07/13/2026
ជីវប្រវត្តិរូបសង្ខេប ឯកឧត្តម កេីតរិទ្ធិ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ ។
+ថ្ងៃឆ្នាំកំណេីត
ថ្ងៃទី២ ខែមករា ឆ្នាំ១៩៧៩
+ទីកន្លែងកំណើត
ភូមិព្រៃទទឹង ស្រុកព្រៃឈរ ខេត្តកំពង់ចាម
+ព័ត៌មានគ្រួសារ
រៀបអាពាហ៌ពិពាហ៌ មានបុត្រាចំនួន ២នាក់ និងបុត្រីចំនួន ១នាក់
+ប្រវត្តិការសិក្សា
២០០២ ៖ បរិញ្ញាបត្រជាន់ខ្ពស់ផ្នែកច្បាប់ព្រហ្មទណ្ឌ និងវិទ្យាសាស្រ្តនៃបទឧក្រិដ្ឋ នៅសាកលវិទ្យាល័យ លីយ៉ុង៣ប្រទេសបារាំង
២០០១ ៖ សញ្ញាបត្រ Maîtrise ផ្នែកច្បាប់ពីសាកលវិទ្យាល័យលីយ៉ុង២ ប្រទេសបារាំង
២០០០ ៖ បរិញ្ញាបត្រនីតិឯកជនពីសាកលវិទ្យាល័យលីយ៉ុង២ ប្រទេសបារាំង
១៩៩៩ ៖ បរិញ្ញាបត្រនីតិសាស្រ្តពីមហាវិទ្យាល័យនីតិសាស្រ្ត និងសេដ្ឋកិច្ច
+ប្រវត្តិការងារ
ឯកឧត្តម កើត រិទ្ធ ត្រូវបានតែងតាំងជាឧបនាយករដ្ឋមន្រ្តីនៅឆ្នាំ២០២៣ និងជារដ្ឋមន្រ្តីក្រសួងយុត្តិធម៌តាំងពីឆ្នាំ២០២០ ។ ឯកឧត្តម ជាសហប្រធានគណៈកម្មាធិការដឹកនាំការកែទម្រង់ប្រព័ន្ធយុត្តិធម៌ ដែលជាយន្តការដឹកនាំ សម្របសម្រួល និងជំរុញការអនុវត្តការងារកែទម្រង់ប្រព័ន្ធយុត្តិធម៌ ស្របតាមកម្មវិធីនយោបាយរបស់រាជរដ្ឋាភិបាល ។ ឯកឧត្តម ក៏ជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការផងដែរ ។
ឯកឧត្តម កើត រិទ្ធ ជាប្រធានគណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ ដែលជាយន្តការសម្របសម្រួលជាន់ខ្ពស់ក្នុងការអនុវត្តច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ ។
តាំងពីឆ្នាំ២០១២ ឯកឧត្តម កើត រិទ្ធ ជាសមាជិកឧត្តមក្រុមប្រឹក្សាសេដ្ឋកិច្ចជាតិ ដែលជាស្ថាប័នផ្នែកគោលនយោបាយ និងយុទ្ធសាស្រ្តផ្នែកសេដ្ឋកិច្ច-សង្គមរបស់រាជរដ្ឋាភិបាល ។
មុនពេលទទួលមុខតំណែងជារដ្ឋមន្រ្តី, ឯកឧត្តម បានកាន់មុខតំណែងជាន់ខ្ពស់នៅក្រសួងយុត្តិធម៌ ក្នុងនោះជាអនុរដ្ឋលេខាធិការ នៅឆ្នាំ២០០៧ និងជាបន្តបន្ទាប់ជារដ្ឋលេខាធិការ និងរដ្ឋលេខាធិការប្រចាំការ មុននឹងត្រូវបានតែងតាំងជារដ្ឋមន្រ្តីក្រសួងយុត្តិធម៌ នៅឆ្នាំ២០២០។
ឯកឧត្តម កើត រិទ្ធ ជាសាស្រ្តាចារ្យច្បាប់ បង្រៀនមុខវិជ្ជាច្បាប់ នៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច និងមហាវិទ្យាល័យនានា នៅពេល ឯកឧត្តម ត្រឡប់ពីប្រទេសបារាំងវិញ នៅឆ្នាំ២០០២ ដល់ឆ្នាំ២០១៧ ។
ឯកឧត្តម កើត រិទ្ធ បានទទួលសញ្ញាបត្របរិញ្ញាបត្រជាន់ខ្ពស់ផ្នែកនីតិព្រហ្មទណ្ឌ និងវិទ្យាសាស្រ្តឧក្រិដ្ឋកម្ម នៅឆ្នាំ២០០២ នៅសាកលវិទ្យាល័យ Jean Moulin Lyon 3 ប្រទេសបារាំង, សញ្ញាបត្រ Maîtrise ផ្នែកនីតិឯកជន នៅឆ្នាំ២០០១ នៅសាកលវិទ្យាល័យ Lyon 2 ប្រទេសបារាំង, សញ្ញាបត្របរិញ្ញាបត្រច្បាប់ផ្នែកនីតិឯកជន នៅឆ្នាំ២០០០ នៅសាកលវិទ្យាល័យ Lumière Lyon 2 ប្រទេសបារាំង និងសញ្ញាបត្របរិញ្ញាបត្រច្បាប់នៅសាកល-វិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នៅឆ្នាំ១៩៩៩ ។
ឯកឧត្តម ជាសហនិពន្ធនៃសៀវភៅ “សេចក្តីផ្តើមនៃនីតិកម្ពុជា” (បោះពុម្ភផ្សាយឆ្នាំ២០០៣, ឆ្នាំ២០០៥), សៀវភៅ “Commentary Note on the Draft of Criminal Code: Contribution on the Study of Cambodian Criminal Law” (បោះពុម្ភផ្សាយឆ្នាំ២០០៥)។
