سەکۆی بەشداری گشتی-Public Participation Platform

  • Home
  • Iraq
  • Irbil
  • سەکۆی بەشداری گشتی-Public Participation Platform

سەکۆی بەشداری گشتی-Public Participation Platform Public Participation is a way to understand the organization of political action considering citizens’ opinions.

پرسیار: دەوترێت لە دابینکردنی پارە بۆ پڕۆژه خزمەتگوزاریەکان جیاوازی هەیە لەنێوان پارێزگاکان داوای ڕوونکردنەوەتان لە حکوم...
26/04/2022

پرسیار: دەوترێت لە دابینکردنی پارە بۆ پڕۆژه خزمەتگوزاریەکان جیاوازی هەیە لەنێوان پارێزگاکان داوای ڕوونکردنەوەتان لە حکومەت کردووە لەبارەی هۆکارەکەی؟

وەڵامی بەڕیز بەهمەن کاک عبداللە ئەندامی پەرلەمانی کوردستان .لە ٢٦_٤_٢٠٢٢

سەبارەت بە جیاوازی لە دابینکردنی پارە بۆ پارێزگاکان تەنها دەنگۆیە دوورە لە ڕاستی تەنها دەنگۆی سۆشیال میدیایە بەدواداچوونمان کردوە پارە دابینکراوە بەڵام بەداخەوە بەشێکی بە لارێیدا دەبرێ. بۆ خزمەتگوزارییەکان سەرف ناکرێ. زۆربەی پارێزگاکان بە زیادەوە پارەیان بۆ سەرف دەکرێ. لەهەندێ پاریزگا داهاتی ناوەخۆ بەتەواوی ناگاتە بانكەکان. ئەمەش کێشەیەکی سەرەکیە.

ڤیان محمد ڕیکخەری پرۆژی پتەو کردنی دیموکراتی لە ڕیکخراویRID.

پرسیار: ئەو بڕیارانەی وەزارەتی کشتوکاڵ بۆ قەدەغە کردنی هاوردە کردنی هەندێ بەرهەم لە دەرەوە بۆ نمونە هێلکە ئایا وەک خۆی ج...
23/04/2022

پرسیار: ئەو بڕیارانەی وەزارەتی کشتوکاڵ بۆ قەدەغە کردنی هاوردە کردنی هەندێ بەرهەم لە دەرەوە بۆ نمونە هێلکە ئایا وەک خۆی جێبەجێ دەکرێت و بەرهەمەکان بە قاچاغ نابات؟

وەڵامی بەڕیز سەفین ئاغا گەردی ئەندامی پەرلەمانی کوردستان لە لێژنەی کشتوکاڵ و ئاودێری. لە ٢٣_٤_٢٠٢٢

ئەو بڕیارانەی وەزارەتی کشتوکاڵ بۆ قەدەغە کردنی هەندێک بەرهەم بەتایبەت هێلکە و هەندێک بەرهەمی تر سەبارەت بە پشت بەستن بەرهەمی ناوەخۆ بڕیارێکی زۆرباشە بەڵام بێ جیاوازی بکرێ ناکرێ لە سنورێک قەدەغە بکرێ و لەیەکیکتر بە قاجاغ بێت. بێگومان ئەو بڕیارە باشە بۆ خاوەن کیلگەکان. سودی زۆری دەبێ بۆ پڕۆژەکانی ناوەخۆ تایبەت بە بەرهەمە خۆمالیەکان.

ڤیان محمد ڕیکخەری پرۆژی پتەو کردنی دیموکراتی لە ڕیکخراویRID.

