វិភាគទានច្បាប់ Contribution of Law

វិភាគទានច្បាប់ Contribution of Law កម្មវិធីផ្សព្វផ្សាយច្បាប់ពាក់ព័ន្ធនឹងផ្នែករដ្ឋប្បវេណី

ទំព័រ វិភាគទានច្បាប់ Contribution of Law បង្កើតឡើងក្នុងគោលបំណងធ្វើឲ្យមានភាព កាន់តែប្រសើរឡើងក្នុងការផ្សព្វផ្សាយច្បាប់តាមរយៈកម្មវិធីថ្មីមួយ ផ្សាយផ្ទាល់ទាក់ទងនឹងបទសម្ភាសន៍ ការបង្រៀនច្បាប់តាម ប្រព័ន្ធ FB ដើម្បីចែករំលែកនូវចំណេះដឹងផ្នែកច្បាប់ ដល់អ្នកសិក្សាច្បាប់ អ្នកអនុវត្ត ច្បាប់ និងប្រជាពលរដ្ឋ។ លើសពីនេះទៅទៀត ទំព័រនេះ នឹងធ្វើការសម្ភាសន៍ បុគ្គលដែលទទួលបានភាពជោគជ័យ និស្សិតឆ្នើម និស្សិតដែលខំប្រឹងប្រែងក្នុង

ការសិក្សា ដើម្បីចែករំលែកនូវបទពិសោធន៍របស់ពួកគាត់។
ទំព័រ វិភាគទានច្បាប់ Contribution of Law បន្តផ្សាព្វផ្សាយពត៌មានទាក់ទងនឹងសិក្ខាសាលាដែលរៀបចំដោយវិភាគទានច្បាប់ ដើម្បីឲ្យកាន់តែមានភាពទូលំទូលាយជាងមុន។
ខ្ញុំសង្ឃឹមថា ទំព័រមួយនេះ នឹងអាចចែករំលែកចំណេះដឹងជាច្រើន សម្រាប់អ្នកច្បាប់ ក៏ដូចជាប្រជាពលរដ្ឋ។

មេរៀនស្តីពី «ហ៊ីប៉ូតែកដើម្បីធានាបំណុលអណ្តែត» ឧទ្ទេសនាមដោយ លោក ស៊ិន ច័ន្ទផល្គុន អ្នកបណ្តុះបណ្តាលវិភាគទានច្បាប់===========...
24/08/2026

មេរៀនស្តីពី «ហ៊ីប៉ូតែកដើម្បីធានាបំណុលអណ្តែត» ឧទ្ទេសនាមដោយ លោក ស៊ិន ច័ន្ទផល្គុន អ្នកបណ្តុះបណ្តាលវិភាគទានច្បាប់
=======================
ហ៊ីប៉ូតែកដើម្បីធានាបំណុលអណ្តែត ជាប្រភេទមួយនៃសិទ្ធិប្រាតិភោគប្រត្យក្ស ដែលសមាជិកនឹងសិក្សាបន្តលើ៖
១. ការកំណត់ប្រាក់ដើមស្ថាពរ
ការកំណត់ប្រាក់ដើមស្ថាពរ គឺជាការធ្វើឱ្យមានភាពប្រាកដប្រជា នៃទំហំសិទ្ធិលើបំណុលដែលត្រូវបានធានា។ ប្រាក់ដើមដែលបានកើតឡើងក្រោយកាលបរិច្ឆេទកំណត់ប្រាក់ដើមជាស្ថាពរ នឹងមិនត្រូវស្ថិតនៅក្នុងទំហំសិទ្ធិលើបំណុលដែលត្រូវបានធានានោះឡើយ។ ម្ចាស់បំណុលហ៊ីប៉ូតែក មិនអាចយកប្រាក់ដើមដែលកើតឡើងក្រោយកាលបរិច្ឆេទនេះ មកអះអាងចំពោះម្ចាស់បំណុលហ៊ីប៉ូតែកលំដាប់បន្ទាប់នោះទេ។

កាលបរិច្ឆេទកំណត់ប្រាក់ដើមជាស្ថាពរ ត្រូវបានកំណត់ដោយមធ្យោបាយដូចខាងក្រោម៖
- ការកំណត់ដោយការព្រមព្រៀង
- ការកំណត់ដោយការទាមទាររបស់អ្នកបង្កើត ឬម្ចាស់បំណុលហ៊ីប៉ូតែក
- ការកំណត់ដោយច្បាប់

២. ហេតុដែលអាចកើតមានមុនប្រាក់ដើមកំណត់ជាស្ថាពរ រួមមាន៖
- ការកែប្រែទំហំសិទ្ធិលើបំណុលត្រូវបានធានា
- ការកែប្រែចំនួនអតិបរមា
- សន្តតិកម្មរបស់កូនបំណុល ឬម្ចាស់បំណុលហ៊ីប៉ូតែក
- ការរួមបញ្ចូលគ្នារបស់កូនបំណុល ឬ ម្ចាស់បំណុលហ៊ីប៉ូតែក
- ការបំបែករបស់កូនបំណុល ឬ ម្ចាស់បំណុលហ៊ីប៉ូតែក
- អនុប្បទានហ៊ីប៉ូតែក

[English Below]សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»========ប្រព័ន្ធបរធនបាលកិច្ច និងប្រព័ន្ធសន្តតិកម្ម មានទ...
24/08/2026

