https://advocate-shirish-patil-and-associates.business.site/

Adv.Shirish P Patil, Flat no. 2, Malave Bhavan, Behind Mangala Talkies, Above Manorama Restaurant, Shivaji nagar, Pune (2026)

Q: What is the address?

Flat No. 2, Malave Bhavan, Behind Mangala Talkies, Above Manorama Restaurant, Shivaji Nagar

21/02/2026

सकाळीच न्यायालयीन कामकाजानिमित्त संभाजीनगर कडे प्रयाण. मुख्य मार्गावर सकाळीच रोडच्या कामामुळे ट्रॅफिक जाम झाले आहे.

न्यायालयीन कामकाजासाठी वेळेत पोहोचण्यासाठी लवकर निघालो परंतु आता थोडासा वेळ लागेल, असे वाटते.

Adv.Shirish P Patil
097637 99826

20/02/2026

भारतात कायदा सर्वांसाठी समान आहे का?

ब्रिटनमध्ये प्रिन्स अँड्र्यू—राजाचे सख्खे भाऊ—यांच्यावर Epstein प्रकरणात गंभीर आरोप झाल्यावर कायद्याने आपले काम केले.
ना पदाचा मुलामा, ना सत्तेचे संरक्षण.
ही घटना एक गोष्ट ठळकपणे सांगते.
कायदा राजे, राजकारणी किंवा श्रीमंत लोकांसाठी वेगळा नसतो.

मग प्रश्न पडतो—
भारतामध्ये आपण अशी अपेक्षा करू शकतो का?
आपल्या देशात संविधान कायद्यापुढे समानता देतो, पण प्रत्यक्षात—
तपासावर राजकीय दबाव
पैसा व सत्ता प्रक्रियेला विलंब लावतात.

तरीही आशा संपलेली नाही.
न्यायालये, माध्यमे आणि सजग नागरिकांमुळे कायदा अजून जिवंत आहे.

ब्रिटनमध्ये कायदा सत्तेपेक्षा वर आहे.
भारतामध्ये कायदा सत्तेशी झुंज देतो आहे—पण हरलेला नाही.

19/02/2026

रयतेचे राजे, स्वराज्याचे संस्थापक, पराक्रम, शौर्य आणि स्वाभिमानाचे प्रतीक
छत्रपती शिवाजी महाराज यांच्या जयंतीनिमित्त कोटी कोटी अभिवादन! 🙏

रयतेचा राजा म्हणून ओळखले जाणारे शिवराय हे केवळ पराक्रमी योद्धे नव्हते, तर ते दूरदृष्टीचे राज्यकर्ते, कुशल प्रशासक आणि स्त्री-सन्मान व मानवतेचे आदर्श होते.
त्यांनी अन्यायाविरुद्ध उभे राहून स्वराज्याची मशाल पेटवली आणि स्वाभिमानाने जगण्याची प्रेरणा संपूर्ण राष्ट्राला दिली.

🚩 शिवजयंतीच्या सर्वांना हार्दिक शुभेच्छा! 🚩
रयतेचे राजे, स्वराज्याचे संस्थापक, पराक्रम, शौर्य आणि स्वाभिमानाचे प्रतीक
छत्रपती शिवाजी महाराज यांच्या जयंतीनिमित्त कोटी कोटी अभिवादन! 🙏

रयतेचा राजा म्हणून ओळखले जाणारे शिवराय हे केवळ पराक्रमी योद्धे नव्हते, तर ते दूरदृष्टीचे राज्यकर्ते, कुशल प्रशासक आणि स्त्री-सन्मान व मानवतेचे आदर्श होते.
त्यांनी अन्यायाविरुद्ध उभे राहून स्वराज्याची मशाल पेटवली आणि स्वाभिमानाने जगण्याची प्रेरणा संपूर्ण राष्ट्राला दिली.

🚩 शिवजयंतीच्या सर्वांना हार्दिक शुभेच्छा! 🚩
Adv.Shirish P Patil
097637 99826

18/02/2026

🌺 अभिनंदन व सत्कार समारंभ 🌺

आमच्या अशिल सौ. सुजाता मधुकर काजळे यांची शिवजन्मभूमी जुन्नर, जिल्हा पुणे येथील

🌸 प्रथम लोकनियुक्त महिला नगराध्यक्ष 🌸

पदी निवड झाल्याबद्दल मनःपूर्वक हार्दिक अभिनंदन 💐

कोर्ट कामकाजाच्या निमित्ताने प्रत्यक्ष भेटीत त्यांचा यथोचित अभिनंदन व सत्कार करण्याचा सन्मान लाभला.

