D.Property, Phnom Penh (2026)

09/08/2023

ក្រសួងសាធារណការ និងដឹកជញ្ជូន បានឱ្យដឹងថា មុខងារត្រួតពិនិត្យគុណភាពផ្លូវថ្នល់ (ROAD CARE Supervision) នឹងត្រូវអនុវត្តប្រើប្រាស់សាកល្បងរយៈពេល៦ខែ ចាប់ពីខែសីហា នេះតទៅ ដើម្បីជួយពង្រឹងបន្ថែមលើយន្តការដែលមានស្រាប់ និងធានាដល់ការគ្រប់គ្រងការអនុវត្តការងារត្រួតពិនិត្យគុណភាពបច្ចេកទេសជួសជុល ថែទាំ និងសាងសង់ផ្លូវថ្នល់ ឱ្យកាន់តែមានប្រសិទ្ធភាព និងតម្លាភាព ស្របតាមគោលនយោបាយរដ្ឋាភិបាលឌីជីថល។

កាលពីថ្ងៃទី៤ ខែសីហា ឆ្នាំ២០២៣ ក្រុមការងារបច្ចេកទេស នៃអគ្គនាយដ្ឋានបច្ចេកវិទ្យា និងទំនាក់ទំនងសាធារណៈ ក្នុងនាមគណៈកម្មការគ្រប់គ្រងការអនុវត្តកម្មវិធីថែទាំផ្លូវថ្នល់ បានរៀបចំវគ្គបណ្តុះបណ្តាលអំពីការប្រើប្រាស់មុខងារត្រួតពិនិត្យគុណភាពផ្លូវថ្នល់ (ROAD CARE Supervision) ជូនមន្ត្រីជំនាញបច្ចេកទេសផ្លូវថ្នល់ នៃអគ្គនាយកដ្ឋានបច្ចេកទេស និងអគ្គនាយកដ្ឋានសាធារណការ។

គោលបំណង នៃវគ្គបណ្តុះបណ្តាលនេះ គឺដើម្បីបង្ហាញអំពីរបៀបប្រើប្រាស់មុខងារ មុនពេលចាប់ផ្តើមអនុវត្តប្រើប្រាស់សាកល្បងក្នុងរយៈពេល៦ខែ លើគម្រោងជួសជុល-សាងសង់ជាក់ស្ដែង ដែលស្ថិតក្រោមក្រសួងសាធារណការ និងដឹកជញ្ជូន ឱ្យកាន់តែមានប្រសិទ្ធភាព និងតម្លាភាព មុនពេលឈានដល់ការដាក់អោយប្រើប្រាស់ជាផ្លូវការ។

មុខងារត្រួតពិនិត្យគុណភាពផ្លូវថ្នល់ (ROAD CARE Supervision) គឺជាមុខងារបន្ថែមថ្មី ក្នុងកម្មវិធីថែទាំផ្លូវ (ROAD CARE Mobile App) ដែលអាចឱ្យថ្នាក់ដឹកនាំមានភាពងាយស្រួលក្នុងការតាមដានការងារគ្រប់គ្រងគុណភាពផ្លូវពីចម្ងាយ ព្រមទាំអាចរក្សាបាននូវកំណត់ត្រាផ្លូវថ្នល់ ប្រវត្តិខ្សែផ្លូវ របាយការណ៍ត្រួតពិនិត្យគុណភាពផ្លូវថ្នល់ និងវឌ្ឍនភាពការងារគម្រោង ជាទិន្នន័យបែបឌីជីថល។

ការរៀបចំមុខងារត្រួតពិនិត្យគុណភាពផ្លូវថ្នល់ (ROAD CARE Supervision) នេះឱ្យចេញជារូបរាង សម្រាប់បម្រើក្នុងវិស័យការងារសាធារណការ របស់ក្រសួងសាធារណការ និងដឹកជញ្ជូន ក្រោមកិច្ចសហការរបស់អគ្គនាយកដ្ឋានទាំង៣ គឺអគ្គនាយកដ្ឋានបច្ចេកទេស អគ្គនាយកដ្ឋានសាធារណការ និងអគ្គនាយដ្ឋានបច្ចេកវិទ្យា និងទំនាក់ទំនងសាធារណៈ ព្រមទាំងជាសមាជិក នៃគណៈកម្មការគ្រប់គ្រងការអនុវត្តកម្មវិធីថែទាំផ្លូវថ្នល់ផងដែរ៕

