https://www.facebook.com/104669064555386/

Advocate Nitin V Maske, Pimpri (2026)

05/03/2025

02/11/2024

*🌹🌹शुभ दीपावली*🌹🌹
*आपणास व आपल्या परिवारास दिपावली च्या हार्दिक शुभेच्छा*

*ॲड.नितिन विक्रम मस्के*

15/05/2023

लिगल नोटीस पाठविण्याचे फायदे.

अॅड. नितीन विक्रम मस्के

चिखली, पुणे.

कोर्ट केसेस म्हटले की दोन प्रकारचे केसेस येतात त्यामध्ये प्रथम आहे ते दिवाणी दावे आणि दुसरे आहे ते फौजदारी दावे. दिवाणी दावे यामध्ये नोटीस पाठवली जाते, फौजदारी केसेस मध्ये लीगल नोटीस पाठविता येत नाही. परंतु सध्या अनेक तडजोड फौजदारी प्रकरणामध्ये नोटीस पाठविल्या जातात. फौजदारी दावे मध्ये पोलीस तक्रार असते फौजदारी केसेस या गंभीर स्वरूपाच्या मानल्या जात्यात त्यामुळे या मध्ये नोटीस नसते. कायदेशीर नोटीस हि कोर्टाची पहिली पायरी मानली जाते. लीगल नोटीस पाठविणेचा वेळ हा वेगवेगळ्या कायद्यान मध्ये नमूद आहे. कोणताही दिवाणी दावा दाखल करण्यापूर्वी लीगल नोटीस पाठविणे गरजेचे असते. कायद्शीर नोटीस हि अत्यंत महत्वाची असते. नोटीस हि अशी प्रक्रिया आहे जी सगळे भांडणे कोर्टाच्या बाहेरच मिटण्याची शक्यता असते. कायदेशीर नोटीस हि वकिलांमार्फत पाठविण्यात येते. थोडक्यात सांगायचे तर कायदेशीर नोटीसी मुळे अनेक प्रकरणे कोर्टाच्या बाहेरच मिटली जातात. कायदेशीर नोटीस पाठवून समोरील व्यक्तीस कळवले जाते कि, तुम्ही सदर नोटीस मधील मजकुर वाचून सदर प्रकरण मिटवावे किंवा त्यावर नोटीसीस उत्तर द्यावे अन्यथा तुमच्याविरुद्ध मे. कोर्टात कारवाही करण्यात येईल. कोर्ट कारवाही म्हटले की सगळे घाबरतात कारण त्यामध्ये सर्वांचा वेळ, कोर्ट फी, वकील फी, खर्च, मानसिक त्रास यांना सामोरे जाणार असतो त्यामुळे १०० % प्रकरण पैकी ८० % टक्के प्रकरण कोर्टाच्या बाहेर तडजोड करून नोटीस पाठविल्यामुळे मिटविली जातात. कोर्ट म्हटले की कोर्ट स्टंप ड्युटी, वकिलांची फी, कोर्टात लागणारा वेळ यांमुळे कोर्ट कारवाही नको असे बोलून सामान्य लोक तडजोड करून प्रकरणे न्यायालायाच्या बाहेरच मिटवतात त्यामुळे नोटीस हि खूप महत्वाची असते.

घरगुती पती-पत्नीच्या भांडणामध्ये नोटीस पाठवण्याचे फायदे.