याप्रसंगी मा. मधुकर काजळे व शुभम काजळे यांचाही सन्मान करण्यात आला.
सार्वजनिक जीवनात महिलांचे नेतृत्व अधिक सक्षम होणे ही अभिमानाची बाब असून,
नगरविकास व जनहितासाठी त्यांचे कार्य निश्चितच प्रेरणादायी ठरेल, अशी खात्री आहे.

💐 पुन्हा एकदा सर्वांना हार्दिक शुभेच्छा!

– ॲड. शिरीष पाटील
097637 99826

11/02/2026

डिजिटल फसवणूक म्हणजे 'लूटच' : सुप्रीम कोर्ट

अशा गुन्ह्यांमध्ये बँक अधिकाऱ्यांचे संगनमत किंवा त्यांचा हलगर्जी असण्याची शक्यता न्यायालयाने वर्तवली.

डिजिटल फसवणुकीद्वारे देशातील नागरिकांचे ५४,००० कोटी रुपये लुटले जाण्याच्या प्रकाराचे वर्णन सर्वोच्च न्यायालयाने 'लूट' असे केले आहे. न्यायालयाने याप्रकरणी केंद्र सरकार, रिझर्व्ह बँक दूरसंचार विभागाला एकत्रित काम करण्याचे निर्देश दिले. सायबर गुन्हेगारांद्वारे वापरली जाणारी बैंक खाती शोधण्यासाठी एआयचा वापर का केला जात नाही, असा सवालही विचारला.

सीबीआय करणार तपास

न्यायालयाने 'डिजिटल अरेस्ट'च्या प्रकरणांचा शोध घेण्याची जबाबदारी सीबीआयकडे सोपविण्यास सांगितले. गुजरात व दिल्ली सरकारला या तपासासाठी सीबीआयला आवश्यक मंजुरी देण्याचेही आदेश दिले आहेत.

अशा गुन्ह्यांमध्ये बँक अधिकाऱ्यांचे संगनमत किंवा त्यांचा हलगर्जी असण्याची शक्यता न्यायालयाने वर्तवत बँका आणि आरबीआयने वेळीच कारवाई करणे आवश्यक असल्याचे स्पष्ट केले.

'डिजिटल अरेस्ट'सारख्या गुन्ह्यांचा प्रभावीपणे मुकाबला करण्यासाठी गृह खात्याने रिझर्व्ह बँक आणि दूरसंचार खात्याच्या सल्ल्याने पुढील चार आठवड्यांत एक मसुदा तयार करावा.

सायबर फसवणूक रोखण्यासाठी संशयास्पद डेबिट कार्डे तात्पुरती बंद करणे किंवा संशयास्पद व्यवहार थांबवण्यासाठी आरबीआयने तयार केलेल्या प्रमाणित कार्यप्रणालीची अंमलबजावणी करणे.

न्यायालयाने स्पष्ट केले आहे की:

OTP, लिंक, APK, AnyDesk, “डिजिटल अरेस्ट” अशा पद्धतींनी नागरिकांकडून पैसे उकळणे ही केवळ फसवणूक (Cheating) नसून IPC / BNS मधील “लूट / जबरदस्तीने मालमत्ता घेणे” (Robbery / Extortion) या स्वरूपात येते. कारण भीती निर्माण करून (CBI, ED, Cyber Police नावाने) मानसिक दबावाखाली त्वरित पैसे ट्रान्सफर करायला भाग पाडले जाते. त्यामुळे फसवणूक करणाऱ्यांना सौम्य कलमांऐवजी गंभीर कलमे लागू होणार.

न्यायालयाचे महत्त्वाचे निर्देश

पोलिस व तपास यंत्रणांसाठी

डिजिटल अरेस्ट / ऑनलाइन फसवणूक प्रकरणात गंभीर गुन्ह्यांची नोंद करणे बंधनकारक केवळ 420 IPC / BNS पुरेसे नाही. Extortion / Robbery / Organised Crime angle तपासणे आवश्यक

बँका व वित्तीय संस्थांसाठी

तात्काळ अकाउंट फ्रीज करणे, “ग्राहकाची चूक” म्हणून जबाबदारी झटकून चालणार नाही. संशयास्पद ट्रान्झॅक्शनवर Real-time monitoring आवश्यक. मजबूत Cyber Security Framework ठेवणे, Fraud detection mechanism, Customer awareness programs.