[English Below]
សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»
========
ប្រព័ន្ធបរធនបាលកិច្ច និងប្រព័ន្ធសន្តតិកម្ម មានទំនាក់ទំនងគ្នាយ៉ាងជិតស្និត ជាពិសេសការពិចារណាអំពីការចាត់ចែងទ្រព្យសម្បត្តិក្រោយពេលមរណភាពរបស់បរធនបាលទាយក នៅក្នុងទំនាក់ទំនងនៃបរធនបាលកិច្ចគ្រួសារ។ យ៉ាងណាមិញ ទំនាក់ទំនងនេះ នៅមានភាពមិនច្បាស់លាស់ និងការបកស្រាយជាច្រើនកើតឡើងលើទិដ្ឋភាពច្បាប់ ហេតុនេះវិភាគទានច្បាប់ នឹងសហការរៀបចំសិក្ខាសាលារួមគ្នាជាមួយនឹងនិយ័តករបរធនបាលកិច្ច លើប្រធានបទ «សន្តតិកម្ម និងលិខិតបរធនបាលកិច្ច» ក្រោមអធិបតីភាព ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច និងមានការចូលរួមជាវាគ្មិនកិត្តិយសដោយលោកស្រីមេធាវី ទេព បូផល ស្ថាបនិកវិភាគទានច្បាប់ លោកស្រី ឈាន សុខារី ប្រធាននាយកដ្ឋានកិច្ចការគតិយុត្ត និងអធិការកិច្ចនៃនិយ័តករបរធនបាលកិច្ច និងលោក ស៊ិន ច័ន្ទផល្គុន អ្នកបណ្តុះបណ្តាលនៃវិភាគទានច្បាប់។

ដើម្បីអាចកំណត់គោលដៅនៃការពិភាក្សាឱ្យបានច្បាស់លាស់ និងផ្តល់ភាពងាយស្រួលក្នុងការស្វែងយល់ដល់សិក្ខាកាម សិក្ខាសាលានេះ នឹងរៀបចំជាទម្រង់នៃកិច្ចពិភាក្សា​ (Panel Discussion) លើមូលបទចំនួន ៤គឺ៖
មូលបទទី១. ប្រព័ន្ធសន្តតិកម្ម និងប្រព័ន្ធបរធនបាលកិច្ច (Succession and Trust)
មូលបទទី២. លិខិតបរធនបាលកិច្ច និងមតកសាសន៍ (Trust Deed and Will)
មូលបទទី៣. ការអនុវត្តបទប្បញ្ញត្តិសន្តតិកម្មចំពោះទ្រព្យសម្បត្តិបរធនបាលកិច្ច (Application of Succession rules toward Trust Fund)
មូលបទទី៤. យន្តការនៃការជម្រះបញ្ជី៖ បរធនបាលកិច្ច និងសន្តតិកម្ម (Liquidation Process: Trust and Succession)

សិក្ខាសាលានេះ នឹងប្រព្រឹត្តទៅនា៖
-ថ្ងៃពុធ ទី២៦ ខែសីហា ឆ្នាំ២០២៦
-ម៉ោង ៨:០០-១២:០០
-សាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC)

សម្រាប់ព័ត៌មានបន្ថែម សូមទាក់ទងក្រុមការងារវិភាគទានច្បាប់តាមរយៈតេឡេក្រាម៖ 069 935 389 (កញ្ញា សូត សួន)
———————————————————
Seminar on «Succession and Trust Deed»
========
Trust and Succession are closely interconnected, particularly when considering the disposition of property after the death of the settlor in the context of a family trust. Nevertheless, this relationship remains unclear, and various legal interpretations have arisen. Therefore, Contribution of Law, in cooperation with the Trust Regulator, will jointly organize a seminar on «Succession and Trust Deed» presided over by H.E.SOK Dara, Director General of the Trust Regulator, with the participation of distinguished speakers: Attorney TEP Bophal, Founder of Contribution of Law; Ms. CHHEAN Sokhary, Director of the Legal Affairs and Inspection Department of the Trust Regulator; and Mr. SIN Chanphalkun, Trainer of Contribution of Law.

In order to clearly define the scope of discussion and facilitate understanding for the participants, this seminar will be organized in the form of a Panel Discussion covering four main topics:
Topic 1. Succession and Trust
Topic 2. Trust Deed and Will
Topic 3. Application of Succession Rules toward Trust Fund
Topic 4. Liquidation Process: Trust and Succession

The seminar will be held on:
-Wednesday, 26 August 2026
-8:00 AM–12:00 PM
-Angkor Wat Hall, 15th Floor, Business Development Center (BDC)

For further information, please contact the Contribution of Law team via Telegram: 069 935 389 (Ms. SOTH Suon).

ពេលទី១ នៃវគ្គនីតិវិធីរដ្ឋប្បវេណី៖ នីតិវិធីនៃការជំនុំជម្រះលើកទី១ ក្នុងវគ្គបណ្ដុះបណ្ដាលជំនាន់ទី១០ ដែលឧទ្ទេសនាមដោយ លោកមេធាវ...
23/08/2026

