មេធាវី កាដា ជី

21/08/2026

សេចក្តីសម្រេចលេខ៤៣៧/សសគម/២៦ របស់គណៈមេធាវី ស្តីពីការតែងតាំងសមាសភាពគណៈកម្មការបោះឆ្នោត ជ្រើសតាំងប្រធានគណៈមេធាវីអាណត្តិទី១៦

08/08/2026

ការប្រើប្រាស់ ខ្នោះដៃ ដើម្បីដាក់ទណ្ឌកម្មជនជាប់ឃុំ ត្រូវហាមឃាត់ លើកលែងតែប្រើប្រាស់ក្នុងស្ថានភាព៖

១. ពេលមានចលាចលក្នុងពន្ធនាគារ
២. ពេលផ្ទេរ ឬបញ្ជូន ឬនាំខ្លួនចេញពីពន្ធនាគារ
៣. ពេលមានហេតុផលខាងពេទ្យ
៤. ដើម្បីការពារជនជាប់ឃុំកុំឱ្យបង្ករបួសស្នាមដោយខ្លួនឯង ឬបង្ករបួសស្នាមដល់អ្នកដទៃ ឬបង្កការខូចខាតទ្រព្យសម្បត្តិអ្នកដទៃ។

មាត្រា៥០ នៃច្បាប់ស្តីពីពន្ធនាគារ

03/08/2026

27/07/2026

[English Below]
សេចក្ដីជូនដំណឹងស្ដីពីការជ្រើសតាំងប្រធានគណៈកម្មការបោះឆ្នោត
===============
គណៈមេធាវីនៃព្រះរាជាណាចក្រកម្ពុជា សូមជូនដំណឹងដល់សមាជិក-សមាជិកាគណៈមេធាវីទាំងអស់ អំពីការជ្រើសតាំងប្រធានគណៈកម្មការបោះឆ្នោតចំនួន១រូប សម្រាប់ការបោះឆ្នោតជ្រើសតាំងប្រធានគណៈមេធាវី អាណត្តិទី១៦ នាថ្ងៃទី១៦ ខែតុលា ឆ្នាំ២០២៦ ខាងមុខនេះ។

សមាជិក-សមាជិកាគណៈមេធាវី ដែលមានបំណងដាក់ពាក្យឈរឈ្មោះជាបេក្ខភាពប្រធានគណៈកម្មការបោះឆ្នោត អាចដាក់ពាក្យតាមលក្ខខណ្ឌ និងនីតិវិធីដែលមានចែងក្នុងសេចក្ដីជូនដំណឹងនេះ។

ផុតកំណត់ទទួលពាក្យ៖ ថ្ងៃទី៥ ខែសីហា ឆ្នាំ២០២៦ វេលាម៉ោង ៥:០០ នាទីល្ងាច។
——————————
Announcement on the Selection of the Chairperson of the Election Committee
===============
The Bar Association of the Kingdom of Cambodia hereby announces the selection of one (1) Chairperson of the Election Committee for the election of the 16th President of the Bar Association, which will be held on 16 October 2026.

Members of the Bar Association who wish to apply as candidates for the position of Chairperson of the Election Committee are invited to submit their applications in accordance with the qualifications and procedures set out in this announcement.

Application deadline: 5 August 2026, at 5:00 p.m.

បណ្តាញសង្គមរបស់គណៈមេធាវី៖
✅ FB Page (BAKC): JOIN
✅ Channel Telegram: JOIN
✅ Channel YouTube: JOIN

27/07/2026

[English Below]
សេចក្ដីជូនដំណឹងស្ដីពីការជ្រើសតាំងសមាជិកគណៈកម្មការបោះឆ្នោត
===============
គណៈមេធាវីនៃព្រះរាជាណាចក្រកម្ពុជា សូមជូនដំណឹងដល់សមាជិក-សមាជិកាគណៈមេធាវី និងមេធាវីកម្មសិក្សាទាំងអស់ អំពីការជ្រើសតាំងសមាជិកគណៈកម្មការបោះឆ្នោត សម្រាប់ការបោះឆ្នោតជ្រើសតាំងប្រធានគណៈមេធាវី អាណត្តិទី១៦ នាថ្ងៃទី១៦ ខែតុលា ឆ្នាំ២០២៦ ខាងមុខនេះ។