04/08/2023

ភ្នំពេញៈ រដ្ឋបាលរាជធានីភ្នំពេញ កាលពីថ្ងៃទី៣ ខែសីហា ឆ្នាំ២០២៣ បានរៀបចំកិច្ចប្រជុំក្រុមការងារបច្ចេកទេស លើគម្រោង សាងសង់ស្ពានបេឡេ ឆ្លងកាត់ទន្លេបាសាក់ តភ្ជាប់ពីផ្លូវជាតិលេខ២ ទៅផ្លូវលេខ៣៦៩ នៃតំបន់ព្រែកប្រា។ គម្រោងសាងសង់ស្ពានដែកថ្មី នៅដងទន្លេបាសាក់នេះ នឹងត្រូវរុះរើពីស្ពានដែកឬស្សីកែវ ឆ្លងកាត់ដងទន្លេសាប ទៅសង់នៅទីតាំងថ្មីតាមដងទន្លេបាសាក់ ក្នុងសង្កាត់ព្រែកប្រា ដើម្បីជួយដោះស្រាយចរាចរណ៍នៅតំបន់ច្បារអំពៅ បន្ទាប់ពីស្ពានបេតុងឬស្សីកែវ បានសាងសង់រួច និងបានដាក់ឱ្យប្រើប្រាស់រួចមក។ ទោះជាយ៉ាងណា មិនទាន់មានការសម្រេចថា ការសាងសង់ស្ពាននេះ នឹងចាប់ផ្តើម និងបញ្ច ប់នៅពេលណានៅឡើយទេ៕

30/07/2023

"គម្រោងសាងសង់ស្ពានឆ្លងកាត់ទន្លេមេគង្គទី១ ក្នុងខេត្តក្រចេះ"

- ប្រវែងស្ពាន៖ ១៧៦១ ម៉ែត្រ
- ត្រើយខាងកើត៖ ឃុំបុសលាវ ស្រុកចិត្របុរី ខេត្តក្រចេះ
- ត្រើយខាងលិច៖ ឃុំសោប ស្រុកព្រែកប្រសព្វ ខេត្តក្រចេះ
- បើកការដ្ឋានសាងសង់៖ ០២/មករា/២០២៣
- គ្រោងបញ្ចប់ការសាងសង់៖ មិថុនា/២០២៦
- រយៈពេលសាងសង់៖ ៤២ខែ (ក្នុងគម្រោង)
- សាងសង់ដោយ៖ ក្រុមហ៊ុនសំណង់សៀងហៃ (SCG)
- ត្រួតពិនិត្យដោយ៖ ក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន

គម្រោងសាងសង់នេះនឹងផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ និងសេដ្ឋកិច្ចគ្រួសារ តាមរយៈការសម្រួលដល់ការធ្វើដំណើររបស់បងប្អូនប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញ ឬកសិផលគ្រប់ប្រភេទ៕

25/07/2023

ឈ្វេងយល់ពីសមិទ្ធផលផ្លូវជាតិលេខ៣៖

- ប្រវែងផ្លូវ៖ ១៣៤,៧៩ គីឡូម៉ែត្រ
- បើកការដ្ឋានសាងសង់៖ ០៧/០៥/២០១៨
- បញ្ចប់ការសាងសង់៖ បញ្ចប់ក្នុងខែកញ្ញា ឆ្នាំ២០២១
- ចែកជាពីរដំណាក់កាល៖ ដំណាក់កាលទី១ពីចោមចៅ (ភ្នំពេញ) ទៅបែកគុស (ខេត្តតាកែវ) ប្រវែង៧០ គីឡូម៉ែត្រ ពង្រីកទទឹងតួផ្លូវរហូតដល់២៤,៥ម៉ែត្រ ជាប្រភេទផ្លូវបេតុងកៅស៊ូ(AC) កម្រាស់៩សង់ទីម៉ែត្រ ចែកចេញជា៤គន្លង (២គន្លងទៅ២គន្លងមក)។
ដំណាក់កាលទី២ ពីបែកគុសទៅក្រុងកំពត ប្រវែង៦៤,៨២៦គីឡូម៉ែត្រ ជាប្រភេទផ្លូវAC កម្រាស់ ៧សង់ទីម៉ែត្រ ពង្រីកទទឹងតួផ្លូវ រហូតដល់១២ ម៉ែត្រ ចែកជា២គន្លង។
- ទំហំទឹកប្រាក់គម្រោង៖ ប្រមាណ ២១៩ ៩១១ ០០០ ដុល្លារអាមេរិក
- សាងសង់ដោយ៖ ក្រុមហ៊ុនសាជីវកម្មស្ពាន និងថ្នល់ចិន (China Road and Bridge Corporation)
- ត្រួតពិនិត្យដោយ៖ ក្រុមហ៊ុនទីប្រឹក្សាបច្ចេកទេសសំណង់ ក្វាងចូវ វ៉ានអាន (Guangzhou Wanan Construction Supervision Co., Ltd)។