ពេលទី១ នៃវគ្គនីតិវិធីរដ្ឋប្បវេណី៖ នីតិវិធីនៃការជំនុំជម្រះលើកទី១ ក្នុងវគ្គបណ្ដុះបណ្ដាលជំនាន់ទី១០ ដែលឧទ្ទេសនាមដោយ លោកមេធាវី អ៊ីវ ប៉ូលី អ្នកបណ្តុះបណ្តាលវិភាគទានច្បាប់
========================
ពេលទី១ នេះ សមាជិកវគ្គបណ្ដុះបណ្ដាលបានសិក្សាស្វែងយល់អំពីក្រមនីតិវិធីរដ្ឋប្បវេណី ដូចជាទម្រង់នៃការតាក់តែងក្រមនីតិវិធីរដ្ឋប្បវេណី ដោយបានសិក្សាប្រៀបធៀបនូវទម្រង់នៃការតាក់តែងក្រមនីតិវិធីរដ្ឋប្បវេណីរបស់បណ្ដាប្រទេសមួយចំនួនដែលប្រកាន់យកប្រព័ន្ធច្បាប់ស្រដៀងកម្ពុជា។ ក្រមនីតិវិធីរដ្ឋប្បវេណីកម្ពុជា ត្រូវបានរៀបចំឡើងតាមទម្រង់នៃប្រព័ន្ធ Pandekten ហើយរចនាសម្ព័ន្ធនៃក្រមនេះបានកំណត់នូវនីតិវិធីសំខាន់ៗចំនួនបីគឺ នីតិវិធីបណ្ដឹង នីតិវិធីអនុវត្តដោយបង្ខំ និងនីតិវិធីចាត់ចែងរក្សាការពារ ក្នុងនោះនីតិវិធីបណ្ដឹងជាចំណុចដែលត្រូវសិក្សានៅវគ្គនេះ។

ការជំនុំជម្រះលើកទី១ គឺជានីតិវិធីមួយនៃនីតិវិធីបណ្ដឹង ដែលចាប់ផ្ដើមដោយពាក្យបណ្ដឹង។ ពាក្យបណ្ដឹង គឺជាឯកសារផ្ទុកនូវការទាមទាររបស់ដើមចោទ កាលណាពាក្យបណ្ដឹងត្រូវបានដាក់ អានុភាពនៃបណ្ដឹងកើតមានចំពោះតែដើមចោទ និងតុលាការប៉ុណ្ណោះ រហូតដល់ពេលពាក្យបណ្ដឹងនោះត្រូវបានបញ្ជូនដល់ចុងចម្លើយ ហេតុនេះក្នុងករណីពាក្យបណ្ដឹងមិនត្រឹមត្រូវ តុលាការនឹងមិនចាត់ការបណ្ដឹងនោះទេ។ ដើម្បីអាចសរសេរពាក្យបណ្ដឹងឱ្យបានត្រឹមត្រូវ ពាក្យបណ្ដឹងនោះត្រូវសរសេរដោយគោរពទៅតាមលក្ខខណ្ឌច្បាប់ ពិសេសតាមមាត្រា៧៥ នៃក្រមនីតិវិធីរដ្ឋប្បវេណី។

[English Below]ការចាប់ផ្តើមវគ្គសិក្សាស្តីពី «នីតិវិធីរដ្ឋប្បវេណី៖ការជំនុំជម្រះលើកទី១»===========វគ្គសិក្សាស្តីពី «នីតិវិ...
19/08/2026

[English Below]
ការចាប់ផ្តើមវគ្គសិក្សាស្តីពី «នីតិវិធីរដ្ឋប្បវេណី៖ការជំនុំជម្រះលើកទី១»
===========
វគ្គសិក្សាស្តីពី «នីតិវិធីរដ្ឋប្បវេណី៖ការជំនុំជម្រះលើកទី១» នឹងចាប់ផ្តើមនៅថ្ងៃទី២២ ខែសីហា ឆ្នាំ២០២៦ ខាងមុខនេះ ដោយក្នុងការបណ្តុះបណ្តាលរយៈពេល ៨០ម៉ោង សមាជិកនឹងទទួលបានចំណេះដឹង និងបទពិសោធពីវាគ្មិនដែលមានជំនាញលើផ្នែកនីតិវិធីរដ្ឋប្បវេណី គឺលោកមេធាវី អ៊ីវ ប៉ូលី អ្នកបណ្តុះបណ្តាលនៃវិភាគទានច្បាប់ លើ៖
១. សេចក្ដីផ្ដើមនៃក្រមនីតិវិធីរដ្ឋប្បវេណី
២. ពាក្យបណ្ដឹង ឯកសារចម្លើយ និងឯកសារត្រៀម
៣. បណ្ដឹងតប
៤. នីតិវិធីត្រៀមសម្រាប់ការទាញហេតុផល
៥. ការទាញហេតុផលដោយផ្ទាល់មាត់
៦. សាលក្រម

អាចចុះឈ្មោះចូលរួមតាមរយៈតំណភ្ជាប់៖ https://forms.gle/aHUVYDRGxft8hDnE6
———————
Commencement of “Civil Procedure: Trial of The First Instance” Course
===========
The course on “Civil Procedure: Trial of First Instance” will commence on August 22, 2026!

