24/11/2025
📢 ძვირფასო ადვოკატებო, მოგეხსენებათ, ბოლო პერიოდში მთელი ქვეყნის მასშტაბით შევხვდი ადვოკატებს და მოვისმინე მათი მოსაზრებები, რა დროსაც ერთ-ერთ ყველაზე მნიშვნელოვან საკითხად ადვოკატის ინსტიტუციური დაცვის აუცილებლობა გამოიკვეთა.
ჩემი, ადვოკატთა ასოციაციის თავმჯდომარედ არჩევის შემთხვევაში, ერთ-ერთი უმთავრესი მიზანი იქნება ისეთი საკანონმდებლო ცვლილებების გატარებას შევუწყო ხელი, რომლის მოქმედების პირობებშიც დაცული იქნება პროფესია ადვოკატის წარმომადგენელი, ისევე როგორც უზრუნველყოფილი იქნება მართლმსაჯულების სისტემაში ჩვენი - პროფესია ადვოკატის - რეალური უფლებრივი გათანაბრება!
მოქმედი კანონმდებლობით, ნებისმიერი რანგის მქონე პროკურორს აქვს უფლება, დაიწყოს გამოძიება და სისხლისსამართლებრივი დევნა ადვოკატის მიმართ.
ეს საკითხი მნიშვნელოვნად პრობლემატურია, ვინაიდან პროკურორი, რომელიც სასამართლო სხდომაზე ადვოკატის პროცესუალური მოწინააღმდეგე მხარეა და ჩვენ, ისევე როგორც ინდივიდი მოსამართლე თანაბარი აქტორები ვართ მართლმსაჯულების სისტემაში, ეს თანასწორობა ზემოაღნიშნულ ჭრილშიც მნიშვნელოვანია იქნეს უზრუნველყოფილი, მათ შორის რომ გამოირიცხოს თუნდაც რაიმე დაშვება ვინმეს ან ვინმეს მიმართ თუნდაც რიამე პირადი ინტერესის.
აღსანიშნავია, რომ „ადვოკატთა შესახებ“ კანონის 38-ე მუხლის მე-5 პუნქტი, რომელიც ამოღებული იქნა 2005 წლის 20 აპრილის N 1364 ცვლილებით, ითვალისწინებდა, რომ ადვოკატის მიმართ საქმის აღძვრის უფლებამოსილება გააჩნდათ მხოლოდ გენერალურ პროკურორს ან მის მოადგილეს.
“პროკურატურის შესახებ” ორგანული კანონის მე-15 მუხლის მე-2 ნაწილის “ი” პუნქტის თანახმად მხოლოდ საქართველოს გენერალური პროკურორია უფლებამოსილი განახორციელოს სისხლისსამართლებრივი დევნა მოსამართლის, მათ შორის საქართველოს საკონსტიტუციო სასამართლოს წევრი მოსამართლის თუ პროკურორის მიმართ, შესაბამისად:
ადვოკატთა ასოციაციის თავმჯდომარედ ჩემი არჩევის პირველი დღიდან, ჩემი სამოქმედო გეგმის პრიორიტეტული ნაწილი იქნება ამ რეგულაციის აღდგენა კანონმდებლობაში, რაც გახდება გარანტი რეალური თანასწორობის და პატივისცემის პროფესია ადვოკატის და პროფესიის წარმომადგენელთა მიმართ მართლმსაჯულების სისტემაში!
