محامي ئارى ساڵەیی

15/06/2024

جەژنتان پیرۊزبێت كل عام وانتم بخير

29/07/2023

11/07/2023

📢Exciting Announcement: Join Our Facebook Live Broadcast on July 16th, 2023! 🎥
🗓️Date: Sunday, July 16th, 2023 ⏰ Time: 7:00 PM ( Erbil Time)
📍Location: Facebook Live ([Smart Advisors Law Firm page )
Attention, U.S. Immigration Law! 🌟
We are thrilled to announce that Smart Advisors Law Firm, located in Erbil, Iraq, will be hosting a special guest, Dr. Muslim Abdullah – a distinguished U.S. Immigration Lawyer and Ph.D. student in U.S. Legal System & Immigration Law from the United States.
In this engaging session, Dr. Muslim will delve into the intricate world of U.S. legal system & U.S. immigration law, shedding light on its complexities, challenges, and the latest updates.
Hosted by Smart Advisors Law Firm 🏢
Smart Advisors Law Firm, located in Erbil, Iraq, is proud to host this exclusive Facebook Live event. Smart Advisors Known for their commitment to excellence and their vast experience in U.S. immigration law matters, Smart Advisors Law Firm is dedicated to providing comprehensive legal services to individuals and families navigating the U.S. immigration process.
Tag your friends, family, and anyone you know who might benefit from this valuable session. Sharing is caring, and together we can empower and educate those in need of immigration guidance.
🌐 Connect with Us 🌐


إعلان مثير: انضم إلى البث المباشر على Facebook في 16 يوليو 2023! 🎥
التاريخ: الأحد 16 تموز / يوليو 2023 التوقيت: 7:00 مساءً (بتوقيت أربيل)
الموقع: Facebook Live ([صفحة Facebook لشركة Smart Advisors Law Firm)
انتباه ، قانون الهجرة الأمريكي! 🌟
يسعدنا أن نعلن أن شركة Smart Advisors Law Firm ، الواقعة في أربيل ، العراق ، ستستضيف ضيفًا خاصًا ، الدكتور مسلم عبد الله - محامي هجرة أمريكي مرموق ودكتوراه. طالب في النظام القانوني الأمريكي وقانون الهجرة من الولايات المتحدة.
في هذه الجلسة الجذابة ، سيتعمق الدكتور مسلم في العالم المعقد للنظام القانوني الأمريكي وقانون الهجرة الأمريكي ، ويلقي الضوء على تعقيداته ، والتحديات ، وآخر التحديثات.
استضافته شركة Smart Advisors Law Firm 🏢
تفخر شركة Smart Advisors Law Firm ، الواقعة في أربيل ، العراق ، باستضافة هذا الحدث الحصري على Facebook Live. المستشارون الذكيون المعروفون بالتزامهم بالتميز وخبرتهم الواسعة في مسائل قانون الهجرة في الولايات المتحدة ، تكرس شركة Smart Advisors Law Firm خدماتها القانونية الشاملة للأفراد والعائلات الذين يتنقلون في عملية الهجرة إلى الولايات المتحدة.
ضع علامة على أصدقائك وعائلتك وأي شخص تعرفه قد يستفيد من هذه الجلسة القيمة. المشاركة تعني الاهتمام ، ويمكننا معًا تمكين وتعليم أولئك الذين يحتاجون إلى إرشادات الهجرة.
🌐 تواصل معنا 🌐

18/06/2023

بەربەستەکانی بەردەم ڕاستکردنەوەی تەمەن
(( موانع تصحیح الولادە ))

☑️ ڕاستکردنەوەی تەمەن یەکێکە لەو بابەتە هەستیارانەی کە رۆژانە زۆرترین پرسیاریان لە بارەوە دەکرێت, بەڵام ئایـا ئەمە چۆن دەکرێت؟

✳ ئەمە مافێکە یاسا دەستەبەری کردووە. مافەکە بۆ یەکجارە و بەس, بەڵام دەبێت ئاماژە بەوە بکرێت هەموو کەس ناتوانێت داوای ڕاستکردنەوەی تەمەن ( گۆڕینی تەمەن بکات) بە واتای ئەوەی کەسی داواکار نابێت ڕێگری قانونی هەبێت کە ببێتە ڕێگر لە داواکەیدا ، لێرەدا ( داواکار ) دەتوانێت پێش ئەوەی پارێزەر بگرێت و مەصروفات لە داواکەیدا بکات و کات لە خۆی بگرێت. بە دواداچوون بۆ ئەو بابەتانە بکات. پاشان گەر زانی مەرجەکانی ڕاستکردنەوەی تەمەنی تێدایە ئینجا داوابکات.