សមាជិក-សមាជិកាគណៈមេធាវីនិងមេធាវីកម្មសិក្សា ដែលមានបំណងស្ម័គ្រចិត្តបំពេញតួនាទីជាសមាជិកគណៈកម្មការបោះឆ្នោត អាចដាក់ពាក្យស្នើសុំស្របតាមលក្ខខណ្ឌ និងនីតិវិធីដែលមានចែងក្នុងសេចក្ដីជូនដំណឹងនេះ។

ផុតកំណត់ទទួលពាក្យ៖ ថ្ងៃទី៥ ខែសីហា ឆ្នាំ២០២៦ វេលាម៉ោង ៥:០០ នាទីល្ងាច។
——————————
Announcement on the Selection of Members of the Election Committee
===============
The Bar Association of the Kingdom of Cambodia (BAKC) hereby announces the selection of Members of the Election Committee for the election of the 16th President of the Bar Association, which will be held on 16 October 2026.

Members of the Bar Association and Trainee Lawyers who wish to voluntarily serve as Members of the Election Committee are invited to submit their applications in accordance with the qualifications and procedures set out in this announcement.

Application deadline: 5 August 2026, at 5:00 p.m.

បណ្តាញសង្គមរបស់គណៈមេធាវី៖
✅ FB Page (BAKC): JOIN
✅ Channel Telegram: JOIN
✅ Channel YouTube: JOIN

25/07/2026

ព្រះរាជក្រឹត្យ លើកលែងទោសចំពោះទោសបន្ថែមឱ្យឈ្មោះ កឹម សុខា ភេទប្រុស កើតឆ្នាំ១៩៥៣ ត្រង់ចំណុច ការហាមឃាត់ចំពោះការចាកចេញពីដែនដីនៃព្រះរាជាណាចក្រកម្ពុជាសម្រាប់រយៈពេល៥ឆ្នាំ ដែលត្រូវបានតុលាការសម្រេចផ្តន្ទាទោសតាមអំណាចសាលដីកាព្រហ្មទណ្ឌស្ថាពរលេខ ៧៩០ ក្រXI “អ.ណ” ចុះថ្ងៃទី៣០ ខែមេសា ឆ្នាំ២០២៦ របស់សាលាឧទ្ធរណ៍ភ្នំពេញ។

#ហ៊ុនម៉ាណែត #កម្ពុជា #សន្តិភាពនៅកម្ពុជា

12/07/2026

ការទទួលខុសត្រូវព្រហ្មទណ្ឌ គឺជាគោលការណ៍មូលដ្ឋានមួយនៃច្បាប់ព្រហ្មទណ្ឌ ដែលតម្រូវឱ្យជនល្មើសមានសមត្ថភាពយល់ដឹង និងអាចគ្រប់គ្រងឆន្ទៈរបស់ខ្លួននៅពេលប្រព្រឹត្តអំពើ។ ប្រសិនបើបុគ្គលម្នាក់ស្ថិតក្នុងស្ថានភាពវិប្បល្លាស្មារតី ដែលធ្វើឱ្យបាត់បង់សមត្ថភាពយល់ដឹង ឬមិនអាចគ្រប់គ្រងសកម្មភាពរបស់ខ្លួនបាន នោះច្បាប់អាចមិនដាក់ទោសព្រហ្មទណ្ឌចំពោះបុគ្គលនោះឡើយ។

វិប្បល្លាស្មារតី សំដៅលើស្ថានភាពផ្លូវចិត្តដែលបុគ្គលមិនអាចដឹងខុសត្រូវចំពោះទង្វើរបស់ខ្លួន ឬមិនអាចគ្រប់គ្រងឆន្ទៈរបស់ខ្លួនបាន ដោយសារជំងឺផ្លូវចិត្ត ឬការបាត់បង់ស្មារតីធ្ងន់ធ្ងរ។ ក្នុងករណីនេះ ទោះបីជាអំពើមានលក្ខណៈជាបទល្មើសក៏ដោយ ក៏បុគ្គលនោះមិនត្រូវទទួលខុសត្រូវព្រហ្មទណ្ឌទេ ព្រោះខ្វះធាតុសំខាន់នៃការទទួលខុសត្រូវ គឺសមត្ថភាពយល់ដឹង និងសមត្ថភាពគ្រប់គ្រងឆន្ទៈ។

