08/05/2026
ସୋନପୁର-08.05.2026
*ନର୍ସିଂ ହୋମ ଅଗ୍ନି ନିରାପତ୍ତା ସମ୍ବନ୍ଧୀୟ ମାମଲା: ଜିଲ୍ଲା ପ୍ରଶାସନ ତଥା ସିଡିଏମଓଙ୍କୁ କୋର୍ଟଙ୍କ କୈଫୟତ ତଲବ*
ସ୍ବାସ୍ଥ୍ଯସେବା ବାଧାପ୍ରାପ୍ତ ନକରିବାକୁ କୋର୍ଟଙ୍କ ନିର୍ଦ୍ଦେଶ
ସୋନପୁର: ସୁବର୍ଣ୍ଣପୁର ଜିଲ୍ଲାରେ ଘରୋଇ ନର୍ସିଂ ହୋମରେ ଅଗ୍ନି ନିରାପତ୍ତା ସମ୍ବନ୍ଧୀୟ ମାମଲାରେ ସୋନପୁର ବରିଷ୍ଠ ଦେଓ୍ବାନୀ ଜଜ୍ (ସିନିୟର ସିଭିଲ୍ ଜଜ୍), ଶ୍ରୀଯୁକ୍ତ ଗଗନ ସାହୁ ଏକ ଗୁରୁତ୍ବପୂର୍ଣ୍ଣ ଆଦେଶ ପ୍ରଦାନ କରିଛନ୍ତି । ଏହା ସହ ଜିଲ୍ଲା ପ୍ରଶାସନ ତଥା ସିଡିଏମଓଙ୍କୁ କୈଫୟତ ତଲବ କରିଛନ୍ତି । ଏହି ମାମଲାକୁ ବରିଷ୍ଠ ଆଇନଜୀବୀ ବଳଦେବ ପ୍ରସାଦ ବେଦବାକ ପରିଚାଳନା କରିଥିଲେ । ତାଙ୍କର ଦୃଢ ଯୁକ୍ତି ବଳରେ ଏବେ ଅଡୁଆରେ ପଡିଛି ଜିଲ୍ଲା ସ୍ବାସ୍ଥ୍ଯ ବିଭାଗ ।
ଘଟଣାକ୍ରମ ଏବଂ ଓକିଲଙ୍କ ଯୁକ୍ତି- ସମଲେଶ୍ବରୀ ନର୍ସିଂ ହୋମ ପକ୍ଷରୁ ଦାୟର କରାଯାଇଥିବା ଆବେଦନ ଅନଯାୟୀ ଅଗ୍ନିଶମ ପ୍ରମାଣପତ୍ରକୁ ଆଳ ଦେଖାଇ ପ୍ରଶାସନ ପକ୍ଷରୁ ଅନୁଷ୍ଠାନର କ୍ଲିନିକାଲ୍ ଏଷ୍ଟାବ୍ଲିସମେଣ୍ଟ ପଞ୍ଜିକରଣକୁ ଅସ୍ଥାୟୀ ଭାବେ ରଦ୍ଦ ପାଇଁ ଚିଠି କରାଯାଇଥିଲା । ଯାହା ସଂପୂର୍ଣ୍ଣ ଭାବେ ଆଇନ ବିରୋଧୀ ଥିଲା । ତେବେ ଆଇନଜୀବୀ ବଳଦେବ ଅଦାଲତରେ ପ୍ରଭାବଶାଳୀ ଯୁକ୍ତି ବାଢି ଦର୍ଶାଇଥିଲେ ଯେ, ୨୦୧୯ ଅନୁଯାୟୀ ଏହି ଅନୁଷ୍ଠାନକୁ ଆଇନଗତ ରିହାତି ମିଳିଛି। ଏଥିସହ ନର୍ସିଂ ହୋମର ପଞ୍ଜୀକରଣ ୨୦୩୦ ପର୍ଯ୍ୟନ୍ତ ବୈଧ ରହିଛି । ମନମୁଖୀ ପ୍ରଶାସନିକ କାର୍ଯ୍ୟାନୁଷ୍ଠାନ ଆଇନ ବିରୋଧୀ ବୋଲି ସେ ଦର୍ଶାଇଥିଲେ। ପୁଣି ବର୍ତ୍ତମାନ ସେଠାରେ ୨୧ ଜଣ ରୋଗୀ ଚିକିତ୍ସିତ ହେଉଥିବା ଦର୍ଶାଇ ଥିଲେ। ଓଡିଶା ସରକାରଙ୍କ ଆଇନର ଉର୍ଦ୍ଧରେ ଜିଲ୍ଲା ପରିଷଦ ନୁହେଁ । CDMOଙ୍କ ଏଭଳିଆ କାର୍ଯ୍ୟ ବେଆଇନ ଓ ରାଜନୈତିକ ଚାପର ବଶବର୍ତ୍ତୀ ବୋଲି ସେ ବଳିଷ୍ଠ ଯୁକ୍ତି ବାଢିଥିଲେ।
*ଅଦାଲତଙ୍କ ନିଷ୍ପତ୍ତି:*
