26/11/2025
ការទទួលបានសញ្ជាតិ គឺជាការទទួលបានក្របខណ្ឌរបស់ប្រជាជាតិមួយ។
តើសញ្ជាតិអាចទទួលបានតាមរយៈអ្វីខ្លះ?
១. ការទទួលបានសញ្ជាតិខ្មែរពីកំណើត (មាត្រា៩)
- កូនដែលកើតពីឪពុកម្ដាយដែលមានសញ្ជាតិខ្មែរ ទោះបីជាកូននោះជាកូនមានខាន់ស្លា ឬ ឥតខាន់ស្លាក៏ដោយ។ ក្នុងករណីដែលមិនមានការទទួលស្គាល់ពីឪពុក ឬ ម្ដាយ តម្រូវឱ្យតុលាការចេញសាលក្រមបញ្ជាក់ថាកូននោះពិតជាកើតចេញពីឪពុកម្ដាយនោះមែន។
- កូនដែលកើតពីឪពុកម្ដាយ ដែលជាជនបរទេស កាលណាកូននោះកើតនៅក្នុងប្រទេសកម្ពុជា។
- កូនដែលរើសបាននៅក្នុងប្រទេសកម្ពុជា ត្រូវបានច្បាប់ចាត់ទុកថាបានកើតនៅប្រទេសកម្ពុជា។
២. ការទទួលបានសញ្ជាតិខ្មែរតាមរយៈការស្មុំកូនពេញលេញ (មាត្រា១០)
- កូនដែលត្រូវបានស្មុំពេញលេញពីឪពុកម្ដាយចិញ្ចឹមដែលមានសញ្ជាតិខ្មែរ កូននោះត្រូវទទួលបានសញ្ជាតិខ្មែរ។
៣. ការទទួលបានសញ្ជាតិខ្មែរតាមរយៈអាពាហ៍ពិពាហ៍ (មាត្រា១១-១២)
- ប្រសិនបើប្ដីប្រពន្ធនោះរស់នៅជាមួយគ្នាចាប់ពី ៣ ឆ្នាំ ឬ រស់នៅប្រទេសកម្ពុជាជាប់លាប់យ៉ាងតិច ១ ឆ្នាំក្រោយពីចុះបញ្ជីអាពាហ៍ពិពាហ៍នៅប្រទេសកម្ពុជា និងតម្រូវឱ្យមានអត្តចរិកល្អ មានលំនៅអចិន្ត្រៃយ៍ក្នុងប្រទេសកម្ពុជា មិនធ្លាប់ជាប់បទឧក្រិដ្ឋ ឬ មជ្ឈិមណាមួយ ចេះនិយាយភាសាខ្មែរ ចេះអក្សរខ្មែរ មានបញ្ញា និងកាយសម្បទា ដែលមិនបង្កគ្រោះថ្នាក់ ឬ ជាបន្ទុករបស់ជាតិ។
៤. ការទទួលបានសញ្ជាតិខ្មែរតាមរយៈសញ្ជាតិតូបនីយកម្ម (មាត្រា១៨-២៤)
- ជាគោលការសញ្ជាតិតូបនីយកម្ម គឺជាការអនុគ្រោះរបស់ប្រទេសកម្ពុជាទៅដល់ជនបរទេសទាំងឡាយណាដែលបានស្នើសុំសញ្ជាតិតាមរយៈសញ្ជាតិតូបនីយកម្ម ប៉ុន្ដែការស្នើសុំសញ្ជាតិតូបនីយកម្មនេះ ក៏អាចត្រូវបានបដិសេធចោលដោយឆន្ទានុសិទ្ធិ។ ចំពោះការស្នើសុំសញ្ជាតិតូបនីយកម្ម ត្រូវស្ថិតក្រោមរូបភាព ៥ គឺ៖
ក. ការស្នាក់នៅអចិន្ត្រៃយ៍
ខ. ការវិនិយោគ
គ. ការផ្ដល់អំណោយជាទឹកប្រាក់ដល់ថវិកាជាតិ
ឃ. គុណសម្បត្ដិពិសេសសម្រាប់ជាតិ
ង. ការស្នើសុំជាចង្កោមគ្រួសារដោយជនបរទេសដែលមានសហព័ទ្ធ និងកូនជាអនីតិជន។
