Mr. Dollar

23/11/2021

#និវត្តជន

ក្រោយពីបានធ្វេីការបម្រេីរដ្ឋអស់រយៈពេលជាងសាមសិបឆ្នាំ​ ខ្ញុំក៏បានដល់វ័យត្រូវចូលនិវត្តន៍...

ថ្ងៃនេះ​ ខ្ញុំបានឲ្យកូនប្រុសខ្ញុំជូនទៅធនាគារ​ ដេីម្បី​វេរប្រាក់។​ កូនប្រុសខ្ញុំបានសម្ដែងនូវភាពធុញទ្រាន់យ៉ាងខ្លាំងហេីយវារអ៊ូរទាំ​ រួចសួរខ្ញុំថា៖

-"​ ប៉ាអេីយប៉ា​ តេីហេតុម្ដេចបានជាប៉ាមិនបេីកប្រព័ន្ធវេរប្រាក់ធនាគារតាមទូរស័ព្ទអនឡាញ? "

ខ្ញុំបានសួរបញ្ច្រាសទៅវិញថា៖

-"​ តេីហេតុផលអ្វីដែលប៉ាត្រូវបេីកប្រព័ន្ធស្អីគេនោះ​ អ្ហាស? "

កូនប្រុសឆ្លេីយដោយទឹកមុខធុញទ្រាន់ថា៖

-"​ ប្រព័ន្ធនោះទំនេីបហេីយងាយស្រួល​ គឺប៉ាមិនចាំបាច់មកធនាគារហេីយចំណាយពេលវេលាអង្គុយសំកុកចាំឡេីងចុកខ្នងចុកចង្កេះដូចនេះឡេីយ​ រួចប៉ាអាចទិញទំនិញនានា​ ដោយមានគេដឹកជញ្ជូនដល់ផ្ទះ​ ហេីយប៉ាអាចទូទាត់ប្រាក់តាមអនឡាញយ៉ាងងាយស្រួលទៀតផង!"

ខ្ញុំសម្លឹងមេីលទៅមុខរបស់កូនប្រុស​ ហេីយសួរថា៖

-"​ បេីធ្វេីបែបនេះ​ ប៉ាមិនចាំបាច់ចេញពីផ្ទះទេឬ? "

កូនប្រុសញញឹម​ ហេីយវាងក់ក្បាលញាប់ដូចជាបង្កួយ​ រួចឆ្លេីយថា៖

-"​ បាទ​ ត្រូវហេីយប៉ា​ គឺប៉ាអាចទិញអ្វីៗគ្រប់បែបយ៉ាងបានតាមទូរស័ព្ទណាប៉ា!"

ខ្ញុំធ្លាក់ថ្លេីមក្ដុកបែបមិនសប្បាយចិត្តហេីយបន្លឺថា៖

-"​ គ្រាន់តែប៉ាដេីរចូលមកធនាគារ​ ប៉ាបានចួបនិងសាកសួរសុខទុក្ខមិត្តចាស់របស់ប៉ាចំនួនបួននាក់​ រួចប៉ាបានជជែកលេងជាមួយបុគ្គលិកធនាគារជាច្រេីននាក់​ ដែលស្គាល់ប៉ា​...

កូនដឹងទេថា​ រាល់ថ្ងៃនេះ​ ប៉ានៅែតផ្ទះ​ ហេីយប៉ាមានអារម្មណ៍ឯកាណាស់​ ហេីយអ្នកទាំងអស់នេះ​ គឺជាគូកនរបស់ប៉ា​ ដែលប៉ាត្រូវការចង់ជួប​ ហេីយប៉ាចង់មកធនាគារ​ ដេីម្បីប៉ាបានប្រាស្រ័យទាក់ទងជាមួយពួកគេ​ ណាកូន...

តេីកូនដឹងឬទេថា​ កាលពីពីរឆ្នាំមុន​ នៅពេលដែលប៉ាឈឺ​ ម្ចាស់ហាងលក់ផ្លែឈេី​ បានមកមេីលប៉ា​ដល់ផ្ទះ ហេីយគាត់អង្គុយយំអាណិតប៉ា...

