វិភាគទានច្បាប់ Contribution of Law

Directions Website

វិភាគទានច្បាប់ Contribution of Law កម្មវិធីផ្សព្វផ្សាយច្បាប់ពាក់ព័ន្ធនឹងផ្នែករដ្ឋប្បវេណី

ទំព័រ វិភាគទានច្បាប់ Contribution of Law បង្កើតឡើងក្នុងគោលបំណងធ្វើឲ្យមានភាព កាន់តែប្រសើរឡើងក្នុងការផ្សព្វផ្សាយច្បាប់តាមរយៈកម្មវិធីថ្មីមួយ ផ្សាយផ្ទាល់ទាក់ទងនឹងបទសម្ភាសន៍ ការបង្រៀនច្បាប់តាម ប្រព័ន្ធ FB ដើម្បីចែករំលែកនូវចំណេះដឹងផ្នែកច្បាប់ ដល់អ្នកសិក្សាច្បាប់ អ្នកអនុវត្ត ច្បាប់ និងប្រជាពលរដ្ឋ។ លើសពីនេះទៅទៀត ទំព័រនេះ នឹងធ្វើការសម្ភាសន៍ បុគ្គលដែលទទួលបានភាពជោគជ័យ និស្សិតឆ្នើម និស្សិតដែលខំប្រឹងប្រែងក្នុងការសិក្សា ដើម្បីចែករំលែកនូវបទពិសោធន៍របស់ពួកគាត់។
ទំព័រ វិភាគទានច្បាប់ Contribution of Law បន្តផ្សាព្វផ្សាយពត៌មានទាក់ទងនឹងសិក្ខាសាលាដែលរៀបចំដោយវិភាគទានច្បាប់ ដើម្បីឲ្យកាន់តែមានភាពទូលំទូលាយជាងមុន។
ខ្ញុំសង្ឃឹមថា ទំព័រមួយនេះ នឹងអាចចែករំលែកចំណេះដឹងជាច្រើន សម្រាប់អ្នកច្បាប់ ក៏ដូចជាប្រជាពលរដ្ឋ។

សិក្ខាសាលា «បណ្ដឹងទាមទារប្រមូលបំណុល»=============នាថ្ងៃសៅរ៍ ទី១២ ខែកញ្ញា ឆ្នាំ២០២៦ វិភាគទានច្បាប់ និងក្រុមហ៊ុនមេធាវីកម្ព...
13/09/2026

សិក្ខាសាលា «បណ្ដឹងទាមទារប្រមូលបំណុល»
=============
នាថ្ងៃសៅរ៍ ទី១២ ខែកញ្ញា ឆ្នាំ២០២៦ វិភាគទានច្បាប់ និងក្រុមហ៊ុនមេធាវីកម្ពុជាសហប្រតិបត្តិការអន្តរជាតិ (ក្រុមហ៊ុនមេធាវីស៊ីអាយស៊ី) ក្រោមគម្រោងអនុស្សរណៈនៃការយោគយល់លើកទី៥ ស្ថាប័នទាំងបានរៀបចំសិក្ខាសាលាស្ដីពី «បណ្ដឹងទាមទារប្រមូលបំណុល» ដែលមានវាគ្មិនកិត្តិយស លោកមេធាវី អ៊ីវ ប៉ូលី អ្នកបណ្ដុះបណ្ដាលនៃវិភាគទានច្បាប់ និងមានសិក្ខាកាមជាមេធាវី និងបុគ្គលិកនៃក្រុមហ៊ុនមេធាវីស៊ីអាយស៊ី អ្នកវិជ្ជាជីវៈច្បាប់ សិស្ស និងនិស្សិតចូលរួមប្រមាណ ១២០នាក់ នៅសាលសន្និសីទ ជាន់ទី៣ នៃអគារស៊ីអាយស៊ី។

ថ្លែងក្នុងមតិចំណាប់អារម្មណ៍ លោកស្រីមេធាវី ទេព បូផល ស្ថាបនិកវិភាគទានច្បាប់ បានលើកឡើងអំពីសារៈសំខាន់ និងគោលបំណងនៃសិក្ខាសាលានាថ្ងៃនេះ។ លោកស្រីមេធាវី បានបញ្ជាក់ថា បណ្ដឹងទាមទារប្រមូលបំណុល ជាប្រភេទបណ្ដឹងមួយដែលកើតឡើងនៅក្នុងនីតិវិធីអនុវត្តដោយបង្ខំ នៅពេលដែលកូនបំណុលទី៣ មិនសហការក្នុងការប្រគល់ទ្រព្យសម្បត្តិរបស់កូនបំណុលនៃការអនុវត្តដែលខ្លួនកំពុងកាន់កាប់មកតុលាការ ជាអាទិ៍ ហើយតុលាការអនុវត្តមិនអាចបង្ខំឱ្យកូនបំណុលទី៣ប្រគល់បានទេ ព្រោះស្ថានភាពនេះកូនបំណុលទី៣មិនរងអានុភាពនៃសាលក្រមឡើយ នាំឱ្យបណ្ដឹងទាមទារប្រមូលបំណុលក្លាយជាច្រកចេញចំពោះបញ្ហានេះ។ ទោះជាយ៉ាងណា ក្នុងការអនុវត្តជាក់ស្ដែងមិនសូវមានការអនុវត្តបណ្ដឹងនេះច្រើននៅឡើយ ហើយលោកស្រីមេធាវីសង្ឃឹមថាសិក្ខាសាលានាថ្ងៃនេះនឹងក្លាយជាចំណេះដឹងថ្មីមួយសម្រាប់សិក្ខាកាម ពិសេសមេធាវី ក្នុងការការពារផលប្រយោជន៍កូនក្ដីរបស់ខ្លួន។ បន្ថែមពីនេះ លោកស្រីមេធាវីបានថ្លែងអំណរគុណដល់ក្រុមហ៊ុនមេធាវីស៊ីអាយស៊ី ជាដៃគូរសហការរយៈពេលវែងរបស់វិភាគទានច្បាប់ ដែលបានឧបត្ថម្ភថវិកាដល់វិភាគទានច្បាប់ក្នុងការរៀបចំសិក្ខាសាលានាពេលកន្លងមក និងគម្រោងផ្សេងទៀតនាពេលខាងមុខ ដូចជាការថតវីដេអូច្បាប់ ជាអាទិ៍។