Adv. Shirish Patil Pune
097637 99826

11/02/2026

आज न्यायालयीन कामानिमित्त माझे फेसबुक मित्र श्री. गणेश बावणे हे कोर्टात आले असता त्यांची माझ्या कार्यालयात भेट झाली.
या भेटीत कायदा, समाजातील सामान्य नागरिकांचे प्रश्न, तसेच सोशल मीडियाच्या माध्यमातून कायदेशीर जनजागृती या विविध विषयांवर चर्चा झाली.

विशेष म्हणजे, फेसबुकवर मी नियमितपणे शेअर करत असलेल्या कायदेशीर माहितीबाबत त्यांनी मनापासून प्रशंसा व्यक्त केली. ही माहिती सामान्य नागरिकांपर्यंत अधिक प्रमाणात पोहोचली पाहिजे, अशी अपेक्षा त्यांनी व्यक्त केली

एक वकील म्हणून माझा नेहमीच प्रयत्न राहिला आहे की, कायदा फक्त कोर्टापुरता मर्यादित न राहता, सामान्य माणसालाही त्याचे हक्क व कायदेशीर उपाय समजावेत.

तसेच,
श्री. गणेश बावणे यांचा दिघी, पुणे येथे डॉग (Dog) संबंधित व्यवसाय आहे.
डॉग ट्रेनिंग,डॉग केअर / सर्व्हिसेस,विश्वासार्ह व अनुभवी सेवा

👉 आपल्या पैकी कोणाला पुणे परिसरात डॉग बाबत कोणतीही सेवा आवश्यक असल्यास, आपण थेट श्री. गणेश बावणे ( 9822977484) यांच्याशी संपर्क साधू शकता.

माझ्या फेसबुक पेजवरून मिळणाऱ्या कायदेशीर माहितीबाबत जे प्रेम, विश्वास आणि प्रोत्साहन मिळते, तेच मला अधिक जबाबदारीने आणि सातत्याने कायदेशीर मार्गदर्शन देण्यासाठी प्रेरणा देते.

Adv.Shirish P Patil
097637 99826

10/02/2026

अभिमानास्पद!
100% अंध असूनही थार्या नाथन सी. केरळच्या पहिल्या महिला न्यायाधीश बनणार.

दृष्टीपेक्षा दृढ निश्चय मोठा असतो, हे त्यांनी सिद्ध केलं आहे. 🙏⚖️

06/02/2026

कोर्टाला शनिवार दिनांक 7 फेब्रुवारी सुट्टी आहे.

*माननीय प्रमुख जिल्हा व सत्र न्यायाधीश यांनी जिल्हा व सत्र न्यायालय शिवाजीनगर पुणे व पुणेतील इतर जिल्हा न्यायालय यांना उद्या एक दिवशीय सुट्टी जाहीर केली आहे.*

Adv.Shirish P Patil
097637 99826

🚨🚨🚨🚨🚨🚨🚨

26/01/2026

न्यायपालिका स्वातंत्र्याबाबत अत्यंत गंभीर प्रश्न

“सरकारविरोधात काही गैरसोयीचे आदेश दिले म्हणून एखाद्या उच्च न्यायालयाच्या न्यायाधीशांची बदली एका उच्च न्यायालयातून दुसऱ्या उच्च न्यायालयात केली जाते का?
यामुळे न्यायपालिकेच्या स्वातंत्र्यावर परिणाम होत नाही का?
आणखी गंभीर बाब म्हणजे, कॉलेजियमच्या ठरावात स्वतः नमूद असलेली बदली नंतर सरकारच्या पुनर्विचार अर्जानंतर बदलून दुसऱ्याच उच्च न्यायालयात बदली केली जाते.
तर अशा परिस्थितीत कॉलेजियम प्रणालीची विश्वासार्हता आणि प्रामाणिकता धोक्यात येत नाही का?”