ប៉ុន្មានថ្ងៃមុន​ ម៉ាក់របស់កូនបានដេីរដួល​ ហេីយគាត់ត្រូវបានម្ចាស់ហាងលក់គ្រឿងទេស​ បានយកឡានដឹកជូនគាត់មកផ្ទះរបស់ប៉ា​ ព្រោះតែគាត់ស្គាល់និងដឹងថា​ ប៉ារស់នៅទីណា...

តេីការជួយសង្គ្រោះដោយផ្ទាល់បែបនេះ​ អាចកេីតឡេីងបានដែរឬទេ​ បេីប៉ាទិញអនឡាញនោះ?

ប៉ាចង់រាប់អានមនុស្សទាំងឡាយ​ មិនមែនត្រឹមតែជាអ្នកលក់​និងអ្នកទិញប៉ុណ្ណោះទេ​ គឺវាជាទំនាក់ទំនងនៃការរាប់អានគ្នាដ៏ស្មោះស្ម័គ្រ...

តេីក្រុមហ៊ុនលក់អនឡាញអាចមានដឹកជញ្ជូនចែកចាយ​ នូវសេចក្ដីរាប់អានដូចនេះដែរឬទេ?

ឱកូនប្រុសម្លាញ់ចិត្តប៉ាអេីយ​ បច្ចេកវិទ្យាគឺមិនមែនជារសជាតិ​ ដែលជីវិតពិតត្រូវការនោះទេ​ ...វាក៏មិនមែនជាមនោសញ្ចេតនា​ ដែលបេះដូងនៃនិវត្តជនត្រូវការនោះឡេីយ

សូមកូនចំណាយពេលជាមួយមនុស្ស​ ដែលកូនស្រឡាញ់​ ...កុំចំណាយពេលជាមួយទូរស័ព្ទ​ ឬកុំព្យូទ័រ​ ...ឬអនឡាញ...​ ព្រោះមនុស្សដែលកូនស្រឡាញ់​ នឹងប្រាកដជាចាកចេញចោលកូននៅថ្ងៃមួយណានោះ​ជាមិនខាន ហេីយមិនវិលវិញទេ​ ...រីទូរស័ព្ទ​ ឬកុំព្យូទ័រក៏នឹងចាកចេញដែរ​ តែវានឹងវិលមកវិញ​ នូវស៊េរីថ្មីមួយដែលកាន់តែទំនេីប...

ប្រែសម្រួល​ពី​អត្ថបទ​បរទេស​

ទុត​ បូ

31/10/2021

05/08/2021

#ស្ថានការកូវីត បានដាស់តឿនយើងអោយដឹងថា៖
១. ជីវិត គឺផុយស្រួយ
២. មុខរបរ និងការងារ គឺមិនឋិតថេរ
៣. សុខភាព គឺសំខាន់ខ្លាំងណាស់
៤. មិនមាននរណាដែលគួរឱ្យទុកចិត្ត
៥. ផ្ទះគឺជាកន្លែងដែលកក់ក្ដៅជាងគេ
៦. សាមគ្គីភាព គឺជាភាពចាំបាច់
៧. ធ្វេសប្រហែស ក្អេងក្អាង អាចនាំសេចក្ដីវិនាស
៨. ភាពអាត្មានិយម គឺអាចនាំទុក្ខទោសដល់អ្នកដទៃ
៩. បើក្រ គឺមិនងាយនឹងបានសម្រាក
១០. មនុស្សដែលខ្លួនស្រលាញ់ខ្លាំងជាទីបំផុតអាចបាត់បង់ត្រឹមមួយពព្រិចភ្នែក។
១១. អ្នកមាន អាចផ្អាកអាជីវកម្មដេកសុីមួយរយៈបាន
១២. អ្នកក្រ រកមួយពេលសម្រាប់មួយពេល ត្រូវតែប្រថុយជីវិតចេញក្រៅផ្ទះរកលុយ៕