នៅក្នុងមតិស្វាគមន៍ និងបើកកម្មវិធីរបស់លោកមេធាវី លឹម សុវណ្ណារ៉ុង អនុប្រធានក្រុមហ៊ុនមេធាវីស៊ីអាយស៊ី តំណាងរបស់លោកមេធាវី លី រដ្ឋធី ប្រធានក្រុមហ៊ុនមេធាវីស៊ីអាយស៊ី លោកមេធាវីបានរំលេចនូវមូលហេតុនៃការជ្រើសរើសប្រធានបទសិក្ខាសាលានាថ្ងៃនេះ មកធ្វើជាប្រធានបទទី២ ក្នុងគម្រោងអនុស្សណៈនៃការយោគយល់លើកទី៥នេះ។ ដោយហេតុថា នៅក្នុងការអនុវត្តជាក់ស្ដែងតែងតែជួបប្រទះបញ្ហា នៅពេលដែលកូនបំណុលទី៣មិនសហការ ជាអាទិ៍ នៅក្នុងនីតិវិធីអនុវត្តដោយបង្ខំ ហេតុនេះគប្បីរកដំណោះស្រាយតាមផ្លូវច្បាប់ដែលជាច្រកចេញចំពោះបញ្ហានេះ តាមរយៈបណ្ដឹងទាមទារប្រមូលបំណុល ជាដើម។ ប៉ុន្តែបណ្ដឹងនេះ មិនសូវមានការអនុវត្តច្រើននៅឡើយ ហើយការបណ្ដុះបណ្ដាលទៀតសោតក៏មិនសូវមានផងដែរ ហេតុនេះហើយទើបស្ថាប័នទាំងពីរឯកភាពគ្នាក្នុងការលើកយកប្រធានបទនេះមកធ្វើជាសិក្ខាសាលានាថ្ងៃនេះ។ ជាចុងក្រោយ លោកមេធាវីបានលើកឡើងពីគុណតម្លៃនៃកិច្ចសហការរវាងស្ថាប័នទាំងពីរ ហើយក៏សូមថ្លែងអំណរគុណដល់វាគ្មិនកិត្តិយសដែលបានចំណាយពេលវេលាដ៏មានតម្លៃមកចែករំលែកចំណេះដឹង ព្រមទាំងកោតសរសើរដល់ក្រុមការងារនៃស្ថាប័នទាំងពីរដែលបានរៀបចំកម្មវិធីសិក្ខាសាលានេះ។

នៅក្នុងការធ្វើបទបង្ហាញលើប្រធានបទខាងលើ លោកមេធាវី អ៊ីវ ប៉ូលី បានលើកឡើងអំពីទស្សនទាននៃបណ្ដឹងទាមទារប្រមូលបំណុល តាមរយៈមាត្រា ៤១២ នៃក្រមនីតិវិធីរដ្ឋប្បវេណី ហើយបានលើកនូវស្ថានភាពផ្សេងៗតាមរយៈករណីសិក្សាចំពោះប្រភេទនៃការអនុវត្តដោយបង្ខំដែលនាំឱ្យ ម្ចាស់បំណុលនៃការអនុវត្តអាចធ្វើបណ្ដឹងទាមទារប្រមូលបំណុលបាន។ បន្ថែមពីនេះ វាគ្មិនបានលើកឡើងមកបង្ហាញនូវខ្លឹមសារ និងលំហូរនីតិវិធីនៃបណ្ដឹងទាមទារប្រមូលបំណុលនេះ ដែលមានចំណុចសំខាន់ៗដូចជា៖
- ការកំណត់ភាគីដោយដើមចោទជាម្ចាស់បំណុលនៃការអនុវត្ត និងចុងចម្លើយជាកូនបំណុលទី៣
- ការសរសេរខ្លឹមសារនៃសាលក្រមដែលដើមចោទទាមទារឱ្យតុលាការចេញ
- ការសរសេរអង្គហេតុចាំបាច់ដើម្បីបញ្ជាក់នូវការទាមទារ និងអង្គហេតុដែលជាមូលហេតុនៃការទាមទារ ជាអាទិ៍
- សមត្ថកិច្ចសាលាជម្រះក្ដី៖ សាលាដំបូងដែលកំពុងចាត់ការសំណុំរឿងអនុវត្តដោយបង្ខំ
- នីតិវីធីដែលត្រូវអនុវត្ត៖ អនុវត្តដូចនីតិវិធីនៃបណ្ដឹងអង្គសេចក្ដី
- ការអនុវត្តដោយបង្ខំចំពោះកូនបំណុលទី៣៖ តុលាការអនុវត្តអាចអនុវត្តដោយបង្ខំដោយផ្ទាល់ទៅកូនបំណុលទី៣ដើម្បីឱ្យកូនបំណុលទី៣ប្រគល់ទ្រព្យសម្បត្តិ ជាអាទិ៍ របស់កូនបំណុលនៃការអនុវត្តដែលខ្លួនកំពុងកាន់កាប់មកតុលាការអនុវត្តបាន។