Throughout the 80-hour training program, members will gain knowledge and practical experience from a speaker specializing in civil procedure, Attorney IV Poly, CL trainer, covering the following topics:
1. Introduction to the Code of Civil Procedure
2. Complaints, Answering Document, and Preparatory Documents
3. Conterclaims
4. Preparatory Proceedings for Oral Arguments (PPOA)
5. Oral Arguments (OA)
6. Judgments

Registration isavailable through the following link: https://forms.gle/aHUVYDRGxft8hDnE6

[English Below]កិច្ចប្រជុំត្រៀមរៀបចំសិក្ខាសាលាស្តីពី «សន្តតិកម្ម និងលិខិតបរធនបាលកិច្ច»=======វិភាគទានច្បាប់ និងនិយ័តករបរ...
17/08/2026

[English Below]
កិច្ចប្រជុំត្រៀមរៀបចំសិក្ខាសាលាស្តីពី «សន្តតិកម្ម និងលិខិតបរធនបាលកិច្ច»
=======
វិភាគទានច្បាប់ និងនិយ័តករបរធនបាលកិច្ច បានរៀបចំកិច្ចប្រជុំរួមគ្នាក្នុងគោលបំណងពិភាក្សាអំពីការរៀបចំសិក្ខាសាលាស្តីពី «សន្តតិកម្ម និងលិខិតបរធនបាលកិច្ច» ដែលនឹងរៀបចំនៅថ្ងៃទី២៦ ខែសីហា ឆ្នាំ២០២៦ ខាងមុខនេះ។ កិច្ចប្រជុំនេះ ត្រូវបានរៀបចំនៅនិយ័តករបរធនបាលកិច្ច នាថ្ងៃចន្ទ ទី១៧ ឆ្នាំ២០២៦ ដោយមានវត្តមានលោកស្រីមេធាវី ទេព បូផល ស្ថាបនិកវិភាគទានច្បាប់ លោកស្រី ឈាន សុខារី ប្រធាននាយកដ្ឋានកិច្ចការគតិយុត្ត និងអធិការកិច្ចនៃនិយ័តករបរធនបាលកិច្ច ព្រមទាំងក្រុមការងារស្ថាប័នទាំងពីរ។

នៅក្នុងកិច្ចប្រជុំនេះ ក្រុមការងារនៃស្ថាប័នទាំងពីរ បានពិភាក្សាលើ៖
១. របៀបនៃការរៀបចំសិក្ខាសាលា ដោយកំណត់យកការបង្ហាញខ្លីអំពីសញ្ញាណនៃបរធនបាលកិច្ច និងសន្តតិកម្ម ហើយរៀបចំឱ្យមានជាវេទិកាពិភាក្សាបែបជាសំណួរចម្លើយ (Panel Discussion)។
២. ទំហំនៃកិច្ចពិភាក្សា ដោយកំណត់យកចំណុចជាបញ្ហាសំខាន់ៗដែលមានភាពប្រទាក់ក្រឡាគ្នារវាងយន្តការបរធនបាលកិច្ច និងសន្តតិកម្ម ដូចជាការបង្កើតបរធនបាលកិច្ចបុគ្គលតាមរយៈមតកសាសន៍ ផ្តោតលើបរធនបាលកិច្ចគ្រួសារ ជាអាទិ៍។

ក្រោយបញ្ចប់កិច្ចពិភាក្សា ក្រុមការងារនឹងរៀបចំឯកសារបទបង្ហាញជាគោល ក៏ដូចជាចំណុចដែលជាបញ្ហាត្រូវលើកយកមកពិភាក្សាក្នុងវេទិកាសំណួរចម្លើយ ហើយរៀបចំកិច្ចប្រជុំរួមគ្នាម្តងទៀត។
——————————————
Preparatory Meeting for the Seminar on “Succession and Trust Deed”
Contribution of Law and Trust Regulator held a joint meeting to discuss preparations for the seminar on “Succession and Trust Deed,” which is scheduled to take place on Wednesday, 26 August 2026. The meeting was held at the Trust Regulator Office on Monday, 17 August 2026, with the participation of Attorney TEP Bophal, CL Founder; Ms. CHHEAN Sokhary, Director of the Legal Affairs and Inspection Department of the Trust Regulator; as well as working teams from both institutions.

During the meeting, the working teams from both institutions discussed the following:
1. Seminar format: It was agreed that the seminar would begin with a brief presentation on the concepts of trusts and succession, followed by a question-and-answer panel discussion.
2. Scope of discussion: The discussion would focus on key issues involving the intersection between trust mechanisms and succession, such as the establishment of an individual trust through a will, with particular emphasis on family trusts, among other relevant topics.

Following the discussion, the working teams will prepare the main presentation materials, as well as the key issues and questions to be raised during the question-and-answer panel. The two institutions will then hold another joint meeting to further discuss and finalize the preparations.

[English Below]មេរៀនស្តីពី «ហ៊ីប៉ូតែកដើម្បីធានាបំណុលអណ្តែត» ឧទ្ទេសនាមដោយ លោក ស៊ិន ច័ន្ទផល្គុន អ្នកបណ្តុះបណ្តាលវិភាគទានច្...
17/08/2026

[English Below]
មេរៀនស្តីពី «ហ៊ីប៉ូតែកដើម្បីធានាបំណុលអណ្តែត» ឧទ្ទេសនាមដោយ លោក ស៊ិន ច័ន្ទផល្គុន អ្នកបណ្តុះបណ្តាលវិភាគទានច្បាប់

ហ៊ីប៉ូតែកដើម្បីធានាបំណុលអណ្តែត ជាប្រភេទមួយនៃសិទ្ធិប្រាតិភោគប្រត្យក្ស ដែលសប្តាហ៍នេះ សមាជិកនឹងសិក្សាលើ៖
១. សេចក្តីផ្តើម
ហ៊ីប៉ូតែកដើម្បីធានាបំណុលអណ្តែត ជាប្រភេទប្រាតិភោគពិសេសមួយ ដែលច្បាប់បានឱ្យរួចផុតពីវិធានទូទៅជាអាទិ៍ ភាពបន្ទាប់បន្សំ និងភាពទៅជាមួយគ្នានៃសិទ្ធិប្រាតិភោគប្រត្យក្ស។ មូលហេតុដែលនាំឱ្យវាមានលក្ខណៈពិសេស គឺដោយសារតែប្រាតិភោគប្រភេទនេះត្រូវបង្កើតឡើងដើម្បីធានា សិទ្ធិលើបំណុលដែលកើតឡើងជាបន្តបន្ទាប់ ផ្អែកតាមទំនាក់ទំនងនៃ ការជួញដូរជានិរន្ត៍។

