស្នងការដ្ឋាននគរបាលខេត្តសៀមរាប សូមជម្រាបជូន សាធារណជន មេត្តាជ្រាបជាព័ត៌មានថា ករណីខាងលើនេះជារឿងបុគ្គល មិនពាក់ព័ន្ធអង្គភាពនោះទេ។

យ៉ាងណាក៏ដោយ លោកស្នងការបានធ្វើរបាយការណ៍គោរពជូនអគ្គស្នងការនគរបាលជាតិរួចរាល់ហើយ ដោយរង់ចាំអនុវត្តតាមការសម្រេចរបស់ថ្នាក់ដឹកនាំ៕