ណែម សារ៉ាយ-Nem Saray

22/05/2026

ម្ចាស់របស់ដែលជ្រុះបាត់​ ត្រូវផ្ដល់រង្វាន់​ទៅអ្នករេីសពី៥%​ ទៅ២០%នៃតម្លៃវត្ថុជ្រុះបាត់នោះ​ ។
ហេីយអ្នករេីសបានមានសិទ្ធិទាមទារប្រាក់រង្វាន់នេះក្នុងរយៈពេល១ខែ​ក្រោយពេលប្រគល់វត្ថុនោះដល់ម្ចាស់វិញ​ ។
មាត្រា១៩១ ក្រមរដ្ឋប្បវេណី។

21/05/2026

21/05/2026

21/05/2026

🚨 ដំណឹងល្អ
សម្តេច ហ៊ុន ម៉ាណែត ប្រកាសថា ៖
រដ្ឋាភិបាល 🇰🇭 នឹងធ្វើកំណែទម្រង់ កាត់បន្ថយ
នាយកដ្ឋាន ៣០ និងអគ្គនាយកដ្ឋាន ៣ ចេញពី ១៦ក្រសួងស្ថាប័ន! នឹងមានបន្តទៀត ❤️

06/05/2026

ព្រះរាជពិធីច្រត់ព្រះនង្គ័ល ជាការប្រកាសដល់អស់បណ្តាប្រជានុរាស្រ្តឲ្យបានជ្រាបថា រដូវធ្វើស្រែចំការបានមកដល់ហើយ

ព្រះរាជពិធីនេះត្រូវបានចាត់ចូលជាព្រះរាជពិធីទ្វាទសមាសប្រចាំព្រះនគរ ជាមង្គលចម្រើនការសាបព្រោះបណ្ដុះដាំក្នុងរដូវវស្សារបស់ប្រជាជន ។

06/05/2026

ក្រសួងសេដ្ឋកិច្ច និងហិរញ្ញវត្ថុ៖ “រាជរដ្ឋាភិបាលកម្ពុជាសម្រេចអនុវត្តគោលការណ៍ហាមឃាត់ការផ្ដល់រង្វាន់តាមរយ:ក្រវិលកំប៉ុងលើភេសជ្ជៈមានជាតិស្ករ ភេសជ្ជៈប៉ូវកម្លាំង និងផលិតផលគ្រឿងស្រវឹងគ្រប់ប្រភេទចាប់ពីថ្ងៃទី១ ខែតុលា ឆ្នាំ២០២៦ នេះតទៅ។”

29/04/2026

តើអ្នកដែលរើសបាន វត្ថុ(ទ្រព្យសម្បត្តិ) របស់អ្នកទៃអាចទាមទារប្រាក់រង្វាន់ពីម្ចាស់ទ្រព្យបានដែរឬទេ?
តើម្ចាស់ វត្ថុ(ទ្រព្យសម្បត្តិ) អាចផ្តល់ប្រាក់រង្វាន់ ដល់អ្នកដែលរើសបាន វត្ថុ(ទ្រព្យសម្បត្តិ) កម្រិតណាដែរនៃវត្ថុនោះបាន?
តាមទិដ្ឋភាពច្បាប់ អ្នករើសបាន វត្ថុ(ទ្រព្យសម្បត្តិ) របស់អ្នកដទៃអាចទាមទារប្រាក់រង្វាន់ពីម្ចាស់ទ្រព្យបាន ហើយម្ចាស់ទ្រព្យអាចផ្តល់ប្រាក់រង្វាន់ដល់អ្នករើស វត្ថុ(ទ្រព្យសម្បត្តិ) បានទៅតាមច្បាប់កំណត់ មិនអាចផ្តល់ប្រាក់រង្វាន់នោះទៅតាមការទាមទាររបស់អ្នករើសបានឡើយ ដោយផ្អែកតាមមាត្រា ១៩១ ចំណុចលេខ ៤ ដែលបានបញ្ញត្តិថា (ក្នុងករណីដែលវត្ថុរើសត្រូវបានប្រគល់ឱ្យកម្មសិទ្ធិករវិញ កម្មសិទ្ធិករត្រូវផ្តល់ប្រាក់រង្វាន់ទៅអ្នករើសពី ៥ (ប្រាំ) ភាគរយ ទៅ ២០ (ម្ភៃ) ភាគរយ នៃតម្លៃវត្ថុនោះ។ អ្នករើសត្រូវបាត់បង់សិទ្ធិទាមទារប្រាក់រង្វាន់នេះ ប្រសិនបើអ្នកនោះ មិនទាមទារក្នុងអំឡុង ពេល ១ (មួយ) ខែ ក្រោយពេលកម្មសិទ្ធិករ បានទទួលយកវត្ថុនោះ ។)
តាមបញ្ញត្តិនៃមាត្រា ១៩១ ចំណុចលេខ៤ បានបញ្ជាក់យ៉ាងច្បាស់ថា អ្នករើសបាន វត្ថុ(ទ្រព្យសម្បត្តិ) អាចត្រូវបានផ្តល់រង្វាន់ពីម្ចាស់ទ្រព្យ ប៉ុន្តែការផ្តល់រង្វាន់នេះមានកំណត់កម្រិត មិនអាចផ្តល់រង្វាន់ច្រើនទៅតាមការទាមទាររបស់អ្នករើសបានឡើយ។ បើយោងទៅលើ មាត្រា ១៩១ ចំណុចលេខ៤ ម្ចាស់ទ្រព្យអាចផ្តល់រង្វាន់ទៅឱ្យអ្នករើសបាន វត្ថុ(ទ្រព្យសម្បត្តិ) ត្រឹមចន្លោះពី ៥ (ប្រាំ) ភាគរយ ទៅ ២០ (ម្ភៃ) ភាគរយ នៃតម្លៃវត្ថុដែលរើសបាននោះតែប៉ុណ្តោះ ទោះបីតម្លៃនៃវត្ថុនោះ មានតម្លៃថ្លៃមហាសាលយ៉ាងណាក៏ដោយ។
អ្នករើសបានវត្ថុ អាចបាត់បង់សិទ្ធិក្នុងការទាមទារប្រាក់រង្វាន់ពីម្ចាស់ទ្រព្យ ប្រសិនបើ រយៈពេល ១ (មួយ)ខែ បន្ទាប់ពីការប្រគល់នោះបានកន្លងផុតទៅ (អ្នករើសបានមិនបានទាមទារសុំប្រាក់រង្វាន់ឡើយ)៕