អត្ថបទដោយ៖ Business Aphirouh

02/08/2021

#ជីវិត
……………………………………….
រលកដែលបោកបក់ខ្លាំងមិនមែនជារលកដែលបោកបក់ពីខាងក្រៅឡើយ វាគឺជារលកខាងក្នុង រលកខាងក្នុងគឺជារលកក្នុងខ្លួន។ មនុស្សមួយចំនួនតែងតែស្វែងរកសេចក្តីសុខពីខាងក្រៅ ដូចជាចង់ឲ្យគេស្រលាញ់យើងឲ្យច្រើនៗ ហានតែគេមិនស្រលាញ់យើងខឹងគេ ចង់មានប្តីឬប្រពន្ធល្អតែខ្លួនឯងមិនមែនជាមនុស្សល្អ ចង់មានប្តីប្រពន្ធមានគំនិតគំនូរចេះទុកចេះដាក់ ប៉ុន្តែខ្លួនឯងកញ្ជើធ្លុះ ចង់មានប្រពន្ធប្តីស្អាតប៉ុន្តែខ្លួនឯងសូម្បីតែចិត្តស្អាតក៏គ្មាន ចង់បានប្តីប្រពន្ធជាអ្នកមានប៉ុន្តែខ្លួនឯងគ្មានអ្វីទាំងអស់ ចង់បានឲ្យមនុស្សជុំវិញស្រលាញ់ខ្លួនប៉ុន្តែខ្លួនឯងមិនដែលស្រលាញ់គេ ចង់ឲ្យមនុស្សជុំវិញខ្លួនគោរពប៉ុន្តែខ្លួនឯងមិនដែលគោរពគេ ចង់បានអនាគតល្អ ប៉ុន្តែខ្លួនឯងមិនខ្ចីរៀនសូត្របន្ថែមមិនខ្ចីអភិវឌ្ឍន៍ខ្លួន ចង់បានលុយច្រើនប៉ុន្តែមិនចង់ធ្វើការ ចង់ជោគជ័យប៉ុន្តែមិនស្តាប់ពាក្យណែនាំពីអ្នកមានបទពិសោធន៍ ចង់សម្រេចគោលដៅ ប៉ុន្តែមិនស្គាល់គោលដៅខ្លួនឯងច្បាស់ ធ្វើអ្វីចង់ឲ្យគេច្បាស់ជាមួយខ្លួនប៉ុន្តែខ្លួនមិនដែលច្បាស់ជាមួយគេ។ មានមនុស្សមិនតិចទេដែលកើតទុក្ខមិនសុខចិត្តដោយសាររឿងទាំងអស់នេះមិនបានដូចក្តីបំណង តែងតែឈឺចាប់តែងតែសោកសៅ។ តាមការពិតសេចក្តីសុខពិតមិនបាននៅឆ្ងាយឡើយ មិនបាននៅជាមួយអ្នកដទៃឡើយ មិនបាននៅជាមួយមនុស្សដែលយើងស្រលាញ់ឬស្អប់ឡើយ ប៉ុន្តែវានៅជាមួយយើងគ្រាន់តែយើងមិនបានយកចិត្តទុកដាក់ក្នុងការស្វែងយល់ពីខ្លួនឯង មិនបានស្គាល់ខ្លួនឯង មិនចេះផ្តល់ឱកាស់ឲ្យខ្លួនឯង មិនចេះប្រើប្រាស់ខ្លួនឯង មិនចេះសនន្ទាជាមួយខ្លួនឯង។ សូមកុំផ្លាស់ប្តូរបរិស្ថានខាងក្រៅ បើទោះបីជាអ្នកប្រឹងផ្លាស់ប្តូរយ៉ាងណាក៏ដោយ ប៉ុន្តែបើអ្នកគ្មានសេចក្តីសុខផ្លូវចិត្តទេនោះអ្នកនឹងគ្មានសេចក្តីសុខឡើយ ខ្ញុំស្គាល់មនុស្សមិនតិចទេដែលមានអ្វីគ្រប់បែបយ៉ាងប៉ុន្តែគ្មានក្តីសុខ…
សូមរងចាំអានភាគបន្តនៅថ្ងៃស្អែក 🙏🙏🙏................................................
អត្ថបទដោយ៖ សាងលី សារ៉ាក់ (អ្នកជំនាញអចលនទ្រព្យ អ្នកបង្វឹកផ្នត់គំនិតនិងស្មារតី និងជាអ្នកជំនាញហិរញ្ញវត្ថុ)