២. ទំហំសិទ្ធិលើបំណុលដែលត្រូវធានា
ហ៊ីប៉ូតែកដើម្បីធានាបំណុលអណ្តែត ធានាសិទ្ធិលើបំណុលជាប្រាក់ដើម ដែលបានកំណត់ជាស្ថាពរ ការប្រាក់ ធនលាភ និងសំណងការខូចខាត រហូតដល់កម្រិតនៃចំនួនអតិបរមា។ នៅក្នុងចន្លោះពេលរហូតដល់ប្រាក់ដើមដែលបានកំណត់ជាស្ថាពរ ចំនួនប្រាក់ដើមដែលធានាដោយហ៊ីប៉ូតែកពុំមានភាពប្រាកដប្រជានោះទេ ភាពប្រាកដប្រជាជាងគេបំផុត គឺចំនួនអតិបរមា។ ម្ចាស់បំណុលហ៊ីប៉ូតែកអាចអនុវត្តហ៊ីប៉ូតែកររបស់ខ្លួនក្នុងកម្រិតនៃចំនួនអតិបរមា ចំពោះប្រាក់ដើមដែលបានកំណត់ជាស្ថាពរ ការប្រាក់ ធនលាភផ្សេង និងសំណងនៃការខូចខាត។
—————————————————
Lesson on “Revolving Hypothec” Presented by Mr. SIN Chanphalkun, CL's Trainer

Revolving Hypothec is a type of real security right which members will study the following:
1. Introduction
Revolving hypothec is a special type of security interest that is exempted by law from certain general rules, particularly the accessory nature and inseparability of security rights in rem. The reason for its special characteristics is that this type of security is created to secure claims arising successively from an ongoing transactional relationship.

2. Scope of secured claim
Revolving hypothec secures the principal amount determined on a continuing basis, together with interest, benefits, and damages, up to the specified maximum amount. During the period before the principal amount is finally determined, the amount of the principal secured by the hypothec is not certain; what is most certain is the maximum amount.The hypothecary creditor may enforce the hypothec up to the maximum amount in respect of the principal amount determined on a continuing basis, interest, other benefits, and damages.

សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»========បរធនបាលកិច្ច គឺជាទំនាក់ទំនងគតិយុត្តដែលបរធនបាលទាយកផ្ដល់ទ្រព្យសម...
14/08/2026

សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»
========
បរធនបាលកិច្ច គឺជាទំនាក់ទំនងគតិយុត្តដែលបរធនបាលទាយក
ផ្ដល់ទ្រព្យសម្បត្តិដល់បរធនបាលក្នុងការមើលថែរក្សា និងប្រើប្រាស់ជាប្រយោជន៍របស់អត្ថគាហកៈ។ បរធនបាលកិច្ច អាចមានច្រើនប្រភេទ ហើយមួយក្នុងចំណោមប្រភេទទាំងអស់ បរធនបាលកិច្ចបុគ្គល មានទំនាក់ទំនងយ៉ាងជិតស្និតជាមួយនឹងប្រព័ន្ធសន្តតិកម្មនៅក្នុងក្រមរដ្ឋប្បវេណី។ នៅពេលដែលធ្វើការពិចារណាអំពីបរធនបាលកិច្ចបុគ្គល នឹងចោទជាសំណួរពាក់ព័ន្ធនឹងការចាត់ចែងបរធនបាលកិច្ច ពោលគឺបរធន នៅពេលដែលបរធនបាលទាយកទទួលមរណភាព ឬករណីដែលបរធនបាលទាយកមានបំណងបង្កើតបរធនបាលកិច្ចតាមមតកសាសន៍។

ដើម្បីឆ្លើយតបនឹងភាពស្រពិចស្រពិលនេះ វិភាគទានច្បាប់ នឹងសហការរៀបចំសិក្ខាសាលារួមគ្នាជាមួយនឹងនិយ័តករបរធនបាលកិច្ច លើប្រធានបទ «សន្តតិកម្ម និងលិខិតបរធនបាលកិច្ច» ក្រោមអធិបតីភាព ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច និងមានការចូលរួមជាវាគ្មិនកិត្តិយសដោយលោកស្រីមេធាវី ទេព បូផល ស្ថាបនិកវិភាគទានច្បាប់ លោកស្រី ឈាន សុខារី ប្រធាននាយកដ្ឋានកិច្ចការគតិយុត្ត និងអធិការកិច្ចនៃនិយ័តករបរធនបាលកិច្ច និងលោក ស៊ិន ច័ន្ទផល្គុន អ្នកបណ្តុះបណ្តាលនៃវិភាគទានច្បាប់។

សិក្ខាសាលានេះ នឹងប្រព្រឹត្តទៅនា៖
-ថ្ងៃពុធ ទី២៦ ខែសីហា ឆ្នាំ២០២៦
-ម៉ោង ៨:០០-១៧:០០
-សាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC)

