شعراء الفاتح

شعراء الفاتح عاش الفاتح

:في هاالوقت خلك فالمعاليواوقض قبل لاإيسير الوقضماتبصمش بل 10 الواليكان اندمت تلقه ماتعض (((احواس)))
18/01/2024

:في هاالوقت خلك فالمعالي
واوقض قبل لاإيسير الوقض
ماتبصمش بل 10 الوالي
كان اندمت تلقه ماتعض
(((احواس)))

25/08/2022

حتى انكان متقاعد اليوم سفيرهم *** وميلت اركان الوقت والت هبلهم

ناس عندهم تاريخ وافضال خيرهم *** علي ناس غير الناس ما تحسبلهم

وعاشو اكرز واميار في ضل ميرهم *** وحاجة لواط اتعير ما عقبلهم

وكانت الا تجمع علي بنديرهم *** والناس فالمجردق واجده تقلبلهم

واللي تو كرزه كان راعي حميرهم *** ناضره ايكنس في زرايب زبلهم

وان ناقرتهم واعر عليك نقيرهم *** سعتا وهو مازال ماباد حبلهم

وتضايق عليك ان كان جاك نذيرهم *** ايام وهو مازال يلزم طبلهم

وكان جيت بالطيب عسل من قيرهم***تاكل وتاحذ من غلمهم وابلهم

ايام الغديد ارسنه فيد خبيرهم *** ناس طيبو تاريخ ما طيبلهم

وكانت اعيون الناس تحسد غفيرهم *** وكان ايتمني كل حد يقربلهم

ويعزم ويذبح للضيوف صغيرهم *** هاذول الكرم فيهم وفلي قبلهم

وكانو ضرا والناس كانت اتجيلهم *** ولاعند هلهم كم مير اتعبلهم

ولاكن لواهم وقت لين ذكيرهم *** وفيهم اطمع من دوبهم شنبلهم

وبادن وشايحهم وشاوي ضخيرهم *** بدار عاقبه ريت الزمان العبلهم

واللي قبل يلبس من ملابس حريرهم *** عليه وين ما لفو اليوم خربلهم

ولا يشحتوه القدر حاجه اتعيرهم *** وايقيمو افضال القدر لو سيبلهم

ولا اريد نشهد زور في تزويرهم *** ولاني اللي تاريخهم كاتبلهم

ويردع ايميل بكم باشا فقيرهم *** ولاطلبو مني شكر لا نكذبلهم

ونا يعرفوني ما شقيت بليرهم *** ايام الريح ادور وتحطبلهم

ولاني اللي صابغ اقبب من جيرهم *** ولاجيتهم مجدوب ولا نجدبلهم

ولاكن بعد شوين مغايز شعيرهم *** القيت شكرهم الاجواد كي واجبلهم

للشاعر الراحل / صالح بوعياد

19/11/2021

ياالمعتصم

ياخالق الكون اهناك اعيون يرجن فى اعيون فرجهن جيب
22/02/2021

ياخالق الكون اهناك اعيون يرجن فى اعيون
فرجهن جيب

صباح الخير ياسرت التحدي يالرباط يابلاد العقيد ياموكار مايعرف اتجدي مع القديم مايقبل جديد يالودود في غيرك اتود...
28/10/2020

صباح الخير ياسرت التحدي
يالرباط يابلاد العقيد
ياموكار مايعرف اتجدي
مع القديم مايقبل جديد
يالودود في غيرك اتودي
رغم الحزن والظرف الشديد
ورغم الظلم وبرغم التعدي
ورغم الفقد واغياب القليد
قبل اليوم يالسمحه ايبدي
قلت انجيد نبعثلك قصيد
منك وين نا نبي انعدي
مهما نكون متباعد بعيد
فيه اندز للحائزين ودي
المنتميين للصقر الوحيد
ضناء الاجواد وانشير بيدي
سلام وحب واشواقي اكيد
وندعي الله حربك ماتبدي
وايزول الهم والغمه اتحيد
لكن كان يبولك اتكدي
ضناء الاتراك وانهز الجريد
قدي الترك والاخوان قدي
تاوق ثار زنبيل الحديد
... قولي باهي يالسمحه ....صلاح سرير الزوي

دازين قالولك نبوك تجينا.....نادمين كملنا اصباع ايدينا.....فك اسراحنا.....دونك النا داوى نزيف اجراحنا....نلقاها ان واكلي...
26/10/2020

دازين قالولك نبوك تجينا.....
نادمين كملنا اصباع ايدينا.....

فك اسراحنا.....
دونك النا داوى نزيف اجراحنا....
نلقاها ان واكلينها فارواحنا.....
استرنا بعباتك تربحك غطينا....
ردينا ورا ماناش فى مطراحنا....
تمينا نعام وروسنا واطينا.....
بيدنا طمسنا مجدنا وكفاحنا...
لاعد حشم لاجعره لا استحينا
بيدينا هدمنا بيتنا وسناحنا....
برحنا مع درب الضلال مشينا .....
اليوم فى بعضنا نقتلو بسلاحنا....
ضحكو علينا و مضحكه تمينا.....
ضاقن خواطرنا وضاق بياحنا....
وطاح قدرنا دون العباد اشوينا.....