សិក្ខាសាលាស្តីពី «ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី» និង «សញ្ញាណទូទៅនៃនីតិកម្មសិទ្ធិបញ្ញា និងក...
07/09/2026

សិក្ខាសាលាស្តីពី «ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី» និង «សញ្ញាណទូទៅនៃនីតិកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម»
=========
វិភាគទានច្បាប់ និងសម្ព័ន្ធអ្នកច្បាប់ជប៉ុនជាមួយកម្ពុជា (JJ League) សហការគ្នារៀបចំសិក្ខាសាលាលើប្រធានបទ «ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី» និង «សញ្ញាណទូទៅនៃនីតិកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម» នៅថ្ងៃអាទិត្យ ទី៦ ខែកញ្ញា ឆ្នាំ២០២៦ នៅសាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC) ក្រោមអធិបតីភាព លោកមេធាវី លី រដ្ឋធី ប្រធានក្រុមហ៊ុនមេធាវីកម្ពុជាសហប្រតិបត្តិការអន្តរជាតិ ដោយមានវាគ្មិនកិត្តិយស លោកស្រី HOMMA YOSHIKO (មេធាវីជប៉ុន) លោក SHINODA YOICHIRO (មេធាវីជប៉ុន)​ និងលោក KANAI HIDEYUKI (មេធាវីជប៉ុន) និងមានលោកមេធាវី សោម រតនា អ្នកបណ្តុះបណ្តាលនៃវិភាគទានច្បាប់ ជាអ្នកបកប្រែ ព្រមទាំងសិក្ខាកាមចូលរួមប្រមាណ ២៣០អង្គ/នាក់។

ថ្លែងក្នុងមតិចំណាប់អារម្មណ៍ លោកស្រី SAKURAGI KAZUYO សហតំណាងនៃសម្ព័ន្ធអ្នកច្បាប់ជប៉ុនជាមួយកម្ពុជា បានលើកឡើងពីភាពស្អិតរមួតនៃទំនាក់ទំនងកិច្ចសហប្រតិបត្តិការរវាងវិភាគទានច្បាប់ និងសម្ព័ន្ធអ្នកច្បាប់ជប៉ុនដើម្បីកម្ពុជា (JJ League) ព្រមទាំងបានបង្ហាញពីភាពខុសប្លែកក្នុងកិច្ចសហការលើកនេះ ដោយបានពង្រីកវិសាលភាពបន្ថែមពីក្រមរដ្ឋប្បវេណី ពោលគឺបានចាប់យកនូវបរិបទថ្មីមួយទៀតពាក់ព័ន្ធនឹងវិស័យពាណិជ្ជកម្ម គឺកម្មសិទ្ធិបញ្ញា។ លោកស្រីបានសង្កត់ធ្ងន់ថា កិច្ចសហការរវាងស្ថាប័នទាំងពីរ នឹងក្លាយជាថ្នាលនៃការចែករំលែកដ៏សំខាន់មួយសម្រាប់អ្នកច្បាប់កម្ពុជា ជាពិសេសនិស្សិតច្បាប់។

នៅសុន្ទរកថាបើកកម្មវិធី លោកមេធាវី លី រដ្ឋធី ប្រធានក្រុមហ៊ុនមេធាវីកម្ពុជាសហប្រតិបត្តិការអន្តរជាតិ បានគូសបញ្ជាក់ពីការកកើតរបស់ JJ League ហើយក្នុងនាមរូបលោកជាអ្នកច្បាប់មួយរូប មានសេចក្តីសោមនស្សដែលបានរួមចំណែកជាមួយវិភាគទានច្បាប់ និង JJ League ក្នុងការរៀបចំសិក្ខាសាលានេះឡើងមក។ លោកមេធាវី បានបញ្ជាក់ផងដែរ អំពីទំនាក់ទំនងរវាងវិភាគទានច្បាប់ និងក្រុមហ៊ុនមេធាវីកម្ពុជាសហប្រតិបត្តិការអន្តរជាតិ (CIC) ដែលជាដៃគូសហការយូរអង្វែងតាមរយៈការចុះអនុស្សរណៈនៃការយោគយល់ជាមួយគ្នាចំនួន៥លើករួចមកហើយ ហើយឆាប់ៗនេះ ក៏មានការរៀបចំសិក្ខាសាលារួមគ្នាលើប្រធានបទ «បណ្តឹងទាមទារឱ្យប្រមូលបំណុល» ផងដែរ។ លោកមេធាវី ក៏បានគូសបញ្ជាក់អំពីគោលបំណងនៃការរៀបចំសិក្ខាសាលានាថ្ងៃនេះគឺ៖
១. ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី ដោយវាគ្មិននឹងធ្វើការបង្ហាញអំពីមូលដ្ឋានគ្រឹះនៃបណ្តឹងរដ្ឋប្បវេណី របៀបនៃការពិចារណារបស់ចៅក្រមចំពោះបណ្តឹង ព្រមទាំងការបង្ហាញអំពី
តួនាទីមេធាវីចាប់តាំងពីមុនពេលដាក់ពាក្យបណ្តឹងរហូតដល់ពេលដំណើរការនីតិវិធីបណ្តឹងរដ្ឋប្បវេណី។
២. សញ្ញាណទូទៅស្តីពីកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម ដោយវាគ្មិននឹងធ្វើការបង្ហាញអំពីសញ្ញាណនៃកម្មសិទ្ធិបញ្ញា គោលការណ៍ឯកសារ និងប្រកាសនីយបត្រតក្កកម្ម ព្រមជាមួយនឹង
ករណីសិក្សាជាក់ស្តែង។

