Ceeyes Associates,Hosdurg, Kanhangad

14/01/2022

14/01/2022

22 വർഷത്തിലേക്ക്...

14/01/2022

22 ലേക്ക്

14/01/2022

21 വർഷം പൂർത്തിയായി

18/05/2020

#വീണ്ടുംഓഫീസിലേക്കു ,
#കോടതികളിലേക്കു.

മാർച്ച് 21 മുതലാണ് കാസർഗോഡ് സമ്പൂർണ്ണ ലോക് ഡൗൺ തുടങ്ങിയത്.
കേരളത്തിൽ കൊവിഡ് 19 ൻ്റെ പ്രത്യാഘാതം ആദ്യം അനുഭവിച്ചു തുടങ്ങിയത് ഞങ്ങൾ കാസർഗോഡുകാരാണ്.
മാർച്ച് 19 നു സെഷൻസ് കോടതിയിൽ ഒരു bail വാദം കഴിഞ്ഞു, ബഹു. ജഡ്ജ് വിധി പറയുവാൻ 21 ലേക്കു മാറ്റിയതാണ്.
21 മുതൽ ലോക് ഡൗൺ തുടങ്ങി.
എത്ര ഓർഡറുകളാണ് ഗർഭാവസ്ഥയിൽ കിടക്കുന്നത്.?
പിറ്റേ ദിവസം ഫയൽ ചെയ്യുന്നതിനു തയ്യാറാക്കി വെച്ച എത്ര ഹർജികളാണ് മുളയ്ക്കാതെ മേശപ്പുറത്ത് കിടക്കുന്നത്.
ഇതിനിടയിൽ ചിലരു വിളിച്ചു .
ജാമ്യം, വിവാഹ ന മോചനം , കുട്ടിയുടെ കസ്റ്റഡി, അപ്പീലു അങ്ങിനെ,
രണ്ടു കക്ഷികളെ പ്രത്യേകം ഓർക്കും ,
അവരാണ് എന്നെ തേടി പിടിച്ചു താമസ സ്ഥലത്ത് വന്നു ഫീസ് ഏൽപിച്ചവർ.
ഇന്നു എഴുതുന്നതിനിടയിൽ ഒരാൾ വന്നു..
സുപ്രിം കോടതിയും ഹൈക്കോടതിയും സ്വമേധയാ എടുത്ത നിലപാടുകൾ കാരണം പലരും ജയിലിൽ നിന്നും പുറത്തേക്കു വന്നു.

ഇന്നു വീണ്ടും ഓഫീസിലേക്കു, അറുപതു ദിവസങ്ങൾക്കു ശേഷം.
ഓഫീസ് പൊടി തട്ടണം. ഫയലുകൾ തിയ്യതി പ്രകാരം സീരിയലുകളായി വെക്കണം.
കോടതികൾ തുടങ്ങി,
വലിയ ക്രമീകരണങ്ങളാണ് ഹൈക്കോടതി പറയുന്നത്.
പ്രയോഗത്തിൽ " പേരിനു ഒരു കോടതി "

ഞങ്ങൾ 5 അഭിഭാഷകരും രണ്ട് ക്ലാർക്കുമാരുമാണ് Ceeyes Associates ൽ ഉള്ളത്. ഫയലുകളും പുസ്തകങ്ങളും മാത്രം ഉണ്ടായിരുന്ന മുറിയിൽ മാസ്കും സാനിറ്റൈസറും കൂടി ഇടം പിടിച്ചു.
മറ്റെല്ലാവരെയും പോലെ അതിജീവനത്തിനുള്ള പോരാട്ടത്തിലാണ് ഞങ്ങളും .

ഈ ഘട്ടത്തിൽ, കൊറോണക്കാലത്ത് , സാധാരണ പോലെ കോട്ടും ഗൗണുമില്ലാതെ, വെള്ളക്കുപ്പായത്തിനു പുറത്ത് ബാൻഡു കെട്ടിയാണ് കോടതി ഹാളിൽ കയറേണ്ടത്.. കൂടെ മാസ്ക്കും. ഓരോ ഇടത്തും കൈ അണു മുക്തമാക്കുവാൻ സാനിറ്റൈസറും .

പുതിയ കാലം , പുതിയ രീതി, പുതിയ കോടതി,

#അതിജീവന_പാതയിൽ_അഭിഭാഷകരും

04/06/2019

Eid Mubarak

11/02/2019

'Know The Law' is a series which explains the legal principles for the beginners in the legal professionSeveral provisions in Chapter XIV of the Code of Criminal Procedure use the word...