دونك طبنا.....
بعد غيبتك يابات عيشه غبنا....
تمينا جوالى والديار هلبنا....
ماهناك عيب وماو طايل فينا....
وشوق مر ياسيد السبيب اشربنا....
راى حرف درنا والطريق اخطينا....
ولعنه النار وبيدنا حطبنا....
وتمينا عليها انصب فالبزينه....
ضدك طلعنا والصليبى جبنا....
صفقنا مع سركوز وانضلينا....
بعد العمار ابلادنا خربنا....
ياريتنا كلامك يا زعيم خذينا....
نادمين رانا والسموح طلبنا...
طايحين قدامك على ركبينا...
( صالح فريتلو )

23/08/2019

.الشاعر صلاح سرير الزوي
مازلت يالفاتح ولي اسباب ..
سواء بوعباء موجود والا غاب......... بيك نحتفل ............
...... مازلت راس الرود .......
سواء بوعباء غايب سواء موجود
بيك نحتفل رغم الايام السود
وانعيب فالي في جنابك عاب
..... ممكن يكون اهبال .........
وممكن علي عين الحقيقه ضال
وممكن اظروفي غارده لشوال
وممكن امغير اعناد في الكلاب
...... ممكن نكون غبي .......
علي راي كرار الحبال علي
وممكن نكون انسان موش سوي
وممكن مجرد مدعي كذاب
..... ممكن ادوارة حس ......
وبيني وبين الحاضرين حسس
وفيهم امغير انريد نوصل بس
وامعاهم نحاول كيف نفتح باب
.... ممكن نكون صحيح .......
راجل وفي بالفعل شخص مليح
وصامد وثابت رغم قو الريح
وثوري وعروبي ليش الاستغراب
........ تبي كلام الحق .......
تستغرب نكون وفي عندك حق
لااجل بعينك فالخيانه اتحق
وفي كل ساعة تكتشف نصاب

14/07/2019

الشاعر صلاح سرير الزوي

(((((((((( معمر القذافي )))))))))))
(((((( مخاطبا عبد الرحمن شلقم ))))))
((((( في عام 2008 ))))))

عندي احساس ايقول انك ( واطي )
وتبقي سبب نكبة وبيع مغاطي

عندي احساس ايقول موش امعايا
وعندي احساس ايخيب فيك رجايا
وعندي احساس اتنوح كي الولايا
واتريح وين ماينفذ رصاص احلاطي
قول خاطري انك قليل اربايا
وقول خاطري انك جبان اوواطي
حاسس امواسك يهردن في اكلايا
ويوم ميتي تقبض افلوس رباطي
وفي واشنطن تكتب علي روايا
واتقول كان طاغي طول عمره خاطي
وتبقي سبب ذيحت الشعب حفايا
ونندم علي تحويل عبد العاطي

25/05/2019

الشاعر السنوسي الحمري

كابر لين جي زار المقابر....اضعف وانهار على قبور لاكابر.

زورته اقبور

اللى علفقد نحسابه صبور

وكنت انقول لايمكن ايخور

مايلتام كسره كسر جابر

اطابخ فكر كي طبخ القدور

ورد احداث وجبد كل غابر

في وجوه الناس مطفي كل نور

اللي مامات حد الكبر كابر

ترمل وطن رابط على الصقور

بعدهم فيه وكر كل عابر.

الشاعر حوسين احنيش القدافي((العثعث))النجع اوماله ....الي قبل كان ايلم ف الرجاله// الدايم الله عده***النجع اوسيد....اوكيف...
10/03/2019

الشاعر حوسين احنيش القدافي

((العثعث))
النجع اوماله ....
الي قبل كان ايلم ف الرجاله//
الدايم الله عده***
النجع اوسيد....اوكيفا اقرومه يحسبوا البعيدا.....غبين امواهيما بعد تبجيدا..
مااقعدن ف الدنيا امفيت عماله .....
في غيبتا جدن اوجوه جديدا...في سباه من
يطول علي علاله.....راح من ايحامي في عفاه اوصيدا.... فريق الحباير وارنبا اوغزاله******
________
النجع الخيره.....الي وين تضايق ايقولوا ديره......فيه من ايعدوا في ملام الجيره.....
هاذيم قدرهم ع الناس زاد اقباله....ركابت
الي عاتي لذيذ مسيره.... وين ما رسم سوقا
اوضبح دلاله....اصغاره ايردوا عل الكبار الشيره....واكباره ايقولوا للعفانا لالا.....
جاهم عدو ناوي عل التهجيره ...في وسطنا مامن عدو هاواله....راحوا امعا ريحت نظيف ضميره الشايب الي ف الوطن باع
اعياله****
________________
النجع اوناسه...... اوسيدا الي ركاب للحرماسه....جاهم عدو خلا الديار محاسه ...والمفتي الي ب الباطله يفتاله....
واقران العدو مليان ب البصاصه....امعاك
اوعليك اوكيف ما ايحلاله...هاذوم من لاول اوجوه تعاسه ...ماحللوا مامن حرام
ايكاله...كم خضر كانوا هم اسباب ايباسا..
عودا ذبل راحن اسنين دلاله.....اوكم باني
عل الوطاه تواسا.موكر ابقي للبوم خالي
جاله...الي قبل يقبل في اوفود رياسهايامأ اوفيه ايدول بو رجاله..اليوم بينهم تمت مثيل( الباصه) .ياانورتي من قلة العواله***
_____________
النجع اسياده...كملوا اوراحوا من البلاد احفاده..الي يلهدوا ع السامره الوقاده...
بعد الضحا في نقره القياله...الي ف الجليبه
يضربوا الشراده اتحوس لين تكمل م الرصاص اقباله...الي كم هلعا امرقيعين
بيادا ماينفتك ع السايبين اخلاله....ايحلوا
انحلوا يعقدوا عقاده...اخياط ثوبهم يصعب
عليه فصاله...مايعزقوش البير فيه رشاده
هم يشربوا منه اوله نشاله....**
_____________
النجع اوماله ...
الي قبل كان ايلم ف الرجاله///
الدايم الله رحل....*************

Address

Salempur

Website

Alerts

Be the first to know and let us send you an email when شعراء الفاتح posts news and promotions. Your email address will not be used for any other purpose, and you can unsubscribe at any time.

Shortcuts

Share

Category