ដោយឡែក នៅក្នុងមតិចំណាប់អារម្មណ៍បិទសិក្ខាសាលា លោកស្រីមេធាវី ទេព បូផល បានថ្លែងអំណរគុណចំពោះសម្ព័ន្ធអ្នកច្បាប់ជប៉ុនដើម្បីកម្ពុជា និងវាគ្មិនកិត្តិយស ដែលសុទ្ធសឹងជាអ្នកជំនាញ ក្នុងការចំណាយពេលវេលាដ៏មានតម្លៃ ចែករំលែកនូវចំណេះជំនាញ និងបទពិសោធដល់សិក្ខាកាមក្នុងថ្ងៃនេះ ព្រមទាំងបានបញ្ជាក់ផងដែរថា នេះជាលើកទី៥ ដែលស្ថាប័នទាំងពីរបានសហការគ្នារៀបចំសិក្ខាសាលា។ វត្តមានរបស់ JJ League នៅវិភាគទានច្បាប់ បង្ហាញពីការផ្តល់តម្លៃ និងទុកចិត្តចំពោះគុណភាពនៃវិភាគទានច្បាប់។ លោកស្រីក៏បានថ្លែងអំណរគុណចំពោះក្រុមហ៊ុនមេធាវីកម្ពុជាសហប្រតិបត្តិការអន្តរជាតិដែលបានរួមចំណែកឧបត្ថម្ភដំណើរការសិក្ខាសាលា ដែលអាចឱ្យសិក្ខាកាមចូលរួមសិក្ខាសាលាដោយឥតគិតថ្លៃ។

មេរៀនស្តីពី «ការសរសេរពាក្យបណ្តឹង» ឧទ្ទេសនាមដោយ លោកមេធាវី អ៊ីវ ប៉ូលី អ្នកបណ្តុះបណ្តាលវិភាគទានច្បាប់======================...
07/09/2026

មេរៀនស្តីពី «ការសរសេរពាក្យបណ្តឹង» ឧទ្ទេសនាមដោយ លោកមេធាវី អ៊ីវ ប៉ូលី អ្នកបណ្តុះបណ្តាលវិភាគទានច្បាប់
========================
ការសរសេរពាក្យបណ្តឹង (ពេលទី៣) ជានីតិវិធីសំខាន់មួយស្ថិតក្នុងនីតិវិធីនៃការជំនុំជម្រះលើកទី១ ដែលសមាជិកបានសិក្សាបន្តអំពី៖
១. សិទ្ធិអំណាច និងការទទួលខុសត្រូវរបស់តុលាការ
- គោលការណ៍នៃការសម្រេចសេចក្តីដោយផ្អែកតាមច្បាប់ គឺជាស្ថានភាពកំណត់សិទ្ធិ ឬទទួលស្គាល់សិទ្ធុិ លុះត្រាតែសិទ្ធិនោះ មានកំណត់នៅក្នុងច្បាប់ ឬបទដ្ឋានគតិយុត្តសារធាតុជាវិជ្ជាមាន ដោយបានកំណត់ជាក់លាក់ថា នៅពេលបំពេញគ្រប់លក្ខខណ្ឌ ផ្អែកតាមបញ្ញត្តិនោះនឹងនាំឱ្យកកើតសិទ្ធិទាមទារ។

- គោលការណ៍នៃការសម្រេចសេចក្តីដោយផ្នែកតាមភស្តុតាង សំដៅដល់ការទទួលស្គាល់អង្គហេតុដោយតុលាការដែលភាគីបានអះអាងដោយផ្អែកលើភស្តុតាង ប៉ុន្តែចំពោះអង្គហេតុដែលភាគីបានសារភាព និងអង្គហេតុដែលមានភាពជាក់ស្តែង ជាអាទិ៍ តុលាការទទួលស្គាល់អង្គហេតុនោះដោយមិនផ្អែកលើភស្តុតាងទេ។

២. ប្រភេទនៃបណ្តឹង បណ្តឹងរដ្ឋប្បវេណីត្រូវបានបែងចែកជា ៣ប្រភេទ៖
- បណ្តឹងទាមទារផ្តល់តាវកាលិក
- បណ្តឹងទាមទារបញ្ជាក់
- បណ្តឹងទាមទារបង្កើត ប្តូរ ឬរំលត់ទំនាក់ទំនងគតិយុត្ត
បណ្តឹងផ្សេងទៀត (បណ្តឹងឧទ្ធរណ៍ បណ្តឹងសាទុក្ខ បណ្តឹងទាស់ បណ្តឹងជំទាស់ និងបណ្តឹងទាមទារឱ្យជំនុំជម្រះសាជាថ្មី) ស្ថិតនៅក្នុងបណ្តឹងទាមទារឱ្យបង្កើត ប្តូរ ឬរំលត់ទំនាក់ទំនងគតិយុត្ត។

កម្មវិធីសិក្ខាសាលានឹងចាប់ផ្តើមនាពេលបន្តិចទៀតនេះ!ជួបគ្នាជាមួយនឹងប្រធានបទ៖១. ការទទួលស្គាល់អង្គហេតុក្នុងបណ្តឹងរដ្ឋប្បវេណី ន...
06/09/2026

កម្មវិធីសិក្ខាសាលានឹងចាប់ផ្តើមនាពេលបន្តិចទៀតនេះ!