— न्यायमूर्ती उज्ज्वल भुयान
सर्वोच्च न्यायालयातील न्यायमूर्ती.

भारतीय न्यायव्यवस्था सध्या एका अत्यंत संवेदनशील आणि चिंताजनक अवस्थेतून जात असल्याचे सर्वोच्च न्यायालयातील न्यायाधीशांच्या सांगण्यावरून दिसून येत आहे.
सर्वोच्च न्यायालयाच्या न्यायाधीशांनी रस्त्यावर उतरून घेतलेली ऐतिहासिक पत्रकार परिषद आजही आपल्या स्मरणात आहे. ती घटना स्वतःच खूप काही सांगून जाते.
त्यानंतरही न्यायालयीन क्षेत्रात सरकारचा वाढता हस्तक्षेप हा अधिकच गंभीर ठरत आहे.
जर न्यायव्यवस्था सुद्धा राजकीय दबावाखाली, राजकारण्यांच्या तालावर चालू लागली, तर न्याय मागायचा तरी कोणाकडे आणि न्याय द्यायचा तरी कोण देणार? असा मूलभूत प्रश्न निर्माण होतो.
आज न्यायदान प्रक्रियेवर प्रत्यक्ष-अप्रत्यक्ष दबाव आहे, हे नाकारता येणार नाही.
त्या दबावाखालीच न्यायालयांचे कामकाज चालू असल्याचे चित्र अनेक प्रकरणांतून स्पष्टपणे दिसून येत आहे.

लोकशाही व्यवस्थेत न्यायालये निर्भय, स्वतंत्र आणि दबावमुक्त असणे ही केवळ अपेक्षा नसून घटनात्मक गरज आहे.
ही व्यवस्था कमकुवत झाली तर लोकशाहीचे मूळच हादरते.

26/01/2026

🇮🇳प्रजासत्ताक दिनाच्या हार्दिक शुभेच्छा 🇮🇳

२६ जानेवारी १९५० हा भारताच्या इतिहासातील सुवर्णदिन आहे. याच दिवशी आपल्याला स्वतःचे संविधान प्राप्त झाले आणि भारत एक सार्वभौम, समाजवादी, धर्मनिरपेक्ष, लोकशाही प्रजासत्ताक म्हणून जगाच्या पटलावर उभा राहिला.

आपले संविधान समता, स्वातंत्र्य, बंधुता व न्याय या मूल्यांवर आधारित आहे. या मूल्यांचे जतन करणे ही प्रत्येक भारतीय नागरिकाची जबाबदारी आहे. देशाच्या एकता व अखंडतेसाठी आपल्या कर्तव्यांचे प्रामाणिकपणे पालन करूया आणि भारताच्या प्रगतीसाठी योगदान देऊया.
या प्रजासत्ताक दिनी आपण सर्वजण संविधानाचा सन्मान राखत, देशप्रेम, शिस्त व सामाजिक बांधिलकी यांचा संकल्प करूया.

जय हिंद! 🇮🇳
वंदे मातरम्!

Adv.Shirish P Patil
097637 99826

25/01/2026

कंपनी गुंतवणूक घोटाळ्यात दोषी केवळ फसवणूक करणारेच नाहीत तर जास्त परताव्याच्या हव्यासापोटी गुंतवणूक करणारे गुंतवणूकदार देखील तितकेच दोषी आहेत.

दामदुप्पट किंवा प्रतिमाह १० टक्के परताव्याचे आमिष दाखवून हजारो नागरिकांची फसवणूक केल्याप्रकरणी हडपसर येथील समर्थ क्रॉप केअर कंपनीचा मालक प्रशांत अनिल गवळी व त्याच्या सहकाऱ्यांविरोधात गुन्हा दाखल झाला आहे. पुणे, सोलापूरसह राज्यातील १२ हून अधिक जिल्ह्यांमधील सुमारे ४० हजार गुंतवणूकदारांची अंदाजे ४ ते ५ हजार कोटी रुपयांची फसवणूक झाल्याचे समोर येत आहे.

