BAHASA PADANG

12/03/2023

21/12/2022

Jan bamusuah juo, ba elok an lah..

23/10/2022

Lai tau sanak apo itu pamikek?

21/04/2020

Istilah2 ttg Corona
Dalam baha*o padang

1. ODP (orang dalam pemantauan) = Alun sakik bana lai tapi baru p**ang malala dari nagari urang nan ado urang kanai Corona e.

2. PDP = (pasien dalam pengawasan) = alah basalemo-salemo jo batuak-batuak sakatiak, takuik nyo sabana sakik mako nyo di caliakan bana.

3. Suspect = sakik e alah mulai parah. Salemo Iyo, batuak Iyo, sasak angok Iyo, alah tara*o sakik sado e

4. Positif = Nah kan iko alah di tes dek dokter e, alah pasti sakik e ma.

5. Lockdown = Ndak buliah ado nan masuak lai, ndak buliah ado nan kalua dari negara/wilayah/daerah

6. Social Distancing=
Jan kalua2 juo, diam2 se di rmh. Jan pai malala ka moll, ka pasa g*i, kok ndak paralu bana, amak- amak jan pai arisan dulu yo. Pokoknyo sanang selah di rumah, jaan bakumpua-kumpua juo dulu yo. Lai jaleh?

7. Isolasi untuk yang sakit = nan sakik ko dikuruang di rumah sakik bia ndak mada malala kama-kama.

8. Karantina untuk yang sehat = ampiang mirip jo sosial distancing pokok e diam-diam se di rumah. Ndak malala-lala juo do

9. Work From Home (WFH) = karajonyo di rumah jan pai juo ka kantua, nan kalau ndak kalua rumah ndak dapek pitih, saba se dulu, sabantanyo. Antah g*i ado urang nan ingek jo awak nan bansaik ko.

10. Imported Case = kanai e dek siap malala ko. Ado nan kalua nagari, ado nan kalua daerah, pokok e p**ang dari malala ka tampek urang nan ado sakik e.

11. Local Transmission = tatular dari urang sabalah rumah bisa sa RT, sa RW pokok e yang masih ba*obok kalau ka kadai.

12. Epidemi = penyakitnyo capek manyebarnyo, capek kanai pokok e.

13. Pandemi = penyakitnyo alah kelas dunia, yang sakik ndak awak- awak se do, urang lua nagari g*i nan kanai.

Kurang labiah bantuak itu lah tu. Bia paham saketek awak-awak ko. Kok bagian nyawo tu urusan Allah ma, nan jaleh awak paralu ikhtiar, jago-jago jo waspada paralu juo

"Urang Awak"

29/06/2018

". TUKANG SATE TASINGGUANG "

Sambia manantian wakatu ka barangkek, seorang Pilot pai makan sate rang awak nan bagarobak disalah satu suduik Bandara. Sambia makan sate, sang Pilot maota-ota jo tukang sate.

👮Pilot : Baraa sahari barasiah kauntuangan nyo mak..?
👨Tukang Sate : Labiah kurang saratuih ribu lah pak Pilot.
👮Pilot : Barati sa bulan labiah kurang tigo juta tu yo...
👨Tukang Sate : Kiro-kiro sagitu lah pak Pilot.
👮Pilot : Alah lamo mak manggaleh sate di siko...?
👨Tukang Sate : Labiah kurang limo tahun lah pak.
👮Pilot : Garobak sate ko alah punyo awak surang yo mak..?
👨Tukang Sate : Masih punyo induak samang juo baru Pak.
👮Pilot : Mestinyo kalau alah limo tahun manggaleh, alah punyo duo garobak harus nyo.
👨Tukang Sate : yo baa lai pak, alun rasaki lai doh...
👮Pilot : Iyo lah, mudah-mudahan capek awak punyo garobak surang.
👨Tukang Sate : Kalau pak Pilot alah baraa tahun manjadi Pilot
👮Pilot : Alah duo puluah tahun , ba a baitu ....
👨Tukang Sate : Iyo ....dek lah duo dekade apak manjadi pilot, paliang indak apak alah punyo DUO buah kapa tabang tu. kini baraa kapa tabang baru apak punyo..?
👮Pilot : kalera waang, baraa den kanai ??? (sambia bagageh pai) ....🏃🏃🏃😁

Salamaik malam...