ជួបគ្នាជាមួយនឹងប្រធានបទ៖
១. ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី ឧទ្ទេសនាមដោយលោកស្រី HOMMA YOSHIKO (មេធាវីជប៉ុន) និងលោក SHINODA YOICHIRO (មេធាវីជប៉ុន)
២. សញ្ញាណទូទៅនៃនីតិកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម ឧទ្ទេសនាមដោយលោក KANAI HIDEYUKI (មេធាវីជប៉ុន)

[English Below]ជួបគ្នានៅថ្ងៃអាទិត្យ ទី៦ ខែកញ្ញានេះ ======វិភាគទានច្បាប់ និងសម្ព័ន្ធអ្នកច្បាប់ជប៉ុនដើម្បីកម្ពុជា (JJ Leag...
04/09/2026

[English Below]
ជួបគ្នានៅថ្ងៃអាទិត្យ ទី៦ ខែកញ្ញានេះ
======
វិភាគទានច្បាប់ និងសម្ព័ន្ធអ្នកច្បាប់ជប៉ុនដើម្បីកម្ពុជា (JJ League) សហការគ្នារៀបចំសិក្ខាសាលាលើប្រធានបទ៖
១. ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី ឧទ្ទេសនាមដោយលោកស្រី HOMMA YOSHIKO (មេធាវីជប៉ុន) និងលោក SHINODA YOICHIRO (មេធាវីជប៉ុន)
២. សញ្ញាណទូទៅនៃនីតិកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម ឧទ្ទេសនាមដោយលោក KANAI HIDEYUKI (មេធាវីជប៉ុន)

សិក្ខាសាលានេះនឹងប្រព្រឹត្តទៅ៖
- នាថ្ងៃអាទិត្យ ទី៦ ខែកញ្ញា ឆ្នាំ២០២៦
- វេលាម៉ោង ៨:០០-១៧:០០
- នៅសាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC)
https://maps.app.goo.gl/4ABux8rSrn7YNgrz5

ចុះឈ្មោះចូលរួមដោយឥតគិតថ្លៃ ចាប់ពីពេលជូនដំណឹងដល់ថ្ងៃទី២ ខែកញ្ញា ឆ្នាំ២០២៦ ឬត្រឹមចំនួន១៥០នាក់ តាមរយៈ៖ https://forms.gle/K9PjERU4RYRQkgKG7

សម្រាប់ព័ត៌មានបន្ថែម សូមទាក់ទងក្រុមការងារវិភាគទានច្បាប់តាមរយៈតេឡេក្រាម៖ 069 935 389 (កញ្ញា សូត សួន)
———————————————————
Contribution of Law and the Japan Jurist League (JJ League) are jointly organizing a seminar on the following topics:
1. Determination of Facts in Civil Suit and the Role of Lawyers
Presented by Ms. HOMMA YOSHIKO (Japanese Lawyer) and Mr. SHINODA YOICHIRO (Japanese Lawyer)
2. Overview of Intellectual Law and Introduction of Patent Practice
Presented by Mr. KANAI HIDEYUKI (Japanese Lawyer)

The seminar will be held on:
Date: Sunday, September 6, 2026
Time: 8:00–17:00
Venue: Angkor Wat Hall, 15th Floor, Business Development Center (BDC)
https://maps.app.goo.gl/4ABux8rSrn7YNgrz5

Free registration is open from the date of this announcement until September 2, 2026, or until the maximum capacity of 150 participants is reached.
https://forms.gle/K9PjERU4RYRQkgKG7

For further information, please contact the CL working team via Telegram at 069 935 389 (Ms. S​OTH SOUN).

មេរៀនស្តីពី «សិទ្ធិលើការបញ្ចាំ» ឧទ្ទេសនាមដោយ លោក ស៊ិន ច័ន្ទផល្គុន អ្នកបណ្តុះបណ្តាលវិភាគទានច្បាប់=======================ស...
02/09/2026

មេរៀនស្តីពី «សិទ្ធិលើការបញ្ចាំ» ឧទ្ទេសនាមដោយ លោក ស៊ិន ច័ន្ទផល្គុន អ្នកបណ្តុះបណ្តាលវិភាគទានច្បាប់
=======================
សិទ្ធិលើការបញ្ចាំ ជាប្រភេទមួយនៃសិទ្ធិប្រាតិភោគប្រត្យក្ស ដែលសមាជិកសិក្សាលើ៖
១. សញ្ញាណទូទៅនៃសិទ្ធិលើការបញ្ចាំ
សិទ្ធិលើការបញ្ចាំ សំដៅលើសិទ្ធិប្រាតិភោគប្រត្យក្ស ដែលផ្តល់ឱ្យម្ចាស់សិទ្ធិនូវ សិទ្ធិកាន់កាប់វត្ថុដែលបានទទួលពីកូនបំណុល ឬតតិយជន និងសិទ្ធិទទួលការសងចំពោះសិទ្ធិលើបំណុលពីវត្ថុបញ្ចាំ ដោយមានអាទិភាពជាងម្ចាស់បំណុលដទៃ។ កម្មវត្ថុនៃការបញ្ចាំ អាចជាចលនវត្ថុ អចលនវត្ថុ និងសិទ្ធិលើទ្រព្យសម្បត្តិ។

