16/09/2026
● আৰবিআইৰ নতুন নীতি
● একাউণ্ট ফ্ৰীজৰ পৰা গ্ৰাহকলৈ সকাহ
● ফ্ৰীজ নহয় সমগ্ৰ একাউণ্ট
● ফ্ৰীজ হ'ব কেৱল বিতৰ্কিত ধন
ছাইবাৰ প্ৰৱঞ্চনা ৰোধৰ লক্ষ্যৰে ভাৰতীয় ৰিজাৰ্ভ বেংকে এক গুৰুত্বপূৰ্ণ পদক্ষেপ গ্ৰহণ কৰিছে। নতুন প্ৰস্তাৱ অনুসৰি, সন্দেহযুক্ত লেনদেনৰ ক্ষেত্ৰত গ্ৰাহকৰ সমগ্ৰ বেংক একাউণ্টটো ফ্ৰীজ কৰাৰ পৰিৱৰ্তে কেৱল বিতৰ্কিত ধনৰাশীহে সাময়িকভাৱে স্থগিত কৰা হ’ব। ১০০০ টকা বা তাতকৈ অধিক পৰিমাণৰ অস্বাভাৱিক লেনদেন ধৰা পেলাবলৈ বেংকসমূহে এআইৰ সহায় ল’ব।
যোৱা ৪ আগষ্ট, ২০২৬ তাৰিখে উচ্চতম ন্যায়ালয়ে প্ৰদান কৰা নিৰ্দেশনাৰ আধাৰত ৰিজাৰ্ভ বেংকে এই নীতি প্ৰস্তুত কৰিছে। কেৱাইচি নিৰ্দেশনা ২০২৫-ৰ অধীনৰ এই সংশোধনী ২০২৭ চনৰ ১ এপ্ৰিলৰ পৰা কাৰ্যকৰী হ’ব। অৱশ্যে, বেংকসমূহে বিচাৰিলে ইয়াৰ পূৰ্বেও এই ব্যৱস্থা গ্ৰহণ কৰিব পাৰে।
নতুন ব্যৱস্থাত গ্ৰাহকে লেনদেনৰ বৈধতা প্ৰমাণ কৰিবলৈ ২০ দিনৰ সময় পাব। গ্ৰাহকে দাখিল কৰা পৰিচয় আৰু ধনৰ উৎসৰ নথিপত্ৰ পৰীক্ষা কৰিবলৈ বেংকক ১০ দিন সময় দিয়া হৈছে। স্পষ্টীকৰণ সন্তোষজনক হ’লে বেংকে লগে লগে স্থগিতাদেশ প্ৰত্যাহাৰ কৰিব।
নিৰ্ধাৰিত ২০ দিনৰ ভিতৰত গ্ৰাহকে উত্তৰ নিদিলে বা সন্দেহ দূৰ নহ'লে, বেংকে সমগ্ৰ বিষয়টো এনচিআৰপি পৰ্টেলৰ জৰিয়তে আৰক্ষীক অৱগত কৰিব। ধনৰাশী অনিৰ্দিষ্টকাললৈ আৱদ্ধ হৈ নাথাকিবৰ বাবে আৰক্ষীয়ে ৩০ দিনৰ ভিতৰত আনুষ্ঠানিক আইনী ব্যৱস্থা গ্ৰহণ কৰিব লাগিব।
Advocate ZAHIR ⚖️
☎️ +91 94353 33519 ⚖️
☎️ +91 97064 82672 ⚖️