24/07/2021

ខ្ញុំឈ្មោះផ្សោត 🐋ខ្ញុំរស់នៅក្នុងទឹកទន្លេមេគង្គ🚣តែខ្ញុំមិនមែនជាត្រីទេ ខ្ញុំពរពោះ៩ខែបង្កេីតកូនម្ដងមួយ ពេលខ្លះកូនភ្លោះ និង បំបៅដោះកូនដូចមនុស្សដែរ គេថាខ្ញុំជាថនិកសត្វ ពេលពេញវ័យយេីងអាចមានទម្ងន់រហូតដល់២០០គ.ក និង មានបណ្ដេាយខ្លួនរហូតដល់២.៨ម៉ែត្រ ភូមិរបស់យេីងគឺនៅក្នុងទន្លេមេគង្គក្នុងខេត្តស្ទឹងត្រែង និងខេត្តក្រចេះ មុនឆ្នាំ១៩៧៥យេីងមានគ្នារហូតដល់រាប់ពាន់ក្បាល ហេីយយេីងធ្លាប់ចុះទៅលេងដល់ខេត្តកំពង់ចាមនិងកណ្ដាលផងដែរ តែមនុស្សចេះតែដេញសំលាប់យេីង ហេីយបច្ចុប្បន្នយេីងមានគ្នាប្រហែលតែ 50ទៅ60ក្បាលតែប៉ុណ្ណោះ សូមជួយការពារពួកខ្ញុំអោយបានរស់និង បានបង្កេីតកូនចៅបន្ដពូជពង្សផង🙏៕
✅ជូយ share បន្តផងដេីម្បីធនធានសត្វនៃប្រទេសយេីង៕

20/07/2021

NASA ព្រមានទុកមុន៖ «អំលុងទសវត្សរ៍ ២០៣០ ភពផែនដីនឹងរងគ្រោះ ទឹកជំនន់ធ្ងន់ធ្ងរបំផុត ដែលបង្កឡើងដោយព្រះចន្ទ…»

សុខភាព និងកម្សាន្តអន្តរជាតិ និងបច្ចេកវិទ្យាអវកាស និងវិទ្យាសាស្ត្រ NASA ព្រមានទុកមុន៖ «អំលុងទសវត្សរ៍ ២០៣០ ភពផ....

14/07/2021

គេស្ងាត់ៗការ ឯងស្ងាត់ៗចត្តាឡីស័ក

27/06/2021

ចង់ធ្វើកិច្ចការធំរៀនគ្រប់គ្រងមាត់ខ្លួនឯងឱ្យបានល្អ៖

- មិនមែនរឿងដែលអ្នកដឹងសុទ្ធតែអាចនិយាយចេញក្រៅបាននោះទេ !
- ពេលខ្លះរឿងដែលអ្នកដឹង​អាចនិយាយចេញក្រៅ តែមនុស្ស​ដែលអ្នកនិយាយប្រាប់ មិនមែនជាមនុស្សដែលត្រូវដឹង !
- ពេលខ្លះរឿងដែលអ្នកដឹង​អាចនិយាយចេញក្រៅ​ តែពេល​វេលានេះ​​ គឺមិនមែនជាពេលល្អសម្រាប់និយាយ !
- រៀនអង្កេតមនុស្ស​ វាយតម្លៃមនុស្ស តែមិននិយាយចេញក្រៅ​ ជាពិសេសចំណុចអាក្រក់មនុស្សណាម្នាក់ !
- ក្នុងដំណាក់កាលណាក៏ដោយ​ ចៀសវាងយកចំណុចខ្សោយឬចំណុចអាក្រក់ខ្លួនឯងបង្ហាញអ្នកដទៃ !