आजच्या घडीला अशा प्रकारच्या आर्थिक फसवणुकीच्या बातम्या दुर्दैवाने “सामान्य” वाटू लागल्या आहेत. यामध्ये फसवणूक करणारा व्यक्ती नक्कीच दोषी आहे आणि त्याच्यावर कठोर कायदेशीर कारवाई झालीच पाहिजे. मात्र याचबरोबर एक कटू सत्य स्वीकारणेही गरजेचे आहे की, अवास्तव आणि जास्त परताव्याच्या मोहापायी गुंतवणूक करणाऱ्या गुंतवणूकदारांची निष्काळजीपणाही अशा घोटाळ्यांना खतपाणी घालते.

कोणतीही कंपनी कायदेशीर आहे की नाही, तिची नोंदणी, आर्थिक पार्श्वभूमी, सेबी किंवा इतर नियंत्रक संस्थांची परवानगी आहे की नाही—या बाबी न तपासता केवळ “जास्त नफा” या एकाच निकषावर मोठ्या प्रमाणात रक्कम गुंतवली जाते. सुरुवातीच्या काळात काही काळ परतावा मिळत असताना कोणालाही तक्रार नसते; उलट इतरांनाही गुंतवणुकीस प्रवृत्त केले जाते. परंतु जेव्हा योजना कोसळते, तेव्हाच फसवणूक झाल्याच्या तक्रारी पुढे येतात.

तपास यंत्रणांनी केवळ गुंतवणूकदारांची फसवणूक झाली आहे इतकेच पाहणे पुरेसे नाही, तर गुंतवणूकदारांनी ही रक्कम कुठून आणली, तिचा स्रोत काय होता, याचीही सखोल चौकशी होणे तितकेच आवश्यक आहे. कारण काळ्या पैशाचे रूपांतर, करचुकवेगिरी किंवा इतर बेकायदेशीर मार्गाने मिळालेल्या पैशांचाही अशा योजनांमध्ये वापर होण्याची शक्यता नाकारता येत नाही.
फसवणूक करणारा कंपनीचा संचालक दोषी आहेच, परंतु जोपर्यंत मोठ्या प्रमाणावर नुकसान होत नाही, तोपर्यंत अनेक गुंतवणूकदार पुढे येत नाहीत, ही मानसिकताही बदलण्याची गरज आहे.

आर्थिक साक्षरता, कायदेशीर जागरूकता आणि अवास्तव परताव्याच्या आमिषाला नकार देणे—हेच अशा घोटाळ्यांवर प्रभावी प्रतिबंधक उपाय ठरू शकतात..

22/01/2026

🇮🇳 भारताचा , महाराष्ट्राचा अभिमान! 🇮🇳

छत्रपती संभाजीनगर (औरंगाबाद) जिल्ह्यातील कन्या ॲड. अर्चना मेढेकर यांची कॅनडाच्या न्यायव्यवस्थेत न्यायमूर्ती (Judge) म्हणून नियुक्ती होणे ही अत्यंत गौरवाची व प्रेरणादायी बाब आहे.
सामान्य पार्श्वभूमीतून येत, कठोर परिश्रम, सातत्य, अभ्यास आणि प्रामाणिकतेच्या जोरावर त्यांनी आंतरराष्ट्रीय स्तरावर न्यायदानाची जबाबदारी स्वीकारली आहे. ही केवळ त्यांची वैयक्तिक यशोगाथा नसून महाराष्ट्र, भारत आणि विशेषतः महिलांसाठी अभिमानाची बाब आहे.

भारतीय महिला आज जागतिक पातळीवर आपली क्षमता सिद्ध करत आहेत, याचे हे उत्तम उदाहरण आहे. न्याय, समानता आणि मूल्यांवर आधारित भारतीय संस्कार त्यांनी आंतरराष्ट्रीय न्यायव्यवस्थेत पोहोचवले आहेत.

अर्चना मेढेकर मॅडम यांना मनःपूर्वक शुभेच्छा!
आपले यश असंख्य तरुणींना आणि कायद्याच्या क्षेत्रातील विद्यार्थ्यांना प्रेरणा देणारे आहे.

जय हिंद! 🇮🇳
जय महाराष्ट्र! 🚩

Adv.Shirish P Patil

21/02/2026

20/02/2026

19/02/2026

18/02/2026

11/02/2026

11/02/2026

10/02/2026

06/02/2026

26/01/2026

26/01/2026

25/01/2026

22/01/2026

Address

Telephone

Website

Alerts

Contact The Practice

Shortcuts

Share

Category

LEGAL PRACTICE AND CONSULTANCY