13/01/2019

31/12/2018

പുതുവത്സരാശംസകൾ
2018 നീങ്ങുകയാണ്.
വ്യക്തിപരമായ നിരവധി വെല്ലുവിളികൾ നേരിട്ട വർഷം.
എല്ലാം നല്ലതിനെന്ന ഉറച്ച വിശ്വാസത്തോടെ, മനസ്സാക്ഷിയോടു മാത്രം കൂറു പുലർത്തി കടുത്ത തീരുമാനങ്ങൾ എടുത്തു.
ലാഭ നഷ്ടങ്ങൾ മാത്രം ഗണിക്കുന്നവർക്കിടയിൽ മുമ്പേ ഇരിക്കുവാൻ താൽപര്യം തോന്നിയിരുന്നില്ല. ജീവിതത്തിൽ തോൽക്കുന്നവർക്കു കൂടി അവകാശപ്പെട്ടതാണീ ഭൂമിയും ആകാശവും.

രാഷ്ട്രീയവും നിയമവുമാണ് എന്നും ഇഷ്ട വിഷയങ്ങൾ.
സുപ്രിം കോടതി ലോകത്തെ വിറപ്പിച്ച നിരവധി വിധിന്യായങ്ങൾ കൊണ്ട് സമ്പന്നമായിരുന്നു കഴിഞ്ഞ വർഷം.
497, 377 PC ഒക്കെ ഇനി മാറാല തട്ടേണ്ടാത്ത വകുപ്പുകളാക്കി. ശബരി മല വിധി കേരള നവേത്ഥാനത്തെ കുറിച്ചു നിരന്തരം ചർച്ച ചെയ്യുവാൻ നമുക്കു അവസരം നൽകി. സർക്കാരും "റെഡി ഫോർ വെയ്റ്റ് " പറയുന്നുവെന്നു ദേവസ്വം മന്ത്രി വഹ തിട്ടൂരം കേൾക്കേണ്ടി വന്നു. എന്നാലും സ്ത്രീ പക്ഷ രാഷ്ട്രീയത്തെ നിരാകരിക്കുവാൻ കഴിയാത്ത വിധം ജ്യോതിയായും വനിതാ കൺവെൻഷനുകളായും മറു മരുന്നു കാണിക്കുവാൻ വനിതാ മതിലിനു സാധിച്ചു. സ്ത്രീ , രാഷ്ട്രീയത്തിലെയും രാഷ്ട്രത്തിലെയും മതത്തിലെയും കേന്ദ്ര ബിന്ദുവായി. സിസ്റ്റർ അനുപമ , കന്യാസ്ത്രീ ദൗത്യം ലോകത്തോട് വിളിച്ചു പറഞ്ഞു.
അടിമകൾക്കു അടിമത്വം തിരിച്ചറിയേണ്ടുന്ന രാഷ്ട്രീയത്തിന്നു നാടു പാകമാകുന്നുവെന്ന പ്രതീക്ഷ.
മുത്തലാഖ് ബിൽ ഫാഷിസത്തിന്റെ പുതിയ രൂപമായി.
18 ലെ നിപ്പേയും വെള്ളപ്പൊക്കവും നാം അതി ഗംഭീരമായി അതി ജീവിച്ചു.
സംഘ് രാഷ്ട്രീയം ദേശീയ തലത്തിലും പ്രാദേശികമായും അടിപതറിയ വർഷം, പ്രതീക്ഷയും പ്രത്യാശയുമാണ്.
കർഷകർ നമ്മുടെ ചർച്ചകളിലെ മുഖ്യ കേന്ദ്രമായി. കർഷകരുടെ വിണ്ടു കീറിയ കാൽപാടുകളും അവന്റെ രക്തം പുരണ്ട പതാകയും രാഷ്ട്രീയത്തിനു പുതിയ ഭാവം നൽകി

പ്രണയവും സ്നേഹവും അടുത്തും അകന്നും പോയി. പ്രണയം ജീവവായുവാണ്. ആർക്കാണ് നിനക്കിടയിൽ വേലി കെട്ടുവാൻ കഴിയുക?

കൂട്ടു ഒരിക്കലും മുറിയില്ലെന്നു ജീവിതം പഠിപ്പിച്ചു. കൂട്ടു ഹൃദയത്തോടാണ് , ഹൃദയത്തോട് മാത്രം.

വർഷാവസാനം ഒറ്റയ്ക്കു ഫോർട്ടു കൊച്ചിയിലും മട്ടാഞ്ചേരിയിലും വെറുതെ അലഞ്ഞു.
ബിനാലെയിലെ വിസ്മയങ്ങൾ അത്ഭുതങ്ങൾ
കൃത്യമായ രാഷ്ട്രീയം പറയുന്ന ഇൻസ്റ്റലേഷൻസ്..