پرسیار: دەوترێت لە دابینکردنی پارە بۆ پڕۆژه خزمەتگوزاریەکان جیاوازی هەیە لەنێوان پارێزگاکان داوای ڕوونکردنەوەتان لە حکوم...
16/04/2022

پرسیار: دەوترێت لە دابینکردنی پارە بۆ پڕۆژه خزمەتگوزاریەکان جیاوازی هەیە لەنێوان پارێزگاکان داوای ڕوونکردنەوەتان لە حکومەت کردووە لەبارەی هۆکارەکەی؟

وەڵامی بەڕیز شوان کریم ئەندامی پەرلەمانی کوردستان لە لێژنەی کشتوکاڵ و ئاودێری. لە ١٦_٤_٢٠٢٢

خۆی بە ڕەسمی ئاماژەی بە هیچ شوێنەک و پارێزگایەک هەرێمەک نەکردوە تەنیا وەزارەتی کشتوکاڵ بڕیاری داوە دەڵێ هەموو گەنمی جووتیاران دەکڕینەوە. بە پێی ئەو بڕیارەی وەزارەتی کشتوکاڵ بێ هەموو عێراق یەک سەبەتەی خۆراکی هەیە بابەتی کڕینەوەی گەنمی جوتیاران لە ئەستۆی حکومەتی ناوەند دایە بە پێی بڕیار نابی جیاوازی بکرێ. بەڵام وەک دەبینین حکومەتی عیڕاق حکومەتێک نیە بە پێی یاسا و دەستور کار ناکات. حکومەتێکی گشتگیر و حزبیە. تاوەکو ئێستا زۆربەی هەرە زۆری ماددەکانی دەستور پێشیل کروان تایبەت ئەو مادانەی باسی هەرێمی کوردستانە. بەڵام هیوادارم لەداهاتوە ئەو پێشیلکاریە نەمێنێت.

ڤیان محمد ڕیکخەری پرۆژی پتەو کردنی دیموکراتی لە ڕیکخراویRID.

پرسیار: پار ساڵ کێشەیەکی زۆری بێ ئاوی هەبو لە گەڕەکەکانی هەولێر لە وەرزی هاوین دروست بوو. ئایا لەگەڵ وەزارەتی شارەوانی ه...
12/04/2022

پرسیار: پار ساڵ کێشەیەکی زۆری بێ ئاوی هەبو لە گەڕەکەکانی هەولێر لە وەرزی هاوین دروست بوو. ئایا لەگەڵ وەزارەتی شارەوانی هەماهەنگیتان کردوە بۆ ئەوەی ئەمساڵ دووبارە نەبێتەوە؟

وەڵامی بەڕیز زێدان برادۆستی ئەندامی پەرلەمانی کوردستان لە لێژنەی شارەوانی و گەشتوگوزار.لە ١٢_٤_٢٠٢٢

پار ساڵ ژمارەیەکی زۆر بیری ئاوی ناو شار نوژەنکرانەوە واتە رێژەی چوونە خوارەوەی بۆری زیاتر چووەتە خوارەوە
بە تایبەت لەو شوێنانەی کە کێشەی کەم ئاوی هەبوو.
ئەگەر ئەم ساڵیش رێژەی ئەو بارانەی زۆرەی باریوە ئاستی ئاو بەرز بکاتەوە لە ژێر زەوی ئەگەری زۆرە وەک پار ساڵ کێشە دروست نەبێت.
بۆ ئەو مەبەستە ئێمە لە ھاوینی ڕابردووە لەگەڵ وەزارەت و پارێزگا لەسەر ھێلین بۆ چارەسەر کردنی ئەم کێشانە.

ڤیان محمد ڕیکخەری پرۆژی پتەو کردنی دیموکراتی لە ڕیکخراویRID.

پرسیار: وەک لیژنەی مافی مرۆڤ لەبارەی یاسای هەمواری پێنجەمی نەوجەوانان چیتان کردەوە؟ ناوەرۆکی ئەو یاسایە چیە سودی چی دەبێ...
09/04/2022

پرسیار: وەک لیژنەی مافی مرۆڤ لەبارەی یاسای هەمواری پێنجەمی نەوجەوانان چیتان کردەوە؟ ناوەرۆکی ئەو یاسایە چیە سودی چی دەبێ بۆ نەوجەوانان؟

وەڵامی بەڕێز بەدریە ئیسماعیل ئەندامی پەرلەمانی كوردستان لە لێژنەی مافی مرۆڤ. لە ٩ـــ٤ـــ٢٠٢٢

