المحامية أمنيات الهوادي

16/09/2026

كم هو محزن ومؤلم هذا الحادث المروع ....
شاب واقف ينتظر اما وسيلة مواصلات او صديق له وشاب اخر يحمل كيس عائد من عمله متجه لأسرته التي تنتظره ..
بلحظة ورمشة عين ، وبسبب تهور مشترك وسباقات في الشوارع العامه واغلاق مسرب الشباب الاثنين وبدون ذنب يتعرضوا لحادث دهس مروع بعد ما اصتطدمت السيارات ببعضها وواحدة منهم تلو الآخرى ...

هذه نتيجة فعل كل مستهتر يظن الشارع ملك له غير مبالي بأروح الناس مستخدمين الطريق
رحم الله المتوفيين وشافى الله المصابين وانا لله وانا اليه راجعون

16/09/2026

في أروقة المحاكم، تنتهي القضايا قانونيا ولكن داخل أروقة العداله وداخل القلوب تبدأ محكمة أخرى، لا قاضٍ فيها سوى الضمير، ولا أحكام فيها سوى النَدم..
وعند انعقاد محكمة السماء في يوم القيامة الكبرى في الآخره، حينها فقط يدرك المتخاصمون فداحة الخساره وفظاعة ما أقترفوه

{وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ}.

14/09/2026

مش كل نهاية جواز لازم تكون خناقة.. وقصة نادية الزغبي ومروان عودة واحدة من التجارب اللي انتهت بالطلاق، لكن من غير ما تنتهي معاها المحبة والاحترام.

البداية كانت سنة 2011، لما الإعلامية نادية الزغبي اتجوزت رجل الأعمال والمهندس مروان عودة، بعد ما اتعرفت عليه عن طريق صديقة لها، خصوصًا إنه كان صديق زوجها.

ومن أول لقاء، كان فيه كيمياء وتفاهم واضح بين الاتنين، ومع الوقت تحولت المعرفة لقصة حب انتهت بالزواج، وبعدها رزقوا بابنهم الوحيد زيد.

لكن بعد أكتر من 10 سنين، وتحديدًا سنة 2022، قرروا ينفصلوا، ونادية أكدت إن الطلاق حصل بشكل راقي وحضاري، وقدروا يحافظوا على علاقة كويسة تجمعهم المحبة والصداقة والاحترام.

نادية كمان نفت إن الشهرة كانت سبب الانفصال، خصوصًا إن مروان ناجح في مجاله، وأوضحت إنهم مع الوقت وصلوا لمرحلة كانوا فيها مش على نفس الصفحة، واختلفت نظرتهم للحياة وطريقة تعامل كل واحد مع تفاصيلها.

ورغم الانفصال، كان زيد هو الأولوية بالنسبة للاتنين، وحرصوا على إن علاقتهم كأب وأم تبقى مستقرة، بعيدًا عن أي تأثيرات سلبية ممكن يعيشها بسبب الطلاق.

وبعدها، مروان بدأ حياة جديدة واتجوز وأنجب بنت تانية سماها غالية، بينما نادية لم تغلق الباب أمام فكرة الزواج من جديد، لكن المرة هاي عندها تصور مختلف تمامًا للشخص اللي ممكن تكمل معاه.
بدها شريك يتقبلها بكل حالاتها.. وقت قوتها وضعفها، وجعها وانكسارها، ويكون قبل أي شيء صاحب وروح قريبة منها.

13/09/2026

مواطن : " أنا سائق تكسي اجاني طلب على عمان
من احدى المحافظات طلعت انا والشب على بيته نوخذ زوجته عشان نطلع لعمان والله على ما اقول شهيد بكل كلمه رح اختصر الموضوع ..
وصلت باب بيته دخل ينادي زوجته
حكالي تفضل ادخل حكيت هيني بسياره .
بعد شوي جابلي كاسة قهوه من البيت وحكالي معلش احكي تلفون من تلفونك رصيدي انا وزجتي خالص
واليوم اهل زوجتي برجعوا من الحج وبدنا نتاكد دخلو الحدود ولا لسه قبل ما نطلع المشوار
حكيتله ابشر اخذ تلفوني ودخل بيته وبعد شوي رجع التلفون
وحكالي هي دينار وبدي اعتذر منك
اجلنا المشوار عشان اهل زوجتي وصلو بدنا نروح نسلم عليهم
ولا الضالين امين .. بعد عشر ايام اتفاجئت اني مطلوب للمحكمه
بقضية افساد رابطة زوجيه .
ما صدقت بجوز فيه غلط بالمحكمه
رحت وانا عمري ما دخلت محكمه وانا ابن عائله محترمه وما عندنا هاي الشغلات وانا وضعي المادي تحت صفر

اذا اشتغلت اكلت وما اشتغلت على الخبز والشاي
المهم
تواصلت مع المحامي الي مقدم فيه القضيه وتاكدت انه نفس شب الي اخذ تلفوني
باقي باعث من تلفوني مسجات حب وغرام .