लीगल नोटीस आपण समजून घेतली आत्ता रोजच्या जीवनातील प्रकरणे जाणून घेऊया ज्यामध्ये नोटीस पाठवून कामे होतात. जसे की नवरा बायको मध्ये रोज-रोज भांडणे होतात, रागाच्या भरात बायको माहेरी निघून जाते. तसेच पती वेळोवेळी पत्नीला फोन करून घरी येण्याची विनंती करत असतो परंतु बायको काय येण्यास तयार नसते. मग नवरा ठरवतो की वकिलांकडून बायकोला नोटीस पाठवू. वकिलांच्या सल्यावरून नवरा बायकोला नांदण्यासाठी येण्याची नोटीस पाठविण्याचे ठरवतात. त्यानुसार नोटीस तयार करून बायकोला पाठवली जाते. पत्नीच्या राहत्या घरी नोटीस पोस्टने पोहचते. नोटीस मध्ये लिहिलेले असते की तुम्ही ठराविक तारखेपासून कोणतेही कारण नसताना घर सोडून निघून गेलात तसेच माहेरी राहिलात. १५ दिवसाच्या आत पुन्हा नांदण्यासाठी या अथवा कोर्ट कारवाही करण्यात येईल व होणार्या खर्चास व परिणामास सर्वस्वी तुम्ही जबाबदार राहाल. अश्या मजकुराची नोटीस पत्नीला मिळते. मग पत्नी सदर नोटीस घरातील आई, वडील, काका,मामा, दादा, यांना दाखवते त्यावर सर्व जन चर्चा करतात. घरातील वरिष्ठ तसेच जेष्ठ नातेवाईकांचा सल्ला घेऊन काय करायचे ठरवतात, मग घरातील लोक ठरवितात की कोर्ट कारवाही कशासाठी वकिलांचा सल्ला घेतात त्यानंतर पती-पत्नी यांची समजूत काढण्याचे ठरवतात बैठका चर्चा घेऊन प्रकरण कोर्टाच्या बाहेरच मिटविले जाते. त्यानंतर पती व पत्नी आपल्या आपल्या कुटुंबाला हमी देतात की यापुढे भांडण करणार नाही व सुखाने संसार करणार. अश्याप्रकारे ऐक नोटीस पाठविल्यामुळे घरघुती भांडणे मिटतात.

जर पती पत्नी मधील भांडणे मिटत नसतील तर कोर्टात जाऊन केसेस दाखल करतात अथवा घटस्फोट घेण्याचे देखील ठरवतात. काही प्रकरणांमध्ये घरगुती भांडणामुळे पती- पत्नी अनेक वर्षापासून वेगवेगळे राहत असतात. अशी प्रलंबित प्रकरणे देखील नोटीस पाठ्विल्यामुळे चर्चा करण्यास भाग पडतात व प्रकरणे मिटविण्याचे ठरवतात. पण नोटीस पाठविण्याच हाच फायदा आहे की जी प्रकरणे मिटत नाहीत किंवा अनेक वर्षापासून प्रलंबित आहेत अश्या विषयावर देखील विचार करण्यास भाग पडेत. लीगल नोटीसीस कायदेशीर महत्व असते कोर्टामध्ये लीगल नोटीसीला पुरावा देखील मानला जातो.

मालक-भाडेकरू यांचा वाद यामध्ये नोटीस पाठविण्याचे फायदे.

कधी-कधी भाडेकरू मालकाला वेळेवर पैसे देत नसेल तर मालक भाडेकरूला कायदेशीर नोटीस पाठवून पैशाची मागणी करू शकतो तसेच अनेक वेळा भाडेकरू घरभाडे न देताच फरार होतात तेव्हा मालक भाडेकरूच्या मूळ पत्यावर नोटीस पाठवू शकतो व थकलेल्या पैशाची मागणी करू शकतो. तेव्हा देखील भाडेकरू लीगल नोटीस पाहून तसेच कोर्ट कारवाही करणार या भीतीने थकलेली रक्कम देण्यास तयार होतात व सदर प्रकरण कोर्टाच्या बाहेरच मिटविले जाते. जर प्रकरण मिटत नसेल तर घर मालक थकीत रक्कम वसूल करण्यासाठी मे. कोर्टात दावा दाखल करू शकतात.

तसेच कधी-कधी भाडेकरू व घरमालक यांच्यातील भाडेकरारनामा संपलेला असतो व भाडेकरू सदनिका अथवा जागा खाली करण्यास तयार नसतो. तसेच भाडेकरू कधी कधी करारानुसार सदनिकेचा दुरुपयोग करत असेल अथवा भाडेकरारा नुसार वागत नसेल तर या प्रकरणामध्ये देखील घरमालक भाडेकरूला घर खाली करण्याबाबत नोटीस पाठवू शकतात. व नोटीस पाहून भाडेकरू देखील घर खाली करतात. तसे न झाल्यास मालक कोर्टात केस दाखल करू शकतात.