هەمواری
مادە ۷٦. ۷۷ .۷۸ کرا تەنها شتێکی کەمی گۆڕا
هەرچەنە کە هاتە خوێندنەوەی دووەم
شتی تریشی لێدەگۆڕێ بۆ نمونە
هەمیشەیی کاتی ئیعدامان كرد بە سێ خاڵ پێشتر دوو خاڵ بوو دەستکاری عقوبەکانیش کرا بۆ دروستکردنی هاوسەنگی لەگەڵ سزاکانیتر. بە پێی سزاکانیان دەنێرێنە بة قوتابخانەی شیاندن تاوەکو پەروەردە بکرێن ئەگەر کرا بەیاسا دەبێ حکومەت پابەند بێ بە دروست کردنی قوتابخانەکە. ئەمەش بە پێی یاساکە دەبێ واتە کۆتا قۆناغ تا دە ساڵ. ئەمەش یەکێكە لەسودەکانی یاساکە.

ڤیان محمد ڕێكخەری پڕۆژەی پتەوكردنی دیموكراسی لەڕێكخراوی RID.

پرسیار: وەک لیژنەی ئەوقاف لە پەرلەمانی کوردستان تا ئێستا هەڵوێستی ئێوە وەک لیژنە چیە لەسەر ئەو بابەتانەی سۆشیال میدیا کە...
05/04/2022

پرسیار: وەک لیژنەی ئەوقاف لە پەرلەمانی کوردستان تا ئێستا هەڵوێستی ئێوە وەک لیژنە چیە لەسەر ئەو بابەتانەی سۆشیال میدیا کە دەکرێ دەربارەی هەندێک کەسایەتی ئایینی؟

وەڵامی بەڕێز وەیسی سەعید ئەندامی پەرلەمانی كوردستان لە لێژنەی ئەوقاف و كاروباری ئایینی. لە 5_4_2022

بەداخەوە
ماویەكە ھەست بەدیاردەی سوكایەتی كردن بەكەسایەتیە ئایینیەکان دەکرێت کەئەمەش ماییەی ھەڵوەستەکردنە چونکە ئەوجۆرە کەسایەتیانە رۆلی دیاریان ھەبووە لە مێژوودا،دەبێت بەرێزەوە سەیری ڕابردوویان بکەین نەک سوکایەتی و بێ رێزییان لەبەرامبەردا بکرێت، بۆیەش بەتوندی ئیدانەی ھەرسوكایەتێك دەکەین بەھەرئایین وكەسایەتی وبۆنە و ھێمایەكی ئایینی ونەتەوەیی كردو بەكارێكی مەترسیداری دەدەنێن بۆ سەر ڕەوشی پێكەوەژیان لەھەرێمی كوردستان چونكە پێكەوە ژیانی ئایینی ونەتەوەیی سەرچاوەی ئارامی كۆمەلگەیە نابێت بە ھیچ شێوەیەك سازشی لەسەربكرێت ،
پێویستە بەجدی رێگری بكرێت لەھەر سوكایەتێك كە ڕەوشی پێكەوەژیان لەھەرێمی كوردستان دەخاتە مەترسیەوە،وەلەکاتی ھەبوونی ھەرحالەتێکی لەم شێوەیە دارێكاری یاسایی دەرحەق بەھەرکەس ولایەن ودەزگاێک بگیرێتەبەر ...

ڤیان محمد ڕێكخەری پڕۆژەی پتەوكردنی دیموكراسی لە ڕێكخراوی RID.