بالنهاية اتفقت معهم على حل عشان أسقط طلبوا مني ألف دينار وانا ما معي عشر دنانير ..

انا مشكلتي صارت وين كمان مع اقرب ناس الي

اتبهدلت وما حد صدقني وحتى بيتي مشاكل ادمرت ..حتى لما جلست زوجته بالمحكمة حلفت على القران كذب اني باعث رسائل .. المهم سكرت بوجهي اخدت قرض من صندوق المرأة 500 حتى اسكته و يتنازل عن القضيه ..ويا اخوان كل يوم يصيبني قهر واتذكر البهدله الي تبهدلتها ومرات اصادف هذا الشب يجي ببالي ادعسه بسياره عشان اخلص من قهري والله وسلامتكو"

هاي القصة بتعلمنا درس ما نسلم تلفونا لحدا و نعطيه صلاحيات يعمل عليه شو ما بده انتهى زمان فرض حسن النية و السذاجة و الطيبةمع الغرباء .. إياك تعطي تلفونك لأي شخص و أن طلب يستخدمه يكون تحت إشرافك وسيطرتك فقط
هاي الأشكال المحتاله قتلت الخير بين الناس⁩ للأسف

12/09/2026

أب أردني أغمي عليه جوا السيارة وهو بدور على بنته المفقودة!

أسعفوه على المستشفى،
وكان بحاجة يدخل الطوارئ، لكنه ظل مصر يكمل البحث عنها!

بنته اسمها حنان، عمرها ١٧ سنة، من الزرقاء،
معها توحد وما بتحكي كثير، وتشخصيها عقلها وكأنها بنت عمرها ٨ سنوات!

إلها أكثر من خمسة أيام غايبة عن أهلها،
ولليوم لسه ما بينت!

الناشط بهاء أبو حمزة كان قبل أيام أعلن اعتزاله العمل التطوعي بالبحث عن المفقودين، لكن لما عرف بقصة حنان، ما قدر يضل بعيد.

نشر وقال:

"رغم إني أعلنت قبل أيام اعتزالي عن العمل التطوعي في ملف المفقودين، إلا أن حالة طفلة مريضة بالتوحد لا تسمح لي بالصمت، الإنسانية قبل كل شيء.
سأخرج للبحث عنها، وأسأل الله أن يردها إلى أهلها سالمة!"

وفعلا، طلع يدور عليها.

بلش ينشر صورتها، ويتابع المعلومات اللي بتوصله، لحد ما تواصل معه شاب، وحكاله إنه شاف البنت بمدينة المفرق، وكان مصر على كلامه وقال له:

"أنا متأكد!"

بهاء أخذ أبو حنان، وطلعوا على المفرق.

راحوا على المكان اللي انحكت المعلومة عنه، وفتحوا تسجيلات كاميرات المحلات.

وفي هالتسجيلات، كانت بنت بالشارع، وتحديدا الساعة 10 و46 دقيقة بالليل.

أبوها كان موجود،
شاف البنت اللي بالتسجيل، وتعرف عليها.

كانت حنان!

كانت بأول طريق شويكة بمدينة المفرق، كانت لحالها، رايحة وجاي، ومش عارفة وين بدها تروح.

تخيل لا قدر الله تكون بتدور على بنتك من أيام، وبالآخر تشوفها قدامك على شاشة، ماشية لحالها بالليل، بس ما بتقدر توصل لإلها!

كل اللي معك تسجيل بيحكيلك إنها مرت من هون.

بس هي وين الآن؟

كيف وصلت حنان من الزرقاء للمفرق؟ ووين راحت بعد ما مرت من قدام الكاميرا؟

أسئلة لسه ما إلها جواب مؤكد.

بس ظهورها الحمدلله أعطاهم أمل، وصار عندهم طريق يتتبعوه.

بهاء نشر إنه حصل على صورتها بالكاميرات، وفتح بث مباشر يناشد أهل المفرق يفزعوا معهم.

بلش الشباب يجوا، ويتوزعوا، ويدوروا بالمنطقة وبالسوق، خصوصا بعد ما وصلتهم إفادات من ناس حكوا إنهم شافوها هناك.

وكانوا بحاولوا يتتبعوا الطريق اللي مشت فيه، كاميرا ورا الثانية، لعل وعسى تسجيل ثاني يدلهم وين راحت.