बिल्डर वेळेवर सदनिका देत नसेल अथवा बिल्डर सदनिका धारक याच्यातील वाद यामध्ये नोटीस पाठविण्याचे फायदे

प्रत्येकाचे स्वप्न असते की स्वताचे घर असावे, त्यानुसार नोकरी करून, पैसे कमवून, लोन काढून अनेक लोक सदनिका विकत घेतात. परंतु कधी कधी आपली सदनिका घेताने बिल्डर कडून फसवणूक होते. कधी-कधी सदनिकेचे बांधकाम अतिशय निकृष्ट दर्ज्याचे असते , टेरेस गळत असते, भिंतीना रंग नसतो भिंतींच्या पापड्या निघून येतेता, पार्किंग नसते, ठरवलेल्या प्रमाणे सोई सुविधा नसतात, कधी कधी बुकिंग रक्कम घेऊनही सदनिकेचा ताबा बिल्डर देत नसतात, जाणूनबुजून सदनिकेचे महत्वाचे पेपर देत नसतात, तसेच कधी कधी सदनिका अनेक वर्ष सदनिका काम पुर्ण न करताच अपूर्ण ठेवतात, कधी कधी बिल्डर सदनिका धारक यांना कनव्हेन्स दीड बनून देण्यास टाळाटाळ करत असतात. अश्या सर्व बिल्डर आणि सदनिका धारक बिल्डर ला नोटीस पाठवू शकतात. यामध्ये अनेक फायद्याचे कायदे असल्यामुळे बिल्डर शक्यतो कोर्ट केस टाळण्यासाठी लगेच सदनिका धारकांच्या मागण्या पुर्ण करून देतात. सदनिका धारक रेरा तसेच ग्राहक संंरक्षण कायदा यांचा उपयोग करून बिल्डर यांना नोटीस पाठवू शकता. तसेच सदर प्रकरणे न मिटल्यास रेरा अथवा ग्राहक मंच यांच्याकडे न्याय मागू शकता.

ग्राहक वाद यामध्ये नोटीस पाठविण्याचे फायदे

दैनंदिन जीवनात आपण काही ना काहीतरी खरेदी करत असतो त्यामध्ये आपली मोटार कार , दुचाकी, मोबाईल, टीव्ही, तसेच इतर कोणत्याही प्रकारची वस्तू विकत घेतो. बऱ्याच वेळा सदर वस्तूंमध्ये दोष दिसून येतो त्यामुळे आपण ज्या दुकानातून वस्तू घेतली तेथे तक्रार देतो तेव्हा दुकानदार हा संबंधित कंपणीशी संपर्क करा असे सल्ले देऊन टाळाटाळ करत असतो. यामध्ये देखील आपण नोटीस पाठवू शकतो तसेच आपण जिथून वस्तू विकत घेतली त्या दुकानदाराला देखील नोटीस पाठवू शकतो तसेच वस्तू ज्या कंपनीची आहे त्या कंपनीला देखील नोटीस पाठवू शकतो. बऱ्याच वेळा कंपनीला नोटीस पाठविल्यानंतर कंपनी मोठी असल्याने तसेच कंपनीचे नाव खराब होऊ नये हा हेतू ठेऊन ग्राहकाची तक्रार घेऊन वस्तू मध्ये जो काही दोष असतो तो काढून देतात अथवा वस्तू बदलून देतात. त्यामुळे अनेक ग्राहक वाद देखील एका नोटीस द्वारे मिटले जातात. बऱ्याच वेळा वस्तू दोष अथवा सर्विस देण्यास टाळाटाळ करतात तेव्हा ग्राहक हा सदर ग्राहक वाद ग्राहक मंचासमोर दाखल करून न्याय मागू शकतो. तसेच ग्राहक मंच यांना ग्राहकावर अन्याय झाला आहे असे पटवून दिले तर मंच वस्तू दोष काढण्याचे अथवा वस्तू नवीन देण्याचे आदेश करतात तसेच ग्राहकाला झालेल्या नुकसान भरपाई देखील मंजूर केली जाते. त्यामुळे ग्राहक हा नेहमीच फायद्यात असतो.