پرسیار: هیچ پێشنیاریەک هەیە بۆ ئەوەی ئەگەر یاسای هەڵبژاردن هەموار بکرێت کوردانی ناوچەکانی ماددەی 140 مافی بەشداریکردنیان...
02/04/2022

پرسیار: هیچ پێشنیاریەک هەیە بۆ ئەوەی ئەگەر یاسای هەڵبژاردن هەموار بکرێت کوردانی ناوچەکانی ماددەی 140 مافی بەشداریکردنیان پێبدرێت لە هەڵبژاردنی پەرلەمانی کوردستان.؟

وەڵامی بەڕیز ڕۆبینا عەزیز ئەندامی پەرلەمانی کوردستان لە لێژنەی ناوچە کوردستانیەکانی دەرەوەی هەرێم. لە ٢_٤_٢٠٢٢

تاوەکو ئێستا هیچ پێشنیاریەک نەکراوە لەبەر کێشەی مادەی ١٤٠ کە دەبێ چارەسەر بکرێت.ئێستا لایەنە حزبیەکان خەریکی هەمواری یاسایی هەڵبژاردنن. چۆن هەموار بکرێتەوە. بێگومان لەسەر یاسایی پێشو هەموار دەکرێ. بە دڵنیاییەوە تایبەتە بە هەرێمی کوردستان. بۆیە پێویستە یەکەمجار مادەی ١٤٠ چارەسەر بکرێ.

ڤیان محمد ڕیکخەری پرۆژی پتەو کردنی دیموکراتی لە ریکخراویRID.

پرسیار: ئایا هیچ لێژنەیەکتان پێکهیناوە بۆ چارەسەری قەرەباڵەغی لەکاتی دابەشکردنی مووچەی خانەنشینان؟ لەگەڵ وەزارەتی دارای...
29/03/2022

پرسیار: ئایا هیچ لێژنەیەکتان پێکهیناوە بۆ چارەسەری قەرەباڵەغی لەکاتی دابەشکردنی مووچەی خانەنشینان؟ لەگەڵ وەزارەتی دارایی گفتوگۆتان کردوە بۆ تاوەکو ئێستا سیستەمێک نیە ئاسانکاری بکات بۆ مووچەی خانەنیشان؟

وەڵامی بەڕیز ئەرشەد حسێن ئەندامی پەرلەمانی کوردستان لە لێژنەی دارایی و ئابووری. لە ٢٩_٣_٢٠٢٢

سەبارەت بە کێشەی مووچەی خانەنشیان ئێمە وەک لیژنەی دارایی لێژنەیەکمان پێکهێنا بۆ بەدواداچوون لەسەر ئەو دۆخە. هەروەها سەردانی وەزیرمان کردوە هۆکاری ئەمە چیە ئەمیش چەند هۆکارێکی ووت هۆکاری سەرەکی درەنگ گەڕانەوەی داهاتە. گفتوگۆ کرا لەسەر ئەم سیستەمەی کە ئێستا لە بانقەکان هەیە هەر سیستەم نیە داوامان کردوە هەمووی ببەستریتەوە سیستەمێک دابنرێت بەڵام بەداخەوە هێشتا تەواو نەکراوە بەڵام خەریکن بە سیستەم کردنی بانقەکان. چونکە ئەو سیستەمەی هەیە هەم قەرەباڵغی و هەمیش تاخیر بوونی مووچە تێدا ڕوودەدات. سەبارەت بە چۆنیەتی دابەش کردنی مووچە داوامان کردوە بکرێتە کارت تایبەت بۆ خانەنیشان.

ڤیان محمد ڕیکخەری پرۆژی پتەو کردنی دیموکراتی لە ریکخراویRID.

26/03/2022

پرسیار:خەلك گلەیی لە پێوەری زیرەكی كارەبا هەیە بەوەی بڕی ئەو كارەبایەی بەهاوڵاتیان دەدرێت بەشی پێویستیەكانیان ناكات و نەبویتە هۆی زیادبونی پێدانی كاتەكانی كارەبا؟ ئێوە بەدواداچوونتان کردوە؟

وەڵامی بەڕیز بەختیار شوکری ئەندامی پەرلەمانی کوردستان لە لێژنەی ووزە و سامانە سرووشتیەكان. لە ٢٦_٣_٢٠٢٢