២. បទប្បញ្ញត្តិរួម
ការបង្កើតសិទ្ធិលើការបញ្ចាំ ត្រូវធ្វើឡើងដោយកូនបំណុល ឬតតិយជន ប្រគល់វត្ថុដែលជាកម្មវត្ថុនៃការបញ្ចាំ ទៅឱ្យម្ចាស់សិទ្ធិលើការបញ្ចាំ។ ការប្រគល់វត្ថុ គឺជាវិធីក្នុងការផ្ទេរការកាន់កាប់ពីអនុប្បទាយី ទៅកាន់អនុប្បទានិក តាម ៤ ទម្រង់គឺ ការប្រគល់ដោយជាក់ស្តែង ការផ្លាស់ប្តូរលក្ខណៈនៃការកាន់កាប់ ការប្រគល់ដោយសង្ខេប និងការផ្ទេរការកាន់កាប់ដោយបញ្ជា។

ទំហំសិទ្ធិលើបំណុលដែលត្រូវបានធានាដោយសិទ្ធិលើការបញ្ចាំរួមមាន៖
- ប្រាក់ដើម
- ការប្រាក់
- ប្រាក់ធានាសំណង ជាអាទិ៍

មេរៀនស្តីពី «ការសរសេរពាក្យបណ្តឹង» ឧទ្ទេសនាមដោយ លោកមេធាវី អ៊ីវ ប៉ូលី អ្នកបណ្តុះបណ្តាលវិភាគទានច្បាប់======================...
31/08/2026

មេរៀនស្តីពី «ការសរសេរពាក្យបណ្តឹង» ឧទ្ទេសនាមដោយ លោកមេធាវី អ៊ីវ ប៉ូលី អ្នកបណ្តុះបណ្តាលវិភាគទានច្បាប់
========================
ការសរសេរពាក្យបណ្តឹង ជានីតិវិធីសំខាន់មួយស្ថិតក្នុងនីតិវិធីនៃការជំនុំជម្រះលើកទី១ ដែលសមាជិកបានសិក្សាអំពី សិទ្ធិអំណាច និងការទទួលខុសត្រូវរបស់ភាគី៖
- គោលការណ៍នៃសិទ្ធិចាត់ចែងរបស់ភាគី សំដៅដល់សិទ្ធិដែលអនុញ្ញាតឱ្យភាគីអាចសម្រេច ដោយផ្អែកលើឆន្ទៈរបស់ខ្លួនអំពី សិទ្ធិក្នុងការធ្វើ ឬមិនធ្វើបណ្តឹង សិទ្ធិក្នុងការកំណត់អំពីកម្មវត្ថុនិងទំហំនៃការវិនិច្ឆ័យ និង សិទ្ធិក្នុងការបញ្ចប់បណ្តឹង ដែលត្រូវគោរពតាមឆន្ទៈ និងការជ្រើសរើសរបស់ភាគី។

- គោលការណ៍នៃការទាញហេតុផល សំដៅដល់ការទទួលខុសត្រូវក្នុងការអះអាងរបស់ភាគី ការសារភាពរបស់ភាគីមានចំណងចំពោះតុលាការ និងការទទួលខុសត្រូវក្នុងការបញ្ជាក់របស់ភាគី។

[English Below]សិក្ខាសាលាស្តីពី «ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី» និង «សញ្ញាណទូទៅនៃនីតិកម្មស...
29/08/2026

[English Below]
សិក្ខាសាលាស្តីពី «ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី» និង «សញ្ញាណទូទៅនៃនីតិកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម»
======
វិភាគទានច្បាប់ និងសម្ព័ន្ធអ្នកច្បាប់ជប៉ុនដើម្បីកម្ពុជា (JJ League) សហការគ្នារៀបចំសិក្ខាសាលាលើប្រធានបទ៖
១. ការទទួលស្គាល់អង្គហេតុក្នុងបណ្តឹងរដ្ឋប្បវេណី និងតួនាទីមេធាវី ឧទ្ទេសនាមដោយលោកស្រី HOMMA YOSHIKO (មេធាវីជប៉ុន) និងលោក SHINODA YOICHIRO (មេធាវីជប៉ុន)
២. សញ្ញាណទូទៅនៃនីតិកម្មសិទ្ធិបញ្ញា និងការអនុវត្តប្រកាសនីយបត្រតក្កកម្ម ឧទ្ទេសនាមដោយលោក KANAI HIDEYUKI (មេធាវីជប៉ុន)

សិក្ខាសាលានេះនឹងប្រព្រឹត្តទៅ៖
- នាថ្ងៃអាទិត្យ ទី៦ ខែកញ្ញា ឆ្នាំ២០២៦
- វេលាម៉ោង ៨:០០-១៧:០០
- នៅសាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC)
https://maps.app.goo.gl/4ABux8rSrn7YNgrz5

ចុះឈ្មោះចូលរួមដោយឥតគិតថ្លៃ ចាប់ពីពេលជូនដំណឹងដល់ថ្ងៃទី២ ខែកញ្ញា ឆ្នាំ២០២៦ ឬត្រឹមចំនួន១៥០នាក់ តាមរយៈ៖ https://forms.gle/K9PjERU4RYRQkgKG7

សម្រាប់ព័ត៌មានបន្ថែម សូមទាក់ទងក្រុមការងារវិភាគទានច្បាប់តាមរយៈតេឡេក្រាម៖ 069 935 389 (កញ្ញា សូត សួន)
———————————————————
Seminar on «Determination of Facts in Civil Suit and the Role of Lawyers» and «Overview of Intellectual Law and Introduction of Patent Practice»
======
Contribution of Law and the Japan Jurist League (JJ League) are jointly organizing a seminar on the following topics:
1. Determination of Facts in Civil Suit and the Role of Lawyers
Presented by Ms. HOMMA YOSHIKO (Japanese Lawyer) and Mr. SHINODA YOICHIRO (Japanese Lawyer)
2. Overview of Intellectual Law and Introduction of Patent Practice
Presented by Mr. KANAI HIDEYUKI (Japanese Lawyer)

