17/07/2026
ពាក្យ [ហ៉ីប៉ូតែក]
ភាសាបារាំង៖ Hypothèque /
ភាសាអង់គ្លេស៖ Hypothec ឬ Mortgage) គឺជាពាក្យបច្ចេកទេសខាងច្បាប់ និងហិរញ្ញវត្ថុ។
នៅក្នុងបរិបទច្បាប់នៃព្រះរាជាណាចក្រកម្ពុជា (ជាពិសេសនៅក្នុងក្រមរដ្ឋប្បវេណី) ហ៊ីប៉ូតែក សំដៅលើ សិទ្ធិបញ្ចាំប្រភេទទ្រព្យអចលនវត្ថុ (ដីធ្លី ឬផ្ទះសំបែង) ដែលកូនបំណុលយកទៅដាក់ធានាបំណុលជំពាក់ ដោយមិនមានការផ្ទេរការកាន់កាប់ទ្រព្យនោះទៅឱ្យម្ចាស់បំណុលឡើយ។
លក្ខណៈពិសេសសំខាន់ៗនៃ ហ៊ីប៉ូតែក
១ មិនផ្ទេរការកាន់កាប់
នៅពេលដែលបុគ្គលម្នាក់យកប្លង់ដី ឬប្លង់ផ្ទះទៅធ្វើ (ហ៊ីប៉ូតែក )នៅធនាគារ ដើម្បីខ្ចីប្រាក់ គឺគាត់គ្រាន់តែយកសិទ្ធិលើទ្រព្យនោះទៅធានាប៉ុណ្ណោះ ប៉ុន្តែគាត់នៅតែមានសិទ្ធិរស់នៅ អាស្រ័យផល ឬប្រើប្រាស់ដីធ្លី និងផ្ទះនោះដដែល (មិនមែនដកហូតផ្ទះឱ្យធានាគារចាក់សោរទុកនោះទេ)។
២ សិទ្ធិរបស់ម្ចាស់បំណុល
ប្រសិនបើដល់កំណត់សងប្រាក់ ហើយកូនបំណុលមិនមានលទ្ធភាពសងតាមកិច្ចសន្យា ម្ចាស់បំណុល (ដូចជាធនាគារ) មានសិទ្ធិប្ដឹងទៅតុលាការដើម្បីសុំធ្វើការលក់ឡាយឡុង (ដេញថ្លៃ) អចលនវត្ថុនោះ យកប្រាក់មកទូទាត់បំណុលមុនម្ចាស់បំណុលផ្សេងទៀត។
និយាយឱ្យចំ និងងាយយល់បំផុត ហ៉ីប៉ូតែក គឺជារបៀបខ្ចីលុយដោយយកប្លង់ដី/ផ្ទះទៅធានាផ្លូវច្បាប់ ដោយខ្លួននៅតែអាចរស់នៅ ឬប្រើប្រាស់ដីធ្លីនោះបានធម្មតា។
ឯកសារយោង
១ ក្រមរដ្ឋប្បវេណីនៃព្រះរាជាណាចក្រកម្ពុជា (ឆ្នាំ២០០៧)
Ngeth Malai-ម៉ាឡៃ