🔻بەربەستەکانیش ئەمانەی خوارەوەن:_

🔵 یەکەم/ نابێت " داواکار " مۆزەف بێت.

🔵 دووەم / ئەگەر کەسی داواکار پێشتر داوای راستکردنەوەی تەمەنی کردبێت. بۆ جاری دووەم ئەو مافەی نامێنێ.

🔵 سێیەم / کەسی " داواکار " ئەگەر برا و خووشکی هەبوو. ئەوا نابێت ئەم تەمەنە تازەی کە داوای کردووە لەگەڵ تەمەنی ئەواندا دژیەک " تضارب" بکات. بەڵام ئەگەر هاتوو داواکار خوشک و برای نەبوو توشی ئەو ئیشکالییە نابێتەوە.

🔵 چوارەم/ نابێ کەسی داواکار لە نەخۆشخانەی تایبەت و حوکمی لەدایکبوبێت. جا لێرەدا کێشەیەک هەیە. هەندێک کەس وەختی خۆی لە ماڵەوە لەدایکبووە ( لە ژێر سەرپەرشتی مامان ) بەڵام دوایی منداڵەکە براوەتە خەستەخانە شەهادە ولادەیان بۆکردووە.!

🔵 پێنجەم / دەبێت ئەو بەرواری لەدایکبوونەی کە کەسی داواکار ئیدیعای دەکات نەکەوێتە دوای بەرواری ( شەهادە ولادە و بەیان ولادە)وە.

🔵 شەشەم/ لەم جۆرە داوایەدا " داواکار " ڕەوانەی لیژنەی پزیشکی دەکرێت بۆ دیاریکردنی ساڵی لەدایکبوونی، بە واتای ئەوەی ئەو تەمەنەی ئیدعای کردووە دەبێت هاوتای ئەو تەمەنە بێت کە لیژنەی پزیشکی دیاری دەکات.

🔵 حەوتەم/ ئەو تەمەنە تازەی داواکار ئیدیعای دەکات دەبێت بکەوێتە دوای بەرواری گرێبەستی هاوسەرگیری دایک و باوکییەوە.

🔵 هەشتەم/ ئەگەر دایک و باوکی داواکار وەفاتیان کردبوو و یاخود جیابوونەوە کەوتبووە نێوان. ئەوا دەبێت ئەو تەمەنە تازەی داواکار ئیدیعای دەکات لەگەڵ بابەتی ( وەفات و جیابوونەوە ) گونجاو بێت. بە نموونە ناکرێت داواکار ئیدیعا بکات بڵێت ١٩٩١ لەدایکبووم بەڵام لە ساڵی ١٩٩٠ دا دایکی مردبێت.

🔵 نۆیەم/ ئەو تەمەنەی داواکار ئیدیعای ئەکات جیاوازییەکی زۆری نەبێت لەگەڵ تەمەنی خۆیدا. بە نموونە داواکار موالیدی ١٩٨٠ بێت. داوای ڕاستکردنەوەی تەمەن بکات و بڵێت موالیدی ڕاستی خۆم ١٩٩٥ ـــە.

08/06/2023

#بریکارنامە(الوکالە) کەی کۆتایی دێت......

ـــ بریکاری بریتیە لە گرێبەستێک بە پێی ئەو گرێبەستە کەسێک یەکێک لە جێگەی خۆی دادەنێت لە ڕەفتارێکی رێگە پێدراوی دیاریکراو بە پێی مادی 927 لە یاسایی شارستانی وا پێناسەی کردووە...

دەتوانرێت دوو جۆر بریکارنامە بۆبکەیت ( تایبەت و گشتی)..

بریکارنامە بۆ ماڵی گوێزراوە و نەگوێزراوە دەکرێت ( منقولە و غیر منقولە).. لە دوو یاسایی جیاواز هاتووە ..

لە مادەی 201 یاسایی (التسجیل العقاری ) ژمارە 43 سالی 1971 هاتووە:

* ـ ئەگەر بریکارنامە بۆ مالی نەگوێزراوە (الاموال غیر منقولە) بوو ، وەک ( زەوی ـ خانوو....) ئەوا تا ماوەی 15 ساڵ کاری پێدەکرێت،کە ئەمەش دەقی مادەکەیە( بریکارنامە لە بەڕێوەبەرایەتیەکانی تۆمارکردنی خانوبەرە دوای تێپەڕبوونی 15 ساڵ بەسەر رێکخستنیدا کاری پێناکرێت)..

* ــ ئەگەر بریکارنامە بۆ ماڵی گوێزراوە بوو ( الاموال منقولە) وەک ( ئۆتۆمبیل و موچە وەرگرتن و یان بۆ جێ بەجێکردنی ئیش و لە فەرمانگە حکومی و نا حکومیەکان بوو......) ئەوا بە پێی مادەکانی (946 ، 947) لە یاسایی شارستانی ژمارە 40 سالی 1951 (قانون مدنی ) کۆتای نایەت هەتا لە یەکێک لەم حاڵاتانە ی خوارەوە نەیتەدی:

1 ـ مردنی بریکار یا بریکاردەر..
2 ـ نەمانی ئەهلیەتی یاسایی یەکێکیان.
3 ـ ئەگەر ئەو کارە تەواو بوو کە بریکارنامەکەی بۆ کراوە.
4 ـ کۆتاییی هاتنی ماوەی دیاریکراوی بریکارنامەکە.
5 ـ بریکادەر بۆی هەیە بریکار لابدات یان بریکاریەکەی سنوردار بکات و بریکار دەتوانێت خۆی لابدات لە بریکاری..
6 ـ ئەگەر بریکار لە بریکارنامەکەیدا ماوە (مدە)ی دانابوو لەبەردەم دادنووس، بۆ نموون لە ناو بریکارنامەکە دەنوسرێت بۆ (20) ڕۆژ بەکار دێت...‎

20/04/2023

پیرۆزبایی

بەبۆنەی هاتنەوەی جەژنی رەمەزانی پیرۆز، پیرۆزباییی گەرم لە هه موو موسلمانان دەکەین.
هیوادارین گشت لایەک ئەو جەژنە بە شادیی و کامەرانی بباتە سەر.

أدام الله عليكم الأعياد دهورًا، وألبسكم من تقواه نورًا، عيدكم مبارك. هَلْت الاعياد، وبينهم أفضل عيد، عيد الفطر السعيد مبارك عليكم، تقبل الله طاعتكم، وأتمَّ بالعيد فرحتكم، وأقرَّ عينيك بنصر أمتكم، أسعد الله أيامكم، وتقبل الله طاعاتكم، وجمعنا وإياكم على خير، عيد فطر سعيد.

Eid Mubarak to you and your family. May the Almighty accept your prayers and bless you with the rewards of Ramadan

SMART ADVISORS LAFIRM

12/04/2023

‎كۆمپیالە

‎کۆمپیالە : بریتیە لە بەڵگەنامەیەکی نووسراو بەهۆیەوە کەسێک بەڵێن دەدات بەوەی کە بڕێکی دیاریکراو پارە بە کەسێکی دیکە بدات کە پێی دەوترێت (المستفید) لە بەروارێکی دیاری کراودا یان هەر کاتێك داوای بكات (حین طلب).

‎بۆ ئەوەی کۆمپیالە شایستەی خەرجکردن بێت چەند مەرجێکی پێویستە كە دەبێت هەبێت بەم مەرجانە لەقەرزی ئاسایی جیا دەکرێتەوە و دەبێت بە نوسراوێکی بازرگانی ،
‎دەبێت ناوەڕۆکەکەی بڕێکی دیاریکراو لە (پارە بێت) .
‎نابێت هیچ مەرجێکی تێدابێت واتە شایستە بوون بە هیچ مەرجێکەوە نەبەسترابێتەوە.
‎دەبێت بەرواری شایستەبوون (تاریخ الاستحقاق)ی تێدابێت.
‎لەگەڵ چەند مەرجێکی دیکە کە دەبێت هەبێت تاوەکو ببێتە نوسراوێکی بازرگانی و شایستەی خەرجکردن بێت دەست بەجێ لە بەرواری شایستە بوونیەوە .
‎دەبێت تێیدا دەستەواژەی (التعهد) بەڵێن دان و دەستەواژەی (سند لٲمر) و واژوی نووسەرەکەی و ......هتد ، هەبێت.

‎لەلایەن جێبەجێکاری داد (المنفذ العدل) جێبەجێ دەکرێت ، بەبێ ئەوەی پێویستی بە بەرزکردنەوەی داوا هەبێت لەدادگای بەرایی ، هەر کاتێك بەرواری شایستەبوونی (تاریخ الاستحقاق) هات ، ئەو کەسەی کە کۆمپیالەکەی لایە تەنیا پێویستی بەوەیە بچێتە لای جێبەجێکاری داد (منفذ العدل) و داوای جێبەجێکردنی بکات ئەگەر نوسەری کۆمپیالە ئامادە نەبێت ئەو بڕە پارەیە بدات کە لەکۆمپیالەکەدا نوسراوە ، بە بڕیاری جێبەجێکاری داد (منفذالعدل) موڵك و ماڵی نووسەری کۆمپیالەکە حجز دەکرێت یان حەپس دەکرێت.

‎ئەگەر کەسێك کۆمپیالە بنووسێت دادگا هیچ ماوەیەکی وەکو دەرفەت پێ نادات تاوەکو خۆی بۆ دانەوەی قەرزەکەی ئامادە بکات.
‎
ئەگەر کۆمپیالەکە گەیشتە کاتی شایستەبوو (الاستحقاق) دەست بەجێ دەبێت ئەو بڕە پارەیە بدات کە لە کۆمپیالەکەدا نوسراوە ، لە کاتێکدا بۆ قەرزدار دادگا ماوە دەدات بە قەرزدار بەپێی حاڵەتەکە تاوەکو بڕی قەرزەکە ئامادە بکات و بیداتەوە ، هەندێ جاریش دەیکات بەقیست بەپێی جۆر و حاڵەتی قەرزدار و
‎قەرزەکە ، بەڵام بۆ کۆمپیالە بەم شێوەیە نیە

هه ر پسیارێکتان هە بیت لە کۆمنێت وەڵام دەدرێتەوە

22/03/2023

Ramadan Kareem! May Allah bless you with an abundance of happiness on earth and guide you towards Jannah.

Smart Advisors lawfirm

17/03/2023

تاوانی بازرگانیکردن بە مرۆڤ بە کورتی


بازرگانیکردن بە مرۆڤ، بریتییە لە کڕین و فرۆشتنی مرۆڤ، بە تایبەت منداڵ و ئافرەت، بەمەبەستی بەکارھێنانیان بۆ چەند مەبەستێکی جیاواز، لەوانە کارپێکردنی بەزۆرەملێ، کردن بە کۆیلەی سێکسی، مەبەستی سێکسی بۆ پەیداکردنی پارە یاخود لەشفرۆشی پێکردن، ھاوسەرگیری بە زۆرەملێ، فرۆشتنی ئەندامانی جەستە، بە سەربازکردنی بە زۆرەملێ. بازرگانیکردن بە مرۆڤ لە وڵاتێک، یاخود لە نێوان چەند وڵاتێکدا دەکرێت.

مەبەستی سەرەکی لە بازرگانیکردن بە مرۆڤ، زۆربەی کات قازانجی ماددییە، بۆیەش لە پەیماننامە نێودەوڵەتییەکاندا بە تاوانێک لە تاوانەکانی دژ بە تاک (جريمة ضد الفرد) دادەندرێت، بەھۆی دەستدرێژیکردنە سەر مافی ئەو کەسە لە ژیان و گواستنەوە بۆ شوێنێکی دیکە و بەکارھێنانی بۆ مەبەستێکی جیاواز لە خواست و ویستی خۆی. بەپێی یاسای نێودەوڵەتی بازرگانیکردن بە مرۆڤ بە مەبەستی بەکارھێنانی بۆ سێکسی حەرامکراو، بەتایبەتیش بەکارھێنانی قوربانییەکانی رەوشە سەختەکان، وا دەکات کە ببێتە تاوانێک و یاسا لێپرسینەوەی لێبکات، بەتایبەتیش قۆستنەوەی پێگەی لاوازی ئافرەتان و ھەڵخەڵەتاندنیان یان ھەڕەشەلێکردن تاکو لە بازنەی لەشفرۆشیدا بمێننەوە.

پەرلەمانی کوردستان، بە یاسای ژمارە ٦ی ساڵی ٢٠١٨، یاسای بەرەنگاربوونەوەی بازرگانیکردن بە مرۆڤی ساڵی ٢٠١٢ی عێراقی بەرکار کردووە، لە یاساکەدا بەو جۆرە پێناسەی تاوانەکەی کردووە:

مەبەست لە بازرگانیکردن بە مرۆڤ: راکێشانی کۆمەڵێک کەس یان گواستنەوەیان یان حەواندنەوەیان یان پێشوازیکردنیان بەھۆی ھەڕەشەکردنی بەھێز یان بەکارھێنانی ھێز یان جۆرەکانی تر وەک، شێوەکانی بە زۆر یان رفاندن یان بەلاڕێدابردن یان فێڵکردن یان بەکارھێنانی دەسەڵات یان پێدان یان وەرگرتنی بڕێکی پارە یان دیاری بۆ وەرگرتنی رەزامەندی کەسێک کە دەسەڵاتی ھەیە، یان سەروەسیەت (ولایة) لەسەر کەسێکی تر، بە مەبەستی فرۆشتنیان یان بەکارھێنانیان (الاستغلال) لە کارەکانی بەدڕەوشتی یان سێکسی یان سوخرە یان کاری بەزۆر یان بەکۆیلەکردن یان سواڵکردن یان بازرگانیکردن بە ئەندامانی لەشیان یان بۆ مەبەستی خستنەژێر تاقیکردنەوەی پزیشکی.

ھەروەھا لە ماددەی ٣٧، خاڵی سێیەم، لە دەستووری ھەمیشەیی عێراق - ٢٠٠٥، ئاماژە بەوە کراوە: کارکردنی بە زۆرەملێ (سوغرە) و بەندایەتی و بازرگانی بە بەندەوە قەدەخەیە، ھەروەھا بازرگانی بە بە ئافرەت و منداڵ و سێکسەوە قەدەخەیە.

‏لە رووی نێودەولەتیشەوە، چەندین پەیماننامە و پڕۆتۆکۆڵی نێودەوڵەتی سەبارەت بە رێگریکردن لە بازرگانیکردن بە مرۆڤ دەرچوون، لەوانە (رێککەوتنی تەواوکار بۆ نەھێشتنی کۆیلایەتی، پڕۆتۆکۆڵی قەدەخەکردن و سەرکوتکردن و سزادانی بازرگانیکردن بە مرۆڤ، بە تایبەت ژنان و منداڵان ٢٠٠٠. پڕۆتۆکۆڵی بەرەنگاربوونەوەی بەقاچاخبردنی کۆچبەران لە رێگە وشکانی و ئاوی و ئاسمانییەکان. رێککەوتن کارپێکردنی بەزۆرەملێ ١٩٣٠. رێککەوتنی ھەڵوەشاندنەوەی کارکردنی بەزۆرەملێ. رێککەوتنی ھەڵوەشاندنەوەی خراپترین جۆری کارکردن بە منداڵان. رێککەوتن لەسەر کەمترین تەمەنی کارپێکردن ١٩٧٣).

رێککەوتن و پەیماننامە نێودەوڵەتییەکان، وڵاتانی ئەندام پابەند دەکەن بە گرتنەبەری رێوشوێنی پێویست بۆ بەرەنگاربوونەوەی بازرگانیکردن بە مرۆڤ، لە نەھێشتنی کارکردنی مندالان و کارکردنی بە زۆرەملێ و کڕین و فرۆشتنی ئەندامانی جەستە و بەرەنگاربوونەوەی سەرجەم جۆرەکانی دیکە، لەو چوارچێوەیەشدا پێویستە وڵاتان ھاوکار و ھەماھەنگی یەکتر بن لە پێناو ئەوەی دیاردەکە لە سەرجەم وڵاتان رێگریی لێ بکرێت.

یاسای بەرەنگاربوونەوەی بازرگانیکردن بە مرۆڤ لە عێراقدا، ھەمان ئەو پێناسەیەی وەرگرتووە، کە رێککەوتنی تەواوکار بۆ نەھێشتنی کۆیلایەتی، لە ماددەی سێیەم، بڕگەی یەک، بەکاریھێناوە و ئەو پێناسەیەش روانگەیەکی نێودەوڵەتیی وەرگرتووە، بەو پێیەی گشتگیرەو سەرجەم کردەکان دەگرێتەوە، کە دەبنە ھۆی بازرگانیکردن بە مرۆڤ.



لە ساڵی ٢٠١٠ کۆمەڵەی گشتی نەتەوە یەکگرتووەکان پلانێکی نێودەوڵەتی بۆ بەرەنگاربوونەوەی بازرگانیکردن بە مرۆڤ بەسەند کرد، کە وڵاتان بە ھاوکاریی ھاوبەش پابەند دەکات بۆ سنووردارکردنی بازرگانیکردن بە مرۆڤ. ھەروەھا ئەمریکا ساڵی ٢٠٠٠ یاسای پارێزگاریکردن لە قوربانییانی بازرگانیکردن و توندوتیژی دەرکردووە و تێیدا میکانیزمی پێویستی داڕشتووە بۆ بەرەنگاربوونەوەی ئەو دیاردەیە. ھەروەھا کەنەدا لە ساڵی ٢٠١٢ پلانێکی نیشتمانیی بۆ بەرەنگاربوونەوەی بازرگانیکردن بە مرۆڤ دەرکرد کە چوار ساڵ بەردەوام بوو.

بازرگانیکردن بە مرۆڤ لە حاڵەتەوە خەریکە دەبێتە دیاردەیەکی نێودەوڵەتی، بەتایبەت لە بابەتی کارکردنی بە زۆرەملێ و بازرگانیکردن بە کۆچبەران و بەکارھێنانی ئەندامانی جەستەیان و فرۆشتنەوەیان بە مەبەستی دەستکەوتی ماددی، ھەربۆیە زۆرینەی وڵاتان پلان و بەرنامەی تایبەتیان داڕشتووە بۆ بەرەنگاربوونەوەی، لەگەڵ ئەوەشدا بازرگانیکردن بە مرۆڤ بەردەوامە و سنووردار نەکراوە.



سزای تاوانی بازرگانیکردن بە مرۆڤ لە عێراقدا:

بەپێی یاسای بەرەنگاربوونەوەی بازرگانیکردن بە مرۆڤی ساڵی ٢٠١٢ی عێراق، سزاکان بەو شێوەیەی خوارەوەن:

یەکەم: سزا دەدرێت بە زیندانیکردنی کاتی، یان بە پێبژاردن کە لە ٥ ملیۆن دینار کەمتر نەبێت و لە ١٠ ملیۆن دینار زیاتر نەبێت، ھەرکەسێک یەک لەو کارانەی ئەنجامدابێت کە لە ماددەی یەکەمی یاساکەدا ئاماژەی بۆ کراوە.

دووەم: سزا دەدرێت بە زیندانیکردن لە ١٥ ساڵ زیاتر نەبێت یاخود پێبژاردنێک کە لە لە ١٠ ملیۆن دینار زیاتر نەبێت، ھەر کەسێک تاوانەکەی بە یەکێک لەو ئامرازانەی خوارەوە ئەنجامدابێت:

١/ بەکارھێنانی شێوازەکانی زۆرلێکردن لە ھەراسانکردن و ھەڕەشەکردن و حجزکردنی بەڵگەنامەکانی سەفەرکردن یان بەڵگەنامە فەرمییەکان.

٢/ رفاندن یان بەلاڕێدابردن یان فێڵکردن یان بەکارھێنانی دەسەڵات.

٣/ پێدان یان وەرگرتنی بڕێکی پارە یان دیاری بۆ وەرگرتنی رەزامەندی کەسێک کە دەسەڵاتی ھەیە، یان سەروەسیەت (ولایە) لەسەر کەسێکی تر.

سێیەم: سزا دەدرێت بە زیندانیکردنی تاھەتایی یان بە پێبژاردنێک لە ١٥ ملیۆن دینار کەمتر نەبێت، ئەگەر تاوانی بازرگانیکردن بەو شێوەیەی خوارەوە روویدابێت:

١/ ئەگەر تاوانلێکراو ١٨ ساڵی تەواو نەکربێت.

٢/ ئەگەر تاوانلێکراو لە رەگەزی مێ بوو یان خاوەن پێداویستی تایبەت بوو.

٣/ ئەگەر تاوانەکە لەلایەن کۆمەڵەیەکی تاوانکاری رێکخراو ئەنجامدرابوو یان رووێکی نێودەوڵەتیی ھەبوو.

٤/ ئەگەر تاوانەکە لە رێی رفاندن یان ئەشکەنجە ئەنجامدرابوو.

٥/ ئەگەر تاوانبار کەسوکاری تاوانلێکراو بێت یان والی بێت لەسەری یان ھاوسەری بێت.

٦/ ئەگەر تاوانلێکراو بە شێوەیەک بریندار بوو کە چاکبوونەوەی نەبوو یان تووشی نەخۆشییەکی درێژخایەن بوو بەھۆی بازرگانیپێکردنیەوە.

٧/ ئەگەر تاوانەکە بەرامبەر چەند کەسێک ئەنجامدرا یان چەند جارێک بەرامبەر کەسێک دووبارە ببێتەوە.

٨/ ئەگەر تاوانەکە بەرامبەر فەرمانبەرێک یان کەسێکی راسپێدراو بە خزمەتێکی گشتی ئەنجامدرابێت.

٩/ بەکارھێنانی دەسەڵات یان بەکارھێنانی خاڵی لاوازی قوربانی یاخود کەرەستەیان.

چوارەم/ سزا دەدرێت بە بەندکردن لە سێ ساڵ زیاتر نەبێت یان بە پێبژاردن کە لە ١٠ ملیۆن دینار کەمتر نەبێت و لە ٢٠ ملیۆن دیناریش زیاتر نەبێت، ئەگەر تاوانەکە بەو شێوەیە روویدابوو:

١/ دروستکردن یان بەڕێوەبردنی پێگەیەک ھاوشێوەی تۆڕێکی زانیاری بۆ مەبەستی بازرگانیکردن بە مرۆڤ.

٢/ ئەنجامدانی گرێبەستێکی پەیوەست بە بازرگانیکردن بە مرۆڤ کە دەستکەوتێک لەخۆ بگرێت یان کارئاسانی بکات لە رێی ئەو تۆڕە زانیارییە.

پێنجەم/ سزاکە دەبێتە لەسێدارەدان، ئەگەر بووە ھۆی مردنی تاوانلێکراو.

شەشەم/ سزا دەدرێت بە پێبژاردنێک لە ٥ ملیۆن دینار کەمتر نەبێت و لە ٢٥ ملیۆن دینار زیاتر نەبێت، ھەر کەسایەتییەکی مەعنەوی ھاوبەشی کردبێت لە تاوانەکەدا یان بەناو یان بە حساب یان لە قازانجی ئەو ئەنجامدرابێت، سزاکە بۆ بەڕێوەبەری رێگەپێدراو یان بەرپرسی ئیدارەی ئەو کەسایەتییە مەعنەوییە درێژنابێتەوە، ئەگەر ھاوبەشیی ئەو کەسایەتییەش لە تاوانەکە سەلمێندرا.

لەو حاڵەتەشدا پێویستە دادگا ئەو کەسایەتییە مەعنەوییە ھەڵوەشێنێتەوە، یان چالاکییەکانی بە شێوەیەکی ھەمیشەیی یان کاتی رابگرێت و بارەگاکەی دابخات، ئەگەر دەرکەوت ھاوبەش بووە لە یەکێک لەو تاوانانەی ئاماژەیان بۆ کراوە.

لەو یاسایەدا خاڵێکی زۆر گرنگ ئاماژەی بۆ کراوە، ئەویش گرتنەبەری رێکاری یاسایی دژ بە تاوانباران لەو تاوانەدا، پێویستی بە رەزامەندی یان سکاڵای تاوانلێکراو نییە و پێویستە دادگا لە خۆیەوە رێکاری پێویست بگرێتە بەر بۆ بەرەنگاربوونەوە و سزادانی تاوانباران.

16/03/2023

زورترين حالةت ئةوانةن كةتةمةنيان بجوكة. هيوادارين ئةم ريزةية زور كةمتر بيتةوةو نةمينيت