ഇനിയും എത്ര പറയാനിരിക്കുന്നു,

അഭിഭാഷകൻ എന്ന നിലയിൽ വലിയ സന്തോഷം ലഭിച്ച അനേകം സന്ദർഭങ്ങൾ..

മകൻ,
ഉപ്പ
സഹോദരൻ
സുഹൃത്ത്
കൂട്ടുകാരൻ
സഹപ്രവർത്തകൻ
അങ്ങിനെ

നിരവധി റോളുകൾ ..

കാഴ്ചകളിലും കാഴ്ചപാടുകളിലും വലിയ വ്യതിയാനങ്ങൾ വന്നെത്തിയ വർഷം

തെറ്റിയും തിരുത്തിയും വീണും എഴുന്നേറ്റും വീണ്ടും വീണും വീണ്ടും എഴുന്നേറ്റും 2018 നോട് വിട പറയുന്നു.

ആരോടും വിദ്വേഷമില്ല..
എല്ലാ പോരാട്ടവും സ്പോർട്സ്മാൻ സ്പിരിറ്റോടെ ,,,

നിറയെ സന്തോഷം വരുന്ന 2019 നേരുന്നു..

31/12/2018

മക്കളുടെ സംരക്ഷണം,
കുടുംബ കോടതി നിയമങ്ങളെ കുറിച്ചു ബാർ കൗൺസിൽ നടത്തിയ തുടർ ട്രെയിനിംഗ് പരിപാടിയുടെ മൂന്നാം ദിനം കുട്ടികളുടെ സംരക്ഷണം ( Custody ) ആയിരുന്നു വിഷയം
വല്ലാത്ത ഒരുൾ കാഴ്ചയാണ് അനുഭവപ്പെട്ടത് . അഭിഭാഷക ജിവിതത്തിൽ ലഭിക്കാത്ത ഒരുൾ കാഴ്ച.

നമ്മുടെ കക്ഷികൾക്കപ്പുറം കസ്റ്റഡി മേറ്ററിലെ യാഥാർത്ഥ വിഷയമായ "കുട്ടിയെ " സംബന്ധിച്ചു എങ്ങിനെയാണ് ചിന്തിക്കേണ്ടത്? അഭിഭാഷകൻ കക്ഷിയുടെ താൽപര്യത്തിനപ്പുറം "ബെസ്റ്റ് ഇന്ററസ്റ്റ് ഓഫ് ചൈൽഡ് " എങ്ങിനെയാണ് സംരക്ഷിക്കേണ്ടത്?
രാവിലെ സെഷൻ തുടങ്ങിയത് Adv MS Saji യുടെ കേസിൽ ഗംഭീരമായി ജയിച്ചിട്ടും ആ ജയം ഒരു മുത്തശ്ശന്റ ആത്മാഹൂതിയിലേക്കു എത്തിപ്പെട്ട കട്ടപ്പന കുടുംബ കോടതിയിലെ കസ്റ്റഡി കേസിലൂടെ ആയിരുന്നു.
അമ്മയ്ക്കു പേര കുട്ടിയെ കോടതി വിധിയിലൂടെ നൽകേണ്ടി വന്ന ഒരു മുത്തശ്ശൻ പൊതു ജീവിതത്തിൽ നിന്നും ഉൾവലിഞ്ഞു ഭക്ഷണവും വെള്ളവും ഉപേക്ഷിച്ചു ജീവിതം അവസാനിപ്പിച്ച കേസ്. ആ കേസിൽ അമ്മയുടെ അഭിഭാഷകനായ സജി വക്കീൽ , കേസ് ജയിച്ചിട്ടും തോറ്റ കക്ഷി ജീവിതത്തിൽ നിരന്തരം വേട്ടയാടുന്ന അനുഭവം പറഞ്ഞപ്പോഴാണ് കസ്റ്റഡിയുടെ ആഴം ജഡ്ജിമാർക്കു പോലും ബോധ്യമായത്.

ഖലീൽ ജിബ്രാൻ നേരത്തെ പറഞ്ഞ ഒരു വാചകമുണ്ട് , മക്കൾ നിങ്ങളുടേതല്ല , അവർ നിങ്ങളിലൂടെ കടന്നു പോകുന്നുവെന്നു മാത്രം.
മക്കളുടെ സംക്ഷണത്തിനായി യുദ്ധം പ്രഖ്യാപിച്ചവർ ഒന്നു ഓർത്താൽ നന്നായിരുന്നു.
നമ്മൾ പരാജയപ്പെട്ട രക്ഷിതാവും വക്കീലും ആകാതിരിക്കണം.