وخلال البث، بهاء حكى عن أبوها:

"أبوها أغمى عليه معي بالسيارة، وأسعفته على المستشفى، ضغطه كان مرتفع ووضعه الصحي تعبان،
لكنه ظل مصر يكمل البحث عن بنته!"

البحث مستمر أكيد، والأجهزة الأمنية عممت على البنت،
وأكيد ما قصرت وحاليا عم بتتابع بالزرقاء والمفرق،
والشباب عم بيساندوا جهودها.

وهون بدنا فزعتكم.

حنان عمرها ١٧ سنة، معها توحد، وما بتحكي كثير،
وكانت لابسة قميص أبيض، وبنطلون كحلي، وشال أسود.

آخر ظهور معروف إلها كان بالمفرق، لكن مكانها الآن مش معروف،
فعشان هيك النداء لكل شخص، بأي منطقة.

إذا شفتها، أو عندك معلومة عنها، بلغ الأجهزة الأمنية فورا على ٩١١، وحدد المكان والوقت.

وإذا عندك محل أو كاميرا بالمنطقة اللي بينت فيها، راجع تسجيلاتك، يمكن عندك المعلومة اللي أهلها بستنوها.

واللي ما عنده معلومة، بقدر يشارك صورتها،
لأنه أصلا، وصولهم لصورتها بالكاميرات بلش من منشور شافه الشخص الصح!

يمكن في حدا مرقت حنان من قدامه، أو دخلت على محله، وهو لسه ما بعرف إنها مفقودة.

خلينا نوصل له صورتها.

يمكن مشاركتك تكون السبب بعد ربنا، إنه هالأب يوقف بحث، ويضم بنته!

"صورة حنان"

26/08/2026

وفاة طبيبة قلب اردنيه بعد اجراء عمليه قلب لمريض استغرقت 5ساعات

وفاة الدكتورة شيماء وليد جراحة القلب
والتي وافتها المنية بعد توقف مفاجئ لعضلة القلب بعد ان أجرت عمليه جراحية لمريض استغرقت 5 ساعات حيث توقف قلبها بعد خمس ساعات من العمل الشاق والارهاق الشديد
حان وقت الراحه ....اللهم ارحمها رحمة واسعة وادخلها فسيح جناته والصبر والسلوان لاهلها وذويها
انا للــــــه وانا اليـــه راجعـــــون

07/08/2026

مجلس الأعيان هم الحصن المنيع لتصويب المسار التشريعي والحفاظ على مقدرات البلاد
تعديل قانون الملكية العقارية مخالفة صريحه للدستور الأردني

02/08/2026

13/07/2026

⁨ في عمان، وتحديدا في منطقة أبو نصير.

زلمة أردني اشترى بيت، وقرر يعمل فيه شوية تحسينات مثل ، وترميم، وحفر، وترتيب البناء وأعمال بالحديقة
لكن الصدمة كانت أثناء الحفر، ظهر شيء ما بخطر على البال ظهرت
عظام بشرية!
السر مدفون من سنين.

فورا تم التواصل مع ٩١١، وحضرت الأجهزة الأمنية للموقع، وبدأت التحقيقات مباشرة.

السؤال الأول كان:”مين المالك السابق لهذا المنزل؟”

ومن هون، بلش فريق القضايا المجهولة في إدارة البحث الجنائي، بالتعاون مع قيادة أمن إقليم العاصمة شمال عمان، يربط الخيوط ببعضها.

رجعوا لملف قديم،
ملف تغيب من عام ٢٠١٥.
قبل 11 سنة، كان في بلاغ من وحدة:”زوجي متغيب عن البيت وما بعرف عنه شيء!”

وتم التعميم عليه وقتها كشخص متغيب.

لكن بعد كل هالعمر، التحقيقات قادت للاشتباه بزوجته، ووجود علاقة إلها بتغيبه.

وبالفحوصات والتحقيق، تبين إنه العظام هي لنفس الرجل المتغيب.

جرى إلقاء القبض على الزوجة، وبالتحقيق معها، اعترفت إنها قبل ١١ سنة، وأثناء وجوده في بيتهم، صار خلاف بينها وبين زوجها، راحت بضربه على رأسه وضربته بأداة حادة، وبعدها دفنته في حديقة البيت، وبعدها هي بنفسها بلغت عن تغيبه.

١١ سنة يا جماعة.

أهل، أصحاب، ناس يمكن كانوا يستنوا خبر عنه.
وين راح؟ ليش اختفى؟
هل هو عايش؟ هل صار معه إشي؟

ويمكن كانوا يقولوا:”المسكينة ما بتعرف وين زوجها!”

وفي النهاية، الحقيقة كانت مدفونة في الحديقة في البيت.