សមិទ្ធផលនេះ បាននិងកំពុងផ្ដល់ភាពងាយស្រួល ក្នុងការធ្វើដំណើរ លឿន កាត់បន្ថយពេលវេលា កាត់បន្ថយការចំណាយ អាចប្រកួតប្រជែង ទាក់ទាញទេសចរណ៍ ដឹកជញ្ជូនទំនិញកសិផលទៅកាន់ទីផ្សារ ទាក់ទាញការវិនិយោគ លើកកម្ពស់ជីវភាពរស់នៅរបស់ប្រជាជន ជាពិសេសចូលរួមចំណែកដល់ការជំរុញកំណើនសេដ្ឋកិច្ចជាតិបានមួយកម្រិតថែមទៀត៕

20/07/2023

ឈ្វេងយល់ពីគម្រោងសាងសង់ផ្លូវជាតិលេខ៤៨៖

- ប្រវែងផ្លូវ៖ ១៤៨ គីឡូម៉ែត្រ
- ចំណុចចាប់ផ្ដើម៖ ចំណុចប្រសព្វជាមួយផ្លូវជាតិលេខ៤
- ចំណុចបញ្ចប់៖ ក្រុងខេមរភូមិន្ទ ខេត្តកោះកុង
- បើកការដ្ឋានសាងសង់៖ ០៣/មករា/២០២២
- បញ្ចប់ការសាងសង់៖ បញ្ចប់នៅខែមិថុនា ឆ្នាំ២០២៤
- រយៈពេលសាងសង់៖ ៣២ខែ
- ទំហំទឹកប្រាក់គម្រោង៖ ប្រមាណ ៦៥,១៤ លានដុល្លារអាមេរិក
- សាងសង់ដោយ៖ សាងសង់ដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture
- ត្រួតពិនិត្យដោយ៖ ត្រួតពិនិត្យបច្ចេកទេសដោយសម្ព័ន្ធក្រុមហ៊ុនទីប្រឹក្សាបច្ចេកទេស KCI & KECC Joint Venture

គម្រោងនេះ តភ្ជាប់ជាមួយផ្លូវជាតិលេខ១០ និងតភ្ជាប់ទៅខេត្តពោធិ៍សាត់ ខេត្តបាត់ដំបង និងខេត្តប៉ៃលិន មកកាន់តំបន់ឆ្នេរកម្ពុជា ដែលភ្ជាប់ប្រទេសកម្ពុជាទៅប្រទេសថៃត្រូវបានចាត់ទុកជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក្នុងការជួយសម្រួលដល់ការតភ្ជាប់ ទំនាក់ទំនងគមនាគមន៍ និងការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹកជ្រៅនៅក្រុងព្រះសីហនុ សំដៅរួមចំណែកក្នុងការជំរុញការដោះដូរពាណិជ្ជកម្ម វិនិយោគ និងការដឹកជញ្ជូនដំណាំកសិផល និងកសិឧស្សាហកម្ម ឱ្យកាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច ហើយក៏ជាផ្នែកមួយនៃផ្លូវអាស៊ានហាយវ៉េ១២៣ (ASEAN Highway 123) និងជារបៀងមាត់សមុទ្រខាងត្បូងរបស់មហាអនុតំបន់មេគង្គ GMS (R10)ផងដែរ។