The seminar will be held on:
Date: Sunday, September 6, 2026
Time: 8:00–17:00
Venue: Angkor Wat Hall, 15th Floor, Business Development Center (BDC)
https://maps.app.goo.gl/4ABux8rSrn7YNgrz5

Free registration is open from the date of this announcement until September 2, 2026, or until the maximum capacity of 150 participants is reached.
https://forms.gle/K9PjERU4RYRQkgKG7

For further information, please contact the CL working team via Telegram at 069 935 389 (Ms. S​OTH SOUN)

សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»===============និយ័តករបរធនបាលកិច្ច និងវិភាគទានច្បាប់ បានសហការរៀបចំសិក្...
26/08/2026

សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»
===============
និយ័តករបរធនបាលកិច្ច និងវិភាគទានច្បាប់ បានសហការរៀបចំសិក្ខាសាលាស្តីពី «សន្តតិកម្ម និងលិខិតបរធនបាលកិច្ច» នៅថ្ងៃពុធ ទី២៦ ខែសីហា ឆ្នាំ២០២៦ នៅសាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC) ក្រោមអធិបតីភាព ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច ដោយមានការចូលរួមជាវាគ្មិនកិតិ្តយសពីលោកស្រីមេធាវី ទេព បូផល ស្ថាបនិកវិភាគទានច្បាប់ លោកស្រី ឈាន សុខារី ប្រធាននាយកដ្ឋានកិច្ចការគតិយុត្ត និងអធិការកិច្ចនៃនិយ័តករបរធនបាលកិច្ច និងលោក ស៊ិន ច័ន្ទផល្គុន អ្នកបណ្តុះបណ្តាលនៃវិភាគទានច្បាប់ និងមានវត្តមានចូលរួមរបស់ថ្នាក់ដឹកនាំនៃនិយ័តករបរធនបាលកិច្ច អ្នកបណ្ដុះបណ្ដាលនៃវិភាគទាន​ច្បាប់​ ព្រមទាំងសិក្ខាកាមជាព្រះសង្ឃ អ្នកវិជ្ជាជីវៈច្បាប់ និស្សិត​ច្បាប់​ និង​អ្នកពាក់ព័ន្ធ ប្រមាណ ៣០០ អង្គ/នាក់។

ក្នុងមតិចំណាប់អារម្មណ៍របស់លោកស្រីមេធាវី ទេព បូផល បានបញ្ជាក់ថាកិច្ចសហការនាពេលនេះ ត្រូវបានរៀបចំក្នុងគម្រោងសរសេរសៀវភៅនីតិសន្តតិកម្មរបស់វិភាគទានច្បាប់ដែលជាគម្រោងមួយធ្វើការតាក់តែងសៀវភៅមេរៀនពាក់ព័ន្ធនឹងផ្នែកសន្តតិកម្មសម្រាប់ការបណ្តុះបណ្តាលនៅវិភាគទានច្បាប់ ក៏ដូចជាប្រើប្រាស់មូលដ្ឋានសិក្សារបស់អ្នកវិជ្ជាជីវៈច្បាប់ អ្នកអនុវត្តច្បាប់ មិត្តនិស្សិត ក៏ដូចជាសាធារណជនទូទៅ។ នៅក្នុងការតាក់តែងសៀវភៅនេះ សហអ្នកនិពន្ធបានពិនិត្យមើលលើទិដ្ឋភាពច្បាប់ពាក់ព័ន្ធជាច្រើន ហើយក្នុងនោះបទប្បញ្ញត្តិពាក់ព័ន្ធនឹងបរធនបាលកិច្ច ជាចំណុចមួយដែលមានភាពប្រទាក់ក្រឡាខ្លាំងនឹងប្រព័ន្ធសន្តតិកម្ម។ ដោយមើលឃើញពីទំនាក់ទំនងយ៉ាងជិតស្និទ្ធនេះ ស្ថាប័នទាំងពីរធ្លាប់បានសហការគ្នារៀបចំសិក្ខាសាលាស្តីពី «ច្បាប់ស្តីពីបរធនបាលកិច្ច» កាលពីខែមករា ឆ្នាំ២០២៦ ដើម្បីផ្តល់នូវសញ្ញាណទូទៅអំពីច្បាប់នេះទៅសិក្ខាកាម ហើយកិច្ចសហការលើកទី២នេះ នឹងរៀបចំជាទម្រង់នៃកិច្ចពិភាក្សាលើប្រធានបទ «សន្តតិកម្ម និងលិខិតបរធនបាលកិច្ច» ដើម្បីពិនិត្យមើលបន្ថែមនូវទំនាក់ទំនងនៃប្រព័ន្ធទាំងពីរឱ្យកាន់តែស៊ីជម្រៅ។

