20/02/2026
【CW Lawyers 就近日個別律師行及醫生涉嫌違規報道之嚴正聲明】
近日，《東張西望》節目報道有律師行涉嫌聯同「撞車碰瓷黨」及個別醫生進行詐騙及天價索償，引起社會廣泛關注。不少市民對法律及醫療專業失去信心，我哋深明大家嘅憂慮。
就此，CW Lawyers 謹此作出以下嚴正澄清：
1. 與報道中人士及機構絕無關連
CW Lawyers 從未與報道中提及之律師行或職員有任何形式的關聯。更重要嘅係，本行與該報道中所指之任何醫生，包括但不限於被點名嘅醫療從業員，絕無任何業務往來、轉介關係或個人聯繫。
2. 強烈譴責任何不當行為
我哋對任何違反專業操守、濫用法律程序、損害業界聲譽的行為予以強烈譴責。此等行為不單令受害者受害，更令正當經營嘅法律從業員蒙受不白之冤。
3. 經驗傳承，八年建樹
雖然本行正式成立只有 8年，但我哋嘅法律團隊成員在人身傷亡索償領域，累積了超過24年的豐富經驗。我哋由一班具備深厚經驗嘅律師組成，正正係希望以「新派管理模式」結合「資深專業底蘊」，為客戶提供更貼心、更有效率嘅法律服務。
4. 數字見證，萬五客戶信賴
憑藉團隊超過二十多年的實戰經驗，我哋至今已成功協助 超過15,000名 客戶處理各類人身傷亡索償案件（包括交通意外、工傷、職業病等）。每一個數字背後，都代表一個家庭得到應有嘅賠償同公義。
5. 專業承諾，透明度高
我哋明白近日嘅新聞或令意外受害者對尋求法律協助產生戒心。CW Lawyers 承諾恪守香港律師會指引，所有醫療報告及索償文件均經正規醫療機構及獨立醫生評估，確保每一宗案件都經得起法律同良心嘅考驗。
6. 給予被告人士之重要提醒
本行特此提醒：任何人士如若收到由本行發出之任何法律文件（包括但不限於律師信、入稟狀、索償文件等），請務必立即將文件轉交你嘅保險公司處理。 切勿自行處理或忽視，以免影響你喺法律程序上應有嘅權益。
7. 嚴正警告，杜絕誹謗
本行留意到近日網絡上可能出現若干不實言論。對於任何意圖以混淆視聽、斷章取義之方式，惡意誹謗本行聲譽嘅人士或機構，本行將會嚴肅處理，並保留一切法律追究權利，以維護本行以及受我哋協助嘅超過15,000名客戶嘅共同尊嚴。
我哋嚟自唔同背景，但有一個共同信念：用真誠同經驗，服務市民，爭取應有嘅權益。
如有任何關於人身傷亡索償的疑問，歡迎隨時聯絡我哋查詢。
CW Lawyers
#人身傷亡索償 #交通意外 #工傷索償 #收到律師信 #一定要交俾保險公司 #20年經驗 #8年品牌 #萬五客戶見證 #與問題醫生無關 #保留法律權利 #香港律師