ចុះឈ្មោះចូលរួមដោយឥតគិតថ្លៃ ចាប់ពីពេលជូនដំណឹងដល់ថ្ងៃទី១៦ ខែសីហា ឆ្នាំ២០២៦ និងត្រឹមចំនួន១៥០នាក់ តាមរយៈ៖ https://forms.gle/Z7srFApE3p6wydQ99

សម្រាប់ព័ត៌មានបន្ថែម សូមទាក់ទងក្រុមការងារវិភាគទានច្បាប់តាមរយៈតេឡេក្រាម៖ 069 935 389 (កញ្ញា សូត សួន)

បទឧទ្ទេសនាមអំពីសៀវភៅមេរៀនស្តីពី «ការលែងលះ»=======នៅក្នុងសិក្ខាសាលាផ្សព្វផ្សាយសៀវភៅមេរៀនស្តីពី «ការលែងលះ» លោកចៅក្រម ឡោ ក្...
13/08/2026

បទឧទ្ទេសនាមអំពីសៀវភៅមេរៀនស្តីពី «ការលែងលះ»
=======
នៅក្នុងសិក្ខាសាលាផ្សព្វផ្សាយសៀវភៅមេរៀនស្តីពី «ការលែងលះ» លោកចៅក្រម ឡោ ក្រឹម ចៅក្រមនៃសាលាដំបូងរាជធានីភ្នំពេញ និងជាសមាជិកក្រុមការងារបច្ចេកទេសនៃគម្រោងអភិវឌ្ឍន៍វិស័យច្បាប់ និងយុត្តិធម៌ ជំហានទី៦ បានធ្វើបទឧទ្ទេសនាមអំពី «ការលែងលះ» ដោយផ្តោតលើចំណុចសំខាន់ៗចំនួន ៣គឺ៖ ១. ការទាមទារនៅក្នុងរឿងក្តីលែងលះ ២. មូលហេតុនៃការលែងលះ និង ៣. នីតិវិធីនៃការលែងលះ។

ក្នុងចំណុចទីមួយ ការទាមទារនៅក្នុងសំណុំរឿងលែងលះ វាគ្មិនបានធ្វើការបង្ហាញអំពីចំណុចនៃការទាមទារនៅក្នុងរឿងក្តីលែងលះ រួមមានការលែងលះ ការកំណត់អ្នកមានអំណាចមេបា ការបែងចែកទ្រព្យសម្បត្តិ ជាអាទិ៍ ដោយធ្វើការបង្ហាញអំពីការទាមទារនៃចំណុចនីមួយៗនោះ។ ដោយឡែកចំណុចទីពីរ មូលហេតុនៃការលែងលះ វាគ្មិនបានធ្វើការបង្ហាញអំពីលក្ខខណ្ឌនៃការលែងលះដែលច្បាប់បានកំណត់ ដោយភ្ជាប់នឹងការពិចារណាទ្រឹស្តី A និងទ្រឹស្តី B លើមូលហេតុនៃការលែងលះ។ ជាចុងក្រោយ វាគ្មិនបានបង្ហាញអំពីនីតិវិធីនៃការលែងលះ ដោយមានការលែងលះតាមពាក្យបណ្តឹង និងការលែងលះតាមពាក្យសុំ។

នៅចុងបញ្ចប់នៃកម្មវិធី លោកមេធាវី គីម សុជាតិ អគ្គលេខាធិការនៃអគ្គលេខាធិការដ្ឋានគណៈមេធាវី និងជាប្រធានក្រុមហ៊ុនមេធាវី ខេ អិន ស៊ី &អាសូស៊ីអេត បានថ្លែងសុន្ទរកថាបិទសិក្ខាសាលា។ ថ្លែងក្នុងឱកាសនេះ លោកមេធាវី បានថ្លែងអំណរគុណវាគ្មិនដែលចំណាយពេលវេលាចែករំលែកចំណេះដឹងដល់សិក្ខាកាម ក៏ដូចជាឆ្លើយតបនូវរាល់ចម្ងល់ដែលបានលើកឡើង និងបង្ហាញថា ការស្វែងយល់អំពីបញ្ហាផ្លូវច្បាប់ពាក់ព័ន្ធនឹងការលែងលះនេះ ពិតជាមានសារសំខាន់ខ្លាំងណាស់ ជាពិសេសក្នុងនាមជាអ្នកអនុវត្តច្បាប់។ បន្ថែមពីនេះ លោកមេធាវីក៏បានបង្ហាញនូវជំហរក្នុងការបន្តគាំទ្រសកម្មភាពរបស់វិភាគទានច្បាប់តាមគ្រប់ទម្រង់។

ឆ្លៀតក្នុងឱកាសនេះ វិភាគទានច្បាប់ សូមគោរពថ្លែងអំណរគុណជាថ្មីម្តងទៀត ចំពោះឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ដែលបានអនុញ្ញាតឱ្យយើងខ្ញុំរៀបចំសិក្ខាសាលានេះ ព្រមទាំងអរគុណចំពោះវត្តមានឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ ជាគណៈអធិបតី លោកចៅក្រម ឡោ ក្រឹម ចៅក្រមនៃសាលាដំបូងរាជធានីភ្នំពេញ ជាវាគ្មិនកិត្តិយស លោកមេធាវី គីម សុជាតិ ប្រធានក្រុមហ៊ុនមេធាវី ខេ អិន ស៊ី &អាសូស៊ីអេត ជាម្ចាស់ឧបត្ថម្ភកម្មវិធី ក៏ដូចជាវត្តមានរបស់សិក្ខាកាមទាំងអស់ ដែលជម្រុញឱ្យសិក្ខាសាលានេះប្រព្រឹត្តទៅយ៉ាងរលូន និងជោគជ័យ។