បន្ថែមពីលើនេះ ផ្លូវនេះនឹងជួយជំរុញបន្ថែមសក្តានុពលតំបន់ទេសចរណ៍នៅក្នុងខេត្តកោះកុង ក៏ដូចជា តំបន់ទេសចរណ៍គិរីសាគរ ដែលជាគោលដៅទេសចរណ៍ដ៏សំខាន់មួយនៅភាគនិរតីកម្ពុជា និងជំរុញការ អភិវឌ្ឍសេដ្ឋកិច្ចក្នុងតំបន់ជាប់ព្រំប្រទល់ជាមួយប្រទេសជិតខាង និងរំពឹងថានឹងរួមចំណែកក្នុងការទាក់ទាញវិនិយោគិន និងជំរុញការនាំចេញនៅតំបន់សេដ្ឋកិច្ចពិសេសចំនួន៤ ដែលស្ថិតនៅតាមបណ្តោយផ្លូវនេះ រួមមាន៖ តំបន់សេដ្ឋកិច្ចពិសេសកោះកុង តំបន់សេដ្ឋកិច្ចពិសេស ស៊ួយ ឆេង តំបន់សេដ្ឋកិច្ចពិសេសគិរីសាគរកោះកុង និងតំបន់សេដ្ឋកិច្ចពិសេសរតនា៕

17/07/2023

ព្រលានយន្តហោះអន្តរជាតិសៀមរាបអង្គរ នឹងចាប់ផ្តើមដំណើរការនៅថ្ងៃទី១៦ ខែតុលា ឆ្នាំ២០២៣ខាងមុខនេះ ហើយនឹងក្លាយជាកម្លាំងជំរុញអ្នកទេសចរឱ្យមកទស្សនាកម្ពុជា។

ឯកឧត្តម ស៊ិន ចាន់សេរីវុត្ថា អនុរដ្ឋលេខាធិការ និងជាអ្នកនាំពាក្យ នៃរដ្ឋលេខាធិការដ្ឋានអាកាសចរណ៍ស៊ីវិល បានមានប្រសាសន៍ឱ្យដឹងនាថ្ងៃទី១៧ ខែកក្កដា ឆ្នាំ២០២៣ ថា តាមការគ្រោងទុកអាកាសយានដ្ឋានអន្តរជាតិនេះ នឹងចាប់ផ្តើមដំណើការនៅថ្ងៃទី១៦ ខែតុលា ឆ្នាំ២០២៣ខាងមុខនេះ ហើយឯកឧត្តមរំពឹងថា អាកាសយានដ្ឋាននឹងជំរុញកំណើនសេដ្ឋកិច្ចកម្ពុជា ជាពិសេសវិស័យទេសចរណ៍។

រូបថត៖AKP

14/07/2023

គិតត្រឹមថ្ងៃទី១២ខែកក្កដាឆ្នាំ២០២៣ ការដ្ឋានសាងសង់ស្ពានអាកាសព្រះមុនីវង្ស សម្រេចបាន ២៥% ។
គម្រោងនេះ ជាស្ពានអាកាសកំពស់ ២ជាន់ ដែលនឹងសម្រួលលំហូរចរាចរលើដងមហាវិថី ព្រះមុនីវង្ស មហាវិថី សម្តេចអគ្គមហាសេនាបតីតេជោ ហ៊ុន សែន វិថី កងយោធពលខេមរភូមិន្ទ និងតភ្ជាប់ចរាចរពីតំបន់ក្នុងទីក្រុងទៅមកអាកាសយានដ្ឋានអន្តរជាតិ តេជោ។
តាមផែនការគម្រោងនេះ នឹងបញ្ចប់ការសាងសង់នៅខែសីហាឆ្នាំ២០២៥ ។