20/06/2018

Baruak = .... ??

17/05/2018

Iko alasan, baa mangko urang awak jarang direkrut jadi pelaku bom.

Manuruik analisis intelijen karano :

1. Urang awak ndak amuah disuruah-suruah.

Contoh barang :
T1 : Yuang, kito ado operasi koah, mambom pos polisi batang anai. Sia nan ka disuruah?
T2 : Uwan selah, kan labiah senior ...
T1 : Apak ang deang, aden ko ketua, aden pulo nan ang suruah ...
T2 : Kan dek mangko itu lah dek wan, ketua tu maagiah contoh dulu ...
..... Operasi batal ....

2. Sistim kekerabatan urang awak

T1 : Caliak di ang koah, peta lokasi operasi kito bisuak ...
T2 : Jaan lai wan, ado tek nian dakek sinan. Etek ambo ... Dakek cafe tu selah ...
T1 : Cibo lah bom disinan dek ang, den dangkuang ang nyo. Mamak rumah den punyo cafe tu mah ...
T2 : Jadi dima lai wan?. Kalau pos polisi dakek simpang tigo tu baa?
T1 : Nampak dek ang, dakek sinan ado pangkalan ojek. Ketuanyo si gindo, kamanakan den .... Tea ang mah ...

----- operasi senyap ------

3. Urang awak tu oportunis ndak suko mangarajokan karajo gilo selagi masih ado karajo lain.

Contoh barang :

Teroris : Yuang, ado lokak baru koah ... nio ndak ang?. Pokoknyo anak bini ang den jamin hiduik lamak, asal waang barani berkorban ...
Calon : Lokak a tu wan?. Kok ka lai manga ka indak ...
Teroris : Ang namuah ndak jadi pengantin untuak jihad?. Ang masuak sarugo ... mati syahid ... Anak bini ang terjamin hiduiknyo. Pokoknyo sagalo kebutuhannyo den penuhi ...
Calon : Yo lah gilo wan mah yo ... Aden ikuik pangajian ko bia aman dunia akhirat, bukan untuak bunuah diri. Nan kalamak di utak wan sajo mah yo ... Wan suruah den mati, beko bini den wan kawini pulo. Lamak lah maojek se den lai. Siang dapek raun jo amai2, malam dapek pulo cikiding samo bini.
Kudok selah dek wan lokak tu surang ...

--------
Itulah makonyo ndak pernah tadanga urang awak jadi pengantin bom. Karajo andie tumah ...
😀😀😀😀😀😀

17/03/2018

Ikan atau Alat mancing..??

Seorang pegawai Kedubes Indonesia di Beijing moodnya kurang baik, lalu dia coba pergi meditasi ke gunung Songshan di Henan, tempat sebuah Kuil Shaolin berada di kaki gunung tsb.
Ada seorang biksu senior bertanya sama dia,

"Kalau anda disuruh pilih, mau pilih alat mancing atau milih ikan 500 kg?"

Dia jawab, "saya pilih ikan 500kg."

Si biksu geleng2 kepala sambil ketawa, katanya,

"Anda jauh dari kebijaksanaan, apakah anda tidak tahu bahwa 500 kg ikan bisa habis dimakan sedangkan alat mancing bisa memancing ikan terus menerus selamanya."

Dia menjawab,

"Anda yg terlalu naif. 500 kg ikan kl dijual seharga 50 rb/ kilo ... berarti hmpr 25 juta, sedangkan alat mancing harganya hanya sekitar Rp. 500rb, beli 10 set hanya sekitar Rp. 5jt. Saya bisa bayar Rp.5jt untuk menggaji 10 orang untuk memancing ikan bagi saya. Dan bisa ambil Rp. 5jt utk bersedekah. Sisa uang bisa dibuat hal lain2 misalnya mengajak teman2 utk berburu. Bahkan sambil main domino bisa sambil menjaga orang2 yg memancing ikan. Ikan hasil mancing bisa saya jual lagi. Nah, hobby mancing saya tersalurkan, bisa bersedekah, bisa bersosialisasi, bisa membuka lapangan pekerjaan, dapat untung p**a."

Biksu, "Kamu orang mana ?"

Dia jawab, "Orang Padang."

Biksu, "pantesan... " 😅

26/11/2017

Karipik Balado Padang, iyo sabana lamak
Sakali tacubo pasti katagihan..
" Tara*o padehnyo tara*o manihnyo.."