سەبارەت بەو بابەتە بەدواداچوون بە پێوەری زیرەكی کارەبا. ئێمە وەک لیژنەی سامانە سرووشتیەكان بەردەوام بەدوا داچوونمان کردیە.لەگەل وەزیریش قسەمان کردوە. ئەم بابەتە تایبەت بە ٣٠ئەمپێری پێوەری زیرەک سابتە ناتوانرێ زیاد بکرێ بەو تاقتەی کە ئێستا هەیە. ئەگەر زیاتر کرابا نەیان دەتوانی دە سەعاتیش کارەبا بدرێتەوە بە هاووڵاتیان بەڵام ئەو بەرنامە کاتیە تا وەرزی سەرما تەواو دەبی دەکرێتەوە چل ئەمپير.هەر چەندە دەبی ئاماژە بەوە بکرێ ئایا ئەو سی ئەمپێرە لە داخوازی خەڵکە بەڵی بێگومان لە داخوازی خەڵکە تا کاتەکانی کارەبا زیاتر بکرێ.بەشێوەیەکی کاتی.بەلام وەزارەت پلانی هەیە تا بتوانن ژمارەی ئەمپێرەکان زیاد بکات و لەگەڵ پێدانی كاتەكانی کارەبا بە هاوڵاتیان.

ڤیان محمد ڕیکخەری پرۆژی پتەو کردنی دیموکراتی لە ریکخراوی RID.

پرسیار: دەنگۆی دواکەوتنی هەڵبژاردن و یاخود هەمواری یاسایی هەڵبژاردن هەیە وەک فراکسیۆنی کۆمەڵی دادگەری هەڵوێستی ئێوە چیە ...
15/03/2022

پرسیار: دەنگۆی دواکەوتنی هەڵبژاردن و یاخود هەمواری یاسایی هەڵبژاردن هەیە وەک فراکسیۆنی کۆمەڵی دادگەری
هەڵوێستی ئێوە چیە پێتان وایە هەڵبژاردن لە کاتی خۆی بکرێ؟

وەڵامی بەڕیز عبدالستار مجید لە پەرلەمانی کوردستان سەرۆکی لێژنەی کشتوکاڵ. لە ١٥_٣_٢٠٢٢

ئێمە لەگەڵ ئەوە داین کە هەڵبژاردن لەکاتی خۆی ئەنجام بدرێ. ئێمە پابەندی کاتین. تەماشای ئەوەش ناکەین کە بەرژوەندی ئێمە چەندە.هەروەها گرێبەستیکە لەنێوان ئێمە و خەڵکی. دەبێ ڕاستگۆ بین بەرامبەر ئەم کاتە.پێم وایە دوای ئەو کاتە نایاساییە. ئەو حاڵەتە هەیە کە خولی پەرلەمان درێژ بکرێتەوە. سەبارەت بە هەمواری یاسای هەڵبژاردن ئێمەش یەکیکن لەوانەی داوای هەمواری یاساکە دەکەین.بۆ قۆناغی ئێستا فرە بازنەی باشترە.کە دەکرێتە چوار بازنە چونکە چوار پارێزگامان هەیە. خەڵک نوێنەری خۆی لە شارەکەی خۆی هەڵدەبژێرێ. هەولدراوە لەناوچەیەک کە ڕیژەی دەنگدانی زۆرترە دزراوە بۆ ناوچەیتر.وە پێمان باشە ژمارەی ئەندامان کەم بکرێتەوە ١١١ئەندام زۆرە. سەبارەت بە کۆتا داوامان کردوە هەموار بکری. تۆماری خۆیان هەبی. سەبارەت بە کۆمسیۆن لەگەڵ ئەوەین ئەو کەم و کوڕیەی کە هەیە پڕ بکرێتەوە. هەر ئەو کۆمسیۆنە سەرپەرشتی هەڵبژاردنی پەرلەمانی کوردستان بکات.

ڤیان محمد ڕیکخەری پرۆژی پتەو کردنی دیموکراتی لە ریکخراویRID.