ថ្លែង​ក្នុង​សុន្ទរកថា​បើក​ ឯកឧត្តម​អគ្គនាយក​បានកោតសរសើរនូវសកម្មភាពរបស់វិភាគទានច្បាប់ និងបង្ហាញឆន្ទៈគាំទ្រ ព្រមទាំង​លើកទឹកចិត្តដល់វិភាគទានច្បាប់ឱ្យបន្តសកម្មភាពចែករំលែកនេះបន្តទៅទៀត។ ចំពោះ​ការរៀបចំសិក្ខាសាលាខាងលើវិញ ឯកឧត្ដម​បានបង្ហាញជូនអង្គពិធីនូវសញ្ញាណនៃបរធនបាលកិច្ចនៅកម្ពុជា ប្រភេទ​នៃបរធនបាលកិច្ច តាមរយៈ​ច្បាប់ស្ដីពីបរធនបាលកិច្ចឆ្នាំ២០១៩។ ចំពោះ​គោល​បំណង​នៃ​សិក្ខាសាលា​នេះ​វិញ ឯក​ឧត្តម​បានគូសរំលេចនូវចំណុចដែលមានភាពប្រទាក់ក្រឡាគ្នារវាងប្រព័ន្ធបរធនបាលកិច្ច និងប្រព័ន្ធសន្តតិកម្មនៅកម្ពុជា ព្រមចំណុចដែលនៅតែមានភាពស្មុគស្មាញ និងមានការបកស្រាយមិនទាន់ស្របគ្នាលើបញ្ញត្តិមួយចំនួននៃច្បាប់ស្ដីពី​បរធនបាលកិច្ច ជាមួយ​នឹង​ក្រមរដ្ឋប្បវេណី តួយ៉ាង​មាត្រា​១៣ នៃច្បាប់ស្ដីពីបរធនបាលកិច្ច ជាអាទិ៍​ ដែលទាំងអស់នេះសុទ្ធសឹងតែជាបញ្ហាដែលនឹងលើកយកមកពិភាក្សានៅក្នុងកិច្ចពិភាក្សានៃសិក្ខាសាលានេះ។

កិច្ចពិភាក្សានាឱកាសនេះ មានគោលបំណងបង្ហាញចំណុចដែលមានការបកស្រាយទៅវិញទៅមក មិនទាន់ច្បាស់លាស់ ចំពោះការអនុវត្តប្រព័ន្ធបរធនបាលកិច្ច និងប្រព័ន្ធសន្តតិកម្មនៅកម្ពុជា ជាពិសេសពាក់ព័ន្ធនឹងការចាត់ចែងទ្រព្យសម្បត្តិ តាមរយៈបរធនបាលកិច្ចគ្រួសារ ដែលអាចនាំឱ្យមានការពិភាក្សាអំពីទម្រង់នៃបង្កើត ខ្លឹមសារនៃការចាត់ចែងទ្រព្យសម្បត្តិនិងបញ្ញត្តិស្តីពីផលប្រយោជន៍ពិសេស និងភាគបម្រុងនៅក្នុងក្រមរដ្ឋប្បវេណី។ ដើម្បីសម្រេចបាននូវគោលបំណងដែលបានកំណត់ កិច្ចពិភាក្សាត្រូវបានរៀបចំឡើងដោយផ្តោតលើមូលបទចំនួន ៤គឺ៖
មូលបទទី១៖ ប្រព័ន្ធសន្តតិកម្ម និងប្រព័ន្ធបរធនបាលកិច្ច (Succession and Trust)
មូលបទទី២៖ លិខិតបរធនបាលកិច្ច និងមតកសាសន៍ (Trust Deed and Will)
មូលបទទី៣៖ ការអនុវត្តបទប្បញ្ញត្តិសន្តតិកម្មចំពោះទ្រព្យសម្បត្តិបរធនបាលកិច្ច (Application of Succession Rules toward Trust Fund)
មូលបទទី៤៖ យន្តការនៃការជម្រះបញ្ជី៖ បរធនបាលកិច្ច និងសន្តតិកម្ម (Liquidation Process: Trust and Succession)

សិក្ខាសាលាស្តីពី «សន្តតិកម្ម និងលិខិតបរធនបាលកិច្ច» =========សិក្ខាសាលាស្តីពី «សន្តតិកម្ម និងលិខិតបរធនបាលកិច្ច» ត្រូវបានស...
25/08/2026

សិក្ខាសាលាស្តីពី «សន្តតិកម្ម និងលិខិតបរធនបាលកិច្ច»
=========
សិក្ខាសាលាស្តីពី «សន្តតិកម្ម និងលិខិតបរធនបាលកិច្ច» ត្រូវបានសហការរៀបចំដោយនិយ័តករបរធនបាលកិច្ច និងវិភាគទានច្បាប់ ក្រោមទម្រង់ជាកិច្ចពិភាក្សា ដោយផ្តោតលើមូលបទចំនួន ៤គឺ៖

មូលបទទី១៖ ប្រព័ន្ធសន្តតិកម្ម និងប្រព័ន្ធបរធនបាលកិច្ច (Succession and Trust)
មូលបទទី២៖ លិខិតបរធនបាលកិច្ច និងមតកសាសន៍ (Trust Deed and Will)
មូលបទទី៣៖ ការអនុវត្តបទប្បបញ្ញត្តិសន្តតិកម្មចំពោះទ្រព្យសម្បត្តិបរធនបាលកិច្ច (Application of Succession Rules toward Trust Fund)
មូលបទទី៤៖ យន្តការនៃការជម្រះបញ្ជី៖ បរធនបាលកិច្ច និងសន្តតិកម្ម (Liquidation Process: Trust and Succession)

ស្វែងយល់អំពីគោលបំណងនៃមូលបទនីមួយៗក្នុងផុស្ទ័រខាងក្រោម។

ជួបគ្នាថ្ងៃស្អែក នៅសាលអង្គរវត្ត ជាន់ទី១៥ នៃមជ្ឈមណ្ឌលអភិវឌ្ឍធុរកិច្ច (BDC)!

Address

Business Development Center (BDC), 8th Floor, OCIC Boulevard, Sankgat Chroy Changvar, Khan Chroy Changvar
Phnom Penh

Website

Alerts

Be the first to know and let us send you an email when វិភាគទានច្បាប់ Contribution of Law posts news and promotions. Your email address will not be used for any other purpose, and you can unsubscribe at any time.

Shortcuts

Share

Category