ប្រភព៖ Profess Accountingg

25/06/2021

ទឹកភ្នែកហូរតើមកពីអី្វ😓😂

22/06/2021

ហិរញ្ញវត្ថុ
……………………………………………
ជីវិតមនុស្សងាយទេ ដំបូងត្រូវចំណាយពេលខិតខំធ្វើការដើម្បីសន្សំទុន។ ក្រោយមកដាក់ទុនអោយធ្វើការដើម្បីប្តូរយកពេលវេលាមកវិញ។ មានមូលហេតុ៣មនុស្សធ្វើមិនបានគឺ៖
១) ខកខានមិនបានសន្សំទុនគ្រប់គ្រាន់។
២) មិនហ៊ាន ឬមិនមានសមត្ថភាពដាក់ទុនអោយធ្វើការ។
៣) មានភាពលោភលន់ ឬគិតថាពេលវេលាផ្ទាល់ខ្លួនមិនសំខាន់។ នៅពេលអ្នករកលុយបានច្រើនសូមគិតដល់ការសន្សំទុកជាការសំខាន់ព្រោះវាអាចជួយអ្នកឲ្យមានឱកាស់បង្កើតអាជីវកម្ម វិនិយោគ ឬសហការជាមួយអ្នកមានសមត្ថភាពដើម្បីបើកអាជីវកម្មរួមគ្នាក្នុងរយៈពេលកំណត់មួយ។ បើអ្នកមិនសន្សំក៏អ្នកប្រើពេលកំណត់មួយដើម្បីធ្វើការ ហើយបើអ្នកសន្សំក៏អ្នកប្រើពេលកំណត់មួយដូចគ្នា ផ្ទុយទៅវិញរយៈពេលដូចគ្នា អ្នកដែសន្សំ នឹងអ្នកដែលមិនសន្សំនឹងមាន ឱកាស អនាគត នឹងលទ្ធផលផ្សេងគ្នាជាក់ជាមិនខាន។ ដូច្នេះការចេះសន្សំគឺជា មេរៀនមួយក្នុង មេរៀនសំខាន់ផ្សេងទៀត ក្នុងចំណេះដឹងហិរញ្ញវត្ថុ។

cr: business advisor

08/06/2021

សុភាសិតអង់គ្លេសល្អៗ ដែលអ្នកអាចពិចារណាប្រកាន់ភ្ជាប់សម្រាប់ជាបទពិសោធជីវិត.......................................................
១. Learning is a treasure that will follow its owner everywhere. “ចំណេះដឹងគឺជាទ្រព្យដែលតោង តាមខ្លួនម្ចាស់វាជារៀងរហូត "។
២. All that glitters is not gold. “រូបភាពខាងក្រៅអាច គ្រាន់តែជាគ្រឿងបំភាន់ភ្នែក"។
៣. Look before you leap. “មុននឹងធ្វើអ្វីត្រូវចេះគិត ពិចារណាឱ្យបានល្អិតល្អន់ជាមុនសិន "។
៤. All good things come to those who wait. “ភាពអត់ធ្មត់គឺជាប្រភពនៃភាពជោគជ័យ "។
៥. Accidents can happen. “គ្រោះថ្នាក់មិនអាចមើល ឃើញមុនឡើយ "។
៦. Action speaks louder than words. “ទង្វើ ប្រសើរជាងពាក្យសម្តី "។
៧. Learn to walk before you run. “មុននឹងរត់ត្រូវ រៀនដើរឱ្យចេះសិន "។
៨. Absence makes the heart grow fonder. “ឃ្លាត កាយឆ្ងាយមែនពិតតែចិត្តរឹតតែស្រឡាញ់ "។
៩. Let bygones be bygones. “រឿងដែលកន្លងហួស ហើយឲ្យវាកន្លងហួសទៅចុះ "។
១០. Laughter is the best medicine. “សំណើចគឺជា ឱសថដ៏ប្រសើរបំផុត "។