សិក្ខាសាលាផ្សព្វផ្សាយសៀវភៅមេរៀនស្តីពី «ការលែងលះ» ==========វិភាគទានច្បាប់ បានទទួលការអនុញ្ញាតដ៏ខ្ពង់ខ្ពស់ពីឯកឧត្តម កើត រិ...
12/08/2026

សិក្ខាសាលាផ្សព្វផ្សាយសៀវភៅមេរៀនស្តីពី «ការលែងលះ»
==========
វិភាគទានច្បាប់ បានទទួលការអនុញ្ញាតដ៏ខ្ពង់ខ្ពស់ពីឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ រៀបចំសិក្ខាសាលាផ្សព្វផ្សាយសៀវភៅមេរៀនស្តីពី «ការលែងលះ» ក្រោមអធិបតីភាព ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ ព្រមទាំងមានការចូលរួមជាវាគ្មិនកិត្តិយសដោយលោកចៅក្រម ឡោ ក្រឹម ចៅក្រមនៃសាលាដំបូងរាជធានីភ្នំពេញ នារសៀល ថ្ងៃពុធ ទី១២ ខែសីហា ឆ្នាំ២០២៦ នៅសាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC) និងមានសិក្ខាកាមជាមេធាវី អ្នកវិជ្ជាជីវៈច្បាប់ដទៃទៀត អ្នកអនុវត្តច្បាប់ និងនិស្សិតប្រមាណជាង ៤០០នាក់។

ជាកិច្ចចាប់ផ្តើមនៃកម្មវិធី លោកស្រីមេធាវី ទេព បូផល ស្ថាបនិកវិភាគទានច្បាប់ បានសំដែងអំណរគុណចំពោះការអនុញ្ញាតដ៏ខ្ពង់ខ្ពស់របស់ឯកឧត្តមឧបនាយករដ្ឋមន្ត្រី ឱ្យរៀបចំសិក្ខាសាលាផ្សព្វផ្សាយសៀវភៅមេរៀនស្តីពី «ការលែងលះ» នេះ ក៏ដូចជាវត្តមានរបស់ឯកឧត្តមរដ្ឋលេខាធិការជាគណៈអធិបតី។ ការផ្សព្វផ្សាយអំពីសៀវភៅមេរៀនស្តីពី «ការលែងលះ» ពិតជាមានសារសំខាន់សម្រាប់អ្នកច្បាប់ ក្នុងគោលដៅឱ្យការស្វែងយល់អំពីបទដ្ឋានគតិយុត្តពាក់ព័ន្ធ មានសង្គតភាព ហើយក៏ស្របនឹងបេសកកម្មរបស់វិភាគទានច្បាប់ផងដែរ ហើយការទទួលបានឱកាសក្នុងផ្សព្វផ្សាយសៀវភៅនេះ នឹងក្លាយជាវេទិកាមួយដែលអាចឱ្យអ្នកច្បាប់ស្វែងយល់កាន់តែស៊ីជម្រៅ។ ព្រមជាមួយគ្នានេះ លោកស្រីស្ថាបនិក ក៏បានបង្ហាញនូវខ្លឹមសារសំខាន់ៗមួយចំនួនអំពីសៀវភៅមេរៀនស្តីពី «ការលែងលះ» ទៅកាន់សិក្ខាកាមផងដែរ។ ជាចុងក្រោយ លោកស្រី ក៏បានថ្លែងអំណរគុណចំពោះក្រុមហ៊ុនមេធាវី ខេ អិន ស៊ី &អាសូស៊ីអេត ដែលបានឧបត្ថម្ភដំណើរការសិក្ខាសាលានេះ។

ថ្លែងក្នុងសុន្ទរកថាបើកសិក្ខាសាលា ឯកឧត្តម កេង​ សុម៉ារិទ្ធ រដ្ឋលេខាធិការក្រសួងយុត្តិធម៌ និងជាប្រធានក្រុមការងារបច្ចេកទេស (TWG) ដើម្បីអនុវត្តផែនការប្រតិបត្តិ និងតារាងផែនការសកម្មភាពនៃគម្រោងអភិវឌ្ឍន៍វិស័យច្បាប់ និងយុត្តិធម៌ ជំហានទី៦ បានកត់សម្គាល់ជូនអង្គពិធីថា វត្តមានរបស់ឯកឧត្តមនាពេលនេះ ជាលើកទី២ ដែលបានចូលរួមជាមួយវិភាគទានច្បាប់ ពាក់ព័ន្ធនឹងការផ្សព្វផ្សាយច្បាប់។ ឯកឧត្តមបានលើកឡើងថា ការចូលរួមផ្សព្វផ្សាយច្បាប់ គឺជាគោលដៅរបស់ក្រសួងយុត្តិធម៌ ដោយឈរលើគោលជំហរថា ការផ្សព្វផ្សាយឯកសារច្បាប់ គឺជាការចូលរួមចំណែកក្នុងការលើកកម្ពស់ការយល់ដឹងអំពីច្បាប់នៅក្នុងសង្គម។