कंपनी वाद यामध्ये नोटीस पाठविण्याचे फायदे.

कंपनी वाद म्हटले की कंपनी भरपूर मोठी असते. कंपनी ते कंपनी मध्ये करार असतात त्या करारानुसार कंपनीने ठराविक कालावधीत काम नाही केले तर एक कंपनी दुसर्या कंपनीला नोटीस पाठवते. तसेच बऱ्याच वेळा कंपनी आणि कामगार असा वाद असतो त्यामध्ये कामावरून काढणे, कामावरून कमी करणे, पगार न देणे इत्यादी बाबींसाठी नोटीस पाठविली जाते. तसेच एखाद्या कामगाराला विनाकारण कामावरून काढून टाकले जाते त्यावेळेस कामगार कंपनीला नोटीस पाठवू शकतो. अश्या प्रकारचे वाद असतील तर ते देखील नोटीस पाठविल्यानंतर तडजोड होऊन मिटले जातात.

भागीदारी व्यवसाय वाद यामध्ये नोटीस पाठविण्याचे फायदे

भागीदारी म्हटले की २ किंवा त्यापेक्षा जास्त भागीदार एकत्र सुरु केलेला व्यवसाय याला भागीदारी व्यवसाय म्हणतात. कधी कधी एक भागीदार दुसर्या भागीदाराला हिशोब देत नसेल, व्यवसायातील नफा देत नसेल, फागीदारी बंद करायची असेल तसेच भागीदारी मधून बाहेर पडायचे असेल, किंवा कोणत्याही कारणासाठी जो भागीदारी व्यवसायाशी निगडीत असेल या कारणासाठी एक भागीदार दुसर्या भागीदाराला नोटीस पाठवू शकतो. यामध्ये देखील नोटीस पाठविल्यामुळे कोर्ट कचेरी नको या कारणावरून तडजोड होऊन प्रकरणे मिटवीली जातात.

इतर दिवाणी प्रकरणे

इतर कोणत्याही दिवाणी प्रकरणामध्ये एक पक्ष दुसर्या पक्षकाराला नोटीस पाठवू शकतो. जो की दिवाणी दावा असला पाहिजे. यामध्ये पैशाचा वाद असो किंंवा मालमत्ता इत्यादी जिथे तुमचे हक्क येतात तिथे तुम्ही नोटीस पाठऊ शकता.

नोटीस देऊनही तडजोड होत नसेल तर काय करावे ??

काही वेळा समोरील पक्षकार हे नोटीस वर तडजोड करण्यास तयार होत नाहीत. अशा प्रकरणामध्ये मे. कोर्टात केस दाखल करावी. तसेच केस दाखल केल्या नंतर कोर्ट समोरील पक्षाकार यांना नोटीस पाठवितात की तुमच्या विरुद्ध दावा दाखल झाला आहे तुम्ही तुमच्या वाकीलासोबत हजर रहा. कोर्टाची नोटीस पाहून देखील प्रकरणे मिटली जातात. जी प्रकरणे तडजोड करून मिटत नसतात ती कोर्टात प्रकरणे चालवावी लागतात. कोर्टात देखील प्रकरणे प्रलंबित असताना देखील दोन्ही पक्षकार तडजोड करण्याची शक्यता असते व जर प्रकरण मिटलेच नाही तर मे. कोर्टत केस चालते व साक्ष व पुरावे यांना पाहून मे.कोर्ट आदेश देतात. मे. कोर्ट जे आदेश करतील ते दोन्ही पार्टीस मान्य करावे लागतात. त्यामुळे नोटीस हि खूप महत्वाची असते. त्यामुळे कोर्टाची पायरी चढली तर फायद्यात राहाल.

07/03/2023

Address

Pimpri
412105

Telephone

+917499175252

Website

facebook.com

Alerts

Be the first to know and let us send you an email when Advocate Nitin V Maske posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Advocate Nitin V Maske:

Advocate Nitin V Maske