14/05/2026
كثير من الناس يتعاملون ويا “الدلال” حتى يسهلون عليهم شراء عقار، ويدفعون له مبلغ مقابل هذا التوسط، لكن اللي لازم ينتبهوله هو أن القانون العراقي ما يسمح لأي شخص يمارس هالمهنة إلا إذا كان عنده إجازة رسمية.
يعني إذا شخص اشتغل كدلال بدون ترخيص، فعمله من الأساس يعتبر مخالف للقانون، حتى لو فعلاً ساعد بإتمام الصفقة. وهنا تجي النتيجة المهمة: هذا الشخص ما إله حق يحتفظ بالفلوس اللي أخذها، لأن السبب اللي استلمها عليه (الدلالة) غير قانوني.
القضاء العراقي، ومن خلال قرارات محكمة التمييز الاتحادية، أكد هذا المبدأ بشكل واضح، واعتبر أن أي مبلغ يُدفع لدلال غير مجاز لازم يُعاد إلى صاحبه.
📌 الخلاصة:
قبل ما تدفع لأي وسيط، تأكد أنه مجاز رسمياً… لأن إذا ما كان كذلك، القانون راح يحميك ويخليه يرجّع كل اللي أخذه
