Ask Lawyer-إسأل محامي

31/01/2023

04/01/2023

كثير بنسمع : صار معي حادث شو اتصرف ؟!

لذلك رح اذكر اكم نقطه لهذا الموضوع :

1. بتفتح كروكة وبتتاكد ان الشرطي صور وحط كل الاضرار بمركبتك سواء بودي او ميكانيك .

2. واذا كان تامينك شامل بتراجع شركة تامينك ومعك الكروكة سواء كان الحق عليك او الك واذا كان تامينك ضد الغير والحق على الطرف الثاني بتراجع تامينه ،اما اذا الحق عليك بدك تصلح على حسابك.

3. شركات التأمين بحاولوا يعطوا أقل تعويض ممكن حتى يقللوا اضرارهم وكون الاسعار الي بحصلوها بتكون تفضيليه لذلك رح يحاولوا يتشاطروا عليك القدر الممكن لذلك لازم تكون قد حالك وتكون شخصيتك قوية وما تستحي وما تخاف لهيك وقبل ما تروح على التامين بتروح على مركز تصليح محترم يكفل عمله وبشوف الضربة وهو بيشوفلك شو القطع وكم بدها أجور وبيعطيك سعر للاجور وبتسعر انت القطع اصليه مستعمله .

4. بتروح على الشركة ومعك ورقة الكروكة الي اعطاك اياها شرطي السير بيفتحولك ملف وبيعطوك رقم حادث وبتنزل مع موظف للكشف على سيارتك وهو اللي بحدد القطع المتضررة طبعا من الممكن انه يكون في اشي خربان وما يسجله طبعا لازم تكون حافظ كل القطع اللي متضررة وأسمائها وسعرها الأصلي مش التجاري

5. الخطوة التانية عند التامين ممكن تكون بعد كم يوم وهي انه بدخلوك على مندوب الشركة وبحكيلك حطينالك 300 عن الضربة وبدك تعرف تحكي معاه طبعا فورا لازم تقلو شو 300 حرام عليك بس أجور بدها 500 وقطع 400 ولازم تكون واثق من حالك وانك صاحب حق
رح يزيدلك المبلغ يعني ممكن يرفعلك ياه ل 500 - 600 .

هام للغاية:
اوعى ودير بالك وانتبه تغلط غلطة عمرك وتوافق انهم يصلحولك ياها بكراجاتهم لأنهم رح يخبصوها تخبص لانه الكراجات المعتمدة عندهم لانه بهمهم يرضوا شركة التامين وباقل التكاليف حتى يزيد ربح الكراج
لذلك إذا قلك صلح عنا احكيلهم انا بصلح عند واحد ومش مستعد أصلح عند غيره

ملاحظة مهمة جدا : التأمين عليه يعوضك عن الضربة ويعوضك عن العطل والضرر ويعوضك عن نقصان قيمة السيارة وهاذ حقك ويتراوح التعويض من ٢-١٠٪؜من قيمةالمركبة حسب كم حادث سابق على المركبةوقوة الضربة

٦و. تذكر انك انت صاحب حق والتأمين عليه يرضيك وإذا حسيت انه التعويض أقل من اللازم .
واذا ما اتفقت مع الشركه بتقدر تصلح لحالك و ترفع دعوى تعويض على شركة التامين عن طريق محامي مختص .

أهم اشي لا توقع على المخالصة بدون ما يكون المبلغ مناسب وبيغطي اضرار مركبتك .

7. بعد هيك بيعطوك موعد لتستلم الشك وعادة بكون بعد اسبوعين او 3 وهاذ اشي طبيعي في شركات التأمين .
القطع القديمة كلها لازم ترجعها لشركة التأمين لذلك ما ترميها الا اذا بدك ترفع قضية بالمحكمة لا يوجد ارجاع للقطع.

03/01/2023

كن كما أنت