ប៉ុន្តែកាលបើជនណាម្នាក់ប្រព្រឹត្តបទល្មើស នៅពេលដែលជននោះកើតវិបល្លាសស្មារតី ដោយសារការប្រើប្រាស់គ្រឿងស្រវឹង, គ្រឿងញៀន ឬសារជាតិដែលច្បាប់ហាមឃាត់ មិនអាចរួចផុតពីការទទួលខុសត្រូវព្រហ្មទណ្ឌឡើយ។

មាត្រា៣១ នៃក្រមព្រហ្មទណ្ឌ

27/06/2026

សេរីភាពក្នុងការបញ្ចេញមតិ គឺជាសិទ្ធិជាមូលដ្ឋានដែលត្រូវបានការពារដោយច្បាប់ ដូចមានចែងក្នុងមាត្រា ៤១ នៃរដ្ឋធម្មនុញ្ញនៃព្រះរាជាណាចក្រកម្ពុជាថា ប្រជាពលរដ្ឋខ្មែរមានសេរីភាពខាងការបញ្ចេញមតិ ការបញ្ចេញមតិកាសែត ការបោះពុម្ពផ្សាយ និងការប្រជុំ។

ទោះជាយ៉ាងណាក៏ដោយ ការប្រើប្រាស់សិទ្ធិនេះមិនត្រូវឱ្យប៉ះពាល់ដល់អ្នកដទៃឡើយ។ ក្នុងនោះដែរ មាត្រា ៤១ ដដែលក៏បានបញ្ជាក់ច្បាស់ថា ជនណាក៏ដោយមិនអាចឆ្លៀតប្រើសិទ្ធិនេះដោយរំលោភ នាំឱ្យប៉ះពាល់ដល់កិត្តិយសរបស់អ្នកដទៃ ដល់ទំនៀមទម្លាប់ល្អរបស់សង្គម ដល់សណ្តាប់ធ្នាប់សាធារណៈ និងដល់សន្តិសុខជាតិបានឡើយ។

ការប្រើប្រាស់សិទ្ធិលើសដែនកំណត់អាចប្រឈម នឹងបទល្មើសផ្សេងៗ ស្របតាមក្រមព្រហ្មទណ្ឌនៃព្រះរាជាណាចក្រកម្ពុជា។

12/06/2026

មេធាវី មិនមែនជាអ្នកសម្រេចសេចក្តីទេ ប៉ុន្តែជាអ្នកទាមទារឱ្យការសម្រេចសេចក្តីមានភាពយុត្តិធម៌។

ក្នុងប្រព័ន្ធយុត្តិធម៌ មេធាវីមានតួនាទីយ៉ាងសំខាន់ក្នុងការការពារ និងលើកស្ទួយសិទ្ធិរបស់ភាគី។ ទោះបីជាមេធាវីមិនមែនជាអ្នកចេញសាលក្រម ឬសម្រេចសេចក្តីក៏ដោយ ប៉ុន្តែមេធាវីគឺជាអ្នកប្រឹងប្រែងស្វែងរកការពិត ប្រមូលភស្តុតាង និងបង្ហាញអង្គហេតុចំពោះតុលាការ ដើម្បីឱ្យការសម្រេចសេចក្តីត្រូវបានធ្វើឡើងដោយផ្អែកលើច្បាប់ និងយុត្តិធម៌។

មេធាវីមិនមានភារកិច្ចធានាថាកូនក្តីនឹងឈ្នះក្តីនោះទេ ប៉ុន្តែមានកាតព្វកិច្ចធានាថា សិទ្ធិរបស់កូនក្តីត្រូវបានគោរព។ ការងាររបស់មេធាវី គឺជាការរួមចំណែកធ្វើឱ្យដំណើរការយុត្តិធម៌មានតុល្យភាព តម្លាភាព និងសមធម៌សម្រាប់គ្រប់ភាគី។

ដូច្នេះ មេធាវីមិនមែនជាអ្នកកំណត់លទ្ធផលនៃសំណុំរឿងទេ ប៉ុន្តែជាអ្នកឈរលើការពារគោលការណ៍យុត្តិធម៌ និងទាមទារឱ្យការសម្រេចសេចក្តីប្រព្រឹត្តទៅដោយភាពត្រឹមត្រូវ និងស្របច្បាប់។