Nan nio pasan, bisa tulih :
Namo, alamaik, banyak karipik
Kirim ka WA 087895084275

20/11/2017

*"PITUAH MANDEH"*

Elok elok anak dirantau,
Lauik SATI rantau BATUAH,
Usah lupo pai KASURAU,
Barasaki jan lupo basidakah

Rantangkan tali kapangabek,
Jalin kulindan diateh bumi,
Hubungan jo ALLAH dipa arek,
Parapek pulo samo insani

Hilia kabukik rimbo panjang,
Tikuluak nan usah ditangg*i,
Usah paturuik an hati gadang,
Isuak nyo badan disasali

Kalilah banda tanamlah lantak, Nak lalu aia kamuaro,
Awal dikana akhia indak,
Alamaik kajadi sio sio

Dek ameh sagalo kameh,
Dek padi sagalo jadi,
Usah anak bamaleh maleh,
Rajin rajin anak mancari

Kok lai rasaki banyak'
Saketek paralu disimpan juo,
Kanalah badan katalatak,
Ingeklah nantik awak ka tuo

Usah maminum sadaguik abih,
Mamakan usah sakulek hilang,
Bahemat hemat jikok bapitih,
Balanjo nan usah gadang2

Tangguak rapek karuntuang jarang,
Dimanolah ikan katabao,
Gaji ketek balanjo gadang,
Alamat badan kasansaro

Kawan galak mudah dicari,
Kawan manangih jarang basuo,
Galak tabahak dimeja judi,
Manangih surang dipanjaro

Usah main bahuru huru,
Pai malala kian kamari,
pandai pandailah mambagi waktu'
baiak siang jo malam hari

Jikok singgah dikadai kopi,
Minumlah kopi gak samangkuak
Jauah i wisky jo brendy,
mambuek teler sarato mabuak

Kurai taji pakan sinayan,
Urang manjua lado mudo,
Capek kaki ringan tangan,
Namun salero kalapeh juo

Capek kaki usah panaruang,
Capek tangan usah manyambo,
Kadalam tansi lalok baguluang,
Sasa tumbuah ndak ado guno

Jiko anak pai ka p**au,
hiu bali balanak bali,
Ikan panjang bali dahulu,
Jikok anak pai marantau,
Ibu cari dunsanak pun cari,
Induak samang cari dahulu

Jikok pandai bakain panjang,
labiah elok bakain saruang,
Jikok pandai bainduak samang,
labiah elok dr mandeh kanduang

Tagaklah anak di nan data ,
Tagak diadat jo aturan
Badirilah anak di nan bana,
Mungkin jo patuik ka ukuran

Kalau sipadan diasak urang,
Nan bana nyo tuka tagak,
Tunjuakkan awak sabag*i rang minang,
Usahlah takuik darah taserak

Darah ayah turun ka anak,
Warih dijawek dek kamanakan,
Usah mundur walau satapak,
Hadok i malah sacaro jantan

Kok pai anak ka batawi,
Mancari pitih dirantau urang
Usah sampai tajarek kaki,
Sahinggo lupo jo Ranah minang

Laguah lagah bunyi padati,
Padati anak urang kamang, mambao patai sarato lado,
'Bialah sapiriang dapek pagi,
Walaupun sasuok dapek patang,Ijan lah sampai baputuih a*o

Ijuak kok nyato jd tali,
Anau dirimbo kanalah juo,
Isuak ko ado lai rasaki,
Usah lupo sanak sudaro

Bialah luluah padi di balam,
Namun dadak baniahkan juo,
Bialah rusuah hati didalam,
Namun galak manihkan juo

Bakabuik gunuang talamau,
Hilang ditimpo paneh pagi,
Usah hanyuik buyuang dirantau,
Jalang juo sanak famili

Jikok kaladang buyuang bisuak,
Padi nan indak ado lai, Namun banto siangi juo,
Jikok p**ang buyuang bisuak
Kami nan indak ado lai,Namun pusaro jalangi juo

Babuek baiak pado pado ,
babuek buruak sakali jangan,
Jan sampai diri taniayo
Sayang ka urang jajok dibadan

itulah pasan mandeh nan harus dijalankan...
Jan sampai manyasa kamudian...

(Ambo Bangga Manjadi Urang Minangkabau)