10/07/2023

ឈ្វេងយល់ពីសមិទ្ធផលស្ពានមិត្តភាពកម្ពុជា-ចិនកោះធំ ស្ថិតក្នុងស្រុកកោះធំ ខេត្តកណ្តាល៖
- ប្រវែងស្ពានសរុប៖ ៤១៥ម៉ែត្រ
- ទទឹងស្ពាន៖ ១៣,៥ម៉ែត្រ
- ខាងលិចស្ពាន ផ្លូវជាតិលេខ២១ ភូមិព្រែកធន់ ឃុំព្រែកថ្មី
- ខាងកើតស្ពាន ផ្លូវលេខ១១០ ភូមិព្រែកថ្មី សង្កាត់ជ្រោយតាកែវ
- បើកការដ្ឋានសាងសង់៖ មីនា/២០១៤
- បញ្ចប់ការសាងសង់៖ ចុងឆ្នាំ២០១៦
- រយៈពេលសាងសង់៖ ៣៦ខែ
- ប្រភេទស្ពាន៖ ជាប្រភេទស្ពានបេតុងសរសៃដែក
- ទំហំទឹកប្រាក់គម្រោង៖ ប្រមាណជា២២,១៩ លានដុល្លារអាមេរិក
- សាងសង់ដោយ៖ សាងសង់ឡើងដោយក្រុមហ៊ុនសាងសង់ស្ពានថ្នល់ចិន

សមិទ្ធិផលស្ពាននេះ បាននិងកំពុងផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ រួមទាំងយុទ្ធសាស្ត្រមួយយ៉ាងសំខាន់ សម្រាប់តភ្ជាប់ទំនាក់ទំនង និងសម្រួល ការធ្វើដំណើរ របស់ប្រជាពលរដ្ឋ ដែលរស់នៅយ៉ាងច្រើនកុះករ នៅត្រើយខាងកើត និង ត្រើយខាងលិចទន្លេបាសាក់ឱ្យបានងាយស្រួល និងឆាប់រហ័ស៕

07/07/2023

ភ្នំពេញៈ កម្ពុជាកំពុងដំណើរការកែលម្អ ផ្លូវដែកភាគខាងត្បូងពីភ្នំពេញទៅខេត្តព្រះសីហនុ ពីល្បឿនយឺតឱ្យទៅល្បឿនលឿន ដើម្បីឆ្លើយតបទៅនឹងការកើនឡើង នៃតម្រូវការអ្នកដំណើរ និងការដឹកជញ្ជូនទំនិញពេលបច្ចុប្បន្ន។ នេះបើយោងតាមមន្ត្រីជាន់ខ្ពស់ក្រសួងសាធារណការ និងដឹកជញ្ជូន។

លោកទេសរដ្ឋមន្រ្តីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងក្នុងកម្មវិធីមួយកាលពីសប្តាហ៍មុន នៅផ្សារអ៊ីអនមានជ័យថា បន្ទាប់ពីបញ្ចប់ការសិក្សា លើការធ្វើឱ្យប្រសើរឡើងខ្សែរថភ្លើង ភាគខាងជើងរវាងភ្នំពេញ-ប៉ោយប៉ែត បច្ចុប្បន្នក្រសួងកំពុងធ្វើការសិក្សា ដើម្បីធ្វើឱ្យប្រសើរឡើងខ្សែរថភ្លើងខាងត្បូង ទៅជារថភ្លើងល្បឿនលឿនផងដែរ។

04/07/2023

គិតត្រឹមថ្ងៃទី៣ខែកក្កដាឆ្នាំ២០២៣ ការដ្ឋានសាងសង់ស្ពានកោះពេជ្រ-កោះនរា ឆ្លងកាត់ទន្លេបាសាក់ សម្រេចបាន ៨៥% នៃគម្រោង។ តាមផែនការ គម្រោងនឹងបញ្ចប់ការសាងសង់នៅខែវិច្ឆិកាឆ្នាំ ២០២៣ ខាងមុខ។
ស្ពានថ្មីនេះ នឹងភ្ជាប់ចរាចរពីតំបន់ភូមិសាស្ត្រក្នុងទីក្រុង ទៅមកតំបន់ភូមិសាស្ត្រខណ្ឌច្បារអំពៅ ផ្លូវជាតិលេខ ១ និងកាត់បន្ថយការកកស្ទះចរាចរនៅលើស្ពានព្រះមុនីវង្សទាំងពីរផងដែរ ។

D.Property

09/08/2023

04/08/2023

30/07/2023

25/07/2023

20/07/2023

17/07/2023

14/07/2023

10/07/2023

07/07/2023

04/07/2023

Address

Telephone

Website

Alerts

Shortcuts

Share

Category

Listing takedown request