https://www.facebook.com/1482208281916621/

Law and social phally, 3, Phnom Penh (2026)

14/08/2026

១.តើអ្វីទៅជាអំពើជេរប្រមាថ?
ការបញ្ចេញមតិ ការប្រើប្រាស់ពាក្យមិនសមរម្យ ពាក្យពេចន៍ ជេរប្រមាថ មើលងាយ នាំឱ្យប៉ះពាល់ដល់សិទ្ធិសេរីភាព កិត្ដិយស និងសេចក្ដីថ្លៃថ្នូររបស់បុគ្គលម្នាក់ទៀតជាសាធារណៈ ឬនៅទីសាធារណៈត្រូវចាត់ទុកជាអំពើជេរប្រមាថ។
២.តើអំពើខាងលេីនេះចាត់ទុកជាបទល្មើសដែរឬទេ?
ពិតប្រាកដណាស់អំពើខាងលេីត្រូវបានចាត់ទុកជាបទល្មើស ដូចមានកំណត់ក្នុងក្រមព្រហ្មទណ្ឌនៃព្រះរាជាណាចក្រកម្ពុជា។
៣.ប្រសិនបើអំពើខាងលើជាបទល្មើស តើត្រូវផ្តន្ទាទោសយ៉ាងដូចម្តេច?
ចំពោះបទល្មើសជេរប្រមាថជាសាធារណៈ នៃក្រមព្រហ្មទណ្ឌមាត្រា ៣០៧ ត្រូវពិន័យជាប្រាក់ពី ១សែនរៀល ដល់ ១០លានរៀល ដែលប្រព្រឹត្តឡើងតាមមធ្យោបាយណាមួយដូចតទៅ៖
ក.តាមសំដីនៅទីសាធារណៈ ឬនៅក្នុងសាលប្រជុំសាធារណៈ។
ខ.តាមលិខិត ឬគំនូរដាក់តាំងឲ្យសាធារណជនមើល។
គ.តាមគ្រប់មធ្យោបាយទូរគមនាគមន៍សោតទស្សន៍សម្រាប់សាធារណជន។
ចំពោះបទល្មើសជេរប្រមាថតាមសារព័ត៌មាន នៃក្រមព្រហ្មទណ្ឌមាត្រា ៣០៨ ត្រូវស្ថិតនៅក្រោមបទប្បញ្ញត្តិនៃច្បាប់ស្តីពីរបបសារព័ត៌មាន។
ចំពោះបទល្មើស មាត្រា ៥១៦ ស្តីអំពីបទប្រមាថចំពោះព្រះសង្ឃ ត្រូវផ្តន្ទាទោសដាក់ពន្ធនាគារពី១ ថ្ងៃ ដល់ទៅ៦ថ្ងៃ និងពិន័យជាប្រាក់ពី១ពាន់រៀល ដល់១សែនរៀល។
សរុបមកបទជេរប្រមាថជាសាធារណៈ គឺជាបទល្មើសព្រហ្មទណ្ឌ ដែលជាប្រភេទនៃបទលហុ ។
៤ តើ.អ្នកណាខ្លះមានសិទ្ធិដាក់ពាក្យប្តឹងចំពោះអំពើជេរប្រមាថ?
អ្នកដែលមានសិទ្ធិអាចដាក់ពាក្យប្តឹងចំពោះអំពើជេរប្រមាថបាន ដូចខាងក្រោម៖
១.សាមីខ្លួនដែលទទួលរងនូវការការជេរប្រមាថ។
២.សាមីខ្លួន ឬប្រធានសាប័នសាមី ក្នុងករណីដែលការជេរប្រមាថ ចំពោះសមាជិករដ្ឋាភិបាល ឬមន្រ្ដីរាជការសាធារណៈ ឬពលរដ្ឋទទួល អាណត្ដិសាធារណៈ។
៣.លើកលែង ការជេរប្រមាថ ត្រូវធ្វើឡើងប្រឆាំងនឹងបុគ្គលម្នាក់ ឬមួយក្រុមដោយមូលហេតុដើមកំណើត ជាតិពន្ធុ ពូជសាសន៍ សញ្ជាតិ ឬសាសនា នោះការចោទប្រកាន់ត្រូវធ្វើឡើងដោយស្វ័យប្រវត្ដដោយព្រះរាជអាជ្ញា ។
៥.តើត្រូវដាក់ពាក្យបណ្តឹងទៅស្ថាប័នណា?
នៅពេលមានបទល្មើសកើតឡើង យើងអាចដាក់ពាក្យបណ្តឹងទៅកាន់មន្ត្រីនគរបាលយុត្តិធម៌ ឬទៅកាន់អយ្យការអមសាលាដំបូងរាជធានី/ខេត្ត ដោយផ្ទាល់តែម្តង។

12/08/2026

ច្បាប់ស្ដីពី លទ្ធកម្មសាធារណៈ ឆ្នាំ២០២៣

09/08/2026

ជូនពរក្មួយៗ ដែលប្រឡង សញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៥~២០២៦ ទទួលបានជោគជ័យគ្រប់ៗគ្នា ដោយខិតខំប្រឹងប្រែងប្រឡងដោយឈរលើសមត្ថភាពពិតរបស់ខ្លួន ហើយគោលការណ៍ គឺ អ្នកចេះ គឺជាប់។

សម័យប្រឡង ៖ ១០ ~ ១១ សីហា ២០២៦

#ហ៊ុនម៉ាណែត #កម្ពុជា #សន្តិភាពនៅកម្ពុជា