ឯកឧត្តម បានធ្វើការបញ្ជាក់ជូនផងដែរថា ការរៀបចំសៀវភៅនេះអាចធ្វើទៅបាន ដោយមានការសហការពីទីភ្នាក់ងារសហប្រតិបត្តិការអន្តរជាតិជប៉ុន (JICA) ដែលបានជួយជ្រោមជ្រែងកម្ពុជាក្នុងការរៀបចំតាក់តែងក្រមរដ្ឋប្បវេណី ចាប់តាំងពីដំណាក់កាលនៃសេចក្តីព្រាងរហូតមកដល់បច្ចុប្បន្ន តាមរយៈគម្រោងអភិវឌ្ឍន៍វិស័យច្បាប់ និងយុត្តិធម៌ ហើយឯកឧត្តមបានចូលរួមក្នុងគម្រោងនេះ ចាប់ពីជំហានទី៤ រហូតក្លាយជាប្រធានក្រុមការងារនៅជំហានទី៦ នេះ។ ឯកឧត្តមបានបញ្ជាក់បន្ថែមផងដែរថា សៀវភៅមេរៀនស្តីពី «ការលែងលះ» ជាវណ្ណកម្មដំបូងនៃជំហានទី៦ ហើយត្រូវបានរៀបចំជា២ទម្រង់គឺ ទីមួយជាសៀវភៅដែលផ្សព្វផ្សាយជាសាធារណៈ និងអាចទាញយកបានតាមរយៈគេហទំព័ររបស់ក្រសួងយុត្តិធម៌ និងទីពីរជាសៀវភៅសម្រាប់គ្រូបណ្តុះបណ្តាលនៃសាលាភូមិន្ទចៅក្រម និងព្រះរាជអាជ្ញានៃបណ្ឌិត្យសភាភូមិន្ទយុត្តិធម៌កម្ពុជា។

ឯកឧត្តម បានរំលេចឡើងផងដែរអំពីមូលហេតុនៃការជ្រើសរើសប្រធានបទនេះ ជាប្រធានបទដំបូងក្នុងការតាក់តែងជាសៀវភៅមេរៀន ខណៈពេលដែលមានប្រធានបទជាច្រើន អាចត្រូវបានជ្រើសរើស។ ការកំណត់យកប្រធានបទនេះ មកតាក់តែងជាសៀវភៅមេរៀន ដោយសារតែការលែងលះ ជារឿងដែលកើតឡើងច្រើន ប៉ុន្តែបើក្រឡេកមើលការយល់ដឹងផ្លូវច្បាប់ពាក់ព័ន្ធនឹងការលែងលះ អាចនិយាយបានថា នៅមានកម្រិត ព្រោះបទប្បញ្ញត្តិស្តីពីការលែងលះ មានលក្ខណៈស៊ីជម្រៅ ដែលទាមទារឱ្យមានការគិតគូរយ៉ាងល្អិតល្អន់ ហើយការចាប់ផ្តើមពីអ្នកច្បាប់ ជាពិសេសអ្នកដែលមានសិទ្ធិធ្វើសេចក្តីសម្រេច នឹងជាមាគ៌ាដ៏ប្រពៃមួយសម្រាប់ការអនុវត្តឱ្យបានត្រឹមត្រូវ និងគ្រប់ជ្រុងជ្រោយក្នុងសង្គម។ ដោយឡែកចំពោះរបៀបនៃការតាក់តែងវិញ សៀវភៅនេះ ត្រូវបានបែងចែកជា ៤ជំពូករួមមាន ១. ការកំណត់អំពីប្លង់ឬមាតិកានៃមេរៀន ២. ករណីសិក្សាគំរូ ៣. សំណួរស្រាវជ្រាវ និង៤. ករណីសិក្សាជាក់ស្តែង​ ដែលជាការចងក្រងនូវសេចក្តីសម្រេចរបស់តុលាការតាមបណ្តាសាលាដំបូងរាជធានីខេត្ត និងការដាក់បង្ហាញសាលក្រមជាសាធារណៈលើគេហទំព័រក្រសួងយុត្តិធម៌។

ជាចុងបញ្ចប់ ឯកឧត្តមបានផ្តាំផ្ញើទៅកាន់សិក្ខាកាមទាំងអស់ ឱ្យបន្តចូលរួមយ៉ាងសកម្ម តាមរយៈការលើកឡើងជាសំណួរឱ្យបានច្រើនទៅកាន់វាគ្មិនកិត្តិយស ដើម្បីអាចស្វែងយល់ឱ្យបានកាន់តែច្បាស់ ស៊ីជម្រៅ និងមានភាពប្រត្យក្សអំពីការលែងលះ ទាំងលើផ្នែកទ្រឹស្តី និងការអនុវត្តជាក់ស្តែង និងប្រកាសបើកកម្មវិធីសិក្ខាសាលា។

12/08/2026

ជួបគ្នានៅម៉ោង 13:30 នៅសាលអង្គរវត្ត ជាន់ទី15 នៃមជ្ឈមណ្ឌលអភិវឌ្ឍធុរកិច្ច (BDC)

ចូលរួមដើម្បីទទួលបានចំណេះដឹង និងបទពិសោធពីវាគ្មិនដែលមានចំណេះជំនាញច្បាស់លាស់អំពីបញ្ញត្តិច្បាប់ពាក់ព័ន្ធនឹងការលែងលះ

Address

Business Development Center (BDC), 8th Floor, OCIC Boulevard, Sankgat Chroy Changvar, Khan Chroy Changvar
Phnom Penh

Website

Alerts

Be the first to know and let us send you an email when វិភាគទានច្បាប់ Contribution of Law posts news and promotions. Your email address will not be used for any other purpose, and you can unsubscribe at any time.

Shortcuts

Share

Category