27/04/2026

មូលហេតុដែលនាំឱ្យយឺតនីតិវិធី របស់តុលាការ

ជាគោលការណ៍ ក្រមនីតិវិធីរដ្ឋប្បវេណី គន្ថីទី ២ នីតិវិធីនៃការជម្រះក្តីលើកទី ១ មាត្រា ៨០.-ការកំណត់កាលបរិចេ្ឆទនៃនីតវិធីត្រៀមសម្រាប់ការទាញហេតុផលលើកដំបូង ថា ១-នៅពេលដែលពាក្យបណ្តឹងត្រូវបានដាក់ហើយ តុលាការត្រូវកំណត់កាលបរិចេ្ឆទនៃនីតិវិធីត្រៀមសម្រាប់ការទាញហេតុផលយ៉ាងរហ័ស និង កោះហៅគូភាគី ។

២-កាលបរិចេ្ឆទដែលបានកំណត់ក្នុងកថាខណ្ឌទី ១ ខាងលើនេះ ត្រូវកំណត់ក្នុងអំឡុងពេល ៣០ (សាមសិប) ថ្ងៃ បន្ទាប់ពីថ្ងៃដែលពាក្យបណ្តឹងត្រូវបានដាក់ លើកលែងតែក្នុងករណីដែលមានមូលហេតុពិសេស ។

ប៉ុន្តែមាត្រា ៣ បានកំណត់អំពី សិទ្ធិទាមទារឱ្យសាកសួរ គោលការណ៍ចំពោះមុខ បានចែងថា ១- ភាគីណាក៏មិនអាចត្រូវបានជម្រះក្តីដោយមិនបានសាកសួរ ឬ កោះហៅឡើយ ។ ២- ក្នុងករណីណាក៏ដោយ តុលាការត្រូវគោរពគោលការណ៍ចំពោះមុខ ។

គោលការណ៍នេះ គឺគោរពបាននូវសិទ្ធិរបស់ភាគីវិវាទប៉ុន្តែវានាំឱ្យយឺតយ៉ាវនីតិវិធី ដោយសារ ភាគីម្ខាង មិនបានទទួលដីកាកោះហៅ រកអាស័យដ្ឋានមិនឃើញ ឬ សុំលើកពេល ឬតុលាការមានភាពមមាញឹកខ្លាំងដែលយឺតយ៉ាវក្នុងការកោះហៅ។ ឬខ្វះធនធានមនុស្ស។

ដើម្បីគេចផុតពីភាពយ៉ឺតយ៉ាង ភាគីត្រូវមានអ្នកតំណាងដោយអាណត្តិ (រឿងរដ្ឋប្បវេណី) និង អ្នកដំណាង ( ដើមបណ្តឹងក្នុងរឿងព្រហ្មទណ្ឌ) ជនសង្ស័យមិនអនុញ្ញាតឱ្យមានអ្នកតំណាងទេ តែត្រូវមានមេធាវី អម ឬការពារក្តី។

26/04/2026

ចៅក្រម ក្រឡាបញ្ជី អាចត្រូវបាន ប្តឹងដិតចិត្ត និង មានសិទ្ធិដកខ្លួន ពីសំណុំរឿងបាន !

ក្រមនីតិវិធីរដ្ឋប្បវេណី គន្ថីទី ១ បទប្បបញ្ញត្តិទូទៅ
មាត្រា ២៨.- បណ្តឹងដិតចិត្តចៅក្រម

១-ក្នុងករណីដែលមានកាលៈទេសៈដែលបណ្តាលឱ្យមានការលំអៀងក្នុងការជម្រះក្តី ចំពោះចៅក្រមណាម្នាក់នោះ ភាគីអាចប្តឹងដិតចិត្តចៅក្រមនោះបាន ។

២-ក្នុងករណីដែលភាគីបានឆ្លើយទាញហេតុផលចំពោះមុខចៅក្រម ឬបានធ្វើសេចក្តីដោះសានៅក្នុងនីតិវិធីត្រៀមសម្រាប់ការទាញហេតុផលចំពោះមុខចៅក្រមរួចហើយ នោះភាគីមិនអាចប្តឹងដិតចិត្តចៅក្រមនោះបានឡើយ ។ ប៉ុន្តែបញ្ញត្តិនេះមិនត្រូវយកមកអនុវត្តឡើយ ចំពោះករណីដែលភាគីនោះមិនបានដឹងអំពីមូលហេតុដែលអាចប្តឹងដិតចិត្ត ឬករណីដែលមូលហេតុនៃបណ្តឹងដិតចិត្តបានកើតឡើងនៅពេលក្រោយ ។

មាត្រា ៣០.- ការសម្រេចសេចក្តីអំពីពាក្យសុំដកហូត ឬ បណ្តឹងដិតចិត្ត

១- ចំពោះការដកហូតចៅក្រម ឬបណ្តឹងដិតចិត្តចំពោះចៅក្រម ក្រុមប្រឹក្សាជំនុំជម្រះ នៅតុលាការដែលចៅក្រមនោះស្ថិតនៅក្រោម ត្រូវសម្រេចសេចក្តីដោយដីកាសម្រេច ។

២- ចៅក្រមមិនអាចចូលរួមក្នុងការសម្រេចសេចក្តីអំពីការដកហូត ឬបណ្តឹងដិតចិត្តចំពោះខ្លួនបានទេ ។ ប៉ុន្តែ ចៅក្រមនោះអាចបពោ្ចញមតិយោបល់អំពីពាក្យសុំនូវការដកហូត ឬបណ្តឹងដិតចិត្តបាន ។

៣-ពាក្យសុំនូវការដកហូត ឬបណ្តឹងដិតចិត្ត ត្រូវបានធ្វើឡើងដោយធ្វើសេចក្តីបញ្ជាក់ដំបូងជាលាយល័ក្ខណ៍អក្សរនូវមូលហេតុ ។

៤- ពេលដែលមានពាក្យសុំនូវការដកហូត ឬបណ្តឹងដិតចិត្ត នីតិវិធីនៃបណ្តឹងត្រូវបានផ្អាករហូតដល់ពេលដែលដីកាសម្រេចអំពីបណ្តឹងនេះ ចូលជាស្ថាពរ ។ ប៉ុន្តែ បញ្ញត្តិនេះមិនត្រូវយកមកអនុវត្តឡើយ ចំពោះសកម្មភាពដែលត្រូវការជាបន្ទាន់ ដូចជាការថែរក្សា ការពារភស្តុតាង ជាអាទិ៍ ។

៥- ចំពោះដីកាសម្រេចដែលសម្រេចថា ការដកហូត ឬបណ្តឹងដិតចិត្តមានមូលហេតុ ត្រឹមត្រូវនោះ មិនអាចប្តឹងឧបាស្រ័យឡើយ ។
៦- ចំពោះដីកាសម្រេចដែលសម្រេចថា ការដកហូត ឬបណ្តឹងដិតចិត្តពុំត្រឹមត្រូវអាចប្តឹងជំទាស់បាន ។

មាត្រា ៣១.- ការអនុវត្តដូចគ្នាចំពោះក្រឡាបញ្ជី
បញ្ញត្តិនៃផ្នែកនេះត្រូវយកមកអនុវត្តដូចគ្នាផងដែរ ចំពោះក្រឡាបញ្ជី ។ ក្នុងករណីនេះ ការសម្រេចសេចក្តីអំពីពាក្យសុំនូវការដកហូត ឬបណ្តឹងដិតចិត្ត ត្រូវធ្វើដោយតុលាការ ដែលក្រឡាបញ្ជីនោះស្ថិតនៅក្រោម ។

មាត្រា ២៩.- ការដកខ្លួនរបស់ចៅក្រម
ក្នុងករណីដែលបានកំណត់ក្នុងកថាខណ្ឌទី ១ នៃមាត្រា ២៧ (ការដកហូតចៅក្រមពីសមត្ថកិច្ចជំនុំជម្រះ) ឬ កថាខណ្ឌទី ១ នៃមាត្រា ២៨ (បណ្តឹងដិតចិត្តចៅក្រម) នៃក្រមនេះ ចៅក្រមអាចដកខ្លួនបាន ដោយទទួលការអនុញ្ញាតពីប្រធានតុលាការដែលខ្លួនស្ថិតនៅក្រោម ។