*ସ୍ୱାସ୍ଥ୍ୟସେବାକୁ ପ୍ରାଥମିକତା:* ଶ୍ରୀ ବେଦବାକଙ୍କ ଯୁକ୍ତିକୁ ଗ୍ରହଣ କରି ମାନ୍ୟବର କୋର୍ଟ ନିର୍ଦ୍ଦେଶ ଦେଇଛନ୍ତି ଯେ, ନର୍ସିଂ ହୋମରେ ଚିକିତ୍ସିତ ହେଉଥିବା ରୋଗୀଙ୍କ ସୁବିଧାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଓ CDM & PHO ଏପରି ପଦକ୍ଷେପ ନେବେ ଯାହା ଦ୍ୱାରା ସ୍ୱାସ୍ଥ୍ୟସେବା ବାଧାପ୍ରାପ୍ତ ହେବ ନାହିଁ।
*କୈଫିୟତ ତଳଫ :- ଅଦାଲତ ବିପକ୍ଷ ପକ୍ଷକୁ ନୋଟିସ୍ ଜାରି କରିବା ସହ ଆସନ୍ତା ୧୨.୦୫.୨୦୨୬ ସୁଦ୍ଧା ସେମାନଙ୍କର ପକ୍ଷ ରଖିବାକୁ କହିଛନ୍ତି।
*ରିହାତିର ଗୁରୁତ୍ୱ:* ଯଦି ଆବେଦନକାରୀ ଅଗ୍ନିଶମ ନିୟମ ଅନୁଯାୟୀ ରିହାତି ପାଇବାକୁ ଯୋଗ୍ୟ, ତେବେ ପ୍ରଶାସନ ପକ୍ଷରୁ କୌଣସି ଜୋରଜବରଦସ୍ତି କାର୍ଯ୍ୟାନୁଷ୍ଠାନ ପାଇଁ ବିପକ୍ଷ ପକ୍ଷ CDMO ଓ ଜିଲ୍ଳାପାଳ ଦାୟୀ ରହିବେ ବୋଲି ଅଦାଲତ ସ୍ପଷ୍ଟ କରିଛନ୍ତି।
ମାନ୍ୟବର ଅଦାଳଦଙ୍କ ହସ୍ତକ୍ଷେପ ଓ ତୁରନ୍ତ ନିଷ୍ପତ୍ତି ଯୋଗୁଁ ନର୍ସିଂ ହୋମ କର୍ତ୍ତୃପକ୍ଷ ଏବଂ ସେଠାରେ ଚିକିତ୍ସିତ ହେଉଥିବା ରୋଗୀଙ୍କୁ ବଡ଼ ଆଶ୍ୱସ୍ତି ମିଳିଛି।
ତେବେ ସୋନପୁର ନର୍ସିଙ୍ଗ ହୋମ ମାଲିକ ମାନଙ୍କୁ CDMO ଅଫିସର ଜଣେ ଜିଲ୍ଲା ସ୍ତରୀୟ ଅଧିକାରୀ ଜଣେ ନେତାଙ୍କୁ ଦେବାକୁ କହି ମୋଟା ଅଙ୍କର ଚାନ୍ଦା ମାଗୁଥିବା ଅଭିଯୋଗ ହୋଇଥିଲା। ତେବେ ଚାନ୍ଦା ନଦେଲେ ନର୍ସିଙ୍ଗ ହୋମ ଗୁଡିକୁ ବନ୍ଦ କରିଦେବାକୁ ଧମକ ଦେଇଥିବା କଥା ଶ୍ରୀ ବେଦବାକ କହିଛନ୍ତି। ସୂଚନାଯୋଗ୍ଯ ସମଲେଶ୍ବରୀ ନର୍ସିଙ୍ଗ ହୋମ ସହ ମହାନଦୀ ନେତ୍ର ଚିକିତ୍ସାଳୟ, ସୋଭା କେୟାର, କପିଳେଶ୍ୱର ଚେରିଟେବଲ ହସ୍ପିଟାଲ ଏବଂ ସାଇକୃପା ନର୍ସିଙ୍ଗ ହୋମକୁ ମଧ୍ଯ ସିଡିଏମଓ ଏସମ୍ପର୍କିତ ଚିଠି କରିଛନ୍ତି । ତେବେ ୧୨ ମିଟର ଉଚ୍ଚରୁ ଅଧିକ କିମ୍ବା ୩ ମହଲା ବିଶିଷ୍ଟ କୋଠା, ଆଇସିୟୁ-ଏସଏନସିୟୁ ଉପଲବ୍ଧ ଏବଂ ୩୦ କିମ୍ବା ଅଧିକ ବେଡ୍ ଥିଲେ ଅଗ୍ନି ନିରାପତ୍ତା ପ୍ରମାଣ ଆବଶ୍ୟକ। ଅନ୍ୟଥା ଏକ ସେଲ୍ଫ ଡିକ୍ଲାଏରେସନ୍ ସାର୍ଟିଫିକେଟ ଦେବା ସହ ଅନୁଷ୍ଠାନରେ ଅଗ୍ନି ନିରାପତ୍ତା ସରଞ୍ଜାମ ରଖିବା ପାଇଁ ନିର୍ଦ୍ଦେଶ ରହିଛିl ପୁଣି 100 ଶଯ୍ୟା ବିଶିଷ୍ଟ ସୋନପୁର ଜିଲ୍ଲା ସଦର ମହକୁମା, ଡୁଙ୍ଗୁରିପାଲି ଡାକ୍ତରଖାନା ଓ ଅନ୍ୟାନ୍ୟ ସରକାରୀ ଡାକ୍ତରଖାନା ମାନଙ୍କରେ ଅଗ୍ନି ନିରାପତ୍ତା ସାର୍ଟିଫିକେଟ ନଥିବା ଜଣା ପଡିଛି।