پرسیار: وەک لیژنەی پەیوەندیەکانی دەرەوەی هەرێم چەنێک بەدواداچوونتان کردوە بۆ کەیسی قوربانیانی نۆکەندی ئینگلیز تا چەند ئا...
12/03/2022

پرسیار: وەک لیژنەی پەیوەندیەکانی دەرەوەی هەرێم چەنێک بەدواداچوونتان کردوە بۆ کەیسی قوربانیانی نۆکەندی ئینگلیز تا چەند ئاگاداریی کەیسەکەن لە نزیکەوە؟

وەڵامی بەڕیز د.ڕێبوار عبدالله ئەندامی پەرلەمانی کوردستان و سەرۆکی لیژنەی پەیوەندیەکان و ڕەوەندی کوردستانی. لە ١٢_٣_٢٠٢٢

بە ئەمانەتەوە داواکاری کەس و کاری قوربانیانی کەیسی نۆکەندی ئینگلیزمان گەیاندە دەستی قونسلی بریتانیا و داوامان لێکرد ئەو پەیامە بگەینێتە وەزارەتی ناوخۆی وڵاتەکەی تا چارەنووسی ئەو قوربانیانە یەکلایی بکەنەوە.
‏
بۆ بەدواداچوون بۆ کەیسی قوربانیانی نۆکەندی ئینگلیز، سەردانی قونسلی بریتانیا دیڤید ھانتمان کرد، داوامان لێکرد بەدواداچوون بۆ ئەو پرسە بکەن و چارەنووسی قوربانیان یەکلایی بکەنەوە، بەڵێنی ئەوەی پێداین کە ھەوڵێکی جدی بدات و لە ڕێی وەزارەتی ناو خۆی وڵاتەکەیان بەدواداچوونی ئەو پرسەبکەن، تەنانەت بۆ دڵنەوایی کەس و کاریان لەئایندەیەکی نێزیکدا خۆشیان سەردانی کەس و کاریان دەکەن و لە ئەنجامی بەدواداچونییان لەسەر ئەو پرسە ئاگادارمان دەکەنەوە.

ڤیان محمد ڕیکخەری پرۆژی پتەو کردنی دیموکراتی لە ریکخراویRID.

پرسیار: بۆچی كێشەی كۆمپانیاكانی سنوری سلێمانی چارەسەر ناكرێت كە بەهۆیەوە بایكۆتی كارەكانیان بۆ كۆكردنەوەی زبل و خاشاكی س...
08/03/2022

پرسیار: بۆچی كێشەی كۆمپانیاكانی سنوری سلێمانی چارەسەر ناكرێت كە بەهۆیەوە بایكۆتی كارەكانیان بۆ كۆكردنەوەی زبل و خاشاكی سلێمانی كردووە چ بەدواداچونێكیان كردیە؟

وەڵامی بەڕیز شیرین یونس ئەندامی پەرلەمانی کوردستان لە لێژنەی شارەوانی و گەشتوگوزار.لە ٨_٣_٢٠٢٢

لەهەفتەی ڕابردوو شاندی لیژنەی شارەوانی سەردانی شارەوانی سلێمانیمان کردووە بۆ مەبەستی خزمەت گوزاری و خاشاک بۆمان دەرکەوت هۆکارەکە نەبونی پارەبووە لە بانقەکان ئەگەرنا چەکی بانقیان وەرگرتووە ، دوای ئێمە کۆمپانیاکان شایستە داراییەکانیان وەرگرتووە و ئێستا گەڕاونەتەوە سەرکارەکانیان ، بەسوپاسەوە کاک قوباد لەیەکەم ڕۆژەوە لەگەڵمان لەسەر خەت بووە تا چارەسەرکردنی کێشەکان هەموو ڕۆژێک تەئکیدی لەئێمە دەکردەوە کە بەدواداچونەکانمان چڕ بکەینەوە تا بەزووترین کات کێشەکانیان چارەسەر بێت.

ڤیان محمد ڕیکخەری پرۆژی پتەو کردنی دیموکراتی لە ریکخراویRID.

Address

Irbil
0044

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Sunday 09:00 - 17:00

Website

Alerts

Be the first to know and let us send you an email when سەکۆی بەشداری گشتی-Public Participation Platform posts news and promotions. Your email address will not be used for any other purpose, and you can unsubscribe at any time.

Shortcuts

Share

Category