12/02/2026
📢 សេចក្តីជូនដំណឹងយោងទៅតាមលេខ ០០១ សហវ.ស.ជ.ណ.អពដ ចុះថ្ងៃទី១៦ ខែមករា ឆ្នាំ២០២៦ ចេញពីក្រសួងសេដ្ឋកិច្ច និងហិរញ្ញវត្ថុ ស្តីពីការបន្តពន្យារពេលអនុវត្តការលើកលែងពន្ធប្រថាប់ត្រាទៅលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ។
ℹ️ ដើម្បីជួយសម្រួលដល់ប្រជាពលរដ្ឋដែលបានទិញលំនៅឋានពីក្រុមហ៊ុនអភិវឌ្ឍន៍លំនៅឋានដែលមានលក្ខណៈជាបុរី ឬអគារសហកម្មសិទ្ធិ (ខុនដូ) និងជួយសម្រួលដល់វិស័យអចលនទ្រព្យបន្ថែមទៀត យើងខ្ញុំមានកិត្តិយសជូនដំណឹងដល់ម្ចាស់អចលនទ្រព្យ និងសាធារណជន អំពីការលើកលែងនិងអនុគ្រោះពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យសម្រាប់អ្នកទិញលំនៅឋាន ឬផ្ទេរកម្មសិទ្ធិជាលើកដំបូង។
ℹ️ ចំពោះការទិញលំនៅឋាន ឬការផ្ទេរកម្មសិទ្ធិដែលមានលក្ខណៈជាបុរី ឬខុនដូ មុនឬអំឡុងឆ្នាំ២០២៦ និងអនុវត្តដូចខាងក្រោម៖
👉 ក. សម្រាប់បុគ្គលទាំងឡាយណាដែលបានទិញ ឬផ្ទេរកម្មសិទ្ធិទៅលើអចលនទ្រព្យជាលើកដំបូងនៅរដ្ឋបាលសារពើពន្ធ នឹងត្រូវទទួលបានការលើកលែងពន្ធប្រថាប់ត្រា ដោយអនុញ្ញាតឱ្យដកចេញពីមូលដ្ឋានគិតពន្ធចំនួន ២១ ម៉ឺន ដុល្លារអាមេរិក ចំពោះសម្រាប់លំនៅឋានដែលមានតម្លៃក្រោម ឬស្មើ ២១ ម៉ឺន ដុល្លារអាមេរិកតែប៉ុណ្ណោះ។
👉 ខ. ដោយឡែក សម្រាប់បុគ្គលណាដែលបានធ្វើការទិញ ឬផ្ទេរកម្មសិទ្ធិទៅលើអចលនទ្រព្យជាលើកទី២ ឬបន្តបន្ទាប់ទៅ នឹងត្រូវបានអនុញ្ញាតឱ្យដកចេញពីមូលដ្ឋានគិតពន្ធចំនួន ៧ ម៉ឺន ដុល្លារអាមេរិក។
📌 ដោយយោងទៅតាមក្រសួងសេដ្ឋកិច្ចនិងហិរញ្ញវត្ថុ លិខិតលេខ ០២០ សហវ.ស.ជ.ណ ដើម្បីឱ្យលក្ខខណ្ឌទាំង២ខាងលើប្រព្រឹត្តទៅបានគឺតម្រូវឱ្យទិញពីក្រុមហ៊ុនអភិវឌ្ឍន៍លំនៅឋានដែលបានចុះបញ្ជីនៅនិយ័តករអាជីវកម្មអចលនវត្ថុនិងបញ្ចាំ ឬនៅមន្ទីរសេដ្ឋកិច្ចនិងហិរញ្ញវត្ថុខេត្ត ទោះបីជានៅលើបណ្ណកម្មសិទ្ធិជាឈ្មោះក្រុមហ៊ុន ឬឈ្មោះរូបវន្តបុគ្គលដែលជាម្ចាស់គម្រោងឬជាតំណាងក្រុមហ៊ុនឬម្ចាស់គម្រោង។
#ច្បាប់កម្ពុជា #អចលនទ្រព្យ #ពន្ធប្រថាប់ត្រា #ក្រសួងសេដ្ឋកិច្ចនិងហិរញ